Fidhipö 3:18 - NAƆ ‑SË 'SËËDHƐ

¹⁸ ‑A ‑gɛn ‑mü ꞊dhɛ mɛ 'gbɛ ‑wo ‑dhö 'ö‑ ‑nu "ta ‑kɔ 'yaa bhɔ Klisi ‑bha mɛ ‑nu ‑bha ‑bha, "kɛɛ ‑wo ‑kë ꞊dhɛ 'pë 'wo Klisi ‑bha ‑ga "dhü ‑bha ‑sü bha‑ 'yaɔ‑ ꞊në‑ 'ka ‑a 'dhö. 'Ma‑ pö ka ‑dhɛ "dhʋ̈ pinngdhö, yö ꞊në 'a ‑tun 'bha pö 'zü ka ‑dhɛ "gbʋ 'ka ꞊dɛɛ bha.

Fidhipö 3:18 ပူးပေါင်းရင်းမြစ်များ

Dhukö 19:41

꞊Dhɛ 'ö ꞊wa ꞊yɔɔn 'pödhɛ "sɔɔ, 'yö Yesu zun "gbʋ bɔ ‑sü ‑bha Zedhizadhɛmö ‑pö 'gü ‑mɛ ‑nu bha 'ö‑ pö:

Këwɔn ‑nu 20:19

꞊Dhɛ a ka yë ‑kë kwa Dëmɛ ‑dhɛ ‑gɔ ‑dho ‑a ‑dhɛ "sia‑ ‑sü waa‑ "gbʋ 'ka 'ö 'a ‑ziö 'wɔn "gbɩɩ‑ ‑nu 'gü, 'ö Zuifö ‑nu 'wo ꞊suasua ‑nu ‑ya n ‑bha kö ꞊wa wo zü 'ma 'koo.

Wlɔmö 9:2

꞊Dhɛ n zuë" "dhiʋ̈ ‑yö ‑tɛɛ yi ꞊gban "pɛpɛ 'ka 'ö ‑wëë ‑yö bɔ n ‑ta, n dheebhang ‑nu 'wo ‑kë Izraɛdhö ‑mɛ ‑nu 'ka bha‑ ‑nu ‑wɔn 'gü.

1 Kodhɛngtö 1:18

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Klisi ‑bha ‑ga "dhü ‑bha ‑sü ‑dhiang 'yi‑ zë sië bha, ‑yö slaadhɛ ‑wɔn ꞊në‑ 'ka 'mɛ wo 'gü see‑ ‑zian ‑ta bha‑ ‑nu 'gü. "Kɛɛ 'mɛ 'kö kwa ‑zë 'kwa dha ‑zian ‑ta bha ‑yö Atanna ‑bha 'gügbɩɩdhɛ ꞊në‑ 'ka kwa 'gü.

1 Kodhɛngtö 6:9

'Sa ka‑ 'wɔn dɔ 'kpakpadhö ꞊dhɛ 'wɔnyaakëmɛ ‑nu 'wii 'dho ‑da Atanna ‑bha ‑gblüdëdhɛkëdhɛ 'gü. 'Ka 'dho ka ‑dɩ ‑ta ma "wɛɛwɛɛ: ‑a 'wɔn‑ kë ka "yaan ꞊dhɛ ‑zuazëmɛ ‑nu oo, ꞊gebhɔ ‑dhɔkëmɛ ‑nu oo, ‑ziö mɛ nu ‑bha dhe ꞊kengmɛ "ɛɛn mɛ ‑nu ‑bha gɔn ꞊kengmɛ ‑nu oo, wo 'ko ‑nu ‑kun "nɔbhɔ 'ka ‑gɔɔn ‑nu oo,

2 Kodhɛngtö 11:13

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'mɛ 'kö 'wo bha ꞊flümɛ ‑nu ‑mü, "kpënng‑ ꞊në 'wo‑ ‑kë mɛ ‑nu ‑gɔ kö 'wo‑ ‑nu wë bho Atanna ‑ta. ‑A ‑nu ‑bha yë 'wo‑ ‑kë bha ‑wa ‑kë ꞊sua ꞊në‑ 'ka 'yö 'wo wo ‑dɩ ꞊gla Klisi ‑bha bɔmɛ ‑nu 'gü.

