Fidhipö 3:11 - NAƆ ‑SË 'SËËDHƐ

¹¹ Kë "dhʋ̈ kö ꞊ya kë ‑mɔɔ "kwëë ‑wɔn 'ka n ‑gɔ, kö 'a ‑bö 'pö (Yesu nu ‑yi 'ka).

Fidhipö 3:11 ပူးပေါင်းရင်းမြစ်များ

Dhukö 14:14

'Bha‑ kë "dhʋ̈, i zuë" ꞊nii ‑dho ‑da, ‑a ‑gɛn ‑mü ꞊dhɛ 'mɛ 'wo bha 'waa ꞊mɔɔ‑ ‑bha kö ‑wa ‑gɔyɔɔ dɔ i ‑dhɛ, ꞊ya 'go mü 'zü, Atanna ‑dho ‑a ‑gɔyɔɔ dɔ i ‑dhɛ, 'mɛ 'wo 'dhang bho‑ "dhiʋ̈ ‑a ‑nu ‑bö ‑yi 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 11:24

'Yö Matö ‑ya ‑yɔ bɔ‑ ‑gɔ 'ö‑ pö: «꞊Iin, n Dëmɛ, ‑yö "dhʋ̈, a‑ 'wɔn ‑dɔ ꞊dhɛ ‑yö ‑dho ‑bö mɛ ꞊gban ‑go ga 'gü ‑yi 'ka "sɛ yën "tʋ̈ng 'gü.»

Këwɔn ‑nu 23:6

꞊Dhɛ 'ö ‑kë ꞊dhɛ ‑ya 'wɔn ‑dɔ ꞊dhɛ zadɔmɛ ‑nu bha‑ mɛ ‑kɔ "pɛan do ‑yö ‑kë 'mɛ 'wo‑ ‑nu Sadusiɛn ‑nu ‑kë bha‑ 'ka, 'yö‑ ‑kɔ "pɛan 'bha 'dhö mɛ 'dhɛ 'wo‑ ‑nu Fadhiziɛn ‑nu ‑kë bha‑ ‑nu 'ka 'pö bha‑ ‑wɔn 'gü, 'yö Pɔdhö ‑ya pö‑ ‑nu ‑kuu "dhiʋ̈ 'ö‑ pö: «N dheebhang ‑nu, Fadhiziɛn ‑mü n 'ka, n dë‑ ‑kë Fadhiziɛn 'ka. 'Dhang ꞊në 'a‑ bho "dhiʋ̈, n ‑zʋ ‑yö Atanna ‑dhɛ ‑sü 'ka ꞊dhɛ ‑yö ‑dho gamɛ ‑nu bho ga 'gü 'yö 'wo za ‑ya sië n ‑bha ya.

Këwɔn ‑nu 26:7

"Plüün bho ‑wʋ 'ö yö ꞊në yi ‑bha "kwɛan‑ ‑gɔ ‑kaɔng do ga ꞊plɛ 'wo ‑ya ‑sü 'ka ‑a kë ‑yi ‑gɔ, 'yö 'wo yë ‑kë Atanna ‑dhɛ wo faan ꞊gban 'ka 'yënng‑ 'gü waa‑ gbeng ‑nu ꞊gban 'gü bha‑ yö ꞊në‑ ‑wɔn 'gü, ‑gblüdë, 'yö Zuifö ‑nu 'wo za dɔ sië n ‑bha ya.»

