Fidhipö 3:19 - NAƆ ‑SË 'SËËDHƐ

¹⁹ 'Mɛ 'wo "dhʋ̈ bha‑ ‑nu "dhiʋ̈ ta ‑dhɛ ‑mü ‑dho pɛng 'gü ‑sü ꞊në‑ 'ka, ‑a ‑gɛn ‑mü ꞊dhɛ ‑a ‑nu ‑dɩ ‑dhidhɛwɔn ‑nu ꞊në 'wo‑ ‑dhɔkë (꞊dhɛ‑ ‑nu ‑bha ‑zlan 'dhö). 'Wɔn ‑nu 'ö ꞊waa‑ kë 'ö 'yiʋ̈‑ dho dɔ‑ ‑nu ‑bha bha ꞊në 'wo wo ‑dɩ 'tɔ bhɔ ‑zian mɔɔ‑ 'gü. 'Waa kë ‑a ‑nu ‑zʋ 'yaa ‑da pë "wɛwɛ 'bha ‑wɔn ‑ta kö 'yii kë "kpʋngtaapë ‑nu ‑wɔn 'ka.

Fidhipö 3:19 ပူးပေါင်းရင်းမြစ်များ

Matiö 16:23

"Kɛɛ 'yö Yesu ‑yö ꞊slëë ö 'gü, 'ö‑ pö Piɛdhö ‑dhɛ: «‑Bhö bhɔ n 'ka taa‑ ꞊gblɛɛn, Sɔtraan! ‑Yö i "piʋ̈ ꞊dhɛ 'i n ‑da Atanna "dhiʋ̈, ‑a ‑gɛn ‑mü ꞊dhɛ kɛng ka ‑zʋgɔngüwɔn 'yaa do, i i ‑zʋ ‑gɔn ꞊dhɛ mɛ "bhɩɩ‑ ‑nu 'dhö.

Matiö 25:41

꞊Ya 'go mü 'yö‑ pö 'mɛ 'wo‑ ꞊kwaa‑ 'gü bha‑ ‑nu ‑dhɛ 'ö‑ pö: «"Dhang ‑mɛ ‑nu! ‑Ka 'go n ‑bha bha! Pɛng 'wo‑ ‑ya Sɔtraan waa‑ ö ‑bha "kië ‑nu ‑dhɛ bha ka ‑zë kaa 'dho yö ꞊në‑ 'gü.

Dhukö 12:19

꞊Ya kë ꞊dhɛ 'ma n bo, 'yö 'a‑ pö n ‑dɩ ‑dhɛ ꞊dhɛ: ‑Kwɛ ꞊ya dhi, ‑bhöpë ꞊ya ziö n ‑ta, 'mii 'dho 'ke‑ kë ‑kwɛ kpö 'ka, maa n "tɛɛ pa kö 'a pë ‑bhö kö 'a pë mü kö 'a n 'flëë‑ bho.»

Dhukö 16:19

'Yö Yesu ‑ya pö‑ ‑nu ‑dhɛ 'ö‑ pö: «꞊Naɔmɛ 'kpii‑ 'bha ꞊në gun, sɔ ‑nu 'wo gun‑ ‑gɔ, "yi 'yaa zun‑ 'bha ‑bha. ‑Yö ‑gun sɔga "kpɛakpɛa ‑dɩ ‑slɔɔ 'ö ‑ma 'yaa wo‑ sɔng ‑bha bha ꞊në‑ ‑da sië. 'Yö ‑dhɛ "puu 'ö ꞊kpaɔ, 'yö ö "dhia bho 'yö pë ‑sɛsɛngbɔ ‑nu ‑bhö.

Dhukö 18:4

'Yö ꞊gɛandhe bha 'ö ö ‑gɛn dɔ zadɔmɛ bha‑ ‑dhɛ 'gü pinpindhö kö 'yaa "wɩ‑ ‑bha kö ‑ya ‑nu ‑bha za bha‑ dɔ. "Kɛɛ ‑a ‑fɛɛ ‑ya ‑bha ‑kɔ yaa bha‑ ‑wɔn 'gü, 'yö yi do 'ka 'yö zadɔmɛ bha 'ö‑ pö: «'Kwa‑ ma, 'maa "suʋ̈ ‑zë wo Atanna ‑gɔ tɛan‑ 'ka, "ɛɛn 'maa ‑kpla mɛ 'bha ‑gɔ,

Wlɔmö 16:18

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ mɛ suu ‑nu 'wo "dhʋ̈ bha 'waa kwa Dëmɛ Klisi bha yö ‑zë ‑dhɔkë, ‑wo wo ‑dɩ dhɔɔbhaawɔn ꞊në‑ ‑kë. 'Yö 'mɛ ‑a ‑nu ‑zʋ 'yaa 'wɔn 'bha "piʋ̈ bha 'wo ‑wʋ ‑së ‑dhɛ "yi bho ‑wʋ "nɛɛnɛɛ ‑nu ‑pö ‑nu ‑dhɛ ‑sü 'ka 'yö 'wo‑ ‑nu ‑gɔ 'gü ꞊see‑ 'ka, 'yö 'wo‑ ‑nu wë bho Atanna ‑ta.

