Fidhipö 4:10 - NAƆ ‑SË 'SËËDHƐ

¹⁰ 'Ma n ‑zʋ 'gɔn ‑ya 'ka‑ wo n ‑wɔn zuën ‑ta 'zü ‑deewo, 'ö 'ka ꞊mɔɔ‑ ‑bha 'ka n ‑ta 'kun bha‑ 'ka, n zuë" ꞊nii ‑yö ‑da ꞊dedewo kwa ‑bha ‑kë kwa Dëmɛ ‑bha 'ka ‑sü ‑wɔn 'gü. ‑A ‑gɛn ‑mü ꞊dhɛ 'wɔn 'ka‑ ‑kë n ‑dhɛ bha ‑ya ‑zɔn n ‑dhɛ ꞊dhɛ ‑a yi ꞊ya ꞊gwëë kö ka ꞊kwɛng ‑pë 'yii ‑kpan n ‑bha, kö‑ "slë ꞊në 'yaa gun ka "yaan "kɛɛ kö ka ‑zʋ ‑zë 'yii bhɔ n ‑wɔn 'ka.

Fidhipö 4:10 ပူးပေါင်းရင်းမြစ်များ

2 Kodhɛngtö 11:9

"Ɛɛn 'a gun ka "piʋ̈ mü bha n ‑kwɛɛ ‑gun de ꞊dede 'pö‑ 'ta 'ö gun 'wëëga ‑kpla bho sië n ‑bha? Kwa dheebhang ‑nu 'wo go Maseduanö ‑sɛ 'gü 'aa mü 'wo nu n ‑dhɛ pë "pɛpɛ 'ö‑ ‑kpla gun n ‑bha ‑a 'ka ‑ee? 'Mii n ‑dɩ 'kun ‑kɔ ꞊gban ‑kɔ ꞊gban suu 'gü "ɛɛn 'wɔn ꞊gban "pɛpɛ suu 'gü kë "dhʋ̈ 'a ‑kë ꞊kwɛɛ 'ka ka ‑ta 'wɔn 'bha 'gü ‑ee? 'Sa a ‑dho 'to n ‑dɩ 'kun ‑sü ‑bha "dhʋ̈ 'ö‑ 'wɔn‑ yën.

2 Kodhɛngtö 6:7

'Wɔn 'yi zë‑ ‑dhɛ 'yö 'yi Atanna ‑bha tɛanwɔn bha ꞊në‑ ‑naɔ dɔ, 'yö ('wo yi ‑kë ‑a ‑bha yëkëmɛ 'ka ‑sü ‑dhɛ yö) 'gügbɩɩdhɛ 'ö‑ ‑kë 'wɔn ‑nu 'yi‑ kë sië bha ꞊në‑ ‑bha, 'yö 'wɔn 'ö pö 'aa‑ ‑bha ꞊në 'yi‑ ‑kë bha 'yö bha. Kö yi këwɔn ‑nu "ɛɛn yi "ta ‑kɔ ‑nu bha ꞊në ‑wo kë yii‑ 'ko ‑zë 'ka ‑piö ‑nu "ɛɛn "dhɛ ‑ya yi ‑ta ‑pë ‑nu 'ka yi ‑dhiang yaa zë ‑mɛ ‑nu ‑gɔ.

Gadhatö 6:10

‑A ‑kë "dhʋ̈ ‑sü bha‑ 'gü, 'wɔn ‑së kë "sɩ ‑zë 'ö ‑tun kwa ‑dhɛ, ‑ka ‑kwaa kë "tʋ̈ng ꞊gban ‑tʋ̈ng ꞊gban 'gü, "kɛɛ ‑ka ‑kwaa kë kwa dheebhang ‑nu 'wo Yesu ‑bha 'ka bha ꞊në‑ ‑nu ‑dhɛ 'kpiisü.

Gadhatö 6:6

Mɛ 'wo‑ ꞊klang kë sië Atanna ‑wʋ 'ka, ‑a ‑dhɛa ‑bha ꞊dhɛ ‑a ‑mɛ ‑yö ö ꞊slɔɔpë bha‑ 'bha ꞊gbaɔ 'mɛ 'ö‑ draan‑ sië bha‑ ‑gɔ.

Fidhipö 1:1

Mang Pɔdhö ‑mɛ yaa‑ Timote 'yi ‑kë Yesu Klisi ‑bha gwëëmi 'ka bha yi ꞊në 'yi 'sëëdhɛ ya‑ bɔ, mɛ "pɛpɛ 'ka ‑ya ‑sü 'ka ‑dɩ ‑wɔn "dhiʋ̈‑ ‑bha 'ka Fidhipö ‑pö 'gü bha, kaa‑ ka ‑gɔmɛ ‑nu waa‑ ka "dhiʋ̈ziöwomɛ ‑nu ka ‑dhɛ.

Fidhipö 1:3

N ‑zʋ ‑ya ‑bö ka ‑wɔn 'ka ‑kɔ 'ö‑ 'gü 'do 'do, a (n Dë) Atanna ꞊në‑ nuɛ" ‑bho,

Fidhipö 2:30

‑A ‑gɛn ‑mü ꞊dhɛ ‑ya ‑zë Klisi ‑wɔn ꞊në‑ ‑dhɛ 'yö ꞊tëng ga ‑sü ‑ta bha. N ‑takunkapë 'ö‑ ‑kpan n ‑bha ‑kɔ 'yaa gun (kwa ‑ya "kwëë ꞊gblɛɛn ‑sü ‑wɔn 'gü) bha ka‑ ‑dɔ yö ꞊në‑ ‑gɔ 'yö nu‑ 'ka n ‑dhɛ, yö ꞊në‑ ‑wɔn 'gü 'yö‑ ‑dhɛ to 'dɛdɛ kö‑ ‑gɔ ‑to 'gü.