2 Kodhɛngtö 11:29

De ‑mü 'ka 'yö Atanna ‑bha zian ‑ta 'yö "sɩ 'yaa‑ ‑dhɛ 'yö 'yaa "yɛ n ‑bha, "ɛɛn de ‑mü 'ka 'zü Atanna ‑bha zian ‑ta 'yö ꞊ya 'wɔn yaa kë, 'yö‑ pɛng 'yaa n 'sü.

2 Kodhɛngtö 2:4

'Sa ‑yö "dhʋ̈ tɛan‑ 'ka, ꞊dhɛ "tʋ̈ng 'a 'sëëdhɛ ya‑ bɔ‑ 'ka ka ‑dhɛ bha kö "suʋ̈ ꞊dede ꞊ya ‑da n 'gü, kö n zuë" "dhiʋ̈ ‑yö "tɛɛ sië ꞊dedewo. A‑ ‑bɔ "gbʋ 'ka, "kɛɛ 'mii‑ "dhiʋ̈ wluu" ‑bha kö ‑yö kë ka wë 'gü ‑siö ‑pë ‑zë 'ka. A‑ ‑kë "dhʋ̈ kö 'ka‑ 'wɔn ꞊në‑ dɔ ꞊dhɛ ka ‑dhɔ 'ö n ‑kë bha‑ "sɩ ‑zian ꞊në 'yaa n ‑dhɛ.

Gadhatö 1:7

Kö‑ kë ꞊dhɛ ‑a pö 'a‑ wo "dhʋ̈ bha 'wɔn ‑taɔng ‑së bha‑ suu "wɛɛ 'bha ꞊në 'dhö ‑a 'dhɛ 'a‑ pö ka ‑dhɛ bha‑ zian 'gü 'yö 'ka ‑da 'zü‑ 'gü 'yaa ‑mü. "Kɛɛ mɛ ꞊në ‑da sië ka ‑gɔ 'gü 'yö ka zuë" kaan‑ sië "kwëë. Kë "dhʋ̈ kö naɔ ‑së 'ö go Klisi "piʋ̈ 'ö 'ka‑ ma bha‑ ‑wɔn ‑yö 'ma ‑zukplü ‑bha.

Gadhatö 2:14

꞊Dhɛ 'a 'wɔn bha‑ ‑dhɛ yö, 'ö 'a‑ 'wɔn dɔ ꞊dhɛ tɛan‑ ‑zian 'ö Atanna ‑bha naɔ ‑së bha 'ö kwa ꞊klang ‑kë 'ka bha 'waa‑ ‑ta 'zü, 'yö 'a‑ pö Piɛdhö ‑dhɛ mɛ ꞊gban "yaan mü 'a‑ pö: «Piɛdhö, bhi 'ö bhi ‑zë 'i Zuifö 'ka, 'bha ‑tosɛa kë 'mɛ 'waa Zuifö 'ka‑ ‑nu kpö 'gü yö ꞊dhɛ 'pë 'bhaa Zuifö 'ka ‑a 'dhö, 'bhii‑ ‑nu ‑bha 'tɔng‑ 'kun bha ‑oo, i ‑mɔɔ ‑bha 'zü ‑deewo i zun 'mɛ 'waa Zuifö 'ka bha‑ ‑nu "dhiʋ̈ kö ‑wo ‑tosɛa kë ꞊dhɛ Zuifö ‑nu 'dhö ‑kɔ ‑kë ꞊dhɛ?»

Gadhatö 2:21

‑A ‑kë "dhʋ̈ ‑sü bha‑ 'gü, 'mii 'dho "wɩ‑ ‑bha kö 'a n ‑kɔ bho ‑gasitɛ 'ö Atanna ‑ya ‑kë n ‑dhɛ bha‑ 'gü. ‑A ‑gɛn ‑mü ꞊dhɛ ꞊ya kë ꞊dhɛ dha ‑sü 'ö‑ "piʋ̈ ‑a ‑gɛn ꞊ya kë ‑a ‑bha 'tɔng‑ 'kun ‑sü ‑zë 'ka, kö Klisi ga ‑gɛn 'yii kë.

