Fidhipö 2:9 - NAƆ ‑SË 'SËËDHƐ

⁹ Yö ꞊në‑ ‑wɔn 'gü 'yö Atanna ‑ya ‑gɔ "dhiʋ̈ ꞊wlü 'pö, 'yö dho 'yö‑ gba ‑yɛa 'ö ꞊bhlëësü ‑yɛa ꞊gban "pɛpɛ suu ‑bha bha‑ 'ka, 'yö dho 'yö 'tɔ 'ö ꞊bhlëësü 'tɔ suu ꞊gban "pɛpɛ ‑bha bha‑ nu‑ ‑dhɛ.

Fidhipö 2:9 ပူးပေါင်းရင်းမြစ်များ

Matiö 11:27

'Yö Yesu ‑ya pö 'zü ö ‑bha ꞊klang ‑nu ‑dhɛ 'ö‑ pö: «N Dë ꞊ya pë ꞊gban "pɛpɛ dɔ n ‑kɔ 'ka. Mɛ 'bha 'yaa mang Atanna gbö ‑mɛ n dɔ kö 'yii kë n Dë 'ka, "ɛɛn mɛ 'bha 'yaa n Dë dɔ kö 'yii kë mang Atanna gbö ‑mɛ "ɛɛn 'zü 'mɛ 'ö n "piʋ̈ 'a‑ ‑zɔn ‑nu ‑dhɛ ‑a ‑nu 'ka.

Matiö 28:18

꞊Dhɛ 'ö ꞊wa zun‑ ‑dhɛ kpiö 'gü "dhʋ̈, 'yö Yesu ‑yö ꞊yɔɔn‑ ‑nu "sɔɔ 'yö ö ‑wʋ kpɔ‑ ‑nu ‑bha 'ö‑ pö: «‑Kɔ ‑ziö "sɛ waa‑ dhang‑ ‑nu 'gü ‑pë ꞊gban "pɛpɛ ‑gɔ ‑faan bha Atanna ꞊yaa‑ nu n ‑dhɛ.

Dhukö 10:22

'Yö go 'mü 'yö‑ pö: «N Dë ꞊ya 'wɔn ꞊gban "pɛpɛ dɔ n ‑kɔ 'ka, mɛ 'bha 'yaa yɛng yi ‑bho "kʋʋ dɔ. Ma 'a ‑kë ‑a Gbö 'ka, mɛ 'bha 'yaa n dɔ kö 'yii kë n Dë 'ka, "ɛɛn yö 'ö ‑kë 'pö n Dë 'ka, mɛ 'bha 'yaa‑ dɔ kö 'yii kë ma 'a kë ‑a Gbö 'ka, "ɛɛn 'zü 'mɛ 'kö 'a‑ ‑ta ‑pʋ ‑a ‑nu ‑dhɛ bha kwa 'ka.»

Naɔ ‑së 'ö ‑gban Yesu Klisi ‑bha 'ö Zan ‑ya pö 13:3

꞊Dhɛ 'ö ‑kë ꞊dhɛ Yesu yöö ꞊dede ‑ya 'wɔn ‑dɔ ꞊dhɛ ö ‑go Atanna "piʋ̈, 'ö ö yee kë sië 'zü 'ö dho Atanna "piʋ̈ ‑dhɛ do bha ꞊në‑ 'gü, ꞊dhɛ ö Dë ‑yö ö ‑ya sü 'ka pë ꞊gban "pɛpɛ ‑gɔ ‑ta bha,

Naɔ ‑së 'ö ‑gban Yesu Klisi ‑bha 'ö Zan ‑ya pö 17:11

i‑ 'wɔn ‑dɔ ꞊dhɛ 'go ꞊në maa‑ wo "kpʋng ꞊taa yö kö 'a nu i "piʋ̈ bha, "kɛɛ wo ‑zë ‑wo yö. ꞊Dhɛ 'ö "dhʋ̈, n Dë "slʋ̈ʋ̈slʋ̈, ‑bhö ‑a ‑nu ‑maa kë 'gügbɩɩdhɛ 'ö‑ ‑naa 'yaa 'dhö 'ö i 'tɔ 'gü bha‑ 'ka. 'Sa 'tɔ do 'ö "dhʋ̈ bha ꞊në 'i‑ nu n ‑dhɛ 'pö, "kɛɛ ‑bhö ‑a kë "dhʋ̈ kö ‑wo kë do 'pö ꞊dhɛ kwɛng 'ko do ‑kɔ 'ö‑ 'gü bha‑ 'dhö.

