Fidhipö 3:17 - NAƆ ‑SË 'SËËDHƐ

¹⁷ N dheebhang ‑nu, ‑ka ka "ta ‑kɔ 'sü n ‑bha ‑bha. ‑Kaa 'suan‑ bho 'mɛ 'wo wo ‑bha "ta ‑kɔ sü yi ‑bha ‑bha 'wo ka kpö 'gü bha ꞊në‑ ‑nu ‑bha.

Fidhipö 3:17 ပူးပေါင်းရင်းမြစ်များ

Wlɔmö 16:17

N dheebhang ‑nu, bhɛa" ꞊në 'a‑ wo sië ka ‑dhɛ kö 'ka dɔ "gbɩɩ‑ kö 'ka ka ‑dɩ 'kun mɛ 'wo‑ kë sië "dhʋ̈ kö Atanna ‑bha mɛ ‑nu ‑wo "kan 'kwëë‑ bha‑ ‑nu ‑gɔ. ‑A 'klɔɔ‑ ‑mü ꞊dhɛ Atanna ‑wʋ 'dhɛ 'ka‑ ma ‑blɛɛsü ‑a ‑ma 'wo‑ wo sië "gbɔng 'ka 'ö 'wo ‑wʋ "wɛɛ pö ka ‑dhɛ bha, ka ‑pö ꞊në 'wo‑ wo sië bha. ‑A ‑kë "dhʋ̈ ‑sü bha‑ 'gü, ‑ka ka ‑dɩ 'kun‑ ‑nu ‑gɔ ‑së kö 'ka "kan‑ ‑nu ‑bha.

1 Kodhɛngtö 10:32

‑Ka ‑tosɛa kë Atanna ‑bha zian bha‑ ‑ta ka 'suan‑ 'ka kö Zuifö ‑mü ‑ee, "ɛɛn mɛ "wɛɛ ‑mü ‑ee, "ɛɛn Atanna ‑bha 'kɔdhigümɛ ‑mü ‑ee, kö 'ka 'dho kë "dhü ꞊kpë 'ka 'ö 'ka ‑wɔ mɛ 'bha ‑gɔ zian‑.

1 Kodhɛngtö 11:1

‑Ka ka "ta ‑kɔ 'sü n ‑bha ‑bha ꞊dhɛ ‑kɔ do 'a n ‑bha ‑sü 'ka 'pö Klisi ‑bha bha ꞊në‑ 'dhö.

1 Kodhɛngtö 4:16

‑A ‑wɔn 'gü, bhɛa" ꞊në 'a‑ wo ka ‑dhɛ kö 'ka dɔ "gbɩɩ‑ 'ka n "ta ‑kɔ 'sü.

Fidhipö 4:9

'Wɔn "pɛpɛ 'a ka ꞊draan‑ ‑bha, "ta ‑kɔ 'ka‑ ꞊slɔɔ n "dhiʋ̈, 'wɔn 'ka‑ ma n ‑ta, "ɛɛn 'ö 'ka‑ kë ‑dhɛ yö n ‑gɔ ꞊në‑ ‑kaa kë. 'Ka‑ kë "dhʋ̈, kwa ‑bha Atanna 'ö mɛ zuë" 'waanu bha ‑yö ‑dho 'to ka "piʋ̈.

1 Tesadhonikö 1:6

Yö ꞊në‑ ‑wɔn 'gü, 'yö "ta ‑kɔ 'ka‑ ‑dhɛ yö yi ‑gɔ, 'ö kwa Dëmɛ "ta ‑kɔ 'ka bha, 'yö 'ka‑ wo sië bha. Yö ꞊në‑ ‑wɔn 'gü 'zü, 'yö ka ‑bha 'dhang ‑bho Atanna ‑wʋ "dhiʋ̈ ‑sü kö ‑wo ka ‑wëë ‑kë "dhiʋ̈ bho sië bha‑ ꞊gban waa‑ ‑bha ‑bha, 'yö 'ka‑ ‑wʋ kun ꞊niidadhe ꞊dede 'ö go ‑a ‑bha 'Nii‑ "slʋ̈ʋ̈slʋ̈ 'gü ‑a 'ka.

