Fidhipö 2:7 - NAƆ ‑SË 'SËËDHƐ

⁷ ‑Yö ö ‑kɔ ꞊në ‑kan ö ‑dɩ ‑wɔn "dhiʋ̈, 'yö ꞊dhuëngdhɛ ‑kwi ‑da ö ‑bha, 'yö ö ‑dɩ ‑kë mɛ "bhɩɩ‑ 'ka 'yö nu "kpʋng ꞊taa ꞊dhɛ mɛ "bhɩɩ‑ ꞊dede 'dhö,

Fidhipö 2:7 ပူးပေါင်းရင်းမြစ်များ

Matiö 12:18

Atanna ‑ya ‑pö: Ma yëkëmɛ 'a‑ ‑ya 'yö ya, Yö ꞊në‑ ‑dhɔ ‑yö n ‑kë, 'yö 'a n ‑gɔ ‑wɔn ꞊gban "kplëng bho ‑sü 'ka i ‑bha. Yö ꞊në 'a ‑dho ma 'Nii‑ "slʋ̈ʋ̈slʋ̈ ‑ya 'gü kö ‑yö 'wɔn 'ö pö 'aa‑ ‑bha ‑a kë ‑sü ‑dhiang zë "kpʋngtaamɛ ‑nu ‑dhɛ.

Matiö 20:28

'Wɔn 'ö‑ ‑wɔn 'gü 'yö mang Mɛgbömɛ 'mii nu kö ‑wo ma ‑zë n "dhiʋ̈ ‑ziö wo, "kɛɛ 'yö 'a ‑nu kö ma ꞊në 'a mɛ "bhɩɩ‑ ‑nu "dhiʋ̈ ‑ziö wo kö 'a n ‑dɩ nu ‑a ‑nu dha ‑wɔn 'gü bha 'yö bha.»

Makö 9:12

'Yö‑ ‑yɔ bɔ‑ ‑nu ‑gɔ 'ö‑ pö: «Tɛan‑ ‑mü, Edhi dho nu ꞊kö ‑blɛɛsü kö ‑yö Atanna ‑wɔn ꞊gban zun ö zun ‑dhɛ 'gü "pɛɛpɛdhö ‑së 'ka, ('yö‑ ‑bha ‑Yamɛ ‑yö gun ‑na nu). "Kɛɛ ‑wʋ 'ö ‑bɛn zë ‑sü 'ka 'pö Atanna ‑gɔ 'sëëdhɛ 'gü ꞊dhɛ: ‹‑Wo ‑dho ꞊bhlëë bho Mɛgbömɛ ‑bha 'ö 'wo‑ ‑wëë ‑kë wo "yan ‑ziö 'gü 'ka› bha‑ 'klɔɔ‑ ‑mü ‑më 'ka?

Dhukö 22:27

"Ɛɛn mɛ ꞊plɛ ꞊wa kë kö mɛ do ‑yö kë pë ‑bhö ‑dhɛ 'gü, kö mɛ do ‑ya "dhiʋ̈ ‑ziö wo kö mɛ ꞊plɛ 'wo bha 'dee 'kpii‑? Kö 'mɛ 'wo‑ "dhiʋ̈ ‑ziö wo sië bha 'yaa ‑mü ‑ee? "Kɛɛ ‑kaa ‑ga 'ö ma ‑zë 'ma kë ka kpö 'gü ꞊dhɛ ka "dhiʋ̈ ‑ziöwomɛ 'dhö bha.

Naɔ ‑së 'ö ‑gban Yesu Klisi ‑bha 'ö Zan ‑ya pö 1:14

Yö 'ö ‑kë Atanna ‑wʋ 'ka "dhʋ̈ bha, 'yö dho 'ö ‑kë mɛ "bhɩɩ‑ 'ka, 'yö nu 'ö ‑tosɛa ‑kë kwa kpö 'gü, Atanna ‑bha "klʋsëdhɛ ꞊gban "pɛpɛ waa‑ tɛanwɔn 'ö ‑gban ‑bha bha‑ 'ka, 'yö kwa "yan 'dhö ‑da ‑a ‑bha 'tɔbhɔdhe kë 'kpiisü 'gü. ‑Yö ‑gun 'në ga do 'ka ö Dë ‑gɔ, 'yö gun‑ ‑bha 'tɔbhɔdhe ‑zɔn sië.