Gadhatö 5:21

Zuë" ‑bhɔ pë ‑bha ‑sü ‑nu, we "gblʋ̈gblʋ̈ mü ‑sü ‑nu, waa‑ "gblʋ̈ʋ̈dhɛ "gbɛadhɛ kë ‑sü ‑nu 'wo bha, "ɛɛn 'zü 'wɔn ‑nu 'wo bhɔ ‑a 'dhɛ ‑nu bha‑ ‑nu ‑bha bha‑ kë ‑sü ‑nu bha ꞊në‑ 'ka. 'Sa 'ma‑ ‑blɛɛsü pö 'nu ka ‑dhɛ, 'yö 'a‑ 'bha pö sië 'zü bha: A‑ ‑pö ꞊dhɛ mɛ "pɛpɛ 'wo ‑tosɛa ‑kë ꞊dhɛ ‑kɔ bha‑ 'dhö ‑a 'bha 'wii 'dho ‑duɛ ꞊slɔɔ Atanna ‑bha ‑gblüdëdhɛ bha‑ 'gü.

Gadhatö 6:12

A‑ ‑pö ka ‑dhɛ ꞊dhɛ 'mɛ 'wo ‑gban sië ka ‑bha ‑dho 'gbannë 'gü ‑wɔn 'ka bha ‑wo wo ‑dɩ ‑dhi mɛ ‑nu ‑dhɛ ‑dhɛ ꞊në‑ mɔɔ‑ sië, kë "dhʋ̈ kö 'wa 'dho‑ ‑nu ‑wëëdhɛ bho ‑a pö ‑sü 'ö ꞊dhɛ Klisi ‑bha ga 'ö‑ wo "dhü ‑bha bha 'mɛ 'bha 'dhang bho yö ꞊në‑ "dhiʋ̈ kö 'bha dha bha‑ ‑wɔn 'gü.

Gadhatö 6:14

"Kɛɛ ma ‑zë 'wɔn 'ö n "piʋ̈ 'a n 'tɔ 'kun‑ 'gü yö ‑mü kwa Dëmɛ Yesu Klisi ‑bha ‑dɔ "dhü ‑bha ‑wɔn bha ꞊në‑ 'ka. ‑A 'klɔɔ‑ ‑mü ꞊dhɛ ‑a ‑dɔ "dhü ‑bha ‑sü bha ꞊në‑ ‑wɔn 'gü, 'yö 'ma kë ꞊dhɛ 'mɛ ꞊ya ga ꞊në‑ wo ‑a 'dhö "kpʋngtaapë ‑nu ‑gɔ, 'yö (mɛ ‑dɩ dhɔɔbhaawɔn "pɛpɛ 'ö "kpʋng ꞊taa yö bha), ꞊wa kë 'pö ꞊dhɛ 'pë ꞊ya ga ꞊në‑ wo‑ 'dhö n ‑gɔ.

Efɛzö 4:17

‑A ‑wɔn 'gü, ‑dhio 'a dho‑ dɔ ka ‑ta kwa Dëmɛ bha‑ 'tɔ 'gü 'ö 'a n kɔngga ‑ziö 'ka "sɛɛ ka ‑dhɛ yö ‑mü ꞊dhɛ: ‑A ‑dhɛ 'yaa‑ ‑bha 'zü kö 'ka ‑tosɛa kë ꞊dhɛ 'mɛ 'waa 'dhang bho Atanna "dhiʋ̈ ‑a ‑nu 'dhö. ‑A ‑gɛn ‑mü ꞊dhɛ wo ‑zë ‑wo ‑tosɛa ‑kë ‑kɔ 'ö ‑dhi ‑nu ‑dhɛ ꞊në‑ 'gü, "kɛɛ 'sa ‑tosɛa suu 'dhɛ 'kö bha‑ ‑zun "dhiʋ̈ bhlɔɔ 'yaa 'dhö

Fidhipö 1:4

‑a ‑gɛn ‑mü ꞊dhɛ 'ö sü‑ zü bho ‑yi bha 'ö nu 'ö zun‑ 'ka ꞊dɛɛ ‑bha, ka n ‑ta ‑kun 'wɔn ‑së 'ö go‑ "piʋ̈‑ bha‑ ‑naɔ dɔ ‑sü ‑bha ‑kpɛawo. Yö ꞊në‑ ‑wɔn 'gü 'yö 'ma bhɛa"‑ ‑dhɛ ‑kɔ 'ö‑ 'gü 'do 'do, mɛ ꞊gban "pɛpɛ ka ‑wɔn 'gü, 'yö 'a‑ wo zuëniida 'ka.

