Fidhipö 3:3 - NAƆ ‑SË 'SËËDHƐ

³ A‑ ‑pö ka ‑dhɛ ꞊dhɛ ‑go 'gbannë 'gü ‑mɛ ꞊dede 'ö Atanna ‑ya dɔ, yö ‑mü kwa ꞊në kwa 'ka, ‑a ‑gɛn ‑mü ꞊dhɛ kwa ‑zë kwa Atanna ‑dhɔkë ‑a ‑bha 'Nii‑ "slʋ̈ʋ̈slʋ̈ bha ꞊në‑ ‑kɔ 'ka, 'ö 'kwa kwa "dhia bho kwa ‑bha ‑kë Yesu Klisi ‑bha 'ka ‑wɔn ꞊në‑ 'gü, 'ö 'kwaa kwa ‑zʋ 'gɔn mɛ "bhɩɩ‑ ‑nu wɔ ‑kɔ ‑dhɛ. 'Mɛ 'kwa "dhʋ̈ bha ꞊në 'kwa ‑go 'gbannë 'gü ‑mɛ ꞊dede 'ka Atanna ‑zë 'gü.

Fidhipö 3:3 ပူးပေါင်းရင်းမြစ်များ

Wlɔmö 1:9

'A bhɛa" sië‑ ‑dhɛ ‑kɔ 'ö‑ 'gü 'do 'do, a ‑bhɛa 'pö ka ‑wɔn 'gü, n ‑zʋ 'yaa bhɔ ka 'ka tongtongdhö. Atanna 'a‑ ‑dhɔkë n faan ꞊gban 'ka, 'ö 'a‑ ‑bha naɔ ‑së 'ö ‑gban ‑a Gbö Yesu Klisi ‑bha ‑a dɔ sië 'a ‑ziö 'ka bha ꞊në n "sɛɛ‑ 'ka. ‑Ya 'wɔn ‑dɔ ꞊dhɛ 'pë 'a‑ pö sië bha 'yaa ꞊sua 'ka. A ‑bhɛa 'pö‑ ‑dhɛ kö ꞊ya kë ꞊dhɛ ꞊ya kë ‑a ‑dhidhɛwɔn 'ka ꞊dhɛ 'a nu kö 'a ‑wo ka ‑dhɛ 'gü, ‑ɛɛ! Kö ‑ya zian "dhi "pʋ n ‑gɔ kö 'a nu.

Wlɔmö 15:17

‑A ‑kë "dhʋ̈ ‑sü ‑wɔn 'gü, a ‑mɔɔ ‑bha 'a n ‑tɔ kun Atanna wëëdhö Yesu Klisi 'saa‑ 'gü ‑a ‑bha yë 'a‑ kë sië bha‑ ‑wɔn 'gü.

Wlɔmö 7:6

"Kɛɛ dɔ 'dhɛ 'kö 'kwa‑ wo ꞊taamasü ya‑ 'gü ya, 'kwa 'go 'tɔng‑ ‑gɔ ꞊dhuëngdhɛ 'gü, ‑a 'klɔɔ‑ ‑mü ꞊dhɛ pë 'ö gun kwa 'kun ‑sü 'ka 'yö kwa gun‑ ‑gɔ ‑kaso 'gü bha 'kwa ga‑ ‑pë ‑gɔ. ‑A ‑kë "dhʋ̈ ‑sü ‑wɔn 'gü, yë ‑dee 'dhɛ 'kwa‑ kë sië ꞊taamasü ya‑ 'gü, Atanna ‑bha kë 'gü bha‑ ‑bha 'Nii‑ "slʋ̈ʋ̈slʋ̈ bha ꞊në‑ kë ‑faan ‑da kwa 'gü. ‑A kë ‑kɔ zii 'dhɛ 'ö gun 'tɔng‑ "gblʋʋ ‑ta bha 'kwaa‑ ‑gɔ ‑kaso 'gü 'zü.