Naɔ ‑së 'ö ‑gban Yesu Klisi ‑bha 'ö Zan ‑ya pö 17:12

‑A pö 'a‑ wo "dhʋ̈ bha‑ ‑gɛn ‑mü ꞊dhɛ "tʋ̈ng 'a gun‑ 'ka‑ ‑nu "piʋ̈ "kpʋng ꞊taa bha, ma ꞊në 'a gun‑ ‑nu ‑maa kë sië i 'tɔ 'gü. 'Ö 'a n ‑zʋ ‑kë mɛ 'dhɛ 'kö 'i‑ n ‑dhɛ bha‑ ‑nu "piʋ̈ 'ö‑ mɛ do ‑zian 'yii ꞊dhɛng, kö 'yii kë mɛ 'dhɛ 'kö‑ ‑bha gun ‑bɛn zë ‑sü 'ka i ‑wʋ 'gü ꞊dhɛ ‑yö ‑dho kë "dhʋ̈, kë "dhʋ̈ kö 'pë 'ö i ‑wʋ ‑ya pö ‑a 'gü ‑wɔn ‑yö kë bha‑ 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 17:5

꞊Dhɛ 'ö "dhʋ̈, n Dë, 'tɔbhɔdhe 'ö gun n ‑gɔ ‑blɛɛsü i "sɔɔ kö "sɛ 'yaa 'dhö bha, ‑bhö ‑a nu n ‑dhɛ 'zü ‑deewo ꞊dhɛ ‑kɔ bha‑ 'dhö.

Këwɔn ‑nu 5:31

꞊yaa‑ "wlü ꞊yaa‑ ‑ya ö ‑bha ‑yɛa ꞊bhlëësü 'gü, ꞊yaa‑ ‑ya ‑gɔmɛ 'ka Mɛdhamɛ 'ka, kë "dhʋ̈ kö Izraɛdhö ‑sɛgümɛ ‑nu ‑wo bɔ‑ ‑ta kö ‑wo wo ‑bha ‑tosɛadhe slëë‑ Atanna "piʋ̈ kö ‑wo dha ‑sü ꞊slɔɔ, kö ‑ya ‑nu ‑bha 'wɔn yaa ‑nu ‑mawɔn 'to.

Efɛzö 1:10

'Wɔn 'ö "dhʋ̈ bha yö ‑mü ꞊dhɛ ‑yö ‑gun Atanna "piʋ̈ ꞊dhɛ pë "pɛpɛ 'ö dhang‑ 'gü, "ɛɛn 'ö "kpʋng ꞊taa, 'ö‑ ꞊gban "pɛpɛ ꞊loo 'ko ‑ta kö ‑a "tʋ̈ng ꞊ya ꞊loo, kö‑ ‑gɔmɛ ‑yö kë doseng, kö ‑yö kë Klisi ꞊në‑ 'ka.

Kodhɔsö 1:18

Atanna ‑bha 'kɔdhigümɛ ‑nu ꞊gban "pɛpɛ ‑lookota ‑sü ‑kë ꞊dhɛ mɛ ‑dhü do ꞊në‑ 'dhö, Yesu bha ꞊në‑ ‑nu ‑gɔ 'ka, yö 'ö bha ꞊në ‑tosɛa ‑dee 'ö 'yaa yën bha‑ zübhodhɛ 'ka, yöö do bha ꞊në mɛ "pɛpɛ 'wo ‑bhɔ ga ‑sü 'ka 'yi bha‑ 'ka 'ö nu 'ö zun‑ 'ka ꞊dɛɛ ‑bha bha‑ mɛ ‑blɛɛsü 'ö ꞊ya ‑bö ‑a 'ka, kë "dhʋ̈ kö yö ꞊në ‑yö kë pë ꞊gban "pɛpɛ ‑gɔ 'ka.

2 Tesadhonikö 1:12

꞊Ya kë "dhʋ̈, kwa Dëmɛ Yesu 'tɔ‑ ‑dho bhɔ ka ‑bha, 'yö kaa ‑dɩ 'pö ka 'tɔ 'dhö bhɔ ‑a 'saa‑ 'gü, ‑gasitɛ 'ö waa‑ kwa ‑bha Atanna 'wo‑ ‑kë ka ‑dhɛ bha‑ ‑wɔn 'gü.

Eblö 1:4

‑A ‑kë "dhʋ̈ ‑sü bha‑ 'gü ‑a ‑duɛ 'ö 'dhö, 'waa‑ ‑zɔn ‑zianwo Atanna ‑bha "kië ‑nu ‑bha 'ka, 'wɔn 'ö‑ ‑wɔn 'gü 'yö 'tɔ 'ö ꞊bhlëësü 'ö ‑ziö ‑a ‑nu ‑bha ‑ta Atanna ‑ya nu‑ ‑dhɛ bha 'yö bha.

Eblö 1:9

‑a ‑gɛn ‑mü ꞊dhɛ 'wɔn 'ö pö 'aa‑ ‑bha ꞊në‑ kë ‑dhɔ ‑yö i ‑kë, 'wɔn yaa ‑dhɔ 'yaa i kë, 'wɔn 'ö‑ ‑wɔn 'gü, 'yö Atanna 'ö ‑kë i ‑bha Atanna 'ka bha 'ö i ‑ya ‑sü 'ka, 'yö i pa ‑sü 'ka zuëniida 'ka, 'yö ‑duɛ 'ö ꞊bhlëësü 'ö ‑ziö i "tayɔɔ ‑nu ‑bha ‑ta ‑a nu ‑sü 'ka i ‑dhɛ.» bha 'yö bha.

Eblö 12:2

Yesu ö kwa ‑bha ‑zʋ ‑yö Atanna ‑dhɛ ‑sü zübhodhɛ waa‑ "dhiʋ̈yadhɛ 'ka bha ‑ka ‑kwa kwa "yan 'to yö ꞊në‑ ‑bha. ‑A ‑gɛn ‑mü ꞊dhɛ yö 'ö bha ꞊në 'ö ‑wɩ ‑bha kö ‑wo ö zë "dhü ‑bha, 'yö ga ‑kɔ 'yiʋ̈sü 'ö‑ suu 'dhö "dhʋ̈ bha‑ 'yiʋ̈‑ 'yii‑ kë, ꞊dhɛ 'ö ‑kë ꞊dhɛ zuëniidadhe 'kpii‑ ‑yö ‑ya ‑sü 'ka‑ ‑gɔ ‑a zian‑ ‑ta bha‑ ‑wɔn 'gü, 'yö dɔ 'kwa‑ wo ꞊dɛɛ ya 'ö ‑ya ‑sü 'ka ‑duɛ ꞊bhlëësü 'ö Atanna ‑bha ‑blüdëdhɛ ‑gbloo ‑ta ‑a "sɔɔ dhang‑ 'gü bha‑ 'gü.

Eblö 2:9

"Kɛɛ kwa‑ 'suan‑ ‑zë bho ꞊dhɛ Yesu bha ꞊në Atanna ‑ya ꞊bhlëë ‑da ö ‑bha "kië ‑nu ‑bha ꞊wlöö "tʋ̈ng 'ö ‑tosɛa kë‑ 'ka "kpʋng ꞊taa bha‑ 'ka. Kë "dhʋ̈ kö ‑yö ga mɛ ꞊gban "pɛpɛ ‑wɔn 'gü, ‑gasitɛ 'ö Atanna ‑ya ‑kë kwa ‑dhɛ bha‑ ‑wɔn 'gü, "kɛɛ 'yö 'kwa‑ yö sië 'zü ꞊dɛɛ 'tɔbhɔdhe waa‑ ꞊bhlëë ‑nu "yi ꞊bhaa ga 'ö‑ wo "dhʋ̈ bha‑ ‑wɔn 'gü bha.

