Fidhipö 4:6 - NAƆ ‑SË 'SËËDHƐ

⁶ 'Ka 'dho ‑ya pë "ʋʋ pë 'bha ‑wɔn zuën ‑ta, "kɛɛ pë "ʋʋ pë 'ö ka ‑mawɔn ‑yö zun‑ ‑bha, ‑kaa ‑gbadhɛ Atanna ‑gɔ, ‑bhɛa ‑dhɛ ‑sü waa‑ ‑gbɛʋʋ kë ‑sü, waa‑ nuɛ" bho ‑sü 'ka.

Fidhipö 4:6 ပူးပေါင်းရင်းမြစ်များ

Matiö 10:19

"Kɛɛ ꞊wa ka 'kun ꞊wa 'dho ka 'ka zadɔgükɔ ‑nu 'gü (n ‑wɔn 'gü), 'ka 'dho ‑ya dhiang ‑nu 'ka dho‑ zë, "ɛɛn ‑kɔ ‑nu 'ka dho‑ zë‑ 'ka ‑a zuën ‑ta. ‑A "tʋ̈ng ꞊dede bha‑ 'ka, ‑wʋ ‑nu 'ö 'ka dho‑ pö ‑wo ‑dho dɔ ka "dhi.

Matiö 13:22

'Yö‑ mɛ 'bha ‑nu ‑dɩ 'pö 'wo ‑kë ꞊dhɛ "glɛɛn ‑kpɔɔ 'ö tapë ga ‑yö ‑pö 'gü bha‑ 'dhö. 'Yö ꞊wa Atanna ‑wʋ ma 'wo 'dhang bho‑ "dhiʋ̈, "kɛɛ 'yö 'waa ‑ya yö ‑zë ‑wɔn zuën ‑ta. 'Yö ‑zʋ ‑gɔn "kpʋng ꞊taa ‑wɔn ‑nu 'ka ‑sü waa‑ ꞊naɔ ‑dhɔ ‑nu 'wo‑ ‑nu ‑gɔ 'gü ꞊see, 'yö‑ ‑nu ꞊trɔɔn 'yaa kë Atanna ‑bha.

Matiö 6:34

‑A ‑kë "dhʋ̈ ‑sü bha‑ 'gü, 'ka 'dho ‑ya ‑dhɛ 'ö dho ꞊kpaɔ dhia" ‑a ‑wɔn zuën ‑ta, ‑a ‑gɛn ‑mü ꞊dhɛ ‑dhɛkpaɔyi "pɛpɛ ꞊gban ‑bha 'gü ‑wɔn ‑yö 'do 'do. ‑Dhɛ 'dhɛ ꞊ya ꞊kpaɔ 'yö‑ ‑bha 'gü sëëbhodhe 'ö ꞊mɔɔ‑ ‑bha 'yö ‑kë 'pö‑ 'gü.

Matiö 6:8

‑Abin! Ka ‑zë 'ka 'dho ka ‑bha kë "dhʋ̈, ‑a ‑gɛn ‑mü ꞊dhɛ "sanni 'ka pë ‑gbadhɛ, pë 'ö ka ‑mawɔn 'dhö‑ ‑bha, ka Dë 'ö ‑ya ‑sü 'ka dhang‑ 'gü bha ‑ya ‑dɔ 'kpakpadhö.

Dhukö 10:41

'Yö Yesu ‑ya ‑yɔ bɔ‑ ‑gɔ 'ö‑ pö: «Matö n "tɛado, 'wɔn 'gbɛ ꞊në 'i dɔ sië 'kën 'gü ‑a ‑wɔn 'gü 'yö i zuëdhiʋ̈tɛɛ sië bha,

Dhukö 12:22

'Yö‑ pö ö ‑bha ꞊klang ‑nu ‑dhɛ: «'Pë 'ö‑ ‑wɔn 'gü 'yö 'a‑ pö ka ‑dhɛ ꞊dhɛ: 'Ka 'dho ‑ya kaa‑ ‑tosɛa ‑wɔn zuën ‑ta bha 'yö bha. Ka ‑bhöpë ‑wɔn ‑nu oo, ka ‑dasɔ ‑wɔn ‑nu oo, 'ka 'dho ‑ya ‑a 'bha ‑wɔn zuën ‑ta.

