Fidhipö 2:26 - NAƆ ‑SË 'SËËDHƐ

²⁶ ‑A ‑gɛn ‑mü ꞊dhɛ ka ‑dhɔ ꞊ya gun ꞊yaa‑ 'kun ꞊dedewo, ‑ya "piʋ̈ ꞊dhɛ 'ö ö "yan ‑kpan ka wëëdhɛ ‑bha 'do 'do 'ka, kë "dhʋ̈ kö ka zuë" ‑yö 'waanu, ‑a ‑gɛn ‑mü ꞊dhɛ ‑a ma 'ka‑ wo ꞊dhɛ "yua ꞊yaa‑ kë "gbɩɩ‑ bha ꞊ya gun ꞊yaa‑ zuë" kaan‑ "kwëë ꞊dedewo.

Fidhipö 2:26 ပူးပေါင်းရင်းမြစ်များ

Matiö 11:28

‑A ‑wɔn 'gü mɛ "pɛpɛ 'ö ꞊kwɛɛ 'gbiin‑ 'dhö ka ‑ta, 'ö ka 'gü ꞊ya ga ‑a 'sü ‑sü 'ka, ‑ka nu n "piʋ̈ kö 'a "tɛɛpasü nu ka ‑dhɛ.

Matiö 26:37

'Yö ‑ziö 'yö Piɛdhö 'dhö, Zebede gbö ‑nu ꞊plɛ 'dhö, 'yö‑ ‑nu sü 'yö 'wo dho, "kɛɛ kö "suʋ̈ ꞊ya ‑da 'gü, kö "nɛnɛga ‑sɛa ꞊ya ‑ya bha ‑sü ‑bha ‑a ‑bha, kö ‑wëë ‑yö bɔ sië‑ ‑ta ꞊dedewo.

Këwɔn ‑nu 21:13

"kɛɛ 'yö‑ ‑yɔ bɔ yi ‑gɔ 'ö‑ pö: «‑Më ꞊në ‑kë 'yö 'ka "gbʋ bɔ kö n zuë" "dhiʋ̈ ‑yö "tɛɛ? ꞊Ya 'to ma ‑zë n ‑bha ‑bha n ‑lö ‑sü 'yaa n 'gü 'wɔn 'bha 'ka, 'kö 'ma ga ‑zian ꞊në‑ wo Zedhizadhɛmö n Dëmɛ Yesu ‑wɔn 'gü ‑yö n 'gü ‑së.»

Wlɔmö 1:11

‑A ‑gɛn ‑mü ꞊dhɛ ‑nu zun ka ‑dhɛ 'gü ‑dhɔ ꞊ya n 'kun ꞊dedewo. ‑Yö n "piʋ̈ ꞊dhɛ 'a nu kö 'a n "yan ‑kpan ka ‑bha, "kɛɛ kö Atanna ‑bha gbaɔdhe 'ö‑ ‑bha 'Nii‑ "slʋ̈ʋ̈slʋ̈ ‑ya nu mɛ ‑dhɛ bha 'a nu ka ‑bha 'ka, kö ‑yö ka gba faan 'ka ‑zʋ ‑yö ‑a ‑dhɛ ‑sü 'gü, kö ka ‑gɛn ‑yö "sɛ 'kun ‑a ‑bha zian ‑ta.

Wlɔmö 12:15

Mɛ 'ö‑ ‑nu ꞊nii 'dhö ‑da sië kɛng‑ ‑nu ka ꞊nii ‑yö ‑da "kwëë, kö 'ka "gbʋ bɔ mɛ 'wo "gbʋ bɔ sië‑ ‑nu "piʋ̈.

Wlɔmö 9:2

꞊Dhɛ n zuë" "dhiʋ̈ ‑yö ‑tɛɛ yi ꞊gban "pɛpɛ 'ka 'ö ‑wëë ‑yö bɔ n ‑ta, n dheebhang ‑nu 'wo ‑kë Izraɛdhö ‑mɛ ‑nu 'ka bha‑ ‑nu ‑wɔn 'gü.

1 Kodhɛngtö 12:26

‑Kɔ do bha‑ 'gü, ꞊ya kë ꞊dhɛ 'wɔn 'dhö ꞊gbaɔn sië mɛ daɔ do ‑ta, kö ‑yö ꞊gbaɔn sië‑ ‑nu ꞊gban ꞊në‑ ‑ta bha, ꞊bhlëë ꞊ya ‑ya a do ‑bha, ‑a ‑nu ꞊gban ꞊nii ‑yö ‑da ꞊dhɛ 'ko 'dhö.

