Fidhipö 2:2 - NAƆ ‑SË 'SËËDHƐ

² 'Ö 'ka‑ ‑bha ‑zë wo "dhʋ̈ kö‑ ‑dhɛa ‑bha ꞊dhɛ ka ‑wʋ ‑yö kë do, kö ka ‑dhɔ ‑bha ka 'ko kë ‑sü bha ‑yö ꞊mɔɔ "kwëë, ka zuëpiʋ̈dhɛ ‑yö kë do, kö 'ka Klisi ‑wɔn do bha ꞊në‑ 'kun ka 'nii‑ 'ka, kë "dhʋ̈ kö ma zuëniidadhe "dhiʋ̈ ‑yö pa.

Fidhipö 2:2 ပူးပေါင်းရင်းမြစ်များ

Naɔ ‑së 'ö ‑gban Yesu Klisi ‑bha 'ö Zan ‑ya pö 3:29

‑Yö kë ka "yaan ꞊dhɛ ma ‑zë a ꞊dhɛ 'mɛ 'wo nu sië‑ ‑bha dhe dɔ ‑a "taɔngdë ꞊në‑ 'dhö. ‑A dhebhɔ ‑zë ‑yö dhemɛdë ꞊në‑ ‑bha 'ka, "kɛɛ 'yö‑ "taɔngdë ‑zë 'ö dɔ‑ "sɔɔ, 'yö‑ ‑wʋ ma, 'yö‑ ꞊nii ‑yö ‑da. ‑Kɔ 'ö n ꞊nii 'dhö ‑da sië‑ 'ka ("tʋ̈ng ya‑ 'gü) 'yö bha; ‑a ‑gɛn ‑mü ꞊dhɛ 'wɔn 'a‑ pö ‑a 'gü ‑wɔn ꞊ya kë.

Këwɔn ‑nu 1:14

'Mɛ 'wo bha‑ ‑nu ‑wʋ ‑gun do 'ö 'wo ‑yɛa do 'gü 'wo ꞊bhɛa ‑kpɛawo, waa‑ dhebhɔ 'bha ‑nu waa‑ Yesu dhe Madhi waa‑ dheebhang ‑nu 'dhö.

Këwɔn ‑nu 2:1

꞊Dhɛ 'ö Zuifö ‑nu ‑bha ꞊niidadhe 'wo‑ ‑dhɛ Pangtökɔtö bha‑ yi ꞊ya ꞊loo, 'dhang ‑bho Yesu "dhiʋ̈ ‑mɛ ‑nu ꞊gban "pɛpɛ ‑wo ‑gun ‑dhɛ do 'gü 'kɔ do 'bha 'gü.

Këwɔn ‑nu 2:46

'Yö 'wo ꞊loo 'ko ‑ta ‑dhɛkpaɔyi ꞊gban "pɛpɛ 'ka Zuifö ‑nu ‑bha Atanna ‑dhɔkëgükɔ 'gü, 'yö 'wo kwa Dëmɛ Yesu ‑bha ‑bhöpë ‑bhö, kö ‑wo pë ‑nu ‑bhö sië 'ko "piʋ̈ ‑a ‑nu ‑gɔ 'kɔɔdhɛ ‑nu 'gü ꞊niidadhe waa‑ zuëwaanusü 'ka.

Këwɔn ‑nu 5:12

Yesu ‑bha bɔmɛ ‑nu ‑wo "dhabhliwɔn ‑nu waa‑ ‑kian ‑wɔn 'gbɛ ꞊dede ‑kë "sɛgümɛ ‑nu "yan "dhiʋ̈. 'Dhang ‑bho Yesu "dhiʋ̈ ‑mɛ ‑nu ‑wo ‑gun wo 'ko kpö 'ka ꞊dhɛ 'kɔ do 'gü ‑mɛ ‑nu 'dhö, 'kɔ "gbɛɛta zë ‑dhɛ 'wo‑ ‑dhɛ ‑dhɛ Sadhomɔ ‑bha 'kɔ "gbɛɛta zë ‑dhɛ bha‑ 'gü.

Wlɔmö 12:16

Mɛ ꞊gban "pɛpɛ ‑ka dhi ka 'ko ‑dhɛ, ka zuë" 'ya 'dho bhɔ ‑duɛ ꞊bhlëësü ‑nu ‑bha. ‑Ka "wɩ‑ ‑bha kö 'wɔn ‑nu 'ö‑ ꞊bhlëë 'yaa 'kpii‑ mɛ "bhɩɩ‑ ‑nu 'gü bha 'ka‑ kë. 'Ka 'dho ka ‑dɩ 'sü 'wɔndɔmɛ 'ka.

