Fidhipö 4:12 - NAƆ ‑SË 'SËËDHƐ

¹² "Flɛɛ 'dhö n ‑bha, a ‑tosɛa 'kun ‑kɔ ‑dɔ, ꞊naɔ 'dhö n ‑gɔ a ‑tosɛa 'kun ‑kɔ ‑dɔ. 'Wɔn "ʋʋ 'wɔn 'ö ‑da n ‑ta ‑dhɛ "ʋʋ ‑dhɛ 'ö‑ 'gü, n ‑kɔ ‑yö ‑mɔɔ n ‑dɩ ‑bha. A din‑ 'gü ‑dɔ, 'ö 'a 'kën ‑sü 'gü dɔ, 'ö 'a ꞊naɔ 'gü dɔ, 'ö 'a "flɛɛ 'gü dɔ.

Fidhipö 4:12 ပူးပေါင်းရင်းမြစ်များ

Matiö 11:29

‑Ka ꞊nëng ma 'tɔng‑ ‑bha kö 'ka ka kwaa‑ ka ‑dɩ ‑zü n ‑gɔ, kö 'a ka draan‑ 'wɔn dɔ ‑sü ‑bha; ‑a ‑gɛn ‑mü ꞊dhɛ ma ‑zë ma 'wɔn‑ ‑së, 'ö n zuë" 'dhö ‑sɛa; ꞊ya kë "dhʋ̈ ka ‑dho ‑ya ka ‑dɩ 'flëë‑ 'gü.

Matiö 13:52

'Yö‑ pö 'zü‑ ‑nu ‑dhɛ ‑deewo ꞊dhɛ: «‑A ‑kë "dhʋ̈ ‑sü 'gü, 'tɔnggɔmɛ "pɛpɛ 'wo 'wɔn 'ö ‑gban Atanna ‑bha ‑gblüdëdhɛ ‑bha bha‑ dɔ 'kpakpadhö bha, ‑wo ꞊dhɛ ꞊naɔmɛ do 'ö pë ‑dee waa‑ pë zizi ‑nu sü ö ‑bha ꞊naɔ 'gü 'ö‑ 'gü ꞊gblü mɛ ‑nu ‑ta ꞊në‑ 'dhö.»

2 Kodhɛngtö 10:1

‑A 'dhɛ 'kö mang Pɔdhö ‑mɛ 'a‑ pö sië ya n ‑dɩ ‑gɔ ‑dhiang ꞊në 'a‑ zë sië ka ‑dhɛ. ‑A ‑gɛn ‑mü ꞊dhɛ ‑wa ‑pö ꞊dhɛ mang ꞊dede ‑zë 'ma kë ka kpö 'gü a ‑kë ꞊dhɛ 'mɛ 'ö‑ zun "dhiʋ̈ ‑bhlɔ 'bhaa 'dhö ꞊në‑ 'dhö. "Kɛɛ 'ma kë ‑dhɛ "wɛɛ 'gü 'yö 'a gɔɔn‑ ‑dhɛ ‑dhiang zë ka ‑dhɛ. ‑A ‑kë "dhʋ̈ ‑sü bha‑ 'gü, bhɛa" ꞊në 'a‑ wo sië ka ‑dhɛ Klisi ‑bha ‑wʋ "nɛɛnɛɛ ‑dhɛ waa‑ ‑bha "klʋsëdhɛ bha‑ 'ka,

2 Kodhɛngtö 10:10

‑A ‑gɛn ‑mü ꞊dhɛ ‑wa pö ꞊dhɛ "sëëdhɛ ‑nu 'a‑ bɔ mɛ ‑dhɛ bha ‑wʋ ‑nu 'wo ‑kë 'gü bha ‑wo ‑kë gɔɔndhɛ ‑wʋ ꞊në‑ 'ka. "Kɛɛ mang ꞊dede ‑zë 'ma kë‑ ‑nu kpö 'gü 'yö 'a ‑kë ꞊dhɛ 'mɛ 'ö "sɩ 'yaa‑ ‑dhɛ ‑a 'dhö, 'yö 'ma dhiang zë 'yö n ‑wʋ 'yaa mɛ 'kun.

2 Kodhɛngtö 11:27

Yë ‑nu 'ö ꞊gbaɔn n ‑ta, n ‑wëëdhɛ ‑nu 'ö bho, 'to 'gbɛ ‑nu 'a‑ wo "yaan, diin‑ ‑nu 'ö n ‑kë, "yi mü ‑dhɔ ‑nu 'ö n ‑kë, 'sunng‑ 'ma ‑sü ‑nu 'a‑ ‑ya 'ko ꞊taa kö‑ "sɩ 'yaa n ‑dhɛ, "nɛnɛ ‑nu 'ö n ‑kë, waa‑ sɔ ‑nu 'ö yën n ‑gɔ ‑a ‑dhiang 'yaa zë.

2 Kodhɛngtö 11:7

"Ɛɛn 'wɔntaɔngsë 'ö go Atanna "piʋ̈ bha‑ pö 'a‑ wo ka ‑dhɛ ka ‑gɔ "sɛ 'gü mü bha ka kë n ‑gba ‑më ꞊dede 'pö‑ 'ka ‑a ꞊saa 'ka? 'Mii n ‑dɩ ꞊bhlë ꞊gban ‑pö kpɛkpɛdhö 'wɔn bha‑ 'gü kë "dhʋ̈ kö ka ‑zë ka ꞊bhlë ‑yö kë ‑ee? "Ɛɛn ‑a kë 'a‑ wo "dhʋ̈ bha 'wɔn yaa ꞊në 'a‑ ‑kë bha ‑ee?

2 Kodhɛngtö 11:9

"Ɛɛn 'a gun ka "piʋ̈ mü bha n ‑kwɛɛ ‑gun de ꞊dede 'pö‑ 'ta 'ö gun 'wëëga ‑kpla bho sië n ‑bha? Kwa dheebhang ‑nu 'wo go Maseduanö ‑sɛ 'gü 'aa mü 'wo nu n ‑dhɛ pë "pɛpɛ 'ö‑ ‑kpla gun n ‑bha ‑a 'ka ‑ee? 'Mii n ‑dɩ 'kun ‑kɔ ꞊gban ‑kɔ ꞊gban suu 'gü "ɛɛn 'wɔn ꞊gban "pɛpɛ suu 'gü kë "dhʋ̈ 'a ‑kë ꞊kwɛɛ 'ka ka ‑ta 'wɔn 'bha 'gü ‑ee? 'Sa a ‑dho 'to n ‑dɩ 'kun ‑sü ‑bha "dhʋ̈ 'ö‑ 'wɔn‑ yën.