Wlɔmö 1:3

Yö 'ö bha ꞊në ꞊ya kë mɛbhɩɩdhɛ 'gü, 'yö ‑kë Davi ‑bha 'në 'ka,

Wlɔmö 15:3

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Klisi 'yii ö ‑dɩ ‑dhidhɛwɔn ‑zë kë. "Kɛɛ ‑ya ‑kë ꞊dhɛ ‑kɔ 'ö ‑bɛn zë ‑sü 'ka 'ka Atanna ‑wʋ 'sëëdhɛ 'gü ꞊në‑ 'dhö ꞊dhɛ: «N Dë Atanna, "si 'ö woo‑ bho i ‑gɔ, ꞊waa‑ ꞊gban bho n ‑gɔ.»

Wlɔmö 15:8

‑A pö 'a wo "dhʋ̈ bha‑ 'klɔɔ‑ ‑mü ꞊dhɛ: A‑ ‑pö ka ‑dhɛ tɛan‑ ꞊dede 'ka ꞊dhɛ kë 'ö Klisi ‑ya wo Zuifö ‑nu ‑bha gwëë" 'ka bha, ‑ya ‑kë "dhʋ̈ kö 'pë 'ö Atanna ‑ya "plüün bho ‑a ‑nu "bhɛma ‑nu ‑dhɛ yi 'bha 'ka bha ꞊në‑ 'gü ‑wɔn ‑yö kë, kö mɛ ꞊gban ‑wa 'wɔn dɔ ꞊dhɛ Atanna ꞊ya 'wɔn 'dhɛ 'kö‑ pö kö ꞊yaa‑ pö, 'yaa 'to‑ 'gü tongtongdhö.

Wlɔmö 8:3

'Wɔn 'ö kwa mɛbhɩɩdhe ‑dhɛ ‑kwi 'yaa gun ꞊mɔɔ sië‑ 'gü ‑wɔn kë ‑sü ‑bha Moizö ‑bha 'tɔng‑ "gblʋʋ ‑ta bha, Atanna ꞊yaa‑ 'gü ‑wɔn kë. ‑A 'klɔɔ‑ ‑mü ꞊dhɛ ꞊ya yöö ꞊dede ö Gbö bɔ kwi 'ö kwa ‑bha 'ö 'tɔng‑ 'kun "sɩ 'yaa ‑dhɛ bha‑ 'gü kö yö ‑zë ‑ya 'kun, kö ‑yö kpaɔ "pɛ‑ 'ka 'wɔn yaa ‑bha, kö ‑yö kë Atanna ‑bha za ‑loo 'wɔn yaa ‑ta ‑gɛn 'ka kö ‑ya bho kwa ‑bha.

2 Kodhɛngtö 13:4

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'kö 'zü ꞊waa‑ dɔ "dhü ‑bha ꞊dhɛ 'mɛ 'ö "sɩ 'yaa‑ ‑dhɛ ‑a 'dhö, "kɛɛ ‑yö ‑bö 'ö go ga 'gü Atanna ‑bha 'gügbɩɩdhɛ ꞊në‑ ‑bha, 'yö ‑tosɛa kë sië ꞊dɛɛ bha. Yii ‑dɩ 'pö yi ‑bha ‑kë ‑a ‑bha 'ka ‑sü ‑wɔn 'gü, "sɩ 'yaa yi ‑dhɛ dɔ ‑kɔ ya‑ 'gü ꞊dhɛ ‑a 'dhö 'pö, "kɛɛ ka 'kun ‑kɔ 'yi dho ka 'kun‑ 'ka bha ꞊në 'ka dho‑ 'wɔn dɔ‑ ‑bha ꞊dhɛ ‑tosɛa 'yi‑ kë sië ‑a "piʋ̈ bha Atanna ꞊në‑ ‑faan ‑da yi 'gü.

2 Kodhɛngtö 8:9

‑A ‑gɛn ‑mü ꞊dhɛ kwa Dëmɛ Yesu Klisi ‑kɔ 'dhö ‑wo kwa ‑dhɛ ‑kɔ 'ö‑ 'gü ka yö ‑zë ‑dɔ. Yö 'ö pë 'bha ‑pë 'bha ‑saan 'yaa gun‑ ‑bha (‑a ‑bha ‑kë Atanna 'ka ‑sü 'gü) bha ‑yö kë ö ‑dɩ ‑kë "flɛɛmɛ 'ka ka ‑wɔn 'gü, kë "dhʋ̈ kö pë 'bha ‑saan 'ya 'dho kë ka ‑zë ka bha‑ ‑bha ‑kë "flɛɛsü ‑sü bha‑ zian‑ ‑ta.