Wlɔmö 6:21

‑A kë 'ka gun‑ wo sië "dhʋ̈ "tʋ̈ng bha‑ 'gü bha, ‑a ꞊trɔɔn 'ka‑ ꞊slɔɔ‑ 'gü ꞊dɛɛ yö ‑mü ‑më 'ka? Yö ‑mü 'wɔn ‑nu bha‑ ‑nu 'yiʋ̈‑ 'ö ka kë sië ꞊dɛɛ bha ꞊në‑ 'ka. ‑A 'klɔɔ‑ ‑mü ꞊dhɛ 'wɔn 'dhɛ 'kö 'ka gun‑ kë sië bha ‑wo ga ‑zian ꞊në‑ bho mɛ 'ka.

1 Kodhɛngtö 3:3

‑A pö 'a‑ wo "dhʋ̈ bha‑ ‑gɛn ‑mü ꞊dhɛ ka ‑tun ‑tosɛa kë ꞊dhɛ "kpʋngtaamɛ ‑nu 'ö 'waa Atanna dɔ ‑a ‑nu 'dhö. 'Sa ‑yö "dhʋ̈ tɛan‑ 'ka ꞊dhɛ ꞊drɔ‑ ‑tun ka ꞊zinng 'gü, ka ‑tun "dhinaa ‑nu 'ma‑ ka "kwëë. ꞊Ya kë "dhʋ̈ kö 'kaa ‑tun ꞊dhɛ 'mɛ 'waa Atanna dɔ ‑a ‑nu 'dhö ꞊naa bha ‑ee?

1 Kodhɛngtö 5:2

"Kɛɛ yö ‑zë ꞊gban 'gü ka "dhi‑ ‑tun "wɩ mü "dhʋ̈ do 'ka dho‑ 'ka. ‑A ‑dhɛa ‑bha 'nu ꞊dhɛ 'ka ‑wëë ‑ya ꞊në‑ wo kö 'mɛ 'ö bhɔ suu 'ö "dhʋ̈‑ wo bha 'ka‑ kë ka kpö 'gü.

1 Kodhɛngtö 5:6

‑A ‑kë "dhʋ̈ ‑sü bha‑ 'gü, ka ‑dɩ ‑sü 'kpii‑ ‑gɛn 'yaa 'dhö. "Ɛɛn "gwënng 'wo‑ ‑da 'wo‑ pö ꞊dhɛ 'bha «"sɛkɛ 'në 'dɛdɛ ‑da 'bluu‑ ‑bʋ̈ʋ̈ ‑bha ‑ya ‑puën 'ö ‑kë 'kpii‑» bha 'kii‑ ma do ‑ee?

2 Kodhɛngtö 11:12

"Kɛɛ 'mii 'dho n ‑kɔ ‑ya ka ꞊kwɛɛ ‑naɔ ‑bha, 'sa a 'dho‑ kë "dhʋ̈ ‑kpɛawo 'a dho‑ 'ka, kë "dhʋ̈ kö 'mɛ 'wo 'wɔn ‑dɔ 'gü ‑gɔ mɔɔ‑ sië kë "dhʋ̈ kö ‑wa pö wo ‑bha ꞊dhɛ yɛng‑ ‑nu yi yë kë ‑kɔ do bha ꞊në 'yiʋ̈‑ ‑yö dɔ‑ ‑nu ‑bha kö 'wa 'dho‑ ‑dɔ 'gü ‑gɔ bha‑ ꞊slɔɔ.

2 Kodhɛngtö 11:15

꞊Ya kë "dhʋ̈ kö Sɔtraan ‑bha gwëëzë ‑nu ‑zë ‑a ‑nu "gla ‑sü kö ‑wo kë ꞊dhɛ Atanna ‑bha gwëëzë ‑nu 'dhö kö bha‑ mɛ 'kɔn ‑gɛn 'yaa 'dhö. 'Sa 'mɛ 'wo "dhʋ̈ bha‑ ‑nu ‑bha ‑tosɛa "dhiʋ̈ ‑ya ‑kɔ ‑dho 'sü‑ ‑nu këwɔn ‑nu bha ꞊në‑ ‑bha.