1 Tesadhonikö 4:6

'Wɔn 'ö Atanna 'gü ‑së, yö ‑mü ꞊dhɛ kö mɛ 'bha 'ya 'dho kë ‑da ꞊sɔng yaa suu bha‑ 'ka wo 'ko ‑gɔ 'kɔɔmɛ 'ka, 'ö‑ ‑mɛ ‑bha dhe bho‑ ‑gɔ ‑a ‑bha faandhɛ 'ka, "ɛɛn 'ö ‑ziö ꞊keng‑. 'Wɔn suu bha 'ya‑ ‑dhio dɔ ka ‑ta 'nu 'ya yi kɔngga ziö‑ 'ka ka ‑dhɛ "sɛɛ glɔglɔdhö. ‑A ‑gɛn ‑mü ꞊dhɛ 'mɛ 'wɔn suu bha‑ ‑kë kwa Dëmɛ ‑dho 'wɔn bho‑ 'gü.

2 Tesadhonikö 3:11

"Kɛɛ yö ‑zë ꞊gban 'gü, 'ya ‑ya yö, yi‑ ‑ma ‑nu wo ꞊dhɛ mɛ 'bha ‑nu ‑wo ka kpö 'gü 'ö 'waa "wɩ‑ ‑bha kö ‑wo yë ‑zë kë, 'ö 'wo "wlaa‑ ꞊në zë sië "wɛɛwɛɛ 'yö 'wɔn 'yaa‑ ‑nu ‑bha 'wɔn 'ka 'wo‑ ‑kë woo‑ 'wɔn 'ka.

2 Piɛdhö 2:10

"Kɛɛ 'mɛ 'wo ‑tosɛa ‑kë wo ‑dɩ ꞊nii ‑bha 'ö "sika 'yaa ke‑ ‑nu 'gü 'wɔn "bhluubhlu kë ‑sü 'gü, 'ö 'wo Atanna ‑bha ‑gblüdëdhɛ ‑wɔn ‑da ‑bhaa 'gü bha, ‑yö ‑dho 'wɔn bho wo ꞊në‑ ‑nu 'gü 'kpiisü. Mɛ ꞊klang ‑kë ꞊sua 'ka ‑mɛ ‑nu 'wo "dhʋ̈ bha 'waa mɛ 'bha yö‑ 'gü, ‑a ‑nu ‑bha 'ö ‑dhi ‑nu ‑dhɛ ꞊në 'wo‑ pö, 'yö 'waa "suʋ̈ 'gügbɩɩdhɛ ‑pë ‑nu ‑zian 'wo dhang‑ 'gü ‑a ‑nu ‑gɔ, 'yö 'wo‑ ‑nu ‑dhiang yaa zë.

Zudë 1:13

‑Wo ꞊dhɛ 'zü ꞊dhɛ "yi 'ö ꞊ya dunng bho ꞊në‑ 'dhö, 'yö‑ ‑nu këwɔn yaa ‑nu bha 'wo ‑wo "yɛa‑ ꞊dhɛ 'yi dunng ‑sü bha‑ "vuu 'ö ‑kë ‑ta bha‑ 'dhö. ‑Wo ꞊dhɛ 'zü ꞊dhɛ "susëng ‑nu 'wo zian ‑kan ꞊sië dhang‑ ‑bha ‑dhɛ ‑nu 'gü bha ꞊në‑ 'dhö. ‑Dhɛtiidhɛ 'ö ‑dhɛ 'yaa yö‑ 'gü bha ꞊në Atanna ‑ya ‑ya 'mɛ 'wo bha‑ ‑nu ‑gɔ ‑a ‑nu 'dho ‑dhɛ 'ka. ‑Wo ‑dho 'to ‑dhɛ bha ꞊në‑ 'gü 'ö to "dhʋ̈ "sɛ 'tuʋ̈‑ 'ka.