Fidhipö 2:21 - NAƆ ‑SË 'SËËDHƐ

²¹ ‑A ‑gɛn ‑mü ꞊dhɛ mɛ ‑kpɛa 'wo to ‑wo wo ‑dɩ ‑gɔ ‑wɔn ꞊në‑ bha, ‑a "wɛɛ 'bha "tʋ 'yaa (kwa Dëmɛ) Yesu Klisi ‑gɔ ‑wɔn ‑nu ‑bha.

Fidhipö 2:21 ပူးပေါင်းရင်းမြစ်များ

Matiö 16:24

꞊Dhɛ 'ö ꞊ya kë "dhʋ̈ 'yö Yesu ‑ya pö ö ‑bha ꞊klang ‑nu ‑dhɛ 'ö‑ pö: «'Ö mɛ "ʋʋ mɛ 'ö‑ "piʋ̈ ꞊dhɛ 'ö ziö n ꞊keng‑, ‑a ‑mɛ ‑yö bo ‑ya ö ‑dɩ ‑wɔn zuën ‑ta ‑sü 'ka kö ‑yö sëëbhodhe 'ö n ‑wɔn "glʋʋ "piʋ̈ 'ö ꞊dhɛ ‑a ‑mɛ ‑dɔ ‑bha "dhü 'dhö bha‑ 'sü kö ‑yö ziö‑ 'ka n ꞊keng‑.

Dhukö 14:26

«'Mɛ 'ka nu sië bha mɛ "ʋʋ mɛ 'ö‑ pö 'ö bɔ n 'ka, "kɛɛ 'ö‑ ‑mɛ ‑yö ö dë oo, ö dhe oo, ö ‑bha dhebhɔ oo, ö ‑bha 'në ‑nu oo, ö dheebhang gɔɔn‑ ‑nu "ɛɛn dhong ‑nu "ɛɛn ‑a ‑mɛ ‑dɩ ‑bha ‑tosɛa ꞊dede ‑zian fië bho n ‑bha, kö ma ꞊klangdhiʋ̈ 'yaa ‑mü.

Këwɔn ‑nu 13:13

'Yö Pɔdhö waa‑ ö "tayɔɔ ‑nu ‑wo ‑da "yitagɔ 'gü Pafɔsö ‑pö 'gü 'zü ‑deewo, 'yö 'wo dho Pɛɛzö ‑pö 'ö Panfidhi ‑sɛ 'gü bha‑ 'gü. ꞊Dhɛ 'ö ꞊wa ꞊loo mü, 'yö Zan Makö ‑yö ‑kan ‑a ‑nu ‑bha 'yö dho Zedhizadhɛmö.

Këwɔn ‑nu 15:38

"kɛɛ 'yö Pɔdhö ‑zë 'yii "wɩ‑ ‑bha; ‑a ‑gɛn ‑mü ꞊dhɛ 'ö gun "dhʋ̈ kö ꞊ya "kan‑ ‑nu ‑bha 'nu Panfidhi ‑sɛ 'gü.

1 Kodhɛngtö 10:24

꞊Dhɛ 'ö "dhʋ̈, ‑ka ‑ya ka 'ko ‑nu ‑wɔn zuën ‑ta. 'Ka 'dho‑ pö 'ka ‑ya ka ‑dɩ ‑wɔn ‑zë zuën ‑ta doseng.

1 Kodhɛngtö 10:33

‑Kɔ do 'a ‑tosɛa kë sië‑ 'ka kë "dhʋ̈ kö n "dhia‑ 'ma mɛ ꞊gban 'gü 'wɔn ꞊gban "pɛpɛ suu 'gü, 'ö 'maa ‑ya n ‑dɩ ‑wɔn zuën ‑ta, "kɛɛ 'ö 'a 'wɔn ‑kë mɛ ꞊në‑ ‑dhɛ ‑dhɛ ꞊mɔɔ "tʋng ꞊gban 'gü, kë "dhʋ̈ kö ‑wo dha bha ꞊në ‑ka ‑tosɛa kë‑ ‑kɔ ‑bha.