Wlɔmö 8:15

‑A ‑gɛn ‑mü ꞊dhɛ ‑a ‑bha 'Nii‑ 'kö‑ ꞊gbaɔ ka ‑gɔ 'ö ka 'gü bha, 'yii kë 'Nii‑ 'ö mɛ ‑kë "suʋ̈ ‑mɛ 'ka, "ɛɛn 'ö mɛ ‑kë ꞊dhuëng 'ka ‑a 'ka. "Kɛɛ yö ꞊në ka ‑kë ‑a ‑bha 'në 'ka, 'yö 'kwa ꞊mɔɔ‑ ‑bha 'kwa‑ ‑dhɛ «Kwa Dë».

Wlɔmö 8:39

faan ‑pë ‑nu 'wo dhang‑ 'gü oo, ‑a 'dhɛ 'wo "kpʋng ꞊taa oo, "ɛɛn Atanna ‑bha ‑dapë suu "ʋʋ suu 'bha ‑zian ꞊në‑ ‑kɔ 'yii 'dho ꞊mɔɔ‑ ‑bha kö ‑yö kwa "kan ‑dhɔ 'ö Atanna ‑ya ‑kë kwa 'ka kwa Dëmɛ Yesu Klisi 'saa‑ 'gü bha‑ ‑bha.

Wlɔmö 9:6

'Ma‑ pö "dhʋ̈ kö 'mii‑ pö ꞊dhɛ ꞊ya kë "dhʋ̈ kö "plüün 'ö Atanna ‑ya bho Izraɛdhö ‑mɛ ‑nu ‑dhɛ bha 'yii 'to‑ ‑bha, ‑a ‑gɛn ‑mü ꞊dhɛ mɛ "pɛpɛ 'wo Izraɛdhö 'gü ‑në ‑nu 'ka, Atanna 'yaa‑ ‑nu ꞊gban ‑ga ꞊dhɛ Izraɛdhö 'në ꞊dede 'dhö.

2 Kodhɛngtö 11:18

Kë 'ö‑ wo ꞊dhɛ mɛ ꞊gban ‑wo 'tɔ 'kun sië 'wɔn ‑nu 'wo‑ ‑kë mɛdhɛkwi 'gü bha‑ 'gü ‑nu wo bha ꞊në‑ ‑kë 'yö mang ‑dɩ 'pö 'a n ‑bha bho.

Gadhatö 5:25

꞊Dhɛ 'ö ‑kë ꞊dhɛ Atanna ‑bha 'Nii‑ bha ꞊në ꞊sii ‑kë kwa ‑dhɛ bha, ‑a ‑dhɛa ‑bha 'pö ꞊dhɛ yö ꞊në ‑yö zun kwa ‑dhɛ "dhiʋ̈ kwa "ta ‑kɔ ‑nu 'gü.

Gadhatö 6:16

A ‑bhɛa Atanna ‑dhɛ kö mɛ "pɛpɛ wo ‑tosɛa kë sië ꞊dhɛ ‑kɔ 'a‑ pö‑ 'ka bha‑ 'dhö, ‑yö zuëwaanusü nu wo ꞊në‑ ‑nu ‑dhɛ, kö ‑yö ö "klʋ‑ dhi‑ ‑nu ‑bha, waa‑ mɛ "pɛpɛ 'ö ꞊wa bɔ‑ 'ka ‑a ‑nu 'dhö.

Efɛzö 6:18

'Wɔn "pɛpɛ bha ‑kaa ꞊gban kë ‑bhɛa Atanna ‑dhɛ ‑kɔ suu "pɛpɛ 'ö‑ ‑bha 'Nii‑ ‑ya ‑zɔn ka ‑dhɛ ꞊në‑ 'ka kö ‑yö ka ‑ta 'kun, ‑kaa wo "tʋ̈ng ꞊gban "pɛpɛ 'gü. ‑Yö kë ka kë ‑yë 'ka ka 'gü 'ya 'dho ga‑ ‑bha. Kö 'ka bhɛa" 'pö mɛ "pɛpɛ 'wo ‑ya ‑sü 'ka Atanna ‑bha ‑ya 'gü ‑a ‑nu ‑wɔn 'gü ‑a ‑dhɛ.