2 Piɛdhö 1:17

Yi 'ö kwa Dë Atanna ‑yö 'tɔbhɔdhe waa‑ ꞊bhlëë 'kpii‑ nu‑ 'ka‑ ‑dhɛ bha yi ‑gun mü. Atanna ‑yö dhiang ‑zë 'yi bha ꞊në‑ 'ka 'yö‑ pö: «'Mɛ 'ö ya, n Gbö (do) 'ö n ‑gɔ ꞊në bha, ‑a ‑dhɔ 'ö n ‑kë ‑a "sinma 'yaa 'dhö.»

3 Zan 1:7

‑A 'klɔɔ‑ ‑mü ꞊dhɛ "ta 'wo‑ 'kpɔ sië bha Yesu Klisi ‑bha "ta ‑mü. 'Wɔn 'ö‑ ‑wɔn 'gü 'yö 'waa 'mɛ 'waa 'dhang bho Yesu ‑wɔn "dhiʋ̈ ‑a ‑nu ꞊kwɛng ‑pë 'sü bha 'yö bha.

‑Dhɛkpaɔ 11:15

'Yö Atanna ‑bha "kië ‑nu bha‑ "saɔplɛ ‑naa ‑yö ö ‑bha "truu ‑piö. 'A dho n "tʋ 'to kö ‑wʋ 'gbɛ ‑yö "wɩ sië dhang‑ 'gü ‑yuudhö 'ö‑ pö: «‑Gblüdëdhɛ ‑kë "kpʋng ꞊taa "sɩ ꞊ya 'to 'mɛ 'ö‑ ‑dhɛ, dɔ ‑kɔ ya‑ 'gü yö ‑mü kwa Dëmɛ Atanna waa‑ ‑bha ‑Yamɛ bha ꞊në‑ ‑nu 'ka, yö ‑zë ‑a ‑bha mɛ ‑dhɛ bha‑ "dhiʋ̈todhɛ 'yii 'dho kë tongtongdhö, ‑yö ‑dho ‑a kë ‑todhʋ̈ 'ka!»

‑Dhɛkpaɔ 19:16

'Mɛ 'a‑ yö ꞊soo "puu bha‑ ‑ta 'ö ‑gblüdëdhɛ 'faan‑ 'gbɛ ‑yö gun ‑gɔ ‑bha "dhʋ̈ bha 'tɔ 'bha ‑yö ‑gun ‑bɛn zë ‑sü 'ka 'zü ‑a ‑bha sɔ 'ö gun‑ ‑bha bha waa‑ "gban ‑bha ꞊dhɛ ‑wa ‑dhɛ ‹‑Gblüdë ‑nu ‑bha ‑gblüdë, gɔɔn‑ ‑nu ‑bha gɔɔn‑›.

‑Dhɛkpaɔ 3:21

‑Gɔn bha 'mɛ 'ö yaa‑ ‑gɔn kö ‑ya ga 'sü, a ‑dho ‑a ‑mɛ ‑ya n "sɔɔ ma ‑blüdëdhɛ ‑gbloo ‑ta, ꞊dhɛ ‑kɔ 'ö mang ‑dɩ 'pö 'a‑ ga sü‑ 'ka, 'ö 'a dho 'a ‑ya n Dë "sɔɔ, ‑a ‑bha ‑blüdëdhɛ ‑gbloo ‑ta bha‑ 'dhö.

‑Dhɛkpaɔ 5:12

Kö ‑wo "tan bho sië "gbɩɩ‑ 'ka 'wo‑ pö: «"Bhlaanë 'wo‑ zë kö ‑yö kë mɛ "bhɩɩ‑ ‑nu ‑bha "saa‑ 'ka bha, 'gügbɩɩdhɛ oo, mɛdhɛ ‑nu oo, 'wɔndɔdhe waa‑ faan ‑nu oo, ꞊bhlëë waa‑ 'tɔbhɔdhe ‑nu ‑wa yö ꞊në‑ ‑gɔ. ‑A ‑dhɛa ‑bha ꞊dhɛ mɛ ꞊gban "pɛpɛ ‑wa yö ꞊në‑ ‑dhɔkë, kö ‑wa nuɛ" bho.»