2 Kodhɛngtö 9:14

‑Wo ‑dho bhɛa" 'pö Atanna ‑dhɛ ka ‑wɔn 'gü ‑gasitɛ ‑ziisü 'ö‑ ‑kë ka ‑dhɛ ‑kpɛa wo bha ꞊në‑ ‑wɔn 'gü ka ‑dhɔ 'ö‑ ‑nu ‑kë bha‑ 'ko ‑sɔn.

Gadhatö 6:2

꞊Ya 'go yö ‑zë 'gü, 'wɔn "pɛpɛ 'ö yaa‑ ‑da ka ‑ta, ‑ka ka 'ko ‑nu ‑ta 'kun‑ 'gü. 'Ka‑ kë sië "dhʋ̈ kö ka Klisi ‑bha 'tɔng‑ bha ꞊në‑ ꞊bhlëë ‑ya sië bha.

Efɛzö 3:13

‑A ‑kë "dhʋ̈ ‑sü bha‑ 'gü, bhɛa" ꞊në 'a‑ wo sië ka ‑dhɛ kö saan" 'a‑ wo sië ka ‑wɔn 'gü bha 'ya 'dho kë ka 'gü ga ‑gɛn 'ka, "kɛɛ kö ‑yö kë ka "yaan ꞊dhɛ ‑yö ka ‑bha 'ka ‑së.

Fidhipö 1:3

N ‑zʋ ‑ya ‑bö ka ‑wɔn 'ka ‑kɔ 'ö‑ 'gü 'do 'do, a (n Dë) Atanna ꞊në‑ nuɛ" ‑bho,

Fidhipö 1:8

N "sɛɛ‑ ‑mü Atanna ꞊në‑ 'ka, ꞊dhɛ mɛ ꞊gban "pɛpɛ ka ‑wɔn ‑yö n ‑gɔ "gbɩɩ‑ ‑dhɔ 'ö go Yesu Klisi "piʋ̈ bha‑ ‑wɔn 'gü.

Fidhipö 2:25

Kwa dheebhang Epafloditö 'ö ‑kë n yëkëyɔɔ 'ka Atanna ‑bha zian ‑ta, 'ö 'yi‑ Atanna ‑wʋ ‑ta ‑ko zë sië, 'ö 'ka n saan dɔ‑ ‑gɔ 'ö nu‑ 'ka n ‑dhɛ kö 'a n ‑mawɔn kë‑ 'ka bha ‑yö n ‑zʋ ‑kun kö 'a n ‑kɔ bho‑ 'gü kö ‑yö ö yee kë ‑yö nu ka "piʋ̈.

Fidhipö 2:27

‑Yö "dhʋ̈ tɛan‑ 'ka ꞊dhɛ "yua ‑ya kë ‑sü 'ka ‑ziisü, ‑yö kë ‑tëng ga ‑sü ‑ta ‑zianwo, "kɛɛ ‑a ‑wëë kë Atanna ‑kë, 'ö mang ‑dɩ 'pö n ‑wëë ‑ya ‑kë, ‑a ‑gɛn ‑mü ꞊dhɛ ‑yö ‑ga ‑zë wo 'nu kö a saan" 'gü ‑zë wo ‑blɛɛsü, "kɛɛ kö‑ ‑ta ‑kpɛa ꞊ya dɔ.

Fidhipö 4:1

Yö ꞊në‑ ‑wɔn 'gü, 'yö 'a bhɛa" sië ka ‑dhɛ, n dheebhang ‑nu. 'Yö n zuë" 'yaa 'waanu "yan ‑kpan ka ‑bha ‑sü 'ö ka ‑dhɔ ‑bha n kë ‑sü ‑wɔn 'gü bha‑ 'gü, ‑a ‑gɛn ‑mü ꞊dhɛ ka ꞊në ka ‑wɔn ‑yö n ꞊nii ‑da, ka ꞊në 'ka ꞊dhɛ ‑bɛang 'a‑ 'sü sië bha‑ ꞊trɔɔn 'dhö. A ‑bhɛa ka ‑dhɛ yö ꞊në‑ ‑wɔn 'gü, kë "dhʋ̈ kö 'ka 'to ‑kplü ‑sü 'ka kwa Dëmɛ ‑bha ꞊dhɛ ‑kɔ 'a‑ pö‑ 'ka ka ‑dhɛ bha‑ 'dhö, n dhɔɔbhaamɛ ‑nu!

1 Piɛdhö 1:6

'Wɔn 'ö ka zuëniida ‑wɔn 'ka 'yö bha, 'sa kö ‑a ‑dhɛa ‑bha ꞊dhɛ 'wɔn suu ꞊gban 'do 'do ‑yö wɔ ka ‑ta "tʋ̈ng 'në 'bha 'ka dɔ 'kwa‑ wo ya‑ 'gü.