Fidhipö 4:19 - NAƆ ‑SË 'SËËDHƐ

¹⁹ (‑A ‑kë "dhʋ̈ ‑sü bha‑ 'gü, ma ‑zë "sɩ 'yaa n ‑dhɛ kö 'a‑ ‑gɔ "yɔɔ dɔ ka ‑gɔ,) "kɛɛ ma Atanna 'a n ‑zʋ gɔn‑ ‑dhɛ bha ꞊në dho ‑kpla suu "ʋʋ suu 'ö ‑ya ka ‑bha ‑a bho ka ‑bha ‑a ‑bha ꞊sloodhɛ ‑bha kwa Dëmɛ Klisi Yesu 'saa‑ 'gü.

Fidhipö 4:19 ပူးပေါင်းရင်းမြစ်များ

Matiö 6:32

'mɛ 'waa Atanna dɔ ꞊në 'wo pë ‑nu bha‑ ‑nu ꞊mɔɔ‑ ‑kpɛawo, "kɛɛ ka Dë 'ö ‑ya ‑sü 'ka dhang‑ 'gü ‑ya 'wɔn ‑dɔ ꞊dhɛ ka ‑mawɔn ‑ya ‑bha.

Naɔ ‑së 'ö ‑gban Yesu Klisi ‑bha 'ö Zan ‑ya pö 20:17

(꞊Dhɛ 'ö yöö ꞊loo Yesu ‑bha,) 'yö‑ pö‑ ‑dhɛ: «'Bha 'dho i ‑kɔ zun n ‑bha, ‑a ‑gɛn ‑mü ꞊dhɛ 'mii ‑tɔn 'kun ꞊kö kö 'a 'dho n Dë "piʋ̈ dhang‑ 'gü. "Kɛɛ ‑bhö 'dho kö 'i‑ pö n dheebhang ‑nu ‑dhɛ ‑zë wo ꞊dhɛ 'dho ꞊në maa‑ wo n Dë 'ö ka Dë 'ka 'pö, ma Atanna 'ö ka ‑bha Atanna 'ka 'pö bha‑ "piʋ̈ ya.»

Naɔ ‑së 'ö ‑gban Yesu Klisi ‑bha 'ö Zan ‑ya pö 20:27

꞊Dhɛ 'ö ꞊yaa‑ pö "dhʋ̈ 'yö go mü 'ö‑ pö Toma ‑dhɛ: «Toma, ‑bhö ꞊yɔɔn n "sɔɔ yö kö bhii ꞊dede 'i i ‑kɔ dan ‑dhɛ 'wo n zua‑ ‑bha n ꞊kwɛng bha‑ ‑dhɛ 'gü, kö 'i‑ dan 'zü ‑dhɛ 'wo n zua‑ ‑bha n "sɛnngdhö bha‑ ‑dhɛ 'gü kö 'i i bo gɔɔgbɩɩdhɛ bha‑ 'ka kö 'i 'dhang bho n "dhiʋ̈.»

Wlɔmö 1:8

A ‑bɔ Yesu Klisi ‑ta 'ö 'a Atanna nuɛ" bho ꞊kö ‑blɛɛsü mɛ ꞊gban "pɛpɛ ka ‑wɔn 'gü, ‑a ‑gɛn ‑mü ꞊dhɛ ka ‑bha ‑zʋ ‑yö ‑a ‑dhɛ ‑sü bha‑ ‑taɔng ‑yö ꞊mɔɔ ‑sü 'ka "kpʋngtaadhɛ ꞊gban "pɛpɛ 'gü, 'ö mɛ ꞊gban ‑wa ‑dhiang zë.

Wlɔmö 11:33

꞊Ya kë "dhʋ̈ yö ‑zë 'gü, kö Atanna ‑bha 'wɔndɔdhe 'ö‑ ‑gɔ waa‑ "yaaki 'ö‑ ‑bha ‑a ‑dhiang 'yaa zë ꞊tɔn ‑kɛɛ! 'Wɔn ‑nu 'ö‑ ‑nu ‑yaki ‑ya "dhʋ̈ bha, de ꞊në ꞊mɔɔ‑ ‑bha 'ö‑ 'klɔɔ‑ pö? De ꞊në ꞊mɔɔ‑ ‑bha 'ö 'wɔn ‑nu 'ö‑ ‑yaki 'kun sië ö ‑zʋ "piʋ̈ ‑a 'gü ma?

