Fidhipö 2:14 - NAƆ ‑SË 'SËËDHƐ

¹⁴ ‑A ‑wɔn 'gü 'ka 'dho 'wɔn "ʋʋ 'wɔn 'bha kë ‑dɔn 'ka ka yun 'gü, "ɛɛn zaɔdhe 'ka.

Fidhipö 2:14 ပူးပေါင်းရင်းမြစ်များ

Matiö 20:11

꞊Dhɛ 'wo ‑suga 'do 'do bha‑ sü 'yö 'wo ‑ya ‑dɔn bho ‑sü ‑bha wo yun 'gü ‑drɔɔdhɛ dëmɛ bha‑ 'ka

Makö 14:5

꞊Ya kë 'nu ꞊dhɛ ‑a "dhɔɔ ꞊në 'kwa‑ dɔ, ‑yö ‑mɔɔ ‑bha 'nu 'ö 'wëë‑ 'kpii‑ ꞊dede ꞊slɔɔ, 'yö 'wëëga 'kö bha 'kwa‑ 'gü ‑gblü "flɛɛmɛ ‑nu ‑ta, ("kɛɛ yö ꞊në ꞊waa‑ ꞊gban see‑ bha!)» 'Yö 'wo zun ‑dɔn bho ‑sü bha dhebhɔ bha‑ 'ka.

Makö 9:14

꞊Dhɛ 'wo dho 'wo ꞊loo‑ ‑bha ꞊klang ‑nu 'dhɛ 'wo to ‑tɔn ‑gɛnngdhö bha‑ ‑nu "sɔɔ, ‑wo ‑kpan mɛ kpö 'kpii‑ ‑bha kö ꞊wa ꞊klëën‑ ‑nu ‑zü, kö‑ ‑bha ꞊klang ‑nu bha waa‑ 'tɔnggɔmɛ ‑nu ‑wo zaɔdhe ‑da sië wo "kwëë.

Dhukö 5:30

꞊Dhɛ 'ö Fadhiziɛn ‑nu waa‑ 'tɔnggɔmɛ ‑nu 'wo Yesu yö kö waa‑ 'mɛ 'wo bha ‑wo wo ‑kɔ ‑da sië pëfië do 'gü, 'yö 'wo zun ‑dɔn bho ‑sü ‑bha wo yun 'gü, 'yö 'wo‑ pö Yesu ‑bha ꞊klang ‑nu ‑dhɛ: «'Wɔnyaakëmɛ ‑nu 'kö 'wo ya kɛng‑ ‑nu ‑zë ka ‑kɔ ‑da 'tɛa‑ do 'gü ‑gɛn ‑mü ‑më 'ka ("kɛɛ kö 'waa Atanna ꞊bhlëë dɔ).»

Këwɔn ‑nu 15:2

'Yö 'wo ‑ya dhiang ‑nu zë ‑sü waa‑ zaɔdhe ‑da Pɔdhö waa‑ Banabasö ‑nu 'ka ‑sü ‑bha, ‑a ‑gɛn ‑mü ꞊dhɛ Pɔdhö waa‑ Banabasö 'wii "wɩ‑ ‑nu ‑wʋ ‑bha gbonggbongdhö. 'Yö ‑kë Yesu ‑bha mɛ ‑nu 'wo Angtiɔsö ‑a ‑nu 'gü ‑së kö 'wo mɛ dɔ Pɔdhö waa‑ Baanabasö ‑nu ꞊keng‑ kö ‑wo 'dho Zedhizadhɛmö kö Yesu ‑bha yëkëmɛ ‑nu waa‑ Atanna ‑bha mɛ ‑nu "dhiʋ̈ziöwomɛ ‑nu 'wo mü bha ‑wo 'wɔn bha‑ ‑bho 'koo kë wo ‑dhɛ.

Këwɔn ‑nu 15:39

'Yö ‑kë zaɔdhe 'kpii‑ 'ka Pɔdhö waa‑ Banabasö ‑a ‑nu ꞊zinng 'gü 'yö 'wo ‑kan 'kwëë‑. 'Yö Banabasö ‑yö Makö sü ö ꞊keng‑ 'yö 'wo ‑da "yitagɔ 'gü 'wo dho "sɛgɔ 'ö ‑ya ‑sü 'ka "yi ꞊zinng 'gü 'wo‑ Siplë ‑dhɛ ‑kë bha‑ 'gü.

Këwɔn ‑nu 15:7

꞊Dhɛ 'ö‑ ‑nu ‑dɩ ‑slɔɔ ꞊wa zaɔdhe ‑da wo "kwëë pinpindhö 'wɔn bha‑ 'gü, 'yö Piɛdhö ‑yö ꞊wlü 'ö‑ pö: «N dheebhang ‑nu, kaa ꞊dede ka‑ 'wɔn ‑dɔ 'kpakpadhö ‑a yi ꞊ya ꞊gwëë ‑dhɛ Atanna ꞊në n ‑ya ka kpö 'gü kë "dhʋ̈ kö 'a kë ö ‑bha mɛ dha ‑sü ‑naɔ 'ö ‑gban Yesu ‑bha bha‑ pömɛ 'ka 'mɛ 'waa Zuifö 'ka ‑a ‑nu ‑dhɛ kö ‑wa ma kö ‑wo 'dhang bho‑ "dhiʋ̈ 'pö.

