Fidhipö 2:8 - NAƆ ‑SË 'SËËDHƐ

⁸ 'yö ö ‑dɩ ‑da "sia‑, 'yö ö Dë Atanna ‑wʋ ‑ya ꞊bhlëë 'gü ꞊dedewo, 'yö dho 'ö ‑wɩ ö zë ‑wɔn ‑bha, ꞊ya 'to 'nu ga ‑sü "fië ‑zë ‑bha ‑zianwo 'nu kö‑ fië‑ ‑dhö, "kɛɛ 'yö ‑wɩ ‑bha kö ‑wo ö dɔ "dhü ‑bha 'yiʋ̈sü 'ka ꞊dhɛ mɛzëmɛ 'dhö.

Fidhipö 2:8 ပူးပေါင်းရင်းမြစ်များ

Matiö 17:2

'Yö‑ ‑gla ‑a ‑nu "yaan mü, 'yö‑ wëëdhɛ 'gü 'dhö ‑ya 'bhü ‑sü ‑bha ꞊dhɛ 'yënng‑ 'dhö, 'yö‑ ‑bha ‑sɔ 'bhü 'dhö ‑ya bhɔ ‑sü ‑bha 'yö ‑dhɛ ‑pʋ ‑a ‑zü.

Matiö 26:39

꞊Dhɛ 'ö ꞊yaa‑ pö "dhʋ̈ 'yö bhɔ 'në 'bha wo ‑a ‑nu 'ka taa‑ 'bleng ‑bleng, 'yö "gblëënu 'yö ꞊bhɛa Atanna ‑dhɛ 'ö‑ pö: «N Dë, 'ö ꞊ya kë ꞊dhɛ 'ö dho kë ‑mɔɔ "kwëë ‑wɔn 'ka kö ‑bhö dɔ "gbɩɩ‑ kö 'wɔn "gbɩɩ‑ 'ö maa‑ "yi mü ya 'i‑ bho n ‑bha, "kɛɛ yö ‑zë ꞊gban 'gü, ‑yö n "piʋ̈ ꞊dhɛ ‑yö kë bhi ꞊në i dhɔɔbhaa 'ka 'ya 'dho 'to ma ‑zë n ‑bha ‑bha.»

Matiö 26:42

꞊Dhɛ 'ö ꞊yaa‑ pö "dhʋ̈ 'yö‑ ‑nu to 'zü ꞊plɛ ‑naa wo, 'yö dho ‑bhɛa Atanna ‑dhɛ ‑dhɛ 'gü 'ö‑ pö: «N Dë, 'ö ꞊ya kë ꞊dhɛ 'wɔn "gbɩɩ‑ 'ö yöö wɔ n ‑ta bha, ‑a ‑bho n ‑ta ‑wɔn 'yii 'dho kë ‑mɔɔ "kwëë ‑wɔn 'ka kö ‑a 'dhɛ 'ö ‑dhi i ‑dhɛ ꞊në ‑yö 'to‑ ‑bha.»

Dhukö 9:29

꞊Dhɛ 'ö ꞊wa zun bhɛa" ‑sü ‑bha, 'yö Yesu wëëdhɛ ‑yö ‑gla, 'yö‑ ‑bha ‑sɔ 'bhü 'dhö ‑ya bhɔ ‑sü ‑bha ‑papadhö.

Naɔ ‑së 'ö ‑gban Yesu Klisi ‑bha 'ö Zan ‑ya pö 10:18

Mɛ 'bha ‑kɔ 'yii ziö n ‑gɔ, a‑ ‑nu n ‑dɩ ꞊nii ꞊në‑ ‑bha. ‑A ‑gɛn ‑mü ꞊dhɛ ‑a nu "sɩ ‑yö n ‑dhɛ, ‑a 'sü "sɩ ‑yö n ‑dhɛ. 'Wɔn 'ö n Dë ‑ya ‑ya n ꞊kwɛɛ‑ kö 'a‑ kë 'yö bha.»

Naɔ ‑së 'ö ‑gban Yesu Klisi ‑bha 'ö Zan ‑ya pö 14:31

"Kɛɛ ‑a ‑dhɛa ‑bha ꞊dhɛ "kpʋngtaamɛ ‑nu ‑wa 'wɔn dɔ ꞊dhɛ n Dë ‑dhɔ ‑yö n ‑kë, ꞊dhɛ 'pë 'ö‑ pö n ‑dhɛ ꞊në 'a‑ ‑kë. ꞊Dhɛ 'ö "dhʋ̈ ‑ka "wlü kö 'kwa 'dho 'kwa 'go ‑dhɛ ya 'gü!»

Naɔ ‑së 'ö ‑gban Yesu Klisi ‑bha 'ö Zan ‑ya pö 15:10

꞊Ya kë ꞊dhɛ 'ka ka ‑zʋ kë ‑wʋ ‑nu 'a‑ kpɔ ka ‑bha bha‑ 'gü kö 'ka‑ 'gü ‑wɔn kë, kö ka ‑kplü ‑sü 'ka n ‑bha, kö ka ‑dhɔ bha‑ "gblʋʋ ‑ta ꞊dhɛ ‑kɔ 'ö mang ‑dɩ 'pö 'a n Dë ‑wʋ kun‑ 'ka 'ö n ‑dhɔ ‑ya ‑kë bha‑ 'dhö ꞊naa bha.

Naɔ ‑së 'ö ‑gban Yesu Klisi ‑bha 'ö Zan ‑ya pö 4:34

'Yö Yesu ‑ya pö‑ ‑nu ‑dhɛ: «'Mɛ 'ö n bɔ bha‑ ‑zʋ "piʋ̈ ‑wɔn kë ‑sü waa‑ yë 'ö‑ nu n ‑dhɛ ‑a "dhiʋ̈ ‑ta ‑sü bha ꞊në ꞊dhɛ n ‑bhöpë 'dhö.

Këwɔn ‑nu 8:33

‑Wo ꞊bhlëë ‑bho ‑bha 'ö 'wo‑ ‑bha tɛanwɔn ‑kë ꞊suawɔn 'ka, ‑a ‑wɔn 'gü mɛ 'bha 'yii 'dho‑ 'gü ‑në do ‑zian 'tɔ ma 'zü, ‑a 'klɔɔ‑ ‑mü ꞊dhɛ ‑a ‑bha ‑bha ‑zë ꞊ya bho‑ "dhiʋ̈ "kpʋng ꞊taa yö ꞊naa bha, ‑a ‑gɛn ‑mü ꞊dhɛ ꞊waa‑ ‑bha ‑kë "kpʋng ꞊taa ‑sü ‑zë bho‑ "dhiʋ̈.»

Wlɔmö 5:19

Mɛ dosengseng ‑bha ‑da Atanna "dhiʋ̈ ‑sü ꞊në pö ‑ya mɛ 'gbɛ ‑bha ‑a wëëdhö. ‑Kɔ do bha‑ 'gü 'pö Yesu Klisi yöö doseng ‑a ‑bha Atanna ꞊bhlëë 'ö‑ ‑ya bha ꞊në dho mɛ 'gbɛ dha, 'yö ꞊sɔng bho‑ ‑nu ‑bha Atanna wëëdhö.

2 Kodhɛngtö 8:9

‑A ‑gɛn ‑mü ꞊dhɛ kwa Dëmɛ Yesu Klisi ‑kɔ 'dhö ‑wo kwa ‑dhɛ ‑kɔ 'ö‑ 'gü ka yö ‑zë ‑dɔ. Yö 'ö pë 'bha ‑pë 'bha ‑saan 'yaa gun‑ ‑bha (‑a ‑bha ‑kë Atanna 'ka ‑sü 'gü) bha ‑yö kë ö ‑dɩ ‑kë "flɛɛmɛ 'ka ka ‑wɔn 'gü, kë "dhʋ̈ kö pë 'bha ‑saan 'ya 'dho kë ka ‑zë ka bha‑ ‑bha ‑kë "flɛɛsü ‑sü bha‑ zian‑ ‑ta.

Gadhatö 3:13

"Kɛɛ Klisi ꞊ya kwa dha 'tɔng‑ 'kun ‑sü ‑bha "dhang bha‑ ‑gɔ. ‑A 'klɔɔ‑ ‑mü ꞊dhɛ "dhang 'ö yöö kwa 'kun 'nu 'tɔng‑ bho ‑wɔn 'gü bha Atanna yaa‑ ‑da ‑a "piʋ̈, ꞊yaa‑ kë kwa ‑gɔ ‑ta 'dhɔ ‑pë 'ka. ‑A ‑gɛn ‑mü ꞊dhɛ ‑yö ‑bɛn zë ‑sü 'ka Atanna ‑gɔ 'sëëdhɛ 'gü ꞊dhɛ: «Mɛ "ʋʋ mɛ 'wo‑ dun "dhü ‑zë ‑bha, kö "dhang ꞊në‑ ‑mɛ ‑bha.»

Titö 2:14

Yesu ‑yö ö ‑dɩ ‑nu mɛ "bhɩɩ‑ ‑nu kwa ‑dhɛ kö 'ö kwa dha ꞊në‑ wo 'wɔn yaa suu "pɛpɛ ꞊gban ‑gɔ, kö 'kwa kë "slʋ̈ʋ̈slʋ̈, kö 'kwa kë yöö do ꞊në ö ‑bha 'ka, kö 'wɔn ‑së ꞊në‑ kë ‑pɛng ‑yö dɔ kwa ‑ta.

Eblö 12:2

Yesu ö kwa ‑bha ‑zʋ ‑yö Atanna ‑dhɛ ‑sü zübhodhɛ waa‑ "dhiʋ̈yadhɛ 'ka bha ‑ka ‑kwa kwa "yan 'to yö ꞊në‑ ‑bha. ‑A ‑gɛn ‑mü ꞊dhɛ yö 'ö bha ꞊në 'ö ‑wɩ ‑bha kö ‑wo ö zë "dhü ‑bha, 'yö ga ‑kɔ 'yiʋ̈sü 'ö‑ suu 'dhö "dhʋ̈ bha‑ 'yiʋ̈‑ 'yii‑ kë, ꞊dhɛ 'ö ‑kë ꞊dhɛ zuëniidadhe 'kpii‑ ‑yö ‑ya ‑sü 'ka‑ ‑gɔ ‑a zian‑ ‑ta bha‑ ‑wɔn 'gü, 'yö dɔ 'kwa‑ wo ꞊dɛɛ ya 'ö ‑ya ‑sü 'ka ‑duɛ ꞊bhlëësü 'ö Atanna ‑bha ‑blüdëdhɛ ‑gbloo ‑ta ‑a "sɔɔ dhang‑ 'gü bha‑ 'gü.

Eblö 12:4

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ, 'ö ꞊dhɛ 'ko ‑zë 'wɔn yaa 'ka ‑sü 'dhö kö 'ya 'dho ‑da kaa‑ ‑tosɛa 'gü, kö ka‑ ‑bha ꞊dedewo, "kɛɛ 'kii‑ zë ꞊kö kö 'ka zun‑ 'ka ka ‑gɔ ‑to 'gü ‑wɔn ‑nu ‑bha.

1 Piɛdhö 2:24

'Yö go mü 'zü 'ö kwa ‑bha 'wɔn yaa ‑nu ‑kwɛɛ sü 'ö dɔ‑ 'ka "dhü ‑bha, kë "dhʋ̈ kö 'kwa ga 'wɔn yaa ‑gɔ kö 'kwa ‑tosɛa 'ö pö 'aa‑ ‑bha ꞊në‑ kë. ‑Gi ‑nu 'ö‑ wo bha ꞊në‑ ‑wɔn 'gü 'yö 'ka ‑kë "klʋ̈ʋ̈klʋ̈.

1 Piɛdhö 3:18

‑A ‑gɛn ‑mü ꞊dhɛ Klisi yöö ꞊dede ‑yö ‑ga ka ꞊në ka ‑wɔn 'gü. Yö 'ö yö ‑zë 'ö "slʋ̈ʋ̈slʋ̈ 'ö ‑dhii 'yaa‑ ‑bha Atanna wëëdhö bha ‑yö kë ga ‑kɔ doseng bha‑ ‑bho "dhʋ̈ 'mɛ 'ö ꞊sɔng 'dhö‑ ‑nu ‑bha bha ꞊në‑ ‑nu ‑wɔn 'gü, kë "dhʋ̈ kö 'ö zian 'ö dho Atanna "piʋ̈ ‑a bho ka 'ka. ‑A ‑dhü ꞊në wo‑ zë 'yö‑ 'nii‑ ‑zë 'ö go ga 'gü Atanna ‑bha 'Nii‑ "slʋ̈ʋ̈slʋ̈ faan 'ka.