1 Kodhɛngtö 13:5

‑Dhɔ bha ꞊në ꞊ya kë mɛ 'gü, 'yö 'wɔn 'ö 'yiʋ̈‑ ‑sü, 'ö 'yaa këwɔn 'ka mɛ ꞊zinng 'gü, mɛ 'yaa‑ kë, 'yö i ‑mɛ 'bhaa ‑ya i ‑dɩ ‑wɔn ꞊në‑ zuën ‑ta do 'bhaa 'dho‑ 'ka, 'yö 'wɔn 'yaa ‑siö i ‑dhɛ mɛ kwi ‑bha, 'yö 'bhaa 'wɔn 'kun i "gblʋ̈ʋ̈‑ mɛ ‑bha;

2 Kodhɛngtö 1:5

‑Kɔ do 'ö Klisi ‑wëëdhɛ ‑yö bho‑ 'ka, yii ‑dɩ 'pö yi ‑wëëdhɛ ‑yö ‑bho 'ka, "kɛɛ yi ‑wëëdhɛ bho ‑sü bha‑ 'bha 'dhö ‑da sië‑ 'gü Klisi ‑wɔn 'gü kö Klisi ‑dɩ 'pö ‑yö yi faan dɔ sië "dhʋ̈ do 'ö dho‑ 'ka.

Fidhipö 2:4

Kö 'mɛ 'dhɛ "dhʋ̈ ‑yö ‑ya ö "tɛado ‑mawɔn ꞊në‑ ‑wɔn zuën ‑ta, kö 'ka 'dho 'to ‑ya ‑sü 'ka ka ‑dɩ ‑wɔn zuën ‑ta doseng 'ka dho‑ 'ka.

2 Timote 1:15

‑A ‑naa ‑yö i "yaan ꞊dhɛ 'dhang ‑bho Yesu "dhiʋ̈ ‑mɛ ‑nu "pɛpɛ 'wo Azi ‑sɛ 'gü ꞊wa wo bo n 'ka. Fizɛdhö waa‑ Ɛmozɛnö ‑nu ꞊gban ‑wa ‑nu ‑bhiëë 'gü.

2 Timote 3:2

‑A ‑gɛn ‑mü ꞊dhɛ ‑a "tʋ̈ng bha‑ 'gü, 'mɛ 'wo ‑ya wo ‑dɩ ‑wɔn ꞊në‑ zuën ‑ta doseng bha ‑wo ‑dho pa. ‑A ‑nu ‑bha 'wëëga ‑wɔn ‑dho kë "gbɩɩ‑ 'ö ‑ziö 'wɔn ꞊gban "pɛpɛ ‑ta. ‑Wo ‑dho wo ‑dɩ zë 'tɔ 'ka 'ö 'wo wo ‑dɩ sü 'kpii‑. ‑Wo ‑dho dhiang yaya ‑nu zë Atanna kwi ‑bha 'ö 'waa wo 'kpɔmɛ ‑nu ‑wʋ ma, 'ö 'waa 'wɔn ‑së dɔ. 'Wii 'dho "suʋ̈ Atanna ‑gɔ, "ɛɛn 'wii 'dho 'wɔn 'bha ꞊bhlëë ‑ya.

2 Timote 4:10

‑A ‑gɛn ‑mü ꞊dhɛ Demasö ꞊ya 'go n ꞊keng‑ ‑ya 'dho Tesadhonikö ‑pö 'gü, ‑a 'klɔɔ‑ ‑mü ꞊dhɛ ‑yö ‑kplü "kpʋngtaapë ‑nu ‑bha 'ö ꞊ziö‑ 'ka Atanna "piʋ̈ ‑pë ‑nu ‑ta. Klesan ꞊ya 'dho Gadhatö ‑sɛ 'gü, Titö ‑dɩ 'pö ꞊ya 'dho Dadhömatö ‑sɛ 'gü.

2 Timote 4:16

'Dho ‑blɛɛsü 'a‑ wo zadɔdhɛ 'gü bha mɛ 'bha 'yaa gun n "piʋ̈ mü kö ‑yö n ‑zʋ ‑gban, kwa dheebhang ‑nu ꞊gban "pɛpɛ ‑wo kë ‑kan n ‑zü 'kwëë‑. "Kɛɛ a ‑bhɛa Atanna ‑dhɛ kö 'ya 'dho‑ ‑nu 'kun tëë 'ka n 'to 'wo‑ wo do 'ka bha‑ ‑wɔn 'gü 'ö‑ ‑nu ‑wëëdhɛ bho.