Gadhatö 4:4

"Kɛɛ ꞊dhɛ 'ö "tʋ̈ng 'ö Atanna ‑ya ‑ya ꞊ya ꞊loo, 'yö ö Gbö bɔ, 'yö dhebhɔ do ‑ya kpɔ, 'yö dho 'pö 'ö ‑da 'tɔng‑ 'ö‑ dɔ Zuifö ‑nu ‑dhɛ bha‑ ‑gɔ ꞊dhuëngdhɛ 'gü,

Fidhipö 2:6

‑A ‑gɛn ‑mü ꞊dhɛ 'ö gun kö 'yii nu ꞊kö "kpʋng ꞊taa waa‑ Atanna ‑a ‑nu ‑duɛ ‑gun do, "kɛɛ 'yii ö ‑dɩ dan‑ 'ka.

Eblö 12:2

Yesu ö kwa ‑bha ‑zʋ ‑yö Atanna ‑dhɛ ‑sü zübhodhɛ waa‑ "dhiʋ̈yadhɛ 'ka bha ‑ka ‑kwa kwa "yan 'to yö ꞊në‑ ‑bha. ‑A ‑gɛn ‑mü ꞊dhɛ yö 'ö bha ꞊në 'ö ‑wɩ ‑bha kö ‑wo ö zë "dhü ‑bha, 'yö ga ‑kɔ 'yiʋ̈sü 'ö‑ suu 'dhö "dhʋ̈ bha‑ 'yiʋ̈‑ 'yii‑ kë, ꞊dhɛ 'ö ‑kë ꞊dhɛ zuëniidadhe 'kpii‑ ‑yö ‑ya ‑sü 'ka‑ ‑gɔ ‑a zian‑ ‑ta bha‑ ‑wɔn 'gü, 'yö dɔ 'kwa‑ wo ꞊dɛɛ ya 'ö ‑ya ‑sü 'ka ‑duɛ ꞊bhlëësü 'ö Atanna ‑bha ‑blüdëdhɛ ‑gbloo ‑ta ‑a "sɔɔ dhang‑ 'gü bha‑ 'gü.

Eblö 13:3

Ka ‑zʋ ‑yö ‑bö 'mɛ 'wo ‑kaso 'gü ‑a ‑nu 'ka, ꞊dhɛ 'pë ka ꞊në 'ka ‑kaso 'gü ‑a 'dhö. Kö 'ka ‑ya 'mɛ 'wo‑ ‑nu ‑wëë ‑kë "dhiʋ̈ wo sië‑ ‑nu ‑wɔn zuën ‑ta, ‑a ‑gɛn ‑mü ꞊dhɛ ꞊waa‑ ‑nu ‑ma ‑yö ‑ma ‑nu 'ka 'pö ꞊dhɛ ka 'dhö.

Eblö 4:15

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ yö 'ö kwa ‑bha "saabhomɛ 'kpii‑ 'ka "dhʋ̈ bha ‑yö kwa ‑dɔ, ‑ya 'wɔn ‑dɔ ꞊dhɛ‑ "sɩ 'yaa kwa ‑dhɛ kö 'kwa 'dho 'wɔn yaa kë tongtongdhö. ‑A ‑gɛn ‑mü ꞊dhɛ ‑yö kë ‑tosɛa ‑kë 'pö kwi do ya‑ 'gü ꞊dhɛ ‑kɔ do 'kwa‑ kë sië‑ 'ka ya‑ 'dhö. 'Ö Sɔtraan ‑ya 'gü dan 'pö ꞊dhɛ ‑kɔ do 'ö kwa 'gü dan sië‑ 'ka bha‑ 'dhö. "Kɛɛ 'yö yö ‑zë 'yii 'wɔn yaa kë tongtongdhö. ‑A ‑wɔn 'gü, ꞊ya kë ꞊dhɛ faan 'yii kë kwa 'gü, ‑yö ‑mɔɔ ‑bha 'ö kwa ‑ta 'kun Atanna wëëdhö.