Këwɔn ‑nu 6:1

‑A "tʋ̈ng bha‑ 'gü, ꞊dhɛ 'ö ‑kë ꞊dhɛ 'dhang ‑bho Yesu ‑wɔn "dhiʋ̈ ‑mɛ ‑nu ‑gun ‑da sië‑ "dhiʋ̈ ‑kpɛawo, 'yö "dhinaa ‑yö ‑da Zuifö ‑nu 'wo bhɔ "sɛ "wɛɛ 'gü 'wo glɛkö ‑wʋ pö waa‑ mɛ 'dhɛ 'wo bhɔ Zuifö ‑sɛ 'gü ‑a ‑nu ꞊zinng 'gü. Mɛ 'dhɛ 'wo glɛkö ‑wʋ pö bha, ‑wa ‑pö ꞊dhɛ 'waa ‑bhöpë nu woo‑ ꞊gɛandhe ‑nu ‑dhɛ ꞊dhɛ ‑kɔ 'wo‑ nu 'ka 'mɛ 'wo to ‑a ‑nu ‑dhɛ bha‑ 'dhö yi "pɛpɛ 'wo ‑bhöpë 'gü ‑gblü 'ka bha‑ ꞊gban 'ka.

Wlɔmö 12:18

Kaa‑ mɛ ꞊gban "pɛpɛ ‑ka kë ka 'ko ‑dhɛ ‑së. ꞊Ya kë ꞊dhɛ 'yii kë 'zü ‑mɔɔ "kwëë ‑wɔn 'ka, "kɛɛ 'ya 'dho 'to ka ‑zë ka ‑bha.

Wlɔmö 14:1

꞊Ya kë ꞊dhɛ mɛ 'ö‑ ‑zʋ 'yii ‑gban ꞊kö 'dhang ‑bho Atanna "dhiʋ̈ ‑sü 'gü ꞊ya kë ka kpö 'gü, ‑kaa ‑mɛ 'kun ‑së, 'ka 'dho zaɔdhe ‑da 'ka ‑a ‑bha 'dhang bho Atanna "dhiʋ̈ ‑sü 'ö ‑tun ‑naa 'dhɛ 'ö ‑ta bha‑ 'gü.

Wlɔmö 16:17

N dheebhang ‑nu, bhɛa" ꞊në 'a‑ wo sië ka ‑dhɛ kö 'ka dɔ "gbɩɩ‑ kö 'ka ka ‑dɩ 'kun mɛ 'wo‑ kë sië "dhʋ̈ kö Atanna ‑bha mɛ ‑nu ‑wo "kan 'kwëë‑ bha‑ ‑nu ‑gɔ. ‑A 'klɔɔ‑ ‑mü ꞊dhɛ Atanna ‑wʋ 'dhɛ 'ka‑ ma ‑blɛɛsü ‑a ‑ma 'wo‑ wo sië "gbɔng 'ka 'ö 'wo ‑wʋ "wɛɛ pö ka ‑dhɛ bha, ka ‑pö ꞊në 'wo‑ wo sië bha. ‑A ‑kë "dhʋ̈ ‑sü bha‑ 'gü, ‑ka ka ‑dɩ 'kun‑ ‑nu ‑gɔ ‑së kö 'ka "kan‑ ‑nu ‑bha.

1 Kodhɛngtö 10:10

Kö 'kwa 'dho‑ pö 'zü 'kwa ‑dɔn bho Atanna 'ka 'pö ꞊dhɛ ‑kɔ 'ö kwa "bhɛma ‑nu bha‑ mɛ 'bha ‑nu ‑wa ‑kë 'ka 'yö ‑a ‑bha "kië 'ö 'wɔn bho mɛ 'gü bha 'ö nu 'ö‑ ‑nu 'gü ꞊see bha‑ 'dhö.

2 Kodhɛngtö 12:20

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'yaa n "piʋ̈ ꞊në‑ wo ꞊dhɛ 'ma nu 'a ‑kpan ka ‑bha ‑kɔ 'ö n ‑zʋ 'yaa‑ ‑bha 'nu bha‑ 'gü, "ɛɛn 'zü kö kaa ‑dɩ 'pö 'ka 'dho n yö ‑kɔ 'ö 'yaa ka "piʋ̈ 'nu ꞊dhɛ 'ka n yö‑ ‑bha bha‑ 'gü. N "suʋ̈ ‑gɛn ‑mü ꞊dhɛ kö 'ma 'dho nu 'a ‑kpan "dhinaa ‑nu oo, ꞊drɔ bho ‑sü ‑nu oo, yaa ‑dhɛ kë ‑sü ‑nu oo, ‑duɛ kɔɔ‑ ‑sü ‑nu oo, "si ‑bho 'ko ‑gɔ ‑sü ‑nu waa‑ 'ko ‑nu ‑dhiang yaa zë ‑sü ‑nu, "ɛɛn ‑dɩ ‑sü 'kpii‑ ‑sü waa‑ "bhluubhludhɛ ‑bha ka kpö 'gü.

Gadhatö 5:15

"Kɛɛ ꞊ya kë ꞊dhɛ 'kii "yan ‑zë dɔ ka 'ko ‑nu ‑bha, kö 'ka ka 'ko 'kun ꞊dhɛ "bü ‑wü ‑nu 'dhö, kö kaa ka 'ko ‑nu 'gü see‑ ꞊naa bha. ‑Ka ka ‑dɩ 'kun yö ꞊në‑ ‑gