Fidhipö 3:20 - NAƆ ‑SË 'SËËDHƐ

²⁰ "Kɛɛ kwa ‑zë kwa Dë ‑pö ꞊dede 'ö 'dhö, 'yö dhang‑ 'gü ‑dhɛ 'ka, kwa Dëmɛ Yesu Klisi 'ö kwa Dhamɛ 'ka 'ö 'kwa kwa "yan 'to sië‑ ‑gɔ bha ‑yö ‑dho 'go mü ꞊naa 'ö nu.

Fidhipö 3:20 ပူးပေါင်းရင်းမြစ်များ

Matiö 19:21

'Yö Yesu ‑ya pö‑ ‑dhɛ: «'Bha‑ pö‑ "dhiʋ̈ ‑yö pa Atanna wëëdhö, ‑bhö 'dho kö pë "pɛpɛ 'ö i ‑gɔ 'i‑ ꞊gban 'go, kö 'i‑ sɔng bha‑ ꞊gbaɔ "flɛɛmɛ ‑nu ‑gɔ kö 'i nu 'i ‑da n ꞊keng‑. 'Bha‑ kë "dhʋ̈ i ‑dho ꞊naɔ 'dhɛ 'ö dhang‑ 'gü ‑a ꞊slɔɔ.»

Dhukö 12:21

꞊Dhɛ 'ö Yesu ꞊ya ö bo "gwënng bha‑ ‑da ‑sü 'ka, 'yö‑ ‑ta yɔ ‑nu ‑dhɛ 'ö‑ pö: «Mɛ "ʋʋ mɛ 'ö ꞊naɔ ꞊mɔɔ 'ö‑ drung dɔ ö ‑dɩ ‑dhɛ "kpʋng ꞊taa yö, 'ö 'yaa ö ‑zʋ 'gɔn 'ö ‑dhɛkpaɔ dhia" 'ö Atanna wëëdhö ‑a 'ka, ‑a ‑mɛ ‑kë ꞊dhɛ 'mɛ bha ꞊në‑ 'dhö.»

Dhukö 14:14

'Bha‑ kë "dhʋ̈, i zuë" ꞊nii ‑dho ‑da, ‑a ‑gɛn ‑mü ꞊dhɛ 'mɛ 'wo bha 'waa ꞊mɔɔ‑ ‑bha kö ‑wa ‑gɔyɔɔ dɔ i ‑dhɛ, ꞊ya 'go mü 'zü, Atanna ‑dho ‑a ‑gɔyɔɔ dɔ i ‑dhɛ, 'mɛ 'wo 'dhang bho‑ "dhiʋ̈ ‑a ‑nu ‑bö ‑yi 'ka.

Këwɔn ‑nu 1:11

'Yö gɔɔn‑ ‑nu ꞊plɛ bha 'wo‑ pö‑ ‑nu ‑dhɛ: «Gadhidhe ‑mɛ ‑nu 'ka ya, ‑më 'ö ‑kë 'yö 'ka ‑dhɛ ‑ga dhang‑ 'gü zuudhö "dhʋ̈? Yesu do 'ö 'go sië ka kpö 'gü 'ö dho dhang‑ 'gü bha, ‑yö ‑dho ö yee kë 'zü 'ö nu ꞊dhɛ ‑kɔ do 'ka‑ yö‑ 'ka kö ‑yö 'dho sië bha‑ 'dhö.

1 Kodhɛngtö 1:7

'Wɔn 'ö‑ ‑wɔn 'gü 'yö mɛ "pɛpɛ 'ö 'ka "yan 'to sië kwa Dëmɛ Yesu Klisi ‑gɔ bha, 'ö Atanna ‑bha gbaɔdhe 'ö‑ ‑kë ö ‑bha 'në ‑nu ‑gɔ bha‑ 'bha ‑bo 'yaa ka zë ‑sü 'ka bha 'yö bha.

1 Kodhɛngtö 15:48

Adan 'dhɛ 'ö‑ ‑kë "sɛ 'ka bha‑ 'gü ‑në "pɛpɛ 'kö 'kwa "kpʋng ꞊taa ya kwa ‑bhɔ yö ꞊në‑ ‑bha, 'yö Adan 'dhɛ 'ö go dhang‑ 'gü ꞊taamasü ya‑ 'gü bha mɛ "pɛpɛ 'kö 'kwa bɔ Yesu 'ka 'kwa bhɔ 'pö‑ ‑bha.

2 Kodhɛngtö 4:18

'Wɔn 'ö‑ ‑wɔn 'gü 'yö yi ‑wëëdhɛ 'ö bho sië bha 'ö dho "gla yi ‑gɔ mɛdhɛ 'gü bha‑ 'klɔɔ‑ ‑mü ꞊dhɛ yi ‑zʋ 'gɔn ‑sü 'yaa pë 'dhɛ 'kö mɛ ‑ya yö mɛ "yanga 'ka bha‑ ‑dhɛ. Yi ‑zʋ 'gɔn ‑sü ‑ya 'dhɛ 'ö mɛ "yan 'yaa‑ yö bha ꞊në‑ ‑dhɛ. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ pë 'dhɛ 'kö mɛ "yan ‑ya yö bha‑ 'bha 'yaa ꞊gwëë ‑A 'dhɛ 'ö mɛ "yan 'yaa‑ yö 'ö Atanna "piʋ̈ bha ꞊në‑ ‑bha ꞊gwëë ‑sü "dhiʋ̈todhɛ ‑zian 'yaa 'dhö.

2 Kodhɛngtö 5:8

"Kɛɛ yi ‑zʋ 'gɔn ‑sü ‑ya ‑dhɛ klöklödhö, yö ꞊në‑ ‑wɔn 'gü 'yö yi "piʋ̈ ‑zianwo ꞊naa ꞊dhɛ 'yi go kwi 'dhɛ 'ö ya‑ 'gü kö 'yi 'dho ‑tosɛa kë kwa Dëmɛ bha‑ "sɔɔ.

Gadhatö 4:26

"Kɛɛ kwa ‑zë Zedhizadhɛmö ‑pö 'dhɛ 'ö dhang‑ 'gü, 'ö 'wlɔɔ‑ ‑pö 'ka bha, yö ꞊në ꞊dhɛ kwa dhe 'dhö.

Efɛzö 2:19

‑A ‑kë "dhʋ̈ ‑sü bha‑ 'gü kö 'mɛ 'ka bha, 'kaa ‑dhɛng 'ka Atanna ‑gɔ 'kɔɔdhö 'zü, "ɛɛn 'kaa "kpɛnngmɛ ‑nu 'ka 'zü 'dhang 'ka‑ bho Klisi ‑wɔn "dhiʋ̈ bha‑ ‑wɔn 'gü, "kɛɛ 'ka kë Atanna ‑gɔ 'pö‑ 'gü ‑mɛ ‑nu ꞊në‑ 'ka, ‑a ‑gɔ 'kɔɔ ‑në ‑nu ‑zian ꞊në‑ 'ka, ‑a ‑bha 'në ‑nu "piʋ̈.

Efɛzö 2:6

Kwa ‑bha ‑kplü Yesu Klisi ‑bha ‑sü bha‑ ‑wɔn 'gü ꞊dhɛ 'ö kwaa Klisi ‑nu kwa ‑bö, 'yö kwa gba ‑yɛa 'ka ö "piʋ̈ dhang‑ 'gü kö kwɛng‑ ‑nu 'kwa mɛdhɛ ‑kë.

Fidhipö 1:10

A ‑bhɛa 'zü "dhʋ̈ kö 'ka 'wɔn ‑së ꞊dede 'ö ‑dhi ‑dhɛ ‑a dɔ, kö 'ka‑ kë, kë "dhʋ̈ kö 'ka kë "puu "slʋ̈ʋ̈slʋ̈ 'ka, kö pö 'a 'dho kë ka ‑bha tongtongdhö Klisi nu ‑yi 'ka.

Fidhipö 1:27

"Kɛɛ 'wɔn do 'ö "gbɩɩ‑ mü, yö ‑mü ꞊dhɛ ka "ta ‑kɔ ꞊në ‑yö dhi, kö ka "ta ‑kɔ ‑yö bhɔ 'pë 'ö Klisi ‑bha naɔ ‑së ‑ya pö ‑a ‑bha. Kë "dhʋ̈ kö, 'kö 'zü 'ö ‑kë ꞊dhɛ a ‑nu mü oo, "ɛɛn 'mii nu mü oo, "kɛɛ kö ka ‑dhiang ‑së ‑zë ‑yö kë n "tʋʋdhö ‑kpɛawo ꞊dhɛ ka ‑ya ‑sü 'ka Klisi ‑bha ‑ya 'gü, ꞊dhɛ ka ‑kɔ ‑yö 'wɔn do ꞊në‑ ‑bha, ꞊dhɛ ka zuëpiʋ̈wɔn ꞊gban ‑yö do 'dhang ‑bho Atanna "dhiʋ̈ ‑sü 'ö 'wɔn ‑taɔng ‑së ‑ya nu ka ‑dhɛ bha‑ ‑takozë ‑sü 'gü ‑a 'yaɔ‑ ‑nu 'ka.

Kodhɔsö 1:5

꞊Ya 'go mü 'zü yi‑ ma ‑sü 'ka ꞊dhɛ Atanna 'dhö ka ‑dhɛkpaɔ dhia" saan 'ö‑ ‑ya ‑sü 'ka dhang‑ 'gü bha, ka ka "yan 'to sië yö ꞊në‑ ‑gɔ. 'Sa ‑dhɛkpaɔ dhia" saan 'ö ‑ya ‑sü 'ka ka ‑gɔ "dhʋ̈ bha ꞊në 'ka zë‑ ‑wɔn ‑dhɛ 'yö 'ka ka "yan 'to sië Yesu ‑gɔ klöklödhö. 'Mɛ 'wo bɔ‑ 'ka ‑a ‑nu ‑dhɔ ‑yö ka ‑kë 'pö yö ꞊në‑ ‑wɔn 'gü. ‑A ‑gɛn ‑mü ꞊dhɛ ‑dhɛkpaɔ dhia" saan 'ö "dhʋ̈ bha 'ka‑ ‑wɔn ma 'nu naɔ ‑së 'ö go Atanna "piʋ̈ 'ö tɛanwɔn ‑ta ‑pʋ mɛ ‑dhɛ bha‑ ‑pö ka ‑dhɛ "tʋ̈ng 'gü.

1 Tesadhonikö 4:16

"Kɛɛ kwa Dëmɛ yöö ꞊dede ‑a ‑bha ‑go dhang‑ 'gü ‑sü 'ka, Atanna ‑bha "kië ‑nu ‑gɔmɛ do‑ ‑dho ‑a "kwikan 'ö 'kwa‑ ma, 'ö‑ ‑bha "truu ‑yö ‑wɩ 'ö 'kwa‑ ma, 'yö gun ‑na 'go dhang‑ 'gü 'ö ꞊lɔɔ, 'yö 'mɛ 'wo to‑ ‑bha zian ‑ta 'wo ga bha 'wo ‑bö ꞊kö ‑blɛɛsü.

2 Timote 4:8

A‑ 'wɔn ‑dɔ ꞊dhɛ 'faan‑ 'ö kwa Dëmɛ 'ö za dɔ mɛ ‑bha tɛanwɔn ‑ta bha 'ö‑ ‑ya 'mɛ 'ö pö 'aa‑ ‑nu ‑bha ‑a ‑nu ‑gɔ bha n ‑bha ‑dhö. ‑Yö ‑dho ‑a nu n ‑dhɛ yi 'ö dho za dɔ‑ 'ka mɛ "bhɩɩ‑ ‑nu ‑bha bha‑ 'ka. 'Faan‑ 'ö "dhʋ̈ bha mang do n ‑bha 'yaa ‑mü ‑zianwo, ‑a ‑gɛn ‑mü ꞊dhɛ 'mɛ 'ö kwa Dëmɛ bha‑ nu ‑sü "dhia 'dhö‑ ‑nu 'gü ‑yö ‑dho ‑a ‑nu ‑bha nu 'pö.

Titö 2:13

‑Kɔ bha ꞊në 'kwa dho ‑tosɛa kë‑ 'gü 'ö dho‑ 'ka "dhʋ̈ 'ö zun‑ 'ka ‑dhɛkpaɔyi ‑së 'ö kwa ‑zʋ 'dhö‑ 'gü, 'ö nu sië, 'ö kwa ‑bha Atanna 'ö 'kpii‑, kwa Dhamɛ Yesu Klisi dho nu‑ 'ka ö ‑bha 'tɔbhɔdhe 'gü bha‑ ‑bha.

Eblö 12:22

"Kɛɛ ka ‑zë, Siɔn ‑tɔn waa‑ Zedhizadhɛmö ‑pö 'ö Atanna "yaandhe 'ö dhang‑ 'gü bha‑ ‑yɛa ꞊bhaa ‑dhɛ 'ka, waa‑ ‑a ‑bha "kië "gblü mɛɛ ‑nu bha‑ ‑nu 'dhö bha ꞊në 'ka ꞊yɔɔn ‑sü 'ka‑ "sɔɔ.

Eblö 9:28

Klisi ‑dɩ 'pö ‑yö ö ‑dɩ ‑nu ‑gɛn ‑yan doseng 'ka ‑kɔ do bha ꞊në‑ 'gü kö ‑yö kë 'bɔn ‑bho mɛ 'gbɛ ꞊dede ‑bha ‑gɛn 'ka, ‑yö ‑dho ‑ya mü 'zü 'ö nu ꞊plɛ ‑naa wo, "kɛɛ ‑yö ‑dho yö ‑zë wo "dhʋ̈ 'mɛ 'wo "yan 'to sië‑ ‑gɔ bha ꞊në‑ ‑nu ‑wɔn 'gü kö ‑ya ‑nu dha ‑sü bha‑ ‑gɔ ‑da 'plöö, 'yii 'dho‑ wo 'bɔn ‑dee 'bha ‑bho mɛ ‑bha ‑wɔn ‑zë 'gü.

‑Dhɛkpaɔ 1:7

‑Ka ‑dhɛ ‑ga, yö 'ö bha ‑yö nu sië dha 'kpong‑ ‑ta. Mɛ "pɛpɛ ꞊gban‑ ‑dho ‑a yö, aa" ꞊ni mɛ ‑zian 'ö 'wii 'dhang bho‑ "dhiʋ̈. "Sɛgɔ "pɛpɛ 'wo "kpʋng ꞊taa ‑a ꞊gban ‑dho "gbʋ bɔ wo ‑dɩ ‑bha ‑a ‑wɔn 'gü. A‑ ‑pö ka ‑dhɛ ꞊dhɛ tɛan‑ ‑mü, ‑yö ‑dho kë! 'Sa ‑yö ‑dho kë!