Fidhipö 4:17 - NAƆ ‑SË 'SËËDHƐ

¹⁷ "Kɛɛ 'ya 'dho kë ka 'gü ꞊dhɛ ꞊ya kë "dhʋ̈ kö a‑ ‑pö 'ka n saan ꞊në‑ bho ‑kpɛawo. ‑Abin! 'Wɔn 'a n ‑zʋ gɔn‑ 'ka yö ‑mü ꞊dhɛ kö 'wɔn ‑nu 'ka‑ kë sië n ‑dhɛ ‑kpɛawo bha‑ ꞊trɔɔn ꞊në ‑yö ‑da "dhiʋ̈ ka ‑gɔ Atanna wëëdhö.

Fidhipö 4:17 ပူးပေါင်းရင်းမြစ်များ

Naɔ ‑së 'ö ‑gban Yesu Klisi ‑bha 'ö Zan ‑ya pö 15:16

"Kɛɛ 'sa ka ‑zë 'kii n ‑ya. Ma ꞊në ma ‑zë 'a n ‑kɔ ‑yɛ ka ‑bha, 'yö 'a ka ‑ya kö 'a ka bɔ, kö 'ka bhɛ ‑së dɔ "tʋ̈ng ꞊gban 'gü, 'wɔn ‑së kë ‑sü waa‑ ‑dhɔkë mɛ ꞊gban "pɛpɛ 'ka ‑sü 'ka, kö ‑yö kë "dhʋ̈ kö 'pë 'ö 'ka dho‑ ‑gbadhɛ n Dë ‑gɔ n 'tɔ 'gü bha ‑ya nu ka ‑dhɛ.

Naɔ ‑së 'ö ‑gban Yesu Klisi ‑bha 'ö Zan ‑ya pö 15:8

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ n Dë 'tɔ bhɔ ‑kɔ 'ö 'dhö, yö ‑mü ꞊dhɛ kö 'ka kë ꞊dhɛ "dhü ‑gbeng 'ö ꞊waa‑ baa‑, 'ö bha sië ꞊dedewo bha ꞊në‑ 'dhö. Yö ꞊në ꞊ya kë "dhʋ̈ kö 'ka kë ma ꞊klangdhiʋ̈ 'ka ꞊dedewo "pɛɛpɛdhö.

Wlɔmö 15:28

꞊Ya kë ꞊dhɛ 'ma bo 'dho ‑sü 'ka kö 'pë 'wo‑ bho ko ‑ta bha, 'a‑ dɔ 'mɛ 'wo ‑mü ‑a ‑nu ‑gɔ, kö maa 'dho Ɛsipangyö ‑sɛ 'gü, "kɛɛ n 'dho ‑sü 'ka, a ‑dho bɔ ka "piʋ̈ mü.

2 Kodhɛngtö 11:16

'Sa a‑ ‑pö 'zü ka ‑dhɛ ‑dee wo ꞊dhɛ 'ka 'dho n ‑ga slaamɛ 'ka tongtongdhö. ‑Ɛɛ! ꞊Ya kë 'zü ꞊dhɛ 'ka n 'sü ꞊dhɛ slaamɛ 'dhö, kö 'ka ka ‑kɔ ‑ya n ‑bha ꞊dhɛ slaamɛ bha‑ 'dhö mü "dhʋ̈, kë "dhʋ̈ kö 'a n ‑dɩ 'në 'bha 'sü 'pö 'kpii‑ ‑zë bho ꞊dhɛ 'mɛ 'ka‑ ‑nu 'sü sië ꞊dhɛ mɛ ꞊deedhe ‑nu 'dhö bha‑ ‑nu 'dhö.

2 Kodhɛngtö 9:5

'Wɔn 'a zë‑ ‑dhɛ 'yö 'a kwa dheebhang ‑nu bha‑ ‑nu bɔ ꞊kö ‑blɛɛsü ka ‑dhɛ 'gü kö ‑wo gbaɔdhe 'ka‑ "plüün bho bha‑ ‑gɔ 'kpɔ bha 'yö bha. Kë "dhʋ̈ kö yi 'a dho nu‑ 'ka bha kö 'ma nu, kö 'a ‑da ka ‑kɔ ‑së ‑ta, kö ꞊gbaɔsü bha 'ya 'dho kë ꞊dhɛ 'wɔn 'ö mɛ ‑ya ‑kë kö‑ "sɩ 'yaa mɛ ‑dhɛ ‑a 'dhö, "kɛɛ kö ‑yö kë ꞊dhɛ pë 'ö ga ꞊në‑ wo ka 'gü ‑a 'dhö.

Fidhipö 1:11

Kë "dhʋ̈ kö 'wɔn ‑së "pɛpɛ 'ka‑ ‑kë Yesu Klisi faan 'ka bha‑ ꞊trɔɔn‑ ka ‑kɔ pa 'yi bha‑ 'ka, kö Atanna 'tɔ‑ bhɔ, kö mɛ ꞊gban ‑wa nuɛ" bho.

Fidhipö 4:11

‑A pö 'a‑ wo "dhʋ̈ bha 'yii kë ꞊dhɛ ꞊ya kë "dhʋ̈ kö n ‑mawɔn ꞊në ꞊ya zun pë 'bha ‑bha. ‑A ‑gɛn ‑mü ꞊dhɛ 'ma dhëë bho ‑tosɛa ‑kë ꞊nii ‑da 'gü ‑sü 'ö "tʋ̈ng suu ꞊gban 'gü bha‑ 'ka.

1 Tesadhonikö 2:5

Kaa ꞊dede ka‑ 'wɔn ‑dɔ 'kpakpadhö ꞊dhɛ nu 'yi‑ wo mü bha 'yii "kpënng‑ ‑kë mɛ ‑gɔ ‑dhiang zë mɛ 'bha ‑dhɛ, "ɛɛn yi ‑nu mü ‑sü ‑gɛn 'yii ‑gban ꞊naɔ mɔɔ‑ ‑sü ‑bha, Atanna ꞊në yi "sɛɛ 'ka.

1 Timote 3:3

Kö‑ ‑mɛ 'ya 'dho kë nëng ‑kë we ‑bha ‑mɛ 'ka, "ɛɛn "dhinaa 'ma ‑mɛ 'ka, "kɛɛ kö ‑yö kë dhɔngdhɔngsü, kö ‑yö kë zuësɛamɛ ꞊në‑ 'ka, kö 'ya 'dho kë mɛ 'ö ꞊naɔ ‑dhɔ ‑ya ‑kë "dhiʋ̈ ziö 'ka ‑a 'ka.

1 Timote 6:10

‑A pö 'a‑ wo "dhʋ̈ bha‑ ‑gɛn ‑mü ꞊dhɛ 'wëëga ‑dhɔ bha ꞊në 'wɔn yaa ꞊gban "pɛpɛ suu ‑gɛn 'go ‑dhɛ 'ka. 'Wëëga ‑dhɔ bha ꞊në mɛ 'bha ‑nu 'wo zë‑ ‑dhɛ 'yö 'wo wo ‑dɩ ‑dhɛng, 'yö 'wo bo ‑zʋ ‑yö Atanna ‑dhɛ ‑sü 'ka, 'yö 'wo ‑kan ‑bha, 'yö 'wo wo ‑dɩ ‑da ‑sü 'ka saan" ‑ziisü 'gü.»

Titö 1:7

‑A ‑gɛn ‑mü ꞊dhɛ 'mɛ 'ö dho kë Atanna ‑bha 'kɔdhigümɛ ‑nu ‑gɔmɛ 'ka "dhʋ̈ bha‑ ‑dhɛ 'yaa‑ ‑bha ꞊dhɛ ‑yö kë 'mɛ 'wo "sɛɛdhɛ yaa ‑kë ‑bha, 'ö ö ‑dɩ sü 'kpii‑, 'ö "dhiʋ̈‑, 'ö we mü 'gbɛ, 'ö‑ ‑kɔ ‑ta 'dhö "fʋ̈ʋ̈fʋ̈ʋ̈ "ɛɛn 'ö ꞊naɔ ꞊mɔɔ ꞊flü 'ka ‑a 'ka.

Titö 3:14

'Wɔn 'ö "dhʋ̈ bha bhii do 'bhii 'dho kë‑ këmɛ 'ka. ‑A ‑gɛn ‑mü ꞊dhɛ kwa ‑bha mɛ ‑nu 'wo mü 'pö bha‑ ‑dhɛa ‑bha kö ‑wo gbaɔ‑ ‑sü draan‑ 'pö kö ‑wo mɛ ‑nu ‑mawɔn 'dhɛ 'ö "vaandhö ‑wɔn 'ka ‑a ꞊yaɔn, kö‑ ‑nu ‑bha ‑tosɛa ‑yö mɛ ‑nu ‑zʋ 'kun 'pö.