Wlɔmö 2:4

"Klʋsëdhɛ 'ö‑ ‑kë i 'ka, 'ö ö zuë" ‑kë i "piʋ̈ ‑sɛa bha i‑ ‑dhɛ ‑yö "wɛ ‑ee? "Ɛɛn i "tʋ 'yaa ‑mü ‑ee? "Ɛɛn 'yaa i 'gü ꞊dhɛ ‑a kë 'ö‑ wo "dhʋ̈ 'ö ‑bhɔ 'ka yi 'bha ‑yi 'bha 'ka, 'ö 'yii 'wɔn wɔ i ‑ta do bha, ‑ya ‑kë "dhʋ̈ kö 'i i bo 'wɔn yaa kë ‑sü 'ka kö 'i i zuë" slëë‑ ö "piʋ̈ ꞊në‑ wo ‑ee?

Wlɔmö 8:18

‑A ‑wɔn 'gü, a‑ 'wɔn ‑dɔ 'kpakpadhö ꞊dhɛ Atanna ‑bha ‑gblüdëdhɛ 'ö dho‑ nu kwa ‑dhɛ, waa‑ ‑bha 'tɔbhɔdhe 'ö‑ ꞊keng‑ bha‑ ‑nu ‑bha ‑kë ‑së ‑sü bha, 'waa‑ ‑zɔn ‑zianwo saan" 'kwa‑ wo sië ꞊dɛɛ bha‑ 'ka.

Wlɔmö 9:23

"Kɛɛ 'sa kö 'mɛ 'kö kwa ‑zë 'kwa ꞊dhɛ ‑a ‑bha gbɔ ꞊bhlëësü ‑nu 'dhö, 'ö kwa ‑wëë ‑ya ‑kë, 'ö ꞊bhlëë ‑ya ‑sü 'ka kwa ‑bha ‑ziisü 'ka bha ‑ya "piʋ̈ ꞊dhɛ ö 'tɔ ‑yö bhɔ kwa ꞊në kwa ‑bha. ‑A ‑kë "dhʋ̈ ‑sü bha‑ 'klɔɔ‑ ‑mü ꞊dhɛ ꞊bhlëë ‑ya kwa ‑bha ‑wɔn ‑yö ‑gun ‑zʋ "piʋ̈ ‑blɛɛsü yi 'bha 'ka 'yö gun ‑na kwa ‑da. ‑A ‑kë "dhʋ̈ ‑sü ‑wɔn ꞊ya bo ga ‑sü 'ka Atanna ‑zë 'gü bha ‑oo, 'dee dhiang 'dhö ‑tun "piʋ̈?

2 Kodhɛngtö 12:21

A ‑suʋ̈ kö 'yiʋ̈‑ 'ya 'dho dɔ n ‑bha Atanna ‑dhɛ ka ‑wɔn 'gü kö 'ma nu mü, 'ö 'a ‑ya 'zü "gbʋ bɔ ‑sü ‑bha mɛ kpö 'dhɛ 'wo ka kpö 'gü mü 'ö ꞊wa ‑da Atanna "dhiʋ̈, "yënng dɔ ‑sü ‑nu, ‑zua zë ‑sü ‑nu, waa‑ 'wɔn ‑ma 'koo ‑sü ‑nu kë ‑sü 'ka, 'ö 'waa "wɩ‑ ‑bha kö ‑wo wo kwa‑ ‑zü bha‑ ‑nu ‑dhɛ.

2 Kodhɛngtö 4:17

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ yi ‑wëëdhɛ 'në ‑nu 'wo bho sië 'ö‑ 'gü 'yaa ꞊gwëë bha ꞊në yi zü ‑gban 'gü 'ka ‑dhɛ 'bha ꞊kpaɔyi ‑bha, yi ‑wëëdhɛ 'ö bho sië bha waa‑ mɛdhɛ 'yi dho ‑da 'gü bha 'waa ‑zɔn "kwëë ‑pë ‑zian ꞊në‑ 'ka. ‑A ‑gɛn ‑mü ꞊dhɛ mɛdhɛ 'yi dho‑ kë "dhʋ̈ bha‑ ‑bha ‑kë 'kpii‑ ‑sü ‑dhiang 'yaa zë, yöö do bha 'yaa yën tongtongdhö.

Efɛzö 1:18

kö ‑yö ka zuë" "dhiʋ̈ "pʋ, kö 'wɔn 'ö ‑zʋgɔndhɛwɔn 'ka ‑a ‑bha kwa ‑dhɛ 'ö‑ wo bha‑ 'gü bha, 'ka‑ yö kö 'ka‑ ꞊bhlëë dɔ, kö 'tɔbhɔdhe 'ö 'wɔn ‑së ‑nu 'ö‑ ‑ya mɛ "pɛpɛ 'wo bɔ Yesu Klisi 'ka ‑a ‑nu ‑gɔ bha‑ ‑kë ‑ziisü ‑kɔ bha 'ka‑ dɔ 'pö