Dhukö 12:29

Ka ‑zë 'ka 'dho ka ‑bhöpë "ɛɛn ka müpë mɔɔ‑, 'ka 'dho ‑ya ‑zianwo ‑a ‑wɔn zuën ‑ta;

Dhukö 18:1

꞊Dhɛ 'ö ꞊ya ö bo‑ ‑pö "dhʋ̈ ‑sü 'ka, 'yö "gwënng do ‑da ö ‑bha ꞊klang ‑nu bha‑ ‑nu ‑dhɛ, kë "dhʋ̈ kö 'ö‑ ‑zɔn ‑nu ‑dhɛ ꞊dhɛ ‑a ‑dhɛa ‑bha ꞊dhɛ ‑wo bhɛa" Atanna ‑dhɛ yi ꞊gban "pɛpɛ 'ka kö‑ ‑nu 'gü 'ya 'dho ga 'yö‑ pö:

Dhukö 18:7

'Yö‑ pö: «("Sanni mɛ "bhɩɩ‑ ‑zë ‑yö ꞊dua ‑fɛɛ ‑gɔ kö ‑yö za dɔ ꞊dhɛ ‑kɔ bha‑ 'dhö, "kɛɛ kö yö ‑zë ‑mawɔn ‑yö 'ya‑ "dhʋ̈ bha ‑oo,) 'yö Atanna ‑zë ꞊wɛ? ‑Më ꞊në ‑kë 'yö 'yaa ö ‑bha mɛ ‑nu ‑ta ‑za dɔ kö ‑wo bhɛa" sië‑ ‑dhɛ 'yënng‑ 'gü waa‑ gbeng 'gü ‑nu ꞊gban 'gü?»

1 Kodhɛngtö 7:21

Atanna 'dhö 'mɛ 'ö i ‑dhɛ kö i ꞊dhuëng 'ka, ‑a ‑zʋgɔndhe 'ya 'dho kë i ‑bha. ꞊Ya kë 'zü ꞊dhɛ i ‑da i ‑dɩ ‑kɔ ‑bha "slë ‑zë ꞊ya ꞊slɔɔ, 'bha 'dho ‑kpla, ‑bhö ‑a kë kö i ‑da i ‑dɩ ‑kɔ ‑bha.

1 Kodhɛngtö 7:32

'Sa a‑ ‑kë "dhʋ̈ kö zuëdhiʋ̈tɛɛ ꞊gban "pɛpɛ ꞊në ‑yö 'go ka ‑bha. ‑A 'klɔɔ‑ ‑mü ꞊dhɛ 'mɛ 'ö dhe 'yaa‑ ‑gɔ ‑yö ‑ya kwa Dëmɛ ‑gɔ ‑wɔn ‑nu ꞊në ‑zʋgɔndhe ‑ta. Zian 'ö dho bɔ‑ 'ka kö ö "dhia‑ 'ma kwa Dëmɛ ꞊në‑ 'gü ꞊në 'ö‑ ‑dhɛ ‑mɔɔ.

2 Kodhɛngtö 1:11

"Kɛɛ ‑a ‑dhɛa ‑bha ꞊dhɛ 'ka yi ‑ta 'kun ‑bhɛa Atanna ‑dhɛ ‑sü ‑bha yi ‑wɔn 'gü. Yö ꞊në ꞊ya kë "dhʋ̈, 'yö dho zë mɛ 'gbɛ ‑bha bhɛa" 'wo‑ wo sië yi ‑wɔn 'gü bha‑ ‑dhɛ 'yö ‑gasitɛ ‑kë yi ‑dhɛ. 'Yö‑ 'gü ‑wɔn ꞊ya bo kë ‑sü 'ka, 'yö mɛ 'gbɛ ‑wa nuɛ" bho ‑a kë 'ö‑ wo yi ‑dhɛ "dhʋ̈ bha‑ ‑wɔn 'gü.

Efɛzö 5:20

‑Ka kwa Dë Atanna nuɛ" bho ‑kpɛawo 'wɔn suu ꞊gban "pɛpɛ 'gü kwa Dëmɛ Yesu Klisi 'tɔ 'gü.