Fidhipö 1:1

Mang Pɔdhö ‑mɛ yaa‑ Timote 'yi ‑kë Yesu Klisi ‑bha gwëëmi 'ka bha yi ꞊në 'yi 'sëëdhɛ ya‑ bɔ, mɛ "pɛpɛ 'ka ‑ya ‑sü 'ka ‑dɩ ‑wɔn "dhiʋ̈‑ ‑bha 'ka Fidhipö ‑pö 'gü bha, kaa‑ ka ‑gɔmɛ ‑nu waa‑ ka "dhiʋ̈ziöwomɛ ‑nu ka ‑dhɛ.

Fidhipö 3:12

‑A pö 'a‑ wo "dhʋ̈ bha 'yii kë ꞊dhɛ ‑yɛa 'a‑ mɔɔ‑ sië bha 'ma‑ ꞊slɔɔ ꞊në‑ wo 'nu, "ɛɛn ꞊dhɛ 'ma Atanna dhɔɔbhaawɔn ꞊gban kë, ꞊dhɛ pö 'aa n ‑bha 'zü ‑a wëëdhö, ‑abin! "Kɛɛ ‑bɛang ꞊në 'a‑ 'sü sië, kë "dhʋ̈ kö 'a n 'gü dɔ "gbɩɩ‑ 'a ‑kpan ‑bha, ꞊dhɛ 'ö ‑kë ꞊dhɛ Yesu Klisi ꞊ya mang ‑dɩ 'pö n 'san n ‑kɔ ‑bha bha‑ ‑wɔn 'gü.

Fidhipö 3:14

Yö ꞊në‑ ‑wɔn 'gü 'yö 'a ‑bɛang 'sü sië 'a dho n "dhiʋ̈ ꞊në‑ wo ‑kpɛawo, kë "dhʋ̈ kö 'a‑ ꞊la ꞊slɔɔ dhang‑ 'gü, kö Atanna 'dhö Yesu Klisi bɔ kwa ‑dhɛ ‑dhɛ 'gü ‑yɛa 'ö‑ ‑wɔn 'ka dhang‑ 'gü bha 'a‑ ꞊slɔɔ.

Kodhɔsö 2:11

꞊Ya 'go yö ‑zë 'gü, ka ‑bha ‑bɔ Klisi 'ka ‑sü bha ꞊në ka go 'gbannë ꞊dede 'gü. 'Ö Zuifö ‑nu ‑gɔ "sɛ 'gü, 'mɛ ꞊ya 'go 'gbannë 'gü kö mɛ ꞊gban ꞊waa‑ 'wɔn dɔ ꞊dhɛ ꞊ya bɔ Atanna 'ka. "Kɛɛ ‑a ‑nu ‑bha ‑bɔ Atanna 'ka ‑kɔ 'ö "dhʋ̈ bha ‑wa ‑kë wo ‑kɔ 'ka. Ka ‑bha 'kö bha 'yaa ꞊dhɛ ‑a ‑nu ‑bha 'dhö, ka ‑bha 'kö bha Klisi ꞊në‑ ‑kë 'yö 'ka ka bo ‑tosɛa kë ‑kɔ yaya ‑nu bha‑ 'ka, 'yö ka kwi bho 'wɔn yaa kë ‑sü ‑gɔ ꞊dhuëngdhɛ 'gü.

Zudë 1:20

"Kɛɛ ka ‑zë, n "taɔngdë ‑nu, ka ‑bha ‑zʋ ‑yö Atanna ‑dhɛ ‑sü "slʋ̈ʋ̈slʋ̈ 'ö pö 'aa‑ ‑bha bha, ‑kaa 'kun "gbɩɩ‑, ‑a ‑da 'gü ꞊në ‑kaa ‑da kö 'ka 'dho‑ 'ka "dhiʋ̈, kö 'ka bhɛa" Atanna ‑dhɛ ‑a ‑bha 'Nii‑ "slʋ̈ʋ̈slʋ̈ bha‑ ‑bha 'gügbɩɩdhɛ 'ka.