1 Kodhɛngtö 1:10

N dheebhang ‑nu, ‑yö bhɛa" ꞊në‑ 'ka 'yö 'a‑ wo sië ka ‑dhɛ kwa Dëmɛ Yesu Klisi 'tɔ 'gü, kö 'ka dɔ "gbɩɩ‑ kö ka ‑wʋ ‑yö kë do, kö 'gügblüdhe 'ya 'dho ‑da ka ꞊zinng 'gü 'ö 'ka ‑kan 'kwëë‑. Bhɛa" ꞊në 'a‑ wo ka ‑dhɛ kö 'ka kë ꞊dhɛ mɛ do 'dhö, kö ka zuëpiʋ̈wɔn ‑yö kë do, kö ka ‑kɔ ‑yö kë 'wɔn do ‑bha.

2 Kodhɛngtö 13:11

'Ma ‑wo 'sëëdhɛ ya‑ "dhiʋ̈ ‑ya ‑dhɛ 'gü ꞊tɔn n dheebhang ‑nu! ꞊Dhɛ 'ö "dhʋ̈, a‑ pö 'ka ka "dhia bho, "kɛɛ ‑kaa kë ‑së kö pö ꞊në 'ya 'dho kë ka ‑bha tongtongdhö, ‑ka kpa ka 'ko ‑nu ‑zʋ ‑gɔn, ka ‑wʋ ‑yö kë do, ‑ka kë ka 'ko "piʋ̈ ‑së 'ka, ꞊ya kë "dhʋ̈, Atanna 'ö mɛbhɩɩdhe ‑dhɔ ‑ya ‑kë, "kɛɛ 'ö yö ꞊në mɛ zuë" 'waanu bha ‑yö ‑dho kë ka "piʋ̈.

2 Kodhɛngtö 2:3

'Wɔn 'ö‑ ‑wɔn 'gü 'yö 'a 'sëëdhɛ 'ö bɔ ka ‑dhɛ bha 'a‑ ‑bɛn zë "dhʋ̈ bha 'yö bha. ‑A ‑gɛn ‑mü ꞊dhɛ 'yaa n "piʋ̈ ꞊dhɛ 'ma nu mü 'mɛ 'ö ka ‑zë 'ka dho kë n ꞊nii ‑da ‑mɛ 'ka bha 'ka kë n wëgüsiömɛ 'ka. ‑A ‑gɛn ‑mü ꞊dhɛ a 'dhang ‑bho "dhiʋ̈ 'kpakpadhö ꞊dhɛ n ꞊nii 'dhö ‑da ‑sü 'ka, kö kaa‑ ‑dɩ 'pö ka ꞊nii ‑yö ‑da ‑sü 'ka.

2 Kodhɛngtö 7:7

Faan ‑sɛa ‑zian 'ö ‑da yi 'gü "dhʋ̈ bha‑ ‑gɛn 'yii kë Titö ‑bha nu ‑sü yöö do‑ 'ka, "kɛɛ yöö ‑dɩ 'pö‑ zuë" 'ö gun 'waannu ‑sü 'ka ka ‑wɔn 'gü bha ꞊në yi ‑bha zuë" 'waanu ‑sü ‑ta pa. ꞊Dhɛ 'ö ꞊ya nu ꞊ya ꞊loo yö, 'wɔn "pɛpɛ 'ö ka ‑zʋ "piʋ̈ 'yö ‑ziö ꞊gban ‑gɛn 'gü yi ‑dhɛ. ‑Kɔ ‑nu 'ö ka "piʋ̈ ꞊dhɛ 'ka "yan ‑kpan 'ka n ‑bha oo, ‑kɔ ‑nu 'ö ‑wëë 'dhö bɔ sië‑ 'ka ka ‑ta ‑da 'ka‑ wo n "dhiʋ̈ bha‑ ‑wɔn 'gü bha oo, n ‑ta ‑ko zë ‑pɛng 'ö ka ‑ta ‑kɔ ‑nu 'ö‑ 'gü, 'yö‑ ꞊gban ‑gɛn ‑dɔ yi ‑dhɛ. 'Wɔn 'ö‑ ‑wɔn 'gü 'yö 'ma ‑ya ꞊niidadhe "yi ꞊bhaa bha 'yö bha.

Fidhipö 1:4

‑a ‑gɛn ‑mü ꞊dhɛ 'ö sü‑ zü bho ‑yi bha 'ö nu 'ö zun‑ 'ka ꞊dɛɛ ‑bha, ka n ‑ta ‑kun 'wɔn ‑së 'ö go‑ "piʋ̈‑ bha‑ ‑naɔ dɔ ‑sü ‑bha ‑kpɛawo. Yö ꞊në‑ ‑wɔn 'gü 'yö 'ma bhɛa"‑ ‑dhɛ ‑kɔ 'ö‑ 'gü 'do 'do, mɛ ꞊gban "pɛpɛ ka ‑wɔn 'gü, 'yö 'a‑ wo zuëniida 'ka.

Fidhipö 2:16

Kö 'ka ‑dhɛ "pʋ‑ ‑nu ‑ta Atanna ‑wʋ 'ö mɛ dha bha‑ 'ka. Yö ꞊në ꞊ya kë "dhʋ̈, 'yö 'a dho ꞊mɔɔ‑ ‑bha 'a ‑ba n ‑dɩ 'gü Klisi nu ‑yi 'ka, 'yö 'a‑ 'wɔn dɔ ꞊dhɛ yë 'a‑ ‑kë bha‑ ꞊trɔɔn‑ ‑dhö, ꞊dhɛ saan" 'a‑ wo bha 'mii‑ wo "wɛɛwɛɛ.

