Fidhipö 4:11 - NAƆ ‑SË 'SËËDHƐ

¹¹ ‑A pö 'a‑ wo "dhʋ̈ bha 'yii kë ꞊dhɛ ꞊ya kë "dhʋ̈ kö n ‑mawɔn ꞊në ꞊ya zun pë 'bha ‑bha. ‑A ‑gɛn ‑mü ꞊dhɛ 'ma dhëë bho ‑tosɛa ‑kë ꞊nii ‑da 'gü ‑sü 'ö "tʋ̈ng suu ꞊gban 'gü bha‑ 'ka.

Fidhipö 4:11 ပူးပေါင်းရင်းမြစ်များ

Dhukö 3:14

꞊Dhɛ 'ö ꞊ya ‑wʋ 'kpɔ mɛ 'dhɛ bha‑ ‑nu ‑bha, 'yö "sɔdha ‑nu ‑dɩ 'pö 'wo‑ dhɛɛ" kpɔ 'wo‑ pö: «'Yö yi ‑zë ꞊wɛ?» 'Yö‑ ‑yɔ bɔ‑ ‑nu ‑gɔ 'pö 'ö‑ pö: «'Ka 'dho ‑pö mɛ 'bha ‑ta 'ka faan ‑wɔ ‑ta 'ka‑ ‑bha pë sü‑ ‑gɔ, "ɛɛn 'ka 'dho mɛ 'bha ‑tabhö, "kɛɛ ‑ka ka "tʋ̈ng kë ka ꞊saa ꞊në‑ 'gü.»

2 Kodhɛngtö 11:27

Yë ‑nu 'ö ꞊gbaɔn n ‑ta, n ‑wëëdhɛ ‑nu 'ö bho, 'to 'gbɛ ‑nu 'a‑ wo "yaan, diin‑ ‑nu 'ö n ‑kë, "yi mü ‑dhɔ ‑nu 'ö n ‑kë, 'sunng‑ 'ma ‑sü ‑nu 'a‑ ‑ya 'ko ꞊taa kö‑ "sɩ 'yaa n ‑dhɛ, "nɛnɛ ‑nu 'ö n ‑kë, waa‑ sɔ ‑nu 'ö yën n ‑gɔ ‑a ‑dhiang 'yaa zë.

2 Kodhɛngtö 6:10

‑Wo yi wë 'gü ‑siö, "kɛɛ yi ꞊nii ‑yö ‑to ‑da ‑sü 'ka ‑kpɛawo, 'ö 'yi bhɔ mɛ ‑nu 'gü "flɛɛmɛ ‑nu ‑bha, "kɛɛ kö yi mɛ kpö 'gbɛ ꞊dede ‑zë kë sië pë ‑mɛ 'ka Atanna ‑wɔn "gblʋ "piʋ̈ "dhʋ̈ do. Yi ‑bhɔ mɛ ‑nu 'gü ‑kɔ 'gü "fiëmɛ ‑bha, "kɛɛ 'sa kö yi ꞊në pë ꞊gban "pɛpɛ 'dhö yi ‑gɔ tɛan‑ ꞊dede 'ka Atanna wëëdhö.

2 Kodhɛngtö 8:9

‑A ‑gɛn ‑mü ꞊dhɛ kwa Dëmɛ Yesu Klisi ‑kɔ 'dhö ‑wo kwa ‑dhɛ ‑kɔ 'ö‑ 'gü ka yö ‑zë ‑dɔ. Yö 'ö pë 'bha ‑pë 'bha ‑saan 'yaa gun‑ ‑bha (‑a ‑bha ‑kë Atanna 'ka ‑sü 'gü) bha ‑yö kë ö ‑dɩ ‑kë "flɛɛmɛ 'ka ka ‑wɔn 'gü, kë "dhʋ̈ kö pë 'bha ‑saan 'ya 'dho kë ka ‑zë ka bha‑ ‑bha ‑kë "flɛɛsü ‑sü bha‑ zian‑ ‑ta.

2 Kodhɛngtö 9:8

Atanna 'ö 'ka‑ "piʋ̈ bha‑ 'gü ‑yö "gbɩɩ‑. ‑A "sɩ ‑ya ‑dhɛ kö ‑yö ka ‑kɔ pa pë ‑së ꞊gban "pɛpɛ suu 'do 'do 'ka kë "dhʋ̈ kö pë "pɛpɛ 'ö ka ‑mawɔn ‑yö zun‑ ‑bha yi "pɛpɛ ꞊gban 'ka ‑yö kë ka ‑gɔ, kö 'ka ka ‑mawɔn bho‑ 'gü, kö‑ ‑kpɛa ‑yö 'to ka ‑gɔ ‑babadhö, kö 'ka 'wɔnsë kë‑ 'ka ꞊dhɛ ‑kɔ 'ö ‑bɛn zë ‑sü 'ka‑ ‑a ‑gɔ 'sëëdhɛ 'gü ‑a 'dhö ꞊dhɛ:

Fidhipö 3:8

꞊Ya 'to ‑zian wo‑ 'dhɛ 'kö 'a‑ pö bha‑ ‑bha kö‑ fië‑ 'bha‑ ‑dhö, "kɛɛ 'wɔn "pɛpɛ ꞊gban ꞊në ꞊ya kë n 'gü ꞊taamasü ya‑ 'gü "wlaawɔn 'ka, n Dëmɛ Yesu dɔ ‑sü ‑bha ‑kë ‑së ‑kɔ yaa 'gü yaa bha‑ ‑wɔn 'gü. Yö ꞊në‑ ‑wɔn 'gü 'yö 'ma n ꞊taa zun 'wɔn ꞊gban "pɛpɛ suu ‑gɔ ꞊dɛɛ, 'yö 'a‑ ‑ga sië ꞊dhɛ gbo 'dhö, kë "dhʋ̈ kö 'a 'to ‑kplü ‑sü 'ka Klisi ‑wɔn ꞊në‑ ‑bha (‑a ‑gɛn ‑mü ꞊dhɛ ‑a 'dhɛ 'kö bha 'bha 'yaa mɛ dha).

Eblö 10:34

'Ö ‑kasogümɛ ‑nu ‑wëë ‑yö ka ‑kë, 'ö 'ka‑ ‑nu ‑ta kun, 'wo faan ‑wɔ ka ‑ta 'wo ka ꞊slɔɔpë ‑nu sü ka ‑gɔ, 'ö 'kun bho ka 'gü 'ka‑ nu "yɩɩ 'ka, kö‑ ‑naa ka "yaan ꞊dhɛ ‑a 'dhɛ 'ö ꞊bhlëësü 'ö ‑ziö 'dhɛ bha‑ ‑ta, 'ö 'yaa yën tongtongdhö bha ‑yö ka ‑gɔ.