2 Tesadhonikö 3:14

'Mɛ 'yii ‑dhio 'yi dɔ sië ka ‑ta 'sëëdhɛ ya 'gü ya‑ 'gü ‑ta wo, ‑ka ka "yan 'kpɔ‑ ‑mɛ "piʋ̈ kö 'ka "kan‑ ‑mɛ ‑bha kö 'yiʋ̈‑ ‑yö dɔ‑ ‑bha.

2 Tesadhonikö 3:7

‑Tosɛa kë ‑kɔ 'yi‑ ‑kë 'ka ka kpö 'gü kaa ꞊dede ka‑ ‑dɔ. ‑A ‑wɔn 'gü, ‑a ‑pö ka ‑dhɛ ‑gɛn 'yaa 'dhö ꞊dhɛ ‑ka yi ‑gɛn ‑ga; ‑a ‑gɛn ‑mü ꞊dhɛ ka‑ 'wɔn ‑dɔ ꞊dhɛ 'yii ‑tosɛa kë "fʋʋfʋʋdhɛ 'gü.

2 Tesadhonikö 3:9

'Yii kë ꞊dhɛ ‑a kë 'yi gun‑ wo sië "dhʋ̈ bha, ꞊ya kë "dhʋ̈ kö 'yaa ꞊mɔɔ ꞊në‑ wo‑ ‑bha 'nu kö 'yi yi ‑kwɛɛ ‑ya ka ꞊gbin‑. Yi‑ ‑kë "dhʋ̈ kö 'ka yi ‑gɛn ꞊në‑ ‑ga kö 'ka ka ‑bha kë ꞊dhɛ yi ‑bha 'dhö.

1 Timote 4:12

꞊Ya 'go yö ‑zë 'gü, mɛ 'bha 'ya 'dho‑ pö 'ö "yan ‑ziö 'gü dɔ i ‑bha i ‑bha ‑kë 'në "wlü ‑sü 'ka ‑sü ‑wɔn 'gü. "Kɛɛ ‑bhö i ‑dɩ 'kun ꞊në‑ wo ‑së i "wɩ ‑kɔ ‑nu oo, i "ta ‑kɔ ‑nu oo, Atanna ‑dhɔ ‑bha i kë ‑sü 'ö dho 'ö ‑wɔ 'ka mɛ "bhɩɩ‑ ‑nu ‑bha ‑ta bha waa‑ ‑zʋ ‑yö ‑a ‑dhɛ ‑sü ‑nu, "ɛɛn ‑dɩ ‑kun ‑së ‑sü 'ö 'wɔn yaa kë ‑sü ‑gɔ ‑a ‑nu 'gü kö 'i kë 'wɔn zɔɔn 'ka, kö Atanna ‑bha mɛ ‑nu ‑wa ‑dhɛ yö i ‑gɔ.

Eblö 13:7

Ka ‑zʋ 'ya 'dho bhɔ 'mɛ ‑blɛɛsü ‑nu 'wo Atanna ‑wɔn ‑dhiang zë ka ‑dhɛ, 'wo zian bho ka 'ka bha‑ ‑nu 'ka. ‑Kɔ 'wo wo ‑zʋ yö‑ 'ka Atanna ‑dhɛ 'ö to‑ 'ka "dhʋ̈ 'ö zun‑ 'ka‑ ‑nu gayi ‑bha bha, ‑yö kë ka ‑gɔ kö 'ka ‑tosɛa kë 'pö ꞊dhɛ ‑kɔ 'wo‑ ‑kë 'ka bha‑ 'dhö.

1 Piɛdhö 5:3

'Ka 'dho‑ pö 'ka ‑ya ‑a ‑nu ‑ta ꞊dhɛ ꞊zang 'dhö, ‑ka kë ꞊naa ꞊dhɛ ‑a ‑nu ‑bha ‑taadhü 'dhö.