Fidhipö 2:20

‑A ‑gɛn ‑mü ꞊dhɛ yöö do ꞊në ꞊ya kë, 'yö n ‑ta kun yë 'a‑ kë sië kwa Dëmɛ Yesu ‑dhɛ ya‑ 'gü. Yöö do ꞊në ꞊ya kë, 'yö ‑ya ka ‑wɔn zuën ‑ta ꞊dedewo n "piʋ̈, mɛ "wɛɛ 'bha kö yöö‑ kë "dhʋ̈ 'yaa 'dhö.

Fidhipö 4:2

Evodi kaa‑ Sɛnngtisö, bhɛa" ꞊në 'a‑ wo ka ‑dhɛ kö mɛ ꞊plɛ bha 'ka dɔ "gbɩɩ‑ kö ka zuë" ‑yö kë do ka ‑bha ‑kë kwa Dëmɛ ‑bha 'ka ‑sü ‑wɔn 'gü (kö 'ka 'dho "dhinaa 'ma).

Kodhɔsö 2:5

‑A ‑gɛn ‑mü ꞊dhɛ 'kö ꞊ya kë ꞊dhɛ n ꞊dede "yaandhe 'yii kë ka "piʋ̈ mü "kɛɛ a n ‑zʋ ‑gɔn 'ka ‑wɔn 'ka ‑kpɛawo, a‑ 'wɔn ‑dɔ ꞊dhɛ ka "ta ‑kɔ ‑yö ‑së Atanna ‑bha zian ‑ta, ka ‑kɔ ‑yö ka 'ko ꞊kwɛng, a‑ 'wɔn ‑dɔ ꞊dhɛ ka yun ꞊ya "sɛ 'kun 'dhang ‑bho Klisi "dhiʋ̈ ‑sü 'gü. ‑A kë 'ka‑ wo "dhʋ̈ bha‑ "yɔn ‑yö n ‑zu ꞊dedewo.

2 Tesadhonikö 2:13

N dheebhang ‑nu, ka ‑dhɔ ‑yö kwa Dëmɛ ‑kë ꞊dedewo, ‑a ‑wɔn 'gü ‑a ‑dhɛa ‑bha ꞊dhɛ 'yi Atanna nuɛ" bho yi ꞊gban "pɛpɛ 'ka ka ‑wɔn 'gü. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ‑yö ka ‑ya ‑dɩ ‑ta 'wɔn ꞊gban zübho "tʋ̈ng 'gü kö‑ ‑bha 'Nii‑ "slʋ̈ʋ̈slʋ̈ ‑yö ka "zu, kö 'ka 'dhang bho tɛanwɔn bha‑ "dhiʋ̈ kö 'ka dha.

2 Timote 1:4

'Ma n ‑zʋ 'gɔn "tʋ̈ng 'kwa ‑kan 'ka kwa 'kwëë‑ bha‑ ‑ta waa‑ "gbʋ ‑nu 'i‑ bɔ "tʋ̈ng bha‑ 'gü bha‑ 'dhö, "yan ‑dee 'bha ‑kpan i ‑bha ‑dhɔ ꞊ya n 'kun. Kwa ‑kpan 'kwëë‑ ‑sü ‑dho n ꞊nii ‑da ꞊dedewo.

Fidhemɔ 1:20

Bhɛa" ꞊në 'a‑ wo sië i ‑dhɛ kö 'i dɔ "gbɩɩ‑ i zë kwa Dëmɛ ‑wɔn ‑dhɛ kö 'i 'wɔn do bha‑ kë n ‑dhɛ, kö ‑yö n faan ‑sɛa 'bha ‑da n 'gü Klisi ‑bha zian bha‑ ‑ta.

2 Zan 1:4

꞊Dhɛ 'a‑ 'wɔn dɔ ꞊dhɛ i bhang ‑nu bha‑ mɛ 'bha ‑nu ‑wo "ta 'sü sië tɛanwɔn "gblʋʋ ‑ta ꞊dhɛ ‑kɔ 'ö kwa Dë Atanna ‑ya ‑dhio dɔ‑ 'ka kwa ‑ta ‑a 'dhö, ‑a "dhia‑ kë ‑ma n 'gü ꞊dedewo.

3 Zan 1:4

'Wɔn 'bha ‑wɔn 'bha din 'yaa dhi n 'gü kö ‑yö ziö‑ 'ka ‑a ma ‑sü 'ö ꞊dhɛ mɛ 'wo 'dhang bho Yesu ‑wɔn "dhiʋ̈ n ‑wʋ "dhiʋ̈ bha‑ ‑nu ꞊gban ‑wo tɛan‑ ‑zian ‑ta bha‑ ‑ta.