Këwɔn ‑nu 27:12

"Yitagɔ dɔdhɛ 'yi gun‑ 'gü bha 'yaa ‑së kö mɛ ‑yö 'to mü "tɛɛ "gbɩɩ‑ bha‑ "tʋ̈ng 'gü. Yö ꞊në‑ ‑wɔn 'gü 'yö 'mɛ waa‑ Pɔdhö ‑nu ‑wo gun "ta 'sü sië bha mɛgbɛdhɛ 'wo gun‑ "piʋ̈ ꞊dhɛ 'wo 'go mü kö 'wo 'dho ꞊weeyi ‑ta. 'Yö 'wo‑ "slë ꞊mɔɔ kö 'wo ꞊loo "yitagɔ dɔdhɛ 'dhɛ 'ö Fenisö, Klɛtö ‑sɛ 'gü bha‑ 'gü. Fenisö ‑dhɛ bha ‑yö ‑gun 'yënng‑ ‑pö ‑zian 'ka. Kë "dhʋ̈ kö 'wo "tɛɛ "gbɩɩ‑ "tʋ̈ng bha‑ kë mü.

Wlɔmö 11:14

Kë "dhʋ̈ kö bhlɔɔ ‑yö 'ma n dheebhang ‑nu 'wo Zuifö 'ka bha‑ ‑nu 'gü kö‑ mɛ ga 'bha ‑zë ‑yö dha ‑a kë 'a‑ wo "dhʋ̈ bha‑ ‑wɔn 'gü.

1 Kodhɛngtö 15:23

"Kɛɛ ‑bö ‑kɔ 'ö dho kë bha ‑yö ‑dho kë ‑bhiëë ꞊në‑ 'ka. Klisi ꞊në mɛ ‑blɛɛsü 'ö ‑bö ‑a 'ka, 'yö 'mɛ 'wo bɔ‑ 'ka bha 'wo wo ‑bha wo "tʋ̈ng 'ö dho nu‑ 'ka kö ‑yö mɛ ‑dhɛ kë bha‑ 'ka.

1 Kodhɛngtö 9:22

'Ma kë 'zü 'mɛ 'ö‑ ‑nu ‑gɛn 'yii "sɛ 'kun ꞊kö Atanna ‑bha zian ‑ta bha‑ ‑nu kpö 'gü, a n ‑dɩ ‑kë ꞊dhɛ ‑a ‑nu 'dhö kë "dhʋ̈ kö ‑wo bɔ n 'ka 'pö. A n ‑dɩ ‑dhi mɛ ꞊gban "pɛpɛ suu ‑dhɛ ‑kɔ bha ꞊në‑ 'gü kë "dhʋ̈ kö ꞊ya kë ‑kɔ "ʋʋ ‑kɔ 'ö‑ 'gü, "kɛɛ kö n ‑kɔ ‑yö ‑mɔɔ mɛ ga 'bha ‑zë ‑bha kö ‑wo dha.

1 Kodhɛngtö 9:27

"Kɛɛ ꞊gbaɔn ꞊në 'a‑ wo n ‑dɩ ‑ta, 'yö 'a n zuë" kun n ‑bha 'wɔn ꞊gban ‑wɔn ꞊gban 'gü, 'nii‑ yaa ‑dhɛ ‑bha, kë "dhʋ̈ kö 'ma 'dho Atanna ‑bha naɔ bha‑ dɔ mɛ ‑nu ‑gɔ 'ö 'wo ‑duɛ ꞊slɔɔ‑ "piʋ̈ 'ö ma ‑zë 'a dho 'a ꞊fië‑ 'gü.

2 Kodhɛngtö 11:3

"Kɛɛ "suʋ̈ ‑yö n 'gü, ‑a 'klɔɔ‑ ‑mü ꞊dhɛ 'yaa n "piʋ̈ ꞊dhɛ ‑wo ka ‑gɔ 'gü see‑ ‑zʋ 'gɔn ‑kɔ yaya ‑nu 'ka kö ka "ta ‑kɔ ‑së 'ö pö 'aa gun‑ ‑bha, 'ö‑ "dhia‑ gun Klisi 'gü bha 'ka ka bo‑ 'ka ꞊dhɛ ‑kɔ 'ö ꞊mlɛ ‑yö "kpënng‑ ‑kë 'ka 'Ɛvö ‑gɔ yi 'bha 'ka 'ö‑ ‑pö bha‑ 'dhö.

1 Tesadhonikö 3:5

'Wɔn 'ö‑ ‑wɔn 'gü, 'yö n ‑zʋ ‑yö dun 'yö 'a Timote bɔ kö ‑yö nu ‑wo ka ‑bha kö ‑naa 'ö ka ‑bha ‑zʋ ‑yö Atanna ‑dhɛ ‑sü 'dhö‑ ‑ta 'a‑ dɔ bha 'yö bha. ‑A ‑gɛn ‑mü ꞊dhɛ kë "dhʋ̈ 'ö Sɔtraan ‑yö "kpënng‑ ‑kë ka ‑gɔ 'ö ka ‑pö, 'ö yë "sinma 'yi‑ ‑kë ka ‑gɔ mü bha 'ö ‑kë saan" ‑sü "fië 'ka 'ö‑ ꞊trɔɔn 'yaa kë.

2 Tesadhonikö 2:3

Mɛ 'bha 'ya 'dho "kpënng‑ kë ka ‑gɔ ‑kɔ 'bha ‑bha 'bha 'gü 'ö 'ka 'dhang bho‑ "dhiʋ̈. ‑A ‑gɛn ‑mü ꞊dhɛ "sanni yi 'ö "dhʋ̈ bha ‑yö ꞊loo, kö mɛ ꞊gban ꞊wa wo ꞊taa yö Atanna ‑gɔ, kö‑ ‑bha 'tɔng‑ ꞊bhlëësiömɛ 'ö‑ "dhiʋ̈todhɛ dho kë 'güseesü ꞊në‑ 'ka bha ꞊në ꞊ya nu.

2 Timote 4:8

A‑ 'wɔn ‑dɔ ꞊dhɛ 'faan‑ 'ö kwa Dëmɛ 'ö za dɔ mɛ ‑bha tɛanwɔn ‑ta bha 'ö‑ ‑ya 'mɛ 'ö pö 'aa‑ ‑nu ‑bha ‑a ‑nu ‑gɔ bha n ‑bha ‑dhö. ‑Yö ‑dho ‑a nu n ‑dhɛ yi 'ö dho za dɔ‑ 'ka mɛ "bhɩɩ‑ ‑nu ‑bha bha‑ 'ka. 'Faan‑ 'ö "dhʋ̈ bha mang do n ‑bha 'yaa ‑mü ‑zianwo, ‑a ‑gɛn ‑mü ꞊dhɛ 'mɛ 'ö kwa Dëmɛ bha‑ nu ‑sü "dhia 'dhö‑ ‑nu 'gü ‑yö ‑dho ‑a ‑nu ‑bha nu 'pö.

Eblö 11:35

‑Zʋ ‑yö Atanna ‑dhɛ ‑sü bha ꞊në gun dhong ‑nu 'bha ‑nu ‑gɔ 'yö‑ ‑nu ‑bha mɛ ‑nu 'ö ꞊wa ga 'nu ‑a ‑nu ‑bö. 'Yö 'wo‑ mɛ 'bha ‑nu ‑wëë ‑kë "dhiʋ̈ wo 'yö 'wo‑ ‑nu zë‑ 'ka kö 'waa "wɩ‑ ‑bha kö ‑wo 'go wo ‑wʋ ‑ta kö ‑wo dha, kë "dhʋ̈ kö Atanna ‑ya ‑nu ‑bö ‑tosɛa 'dhɛ 'ö ‑së 'ö ‑ziö ‑a 'dhɛ 'ö "kpʋng ꞊taa yö‑ ‑ta bha ꞊në‑ yi 'ka.

‑Dhɛkpaɔ 20:5

‑Mɛ ‑kpɛa "pɛpɛ 'dhɛ 'wo to, ‑a ‑nu 'bha 'wii ‑bö 'ö to‑ 'ka "dhʋ̈ 'ö zun ‑kwɛ "gblü do bha‑ yën ‑yi ‑bha. ‑A 'dhɛ 'wo‑ ‑go ga 'gü ‑kɔ ‑blɛɛsü ‑kë bha 'yö bha.