Fidhipö 3:15 - NAƆ ‑SË 'SËËDHƐ

¹⁵ ꞊Dhɛ 'ö "dhʋ̈ ‑a ‑dhɛa ‑bha ꞊dhɛ mɛ "pɛpɛ 'dhɛ 'kö 'kwa ‑kian ‑a ‑bha zian ‑ta bha kwa ‑wʋ ‑yö kë‑ 'dhɛ 'kö bha‑ 'gü do. ꞊Ya kë 'zü ꞊dhɛ mɛ 'bha 'dhö ‑tun ka kpö 'gü 'ö ‑zʋtadhe suu bha 'yaa‑ ‑gɔ, Atanna ‑dho ‑a ‑ta "pʋ‑ ‑mɛ ‑dhɛ 'kpakpadhö.

Fidhipö 3:15 ပူးပေါင်းရင်းမြစ်များ

Matiö 5:48

Pö 'yaa ka Dë Atanna 'ö ‑ya ‑sü 'ka dhang‑ 'gü bha‑ ‑bha ‑kɔ do 'ö‑ 'gü bha, pö 'ya 'dho kë ka ‑bha 'pö‑ ‑kɔ 'gü.»

Dhukö 11:13

"Sanni ka 'kö ka "gblü 'dhö 'ya‑ bha 'ka pë ‑sɛngbɔ ‑nu nu kaa‑ 'në ‑nu ‑dhɛ ꞊dhɛ ‑kɔ bha‑ 'dhö, 'yö n Dë 'kö‑ "klʋ 'dhö ‑së ꞊wɛ, ‑yö ‑dho ‑kɔ 'mɛ 'wo 'Nii‑ "slʋ̈ʋ̈slʋ̈ ‑gbadhɛ ‑gɔ ‑a ‑nu ‑dhɛ ‑kɔ kë ꞊dhɛ ‑a ‑ta?

Naɔ ‑së 'ö ‑gban Yesu Klisi ‑bha 'ö Zan ‑ya pö 6:45

'Wɔn 'ö‑ ‑wɔn 'gü 'yö Atanna ‑wʋdhiʋ̈loomɛ ‑nu 'wo‑ ‑bɛn zë woo‑ 'sëëdhɛ 'gü yi 'bha 'ka 'wo‑ pö ꞊dhɛ: ‹‑A ‑nu ꞊gban "pɛpɛ‑ ‑dho tɛanwɔn ma Atanna ꞊në‑ ‑ta› bha 'yö bha. 'Wɔn 'ö‑ ‑wɔn 'gü 'pö 'yö mɛ "ʋʋ mɛ 'ö ꞊ya n Dë Atanna ‑bha mɛ ꞊klangkëwʋ ('ö 'ka‑ ma bha‑) ma, 'yö to 'ö nu n "piʋ̈ bha 'yö bha.

Naɔ ‑së 'ö ‑gban Yesu Klisi ‑bha 'ö Zan ‑ya pö 7:17

Atanna dhɔɔbhaawɔn kë ‑dhɔ ꞊ya kë 'mɛ 'ö‑ ‑bha, 'ö ‑wʋ ‑nu 'a‑ pö sië bha 'wo go ma ꞊në n 'gü oo, "ɛɛn 'wo go Atanna ꞊në 'gü oo, ‑a ‑mɛ ꞊në dho‑ 'wɔn dɔ.

Wlɔmö 15:1

'Mɛ 'ö kwa ‑bha ‑zʋ ‑yö Atanna ‑dhɛ ‑sü 'dhö 'kpii‑ bha‑ ‑dhɛa ‑bha ꞊dhɛ 'kwa 'mɛ 'ö‑ ‑faan 'yaa‑ ‑nu 'gü 'gbɛ bha‑ ‑nu ‑ta 'kun, kö 'kwa 'dho‑ pö 'kwa ‑ya kwa ‑dɩ ‑wɔn zuën ꞊në‑ ‑ta do 'kwa dho‑ 'ka.

1 Kodhɛngtö 14:20

‑A ‑kë "dhʋ̈ ‑sü 'gü n dheebhang ‑nu, 'ka 'dho ka ‑dɩ 'sü ꞊dhɛ 'në ‑nu 'dhö 'wɔn dɔ ‑sü 'gü, 'wɔn 'ö ‑gban 'wɔn yaa kë ‑sü ‑bha bha ꞊në ‑ka kë‑ 'gü ꞊dhɛ 'në ‑nu 'dhö. "Kɛɛ ꞊ya zun 'wɔn dɔ ‑sü ‑zë ‑bha, ‑ka kë‑ 'gü ꞊dhɛ mɛ ꞊kpaɔsü 'dhö.

1 Kodhɛngtö 2:6

'Sa yö ‑zë ꞊gban 'gü, dhiang 'kwa‑ zë sië bha ‑yö 'wɔndɔdhe ꞊në‑ 'ka 'mɛ 'kö ꞊wa ‑kian Atanna ‑wɔn "gblʋʋ "piʋ̈ ‑a ‑nu ‑bha 'ka. "Kɛɛ 'wɔndɔdhe 'dhɛ 'kö bha 'yii 'go "kpʋng ꞊taa, "ɛɛn 'yii 'go ‑gblüdë ‑nu 'wo "kpʋng ya‑ ꞊taa, 'ö Atanna dho‑ ‑nu ‑bha mɛdhɛ 'gü see‑ bha‑ ‑nu "piʋ̈.

Gadhatö 5:10

"Kɛɛ 'kö 'zü yöö kë "dhʋ̈, n Dëmɛ bha ‑yö n ‑zʋ ‑gban ka ‑wɔn 'gü, 'ö n 'dhang bho ‑sü 'dhö‑ "dhiʋ̈ 'kpakpadhö ‑a ‑wɔn 'gü ꞊dhɛ ka ‑dho ka ‑zʋ 'gɔn 'pö ꞊dhɛ ‑kɔ 'a‑ gɔn‑ 'ka ‑a 'dhö. 'Sa 'mɛ 'ö Atanna ‑wɔn 'ma sië ‑zukplü ‑bha ka ‑gɔ bha, kö 'zü 'ö ‑kë mɛ "ʋʋ mɛ 'ö‑ 'ka, Atanna ‑dho 'wɔn bho‑ 'gü.

Efɛzö 1:17

Kë "dhʋ̈ kö kwa Dëmɛ Yesu Klisi ‑bha Atanna 'ö kwa Dë 'ka 'ö‑ ‑bha 'tɔbhɔdhe 'dhö ‑ziisü bha ‑yö ka gba 'wɔndɔdhe 'ka, kö ‑yö ö dɔ ‑sü bha‑ ‑bhɔdhɛ bhɔ ka ‑dhɛ,

Kodhɔsö 1:28

'Wɔn 'ö‑ ‑wɔn 'gü 'yö 'yi Klisi ‑wɔn ‑dhiang zë mɛ ꞊gban "pɛpɛ ‑dhɛ, 'yö 'yi ‑dhio dɔ‑ ‑nu ‑ta 'do 'do 'ka, 'yö 'yi ‑ya mü 'zü 'yi‑ ‑nu ꞊draan Atanna ‑wɔn ‑bha 'wɔndɔdhe 'ka ‑kɔ ꞊gban ‑kɔ ꞊gban suu 'gü bha 'yö bha. Kë "dhʋ̈ kö mɛ "pɛpɛ 'wo ‑kplü ‑sü 'ka Klisi ‑bha kö 'yi ‑wo ‑nu 'ka Atanna ‑kuu "dhiʋ̈ kö ꞊wa ‑kian ‑a ‑wɔn 'gü.

Kodhɔsö 4:12

Epaflasö 'ö ‑kë 'pö ka 'gü 'në 'ka bha, ꞊ya ka ꞊tua bho 'gbɛ. Yesu Klisi ‑bha gwëëmi ꞊dede ‑mü. ‑A 'gü 'yaa ga ‑bhɛa ka ‑wɔn 'gü ‑sü 'ka, ‑yö ‑bhɛa Atanna ‑dhɛ ö faan ꞊gban "pɛpɛ 'ka ka ‑wɔn 'gü, kë "dhʋ̈ kö ka yun ‑yö "sɛ 'kun ‑a ‑bha zian ‑ta, kö 'ka ‑kian ‑a ‑wɔn 'gü ‑kɔ ꞊gban ‑kɔ ꞊gban suu 'gü, kö 'ka‑ dhɔɔbhaawɔn ꞊në‑ kë.

1 Tesadhonikö 4:9

‑A 'dhɛ 'kö ‑gban ka 'ko ‑dhɔ ‑bha 'ka 'kö kë ‑sü 'ö Atanna ‑bha zian ‑ta bha‑ ‑bha, ‑yö n 'gü ꞊dhɛ yö ‑zë ‑pö ka ‑dhɛ ‑gɛn 'yaa 'dhö 'zü; ‑a ‑gɛn ‑mü ꞊dhɛ yöö ꞊dede ꞊ya ka ꞊klang kë yö ‑zë 'ka.

2 Timote 3:17

Kë "dhʋ̈ kö 'mɛ 'ö yë kë sië Atanna ‑dhɛ kö‑ ‑mɛ ‑kɔ ‑yö ꞊mɔɔ 'wɔn ‑së kë ‑sü ‑bha 'kpakpadhö.

Eblö 5:14

‑a ‑gɛn ‑mü ꞊dhɛ ‑bhöpë 'dhɛ 'kö bha ‑yö 'mɛ ꞊wa ‑kian ‑a ‑bha "ta bha‑ 'sü ‑sü 'gü, 'ö‑ ‑nu zuë" ꞊ya 'wɔn ‑së waa‑ 'wɔn yaa ‑nu ‑bho 'ko "piʋ̈ ‑sü ‑yaki dɔ bha ꞊në‑ ‑nu ‑bha 'ka.

1 Zan 2:5

"Kɛɛ 'mɛ 'kö‑ ‑wʋ ma, 'ö‑ ꞊bhlëë ‑ya, kö Atanna ‑dhɔ ‑bha ‑a ‑mɛ kë ‑sü bha‑ "dhiʋ̈ ‑yö pa ‑sü 'ka "pɛɛpɛdhö. ‑A ‑gɛn ‑mü ꞊dhɛ ‑a ‑kë "dhʋ̈ ‑sü bha ꞊në 'kwa‑ 'wɔn dɔ‑ ‑bha ꞊dhɛ kwɛng‑ ‑nu kwa ‑kɔ ‑yö 'ko ꞊kwɛng.