Eblö 6:10

Atanna bha pö 'aa‑ ‑bha. ‑A ‑wɔn 'gü, ‑a ‑zʋ 'yii 'dho bhɔ 'wɔn ‑së ‑nu 'ka‑ ‑kë ‑a ‑dhɔ ‑bha, ‑a ‑bha mɛ ‑nu ‑dhɛ, 'ö 'ka‑ zü bho "dhʋ̈ 'yi bha‑ 'ka 'ka ‑tun 'ka "dhʋ̈ ꞊dɛɛ bha‑ 'bha 'ka.

1 Piɛdhö 5:2

'Mɛ 'ka ‑zun Atanna ‑bha mɛ ‑nu ‑dhɛ "dhiʋ̈ ‑mɛ ‑nu 'ka "dhʋ̈ bha ‑ka ka ‑zʋ kë ‑a ‑bha 'në ‑nu 'ö‑ ‑nu ‑kɛfama bho ka ‑bha bha‑ ‑nu 'gü ꞊dhɛ ‑kɔ 'ö ‑tuʋ̈ ‑maakëmɛ ‑yö ö ‑zʋ ‑kë 'ka ‑tuʋ̈ "piʋ̈ ‑a 'dhö, 'ka 'dho‑ kë ‑kpla "dhiʋ̈, ‑yö ga ka 'gü "pɛpɛdhö ‑së 'ka kö 'ka‑ kë ꞊dhɛ ‑kɔ 'ö‑ "piʋ̈ ꞊dhɛ ‑yö kë‑ 'ka ‑a 'dhö. 'Ka 'dho‑ kë ꞊naɔ ‑dhɔ ‑bha, ‑kaa kë "gblʋ̈ʋ̈dhɛ "puu ‑ta.

2 Piɛdhö 2:15

‑A 'klɔɔ‑ ‑mü ꞊dhɛ ꞊wa "kan tɛan‑ ‑zian ‑bha ꞊wa ‑da "bü, zian 'ö Atanna ‑wʋdhiʋ̈loomɛ Badhaamö, Beɔɔ gbö ‑ya sü yi 'bha 'ka, 'ö zë ꞊naɔ ‑wɔn ‑dhɛ 'ö 'wɔn yaa ‑ga ꞊ni, 'ö‑ ‑kë bha ꞊në ꞊waa‑ 'sü.

2 Piɛdhö 2:3

'Mɛ 'wo "dhʋ̈ bha ‑wo ‑dho zë ꞊naɔ ‑wɔn ‑dhɛ 'ö 'wo ꞊suasua ‑nu zun 'ko "dhiʋ̈ kë "dhʋ̈ kö 'wo ka ‑ta ‑bhö. "Kɛɛ ‑a ‑nu ‑bha zadɔmɛ ‑bha ‑ya za ‑dɔ ‑a ‑nu ‑bha ‑dhɔ 'ka ‑yi ꞊ya ꞊gwëë. ‑A ‑nu 'güseemɛ bha 'yaa yi zë.

Zudë 1:11

‑A ‑nu ‑bha ‑yö ‑wëësü. ‑A ‑gɛn ‑mü ꞊dhɛ zian do 'ö Kaɛn ‑ya sü yi 'bha 'ka bha ꞊në 'wo‑ sü bha. ꞊Wa wo ‑gɔ ‑gban ꞊flü kë ‑sü 'gü, kë "dhʋ̈ kö 'wo ꞊naɔ ꞊slɔɔ ꞊dhɛ ‑kɔ 'ö Badhaamö ‑ya ‑kë 'ka yi 'bha 'ka ‑a 'dhö. ‑A ‑nu 'gü ꞊ya see‑, ‑a ‑gɛn ‑mü ꞊dhɛ ꞊wa ‑ya ‑kɔɔ 'gü Atanna ‑gɔ ꞊dhɛ ‑kɔ 'ö Koodhe ‑ya ‑kë 'ka 'pö yi 'bha 'ka ‑a 'dhö.