Fidhipö 4:18 - NAƆ ‑SË 'SËËDHƐ

¹⁸ Pë "pɛpɛ 'ka‑ dɔ Epafloditö ‑gɔ 'ö nu‑ 'ka n ‑dhɛ bha‑ ꞊gbaan ꞊loo, ꞊ya n ‑kpla ‑dhɛ "pɛpɛ 'ö gun n ‑bha ‑a ꞊gban bho n ‑bha, ‑a ‑kpɛa ‑zian ꞊ya 'to, pë "pɛpɛ 'ö n ‑mawɔn gun‑ ‑bha 'ma‑ ꞊gban ꞊slɔɔ Epafloditö ‑bha ‑wo yö ‑sü bha‑ zian 'gü. Ka ꞊kwɛng pë 'ö ‑kpan n ‑bha bha ‑yö ‑kë n ‑gɔ ꞊dhɛ ‑dhasiklɔɔ ꞊fii ‑së 'ö ꞊wa Atanna ‑dhɔ kë‑ 'ka 'ö‑ "dhia‑ ma‑ 'gü, 'ö‑ 'gü ‑wɔn ‑dhi ‑dhɛ bha ꞊në‑ 'dhö.

Fidhipö 4:18 ပူးပေါင်းရင်းမြစ်များ

Këwɔn ‑nu 10:4

'Yö Kɔɔnɛi ‑ya ‑ga pinngdhö 'yö "suʋ̈ 'dhö ‑da 'gü 'yö‑ pö: «'Kwa ma 'mü, n Dëmɛ?» 'Yö Atanna ‑bha "kië ‑ya pö‑ ‑dhɛ: «Atanna ꞊ya i ‑bha bhɛa" ‑wʋ ma, i ‑bha "flɛɛmɛ ‑nu ‑ta 'kun ‑sü bha ꞊yaa‑ ‑zʋ 'kun.

Wlɔmö 12:1

N dheebhang ‑nu, ꞊dhɛ 'ö ‑kë ꞊dhɛ Atanna ꞊ya "klʋsëdhɛ 'ö‑ suu 'dhö "dhʋ̈ bha‑ kë kwa 'ka, ‑ka dɔ ꞊në‑ wo "gbɩɩ‑ kö 'ka ka ‑dɩ nu‑ ‑dhɛ ꞊dhɛ "saa‑ pë "yaandhe 'ö "slʋ̈ʋ̈slʋ̈, 'ö‑ "dhia‑ dho 'ma‑ 'gü ‑a 'dhö, 'ka yö ꞊në‑ kë "dhʋ̈, kö‑ ‑dhɔkë ‑kɔ ꞊dede 'ö‑ 'gü ‑së bha 'ka‑ wo.

2 Kodhɛngtö 11:8

Gun 'a‑ wo mü bha Atanna ‑bha 'kɔdhigümɛ ‑nu 'wo "sɛ "wɛɛ 'gü 'aa mü 'wo gun n ꞊saa bho sië ‑ee? ꞊Ya kë "dhʋ̈ kö 'yii kë ꞊dhɛ 'ma wo ‑zë ‑a ‑nu faa bho, kë "dhʋ̈ kö 'a ka ‑ta 'kun ‑ee?

2 Kodhɛngtö 9:12

‑A 'klɔɔ‑ ‑mü ꞊dhɛ 'wɔn ‑së 'ka‑ kë sië "dhʋ̈ bha 'kii‑ kë ‑a ‑bha mɛ ‑nu ('wo Zude) woo do ‑a ‑nu ‑dhɛ, ‑yö ‑ya mü 'zü 'ö‑ ‑bha) mɛ 'gbɛ ꞊dede ('wo ‑dhɛ "wɛɛ 'gü ‑a ‑nu) ‑kë ‑a nuɛ" bho ‑mɛ 'ka 'wɔn ‑së 'ka‑ ‑kë bha‑ ‑wɔn 'gü.

Efɛzö 5:2

Kö 'ka ‑tosɛa kë ‑dhɔ 'gü ꞊dhɛ Klisi 'dhö, kö ‑kɔ do 'ö kwa ‑dhɔ ‑ya ‑kë 'ka, 'ö ö ‑dɩ nu kwa ‑wɔn 'gü Atanna ‑dhɛ 'yö ‑kë kwa ‑bha "saapë 'ö‑ "dhia ‑yö ma‑ 'gü ‑a 'ka bha ka ‑dhɔ ‑yö ka 'ko kë "dhʋ̈. "Kɛɛ 'sa ö ‑dɩ nu 'ö‑ wo Atanna ‑dhɔkëkapë 'ka ꞊dhɛ ‑kɔ bha‑ 'dhö bha ꞊në‑ 'gü ‑wɔn ‑yö ‑dhi ‑dhɛ yaa 'gü yaa wo 'yö ‑kë ‑a ‑bha "saa‑ bha‑ "dhiʋ̈ "wɩ ‑gɛn 'ka.

Fidhipö 4:12

"Flɛɛ 'dhö n ‑bha, a ‑tosɛa 'kun ‑kɔ ‑dɔ, ꞊naɔ 'dhö n ‑gɔ a ‑tosɛa 'kun ‑kɔ ‑dɔ. 'Wɔn "ʋʋ 'wɔn 'ö ‑da n ‑ta ‑dhɛ "ʋʋ ‑dhɛ 'ö‑ 'gü, n ‑kɔ ‑yö ‑mɔɔ n ‑dɩ ‑bha. A din‑ 'gü ‑dɔ, 'ö 'a 'kën ‑sü 'gü dɔ, 'ö 'a ꞊naɔ 'gü dɔ, 'ö 'a "flɛɛ 'gü dɔ.

2 Tesadhonikö 1:3

‑A ‑dhɛa ‑bha ꞊dhɛ 'yi Atanna nuɛ" bho yi ꞊gban 'ka ka ‑wɔn 'gü, n dheebhang ‑nu. "Kɛɛ 'sa ‑a kë ‑kɔ 'kö 'dhö 'yö bha, ‑a ‑gɛn ‑mü ꞊dhɛ ka ‑bha ‑zʋ ‑yö Atanna ‑dhɛ ‑sü 'bha ꞊në ‑da sië‑ ‑ta do 'ö dho‑ 'ka, waa‑ ka ‑dhɔ ‑bha ka 'ko kë ‑sü 'dhö.

Eblö 13:16

Ka ‑zʋ 'ya 'dho bhɔ ka 'ko ‑ta ‑kun 'wɔn ‑nu 'gü ‑sü waa‑ 'wɔn ‑së kë ‑sü 'ka. ‑A ‑gɛn ‑mü ꞊dhɛ "saa‑ suu 'dhɛ 'ö bha ꞊në‑ "dhia ‑yö ma Atanna 'gü.

1 Piɛdhö 2:5

‑Ka ꞊yɔɔn‑ "sɔɔ kë "dhʋ̈ kö kaa ‑dɩ 'pö 'ka kë ꞊dhɛ ‑gwë ꞊bhlëësü 'dhö, kö Atanna ka ‑da ö ‑bha 'kɔ ‑dɔ 'ka ‑gwë ‑nu ‑bhiëë 'gü kö 'ka kë mü ꞊dhɛ "saabhomɛ ‑nu 'ö‑ ‑nu ‑ya ‑sü 'ka kö ‑wo ö ‑dhɔkë Yesu Klisi 'saa‑ 'gü ‑a 'dhö.