Efɛzö 6:18

'Wɔn "pɛpɛ bha ‑kaa ꞊gban kë ‑bhɛa Atanna ‑dhɛ ‑kɔ suu "pɛpɛ 'ö‑ ‑bha 'Nii‑ ‑ya ‑zɔn ka ‑dhɛ ꞊në‑ 'ka kö ‑yö ka ‑ta 'kun, ‑kaa wo "tʋ̈ng ꞊gban "pɛpɛ 'gü. ‑Yö kë ka kë ‑yë 'ka ka 'gü 'ya 'dho ga‑ ‑bha. Kö 'ka bhɛa" 'pö mɛ "pɛpɛ 'wo ‑ya ‑sü 'ka Atanna ‑bha ‑ya 'gü ‑a ‑nu ‑wɔn 'gü ‑a ‑dhɛ.

Kodhɔsö 3:15

Atanna ‑yö ka ‑dhɛ kö zuëwaanusü ꞊në ‑yö kë ka ‑gɔ, kö 'ka kë mɛ do 'ka, zuëyagblʋ̈ʋ̈‑ 'ö "dhʋ̈ 'ö go Klisi "piʋ̈ bha ‑yö ka pa. 'Wɔn ‑yö 'to ka "yaan kö 'ka Atanna nuɛ" bho‑ ‑wɔn 'gü ‑kpɛawo.

Kodhɔsö 3:17

'Wɔn "ʋʋ 'wɔn 'ö 'ka dho‑ kë, "ɛɛn 'ö 'ka dho‑ pö, ‑kaa kë kwa Dëmɛ Yesu 'tɔ bhɔ ‑dhɔ ‑dhɛ kö 'ka bɔ kwa Dëmɛ bha ꞊në‑ ‑ta kö 'ka kwa Dë Atanna nuɛ" bho 'wɔn ‑së "pɛpɛ 'ö‑ kë ka ‑dhɛ bha‑ ‑wɔn 'gü.

Kodhɔsö 4:2

Ka 'gü 'ya 'dho ga ‑bhɛa Atanna ‑dhɛ ‑sü 'ka, ‑ka ‑ya ka "yaan ‑a kë "dhʋ̈ ‑sü 'gü yi ꞊gban "pɛpɛ 'ka kö ka‑ nuɛ" bho sië ‑kpɛawo.

1 Timote 2:1

꞊Ya 'go yö ‑zë 'gü, 'wɔn ‑blɛɛsü 'ö n "piʋ̈ 'a‑ pö i ‑dhɛ 'ö 'wɔn ‑blɛblɛsü 'ka, yö ‑mü ꞊dhɛ kö 'mɛ 'wo 'dhang ‑bho Yesu "dhiʋ̈ ‑mɛ ‑nu 'ka bha ‑wo bhɛa" Atanna ‑dhɛ ‑sɔbhɛɛ 'ka, kö ‑wo wo ‑kɔ "puu 'kpɔ‑ ‑dhɛ mɛ ꞊gban "pɛpɛ ‑wɔn 'gü, kö ꞊ya 'go mü kö ‑wa nuɛ" bho.

1 Timote 5:5

‑A pö‑ ‑nu ‑dhɛ ꞊dhɛ dhebhɔ 'ö ꞊gɛandhe ꞊dede 'ka, 'ö mɛ 'bha ‑mɛ 'bha 'yaa‑ ‑gɔ kö ‑ya ‑ta 'kun ‑yö ö ‑zʋ ‑yö Atanna ꞊në‑ ‑dhɛ, 'yö ꞊bhɛa‑ ‑dhɛ "tʋ̈ng ꞊gban "pɛpɛ 'gü, 'yö ö ‑kɔ "puu kpɔ‑ ‑dhɛ, 'yö‑ 'gü 'yaa ga.

1 Piɛdhö 4:7

'Wɔn ꞊gban "pɛpɛ "dhiʋ̈ 'to "tʋ̈ng ꞊ya ꞊loo ꞊gban bho. ‑Ka ‑tosɛa kë "yaaki ‑bha kö 'ka ka zuë" 'kun ka ‑bha 'wɔn ꞊gban 'gü, kë "dhʋ̈ kö ka ‑kɔ ꞊mɔɔ ‑bhɛa Atanna ‑dhɛ ‑sü ‑bha "tʋ̈ng ꞊gban 'gü.

1 Piɛdhö 5:7

‑Ka ka ‑ta bho ka ‑bha ‑zʋgɔndhe ‑nu ‑kwɛɛ 'ka‑ ‑ta, ‑a ‑gɛn ‑mü ꞊dhɛ ‑a "tʋ̈ng‑ ‑yö ka 'gü.