Efɛzö 1:7

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Klisi ꞊yɔɔn 'ö ꞊wɛnng‑ zë ‑dhɛ 'gü bha ꞊në kwa ‑gɔta dhɔ, 'yö Atanna ‑yö kwaa‑ 'wɔn yaa ‑nu ‑mawɔn to. ‑Yö ö ‑bha "klʋsëdhɛ ‑ziisü bha‑ ‑zɔn kwa ‑dhɛ ‑kɔ bha ꞊në‑ 'gü,

Efɛzö 2:7

Kë "dhʋ̈ kö ‑ya ‑zɔn ‑dhɛ 'bha ꞊kpaɔ ‑yi ‑bha ꞊dhɛ ‑gasitɛ 'ö‑ ‑kë kwa ‑dhɛ bha ‑yö ‑ziiziisü, ‑a ‑zɔn 'ka 'bha ‑zian ꞊në 'yaa 'dhö ‑a "klʋ 'ö‑ ‑dhi kwa ‑dhɛ Yesu Klisi 'saa‑ 'gü bha‑ ‑wɔn 'gü.

Efɛzö 3:16

Kë "dhʋ̈ kö ‑ya zë ö ‑bha 'tɔbhɔdhe ‑ziisü bha ‑dhɛ kö ‑yö ö ‑bha ‑gasitɛ bha‑ kë ka ‑dhɛ kö ‑a ‑bha 'Nii‑ "slʋ̈ʋ̈slʋ̈ bha ‑yö ka 'gü ‑gban faan ‑ziisü 'ö‑ 'gü bha‑ 'ka,

Efɛzö 3:8

'Maa ‑zɔn mɛ "pɛpɛ 'wo bɔ Atanna 'ka 'ö ꞊wa kë "slʋ̈ʋ̈slʋ̈ bha‑ mɛ 'dɛdɛ ‑sü ‑zian 'ö‑ 'gü ‑a 'ka ‑mɛ 'ka, "kɛɛ 'sa Atanna ‑yö ‑gasitɛ bha‑ kë ‑sü 'ka ma ꞊në n ‑dhɛ kö 'a 'wɔn ‑së ‑ziisü 'ö‑ ‑kë mɛ "bhɩɩ‑ ‑nu kwa ‑dhɛ Klisi ‑nu kwa ‑dhɛ ‑sü 'ka bha‑ ‑naɔ ‑pö 'mɛ 'waa Zuifö 'ka ‑a ‑nu ‑dhɛ.

Fidhipö 4:7

꞊Ya kë ꞊dhɛ 'ka‑ kë "dhʋ̈, ‑yö ‑dho ka zuë" 'waanu 'ö ‑ziö mɛbhɩɩdhe ‑zʋgɔngüwɔn ‑zë ꞊gban "pɛpɛ "dhiʋ̈todhɛ ‑ta. Ka zuë" 'ö dho‑ 'waanu "dhʋ̈ bha ꞊në dho kë ka ‑zʋ ‑gban ‑gɛn 'ka, 'yö 'ka ꞊nëng Yesu Klisi ‑bha, 'yö ka ‑zʋ ‑gɔn 'ka ‑wɔn "wɛɛ 'bha 'yaa kë kö 'yii kë Yesu Klisi ‑wɔn ‑zë 'ka.

Kodhɔsö 1:27

‑Yö ‑kë ‑zianwo ‑a ‑dhidhɛwɔn 'ka kö 'ö 'wɔn 'ö ‑bin ‑sü 'ka "dhʋ̈, 'ö‑ ‑bha ‑kë ‑së ‑sü waa‑ ꞊bhlëë ‑kë 'kpii‑ ‑sü ‑naa 'yaa 'dhö bha 'ö‑ ‑ta "pʋ 'mɛ 'kaa Zuifö 'ka, 'ö 'kaa‑ dɔ 'nu ‑blɛɛsü bha mɛ ꞊gban ka ‑dhɛ. 'Wɔn ‑së 'ö ka ‑zʋ 'yaa gun‑ ‑kë ka ‑dhɛ ‑wɔn ‑bha "kɛɛ 'ö Atanna ‑ya ‑ta ‑pʋ ka ꞊dhɛ "tʋ̈ng ya‑ 'gü bha yö ‑mü Klisi ‑bha nu ‑sü kö ‑yö ‑ya ka zuëpiʋ̈wɔn ꞊në‑ 'ka. Yö ꞊në ꞊ya kë "dhʋ̈ 'yö 'ka dho‑ 'wɔn dɔ ꞊dhɛ ka ‑dho mɛdhɛ kë‑ "piʋ̈ ‑dhɛkpaɔ dhia" 'gü tɛan‑ 'ka.

Kodhɔsö 3:16

‑A ‑dhɛa ‑bha ꞊dhɛ Klisi ‑wʋ bha ‑yö kë ka "tʋʋdhö yi ꞊gban "pɛpɛ 'ka, kö yö ꞊në ‑yö kë kaa‑ 'wɔn ꞊gban "pɛpɛ zü ‑gban 'gü 'ka, kö 'ka ka 'ko ‑nu ꞊klang kë‑ 'ka, kö 'ka ‑dhio dɔ‑ 'ka ka 'ko ‑nu ‑ta 'wɔndɔdhe 'ö‑ nu ka ‑dhɛ bha‑ 'ka, kö 'ka Atanna 'tɔ bhɔ ‑tan ‑nu bho ka ‑sɔbhɛɛ 'ka ‑a nuɛ" bho ‑sü 'ka, kö 'ka "gbaɔ bho‑ ‑zü, kö "tan ‑dee 'ö‑ ‑bha 'Nii‑ "slʋ̈ʋ̈slʋ̈ dho "yi dɔ‑ 'ka ka ‑bɛan bha 'ka‑ bho ka faan ꞊gban 'ka.

1 Tesadhonikö 2:12

'Ö 'yi ka faan dɔ, 'ö 'yi kpa ka ‑zʋ ‑ta, 'ö 'yi ‑dhio dɔ ka ‑ta glɔglɔdhö kë "dhʋ̈ kö ka "ta ‑kɔ ‑yö dhi Atanna ‑dhɛ; ‑a ‑gɛn ‑mü ꞊dhɛ yö 'ö bha ꞊në ka ‑dhɛ sië ‑tosɛa ‑kë 'tɔbhɔdhe 'gü ‑sü 'ka ö ‑gɔ ‑gblüdëdhɛpö 'gü.

1 Timote 6:17

‑A pö 'mɛ 'wo "kpʋng ꞊taa ‑naɔ ya‑ ‑mɛ ‑nu 'ka bha‑ ‑nu ‑dhɛ glɔglɔdhö ꞊dhɛ 'wa 'dho ‑wo ‑dɩ 'sü 'kpii‑ 'ö 'wo wo ‑zʋ gɔn woo ꞊naɔ bha‑ ‑dhɛ. ‑A ‑gɛn ‑mü ꞊dhɛ ꞊naɔ bha see‑ ‑pë ‑mü. "Kɛɛ ‑wo wo ‑zʋ 'gɔn Atanna ꞊në‑ ‑dhɛ, ‑a ‑gɛn ‑mü ꞊dhɛ yö 'ö bha ꞊në pë ꞊gban "pɛpɛ suu nu kwa ‑dhɛ ‑sɔbhɛɛ ‑bha kë "dhʋ̈ kö 'kwa kwa "dhiabho‑ bho‑ 'gü.

Fidhemɔ 1:4

Fidhemɔ n dheebhang, "tʋ̈ng "ʋʋ "tʋ̈ng 'a bhɛa" sië‑ 'ka Atanna ‑dhɛ, a‑ nuɛ" ‑bho i ‑wɔn 'gü ꞊dedewo.

1 Piɛdhö 5:1

‑A 'dhɛ 'ö maa‑ zë bha a‑ ‑zë 'mɛ ꞊wa kë "dhiʋ̈ ‑sü Atanna ‑bha mɛ ‑nu 'ka ‑mɛ 'ka ‑a ‑bha 'kɔdhigümɛ ‑nu kpö 'gü bha ꞊në‑ ‑nu ‑dhɛ. Mang ‑dɩ 'pö "dhiʋ̈ ‑sü ‑a ‑nu 'ka ‑mɛ ‑mü n 'ka ꞊dhɛ ‑a ‑nu 'dhö, saan" 'ö Klisi ‑ya wo bha mang ꞊dede n "yan ‑gun ‑dhɛ 'gü, ꞊ya 'go mü 'zü ‑a ‑bha ‑gblüdëdhɛ 'ö nu sië bha‑ 'gü ‑mɛ do ‑mü n 'ka 'pö.

1 Piɛdhö 5:10

"Kɛɛ ꞊ya kë ꞊dhɛ 'ka saan" bha‑ wo "dhʋ̈, "tʋ̈ng 'në 'bha ꞊ya ziö, Atanna 'ö ‑gasitɛ ‑kë "kpʋngtaamɛ ꞊gban "pɛpɛ ‑dhɛ "dhʋ̈, 'ö yö ꞊në ka ‑dhɛ kö 'ka kë ö ‑bha ‑gblüdëdhɛ 'ö‑ "dhiʋ̈todhɛ 'yaa 'dhö ‑a 'gü ‑në 'ka, ka ‑bha ‑kplü Klisi ‑bha ‑sü 'saa‑ 'gü bha, yöö ꞊dede ꞊në dho ka "gla ‑kɔ ‑dee kë, 'yö ka ‑gɛn ‑gban, 'yö ka gba faan 'ka 'yö pë 'bha ‑pë 'bha 'yaa vin ka ‑bha Atanna ‑bha zian ‑ta 'zü do 'yö 'kaa vin.