Gadhatö 6:13

'Mɛ 'wo "dhʋ̈ bha wo ‑zë 'waa Atanna ‑bha 'tɔng‑ ‑kpɛa ꞊bhlëë ‑ya, ‑wa ‑kë "dhʋ̈ kö 'wo wo 'tɔ ꞊në‑ 'kun ('dho 'ö kaa‑ bho 'gbannë 'gü kö 'ka bɔ‑ ‑nu 'ka bha‑ ‑wɔn 'gü).

Fidhipö 2:21

‑A ‑gɛn ‑mü ꞊dhɛ mɛ ‑kpɛa 'wo to ‑wo wo ‑dɩ ‑gɔ ‑wɔn ꞊në‑ bha, ‑a "wɛɛ 'bha "tʋ 'yaa (kwa Dëmɛ) Yesu Klisi ‑gɔ ‑wɔn ‑nu ‑bha.

Kodhɔsö 3:2

A‑ ‑pö ka ‑dhɛ ꞊dhɛ 'ka ‑ya pë ‑nu 'wo dhang‑ 'gü bha ꞊në‑ ‑nu zuën ‑ta kö 'ka ka kwaa‑ "kpʋngtaapë ‑nu bha‑ ‑wɔn ‑zü.

2 Tesadhonikö 1:9

'Güseedhe 'ö‑ ‑naa 'to ‑dhɛ 'yaa 'dhö ꞊në dho wɔ‑ ‑nu ‑ta. ‑Wo ‑dho kë kwa Dëmɛ 'ka ꞊gblɛɛn, 'wii 'dho wo ‑gɛn ‑da ‑a ‑bha ‑gblüdëdhɛ ꞊bhlëësü 'ö‑ ꞊mɔɔ‑ 'ka 'yaa 'dhö bha‑ kë ‑dhɛ 'gü.

2 Tesadhonikö 2:12

Kö mɛ "ʋʋ mɛ 'ö 'wii 'dhang bho tɛanwɔn "dhiʋ̈ 'ö 'wɔn yaa kë ‑sü ꞊në‑ "dhia ‑yö gun‑ ‑nu 'gü bha Atanna ‑bha za ‑ya ‑nu zë.

2 Tesadhonikö 2:8

Yö ‑zë ꞊ya 'go‑ ‑gɔ zian‑ yi 'ö‑ 'ka kö 'wɔn yaa ‑gɔdɔakpluu bha‑ nu "tʋ̈ng ꞊ya ꞊loo. "Kɛɛ ꞊ya kë ꞊dhɛ kwa Dëmɛ Yesu ꞊ya nu, "tɛɛ 'ö go‑ "dhi ‑yö ‑dho mɛ bha‑ zë, 'yö‑ ‑bha mɛdhɛ 'bhü 'ö dho nu‑ 'ka bha‑ ‑kë "gbɩɩ‑ ‑sü bha 'ö ‑kë 'wɔn yaa ‑gɔdɔakpluu bha‑ ‑bha ‑bho "dhiʋ̈ ‑sü 'ka.

1 Timote 6:5

'Yö 'wo zaɔdhe 'ö‑ "dhiʋ̈todhɛ 'yaa 'dhö bha ꞊në‑ ‑da. "Kɛɛ 'mɛ 'ö 'wɔn yaa ꞊yaa‑ ‑nu ‑gɔ 'gü see‑, 'ö 'waa tɛanwɔn dɔ 'zü bha ꞊në 'wo 'wɔn ‑nu bha‑ ‑kë, 'yö ‑kë ‑a ‑nu 'gü ꞊dhɛ "ta ‑sü Atanna ‑bha zian ‑ta ‑sü bha pë ‑yö 'gü ‑wɔn ‑mü.

2 Timote 3:4

‑Wo ‑dho ‑da mɛ ‑nu ‑dhɛ pë "piʋ̈, woo do bha 'wɔn‑ ‑dho ‑siö ‑nu ‑dhɛ 'gü klöklö ‑bha, 'ö ‑dɩ ‑sü 'kpii‑ ‑ya ‑nu pa, 'ö 'wo wo ‑dɩ ‑gɔwɔn ‑nu fië‑ bho Atanna ‑dhidhɛwɔn ‑nu ‑bha. (‑Nëng ‑bha ‑mɛ ‑nu 'waa kë "dhʋ̈).

Zakö 4:16

"Kɛɛ ka ‑zë 'kaa ka ‑bha pö "dhʋ̈, ‑dɩ ‑sü 'kpii‑ bha ꞊në ka 'gü 'yö 'ka ka 'tɔ kun‑ 'ka, "kɛɛ 'sa kö ‑dɩ ‑sü 'kpii‑ ‑kɔ suu 'dhɛ 'kö bha 'yaa ‑së Atanna wëëdhö.

2 Piɛdhö 2:1

'Ö gun yi 'bha 'ka, Atanna ‑wʋ "dhiʋ̈ ꞊loo ꞊flü 'ka ‑mɛ ‑nu ‑gun Izraɛdhö ‑mɛ ‑nu kpö 'gü, ꞊flümɛ ‑nu 'wo mɛ ‑nu ꞊klang ‑kë ꞊suasua 'ka bha ‑wo ‑dho ‑da ka kpö 'gü 'pö ‑kɔ do bha‑ 'gü ꞊dɛɛ. ‑Wo ‑dho nu Atanna ‑dhɔkë ‑kɔ "wɛɛ 'ö mɛ wë ꞊në‑ bho‑ ‑ta, 'ö mɛ 'gü ꞊në ꞊see bha‑ 'ka ka kpö 'gü 'yö 'wo wo ꞊taa yö‑ ‑nu Dëmɛ 'ö‑ ‑nu dha bha yö ‑zë ‑gɔ, 'yö 'wo 'wɔn 'ö dho wɔ‑ ‑nu ‑ta gbluu" dhö ‑a ‑nu tii' 'ka bha ꞊në‑ ‑gan wo ‑dɩ ‑ta.

2 Piɛdhö 2:13

‑Kɔ do 'wo 'wɔn yaa ‑kë 'ka bha ꞊në Atanna dho‑ "pɔ bho‑ 'ka‑ ‑nu ‑gɔ 'pö. 'Wɔn yaa ‑kë 'yënng‑ "gbɩɩ‑ 'gü ‑sü ꞊dhɛ mɛ‑ dɔ gbeng bha ꞊në‑ ‑nu ‑dhidhɛwɔn 'ka, kɛng‑ ‑nu ka ‑bha ‑dhië ‑kë "kwëë ‑sü bha ‑yö 'yiʋ̈‑ ‑sü, ‑yö ‑dhii ꞊në‑ ma Atanna ‑bha mɛ ‑nu ‑bha. ‑A ‑gɛn ‑mü ꞊dhɛ kö ‑wo wo "dhia ꞊në bho sië ꞊flü ‑pë ‑bhö ka ‑gɔ ‑sü "dhiʋ̈ bha.

2 Piɛdhö 2:3

'Mɛ 'wo "dhʋ̈ bha ‑wo ‑dho zë ꞊naɔ ‑wɔn ‑dhɛ 'ö 'wo ꞊suasua ‑nu zun 'ko "dhiʋ̈ kë "dhʋ̈ kö 'wo ka ‑ta ‑bhö. "Kɛɛ ‑a ‑nu ‑bha zadɔmɛ ‑bha ‑ya za ‑dɔ ‑a ‑nu ‑bha ‑dhɔ 'ka ‑yi ꞊ya ꞊gwëë. ‑A ‑nu 'güseemɛ bha 'yaa yi zë.

Zudë 1:10

"Kɛɛ wo ‑zë 'wɔn ‑zian 'ö 'waa‑ 'gü ma bha ‑wa ‑dhiang ‑zë "dhidhɛ yaa 'ka. ‑Wo wo ‑gɔ ꞊gban wo ‑zʋgɔngüwɔn ‑nu bha ꞊në‑ 'gü ꞊dhɛ "bü wü ‑nu 'ö 'waa 'wɔn ‑ya 'klɔɔ‑ "dhiʋ̈ bha‑ ‑nu 'dhö. "Kɛɛ 'sa yö ꞊në dho kë‑ ‑nu ‑gɔtobhawɔn 'ka.

Zudë 1:16

'Wɔnmakoomɛ ‑nu 'wo "dhʋ̈ bha 'wɔn 'bha ‑wɔn 'bha 'yaa‑ ‑nu ‑zʋ 'kun, ‑wo ‑to ‑dɔn ‑bho wo yun 'gü ‑sü ꞊në‑ ‑bha "dhʋ̈ ‑kpɛawo, 'wɔn 'dhɛ 'ö‑ ‑nu ‑gɔ 'gü ꞊në 'wo‑ ‑kë, 'yö 'wo wo "dhiʋ̈ ‑ziö ‑ta ‑dhiang ‑nu zë, ꞊ya 'go mü 'yö 'wo ‑wʋ "nɛɛnɛɛ ‑nu pö mɛ ‑nu ‑dhɛ, kë "dhʋ̈ kö 'wo‑ ‑nu ‑ta ‑bhö.

‑Dhɛkpaɔ 18:7

'Ö gun 'tɔ 'kun sië ‑kɔ do 'ö‑ 'gü, 'ö ꞊naɔ ‑yan ‑kë ‑kɔ do 'ö‑ ‑bha "kpʋng ꞊taa bha ‑ka 'wɔn bho‑ 'gü ‑kɔ do bha ꞊në‑ 'gü. ‑A ‑gɛn ‑mü ꞊dhɛ ‑ya ‑pö ö ‑dɩ ‑dhɛ ꞊dhɛ ö ‑ya ꞊dhɛ ‑gblüdëdhe ‑ya, 'yaa ꞊gɛandhe 'ka, "ɛɛn 'pë 'wo‑ ‑dhɛ ga, 'yii 'dho bhɔ ö ‑bha tongtongdhö 'ö to‑ ‑bha.

‑Dhɛkpaɔ 19:20

"Kɛɛ 'yö 'wo wü bha‑ kun, waa‑ ‑wʋdhiʋ̈loomɛ 'ö gun Atanna ‑wʋ pö sië ꞊sua 'ka 'ö "dhabhliwɔn "gblʋ̈gblʋ̈ ‑nu kë bha‑ 'dhö. ‑Yö "kpënng‑ ‑kë ‑a ‑bha "dhabhliwɔn ‑nu 'ö gun‑ kë sië bha ꞊në 'ka mɛ "pɛpɛ 'ö‑ ‑nu daɔ dɔ wü bha‑ ‑bha dɔ 'gü, 'ö 'wo gun‑ "blɛɛn‑ ‑dhɔkë sië bha‑ ‑nu ‑gɔ. 'Yö 'wo wü bha waa‑ ‑kɔdhiʋ̈mɛ 'ö gun Atanna ‑wʋ pö sië ꞊sua 'ka bha‑ ‑nu to "yaan 'yö 'wo‑ ‑nu ‑zuö pɛng "yi ꞊gblü 'ö 'gbʋ‑ 'dhö ‑da sië‑ 'gü "kɛɛ 'ö blɔɔn" ‑nu ꞊gban 'wo pu‑ 'gü "kɛɛ 'ö 'yaa "dhuu bha‑ bha‑ 'gü.

‑Dhɛkpaɔ 21:8

"Kɛɛ mɛ "pɛpɛ 'kö 'wo "suʋ̈mɛ 'ka, "ɛɛn 'ö 'wo zaɔdhedamɛ ‑nu 'ka, "ɛɛn 'ö 'wo ‑kë 'wɔn "bhluubhlu këmɛ ‑nu 'ka, "ɛɛn mɛzëmɛ ‑nu, "ɛɛn "yënngdɔmɛ ‑nu, "ɛɛn "zʋʋdhɛ këmɛ ‑nu, "ɛɛn ꞊gebhɔ ‑dhɔkëmɛ ‑nu "ɛɛn mɛ "pɛpɛ 'dhɛ 'kö 'wo ꞊suakëmɛ ‑zë 'ka, ‑a ‑nu ꞊gban "pɛpɛ‑ ‑dho 'dho pɛng "yigblü 'ö blɔɔn" 'dhö‑ 'gü, 'ö ga ꞊plɛ ‑naa 'ka bha ꞊në‑ ꞊bhaa.»

‑Dhɛkpaɔ 22:15

"Kɛɛ mɛ "pɛpɛ 'dhɛ 'kö 'wo 'wɔn yaa ‑yënngsü ‑nu këmɛ 'ka, 'ö 'wo "zʋʋdhɛkëmɛ ‑nu 'ka, "ɛɛn 'ö 'wo "yënngdɔmɛ ‑nu 'ka, "ɛɛn 'ö 'wo mɛzëmɛ ‑nu 'ka, "ɛɛn 'wo ꞊gebhɔ ‑dhɔkëmɛ ‑nu 'ka waa‑ mɛ "pɛpɛ 'dhɛ 'kö 'wo ‑tosɛa ‑kë ꞊sua 'ka ‑a ‑nu këwɔn ‑nu waa‑ ‑nu ‑zë ‑dhiang ‑nu 'gü, ‑a mɛ do zian 'yii 'dho ‑da 'pö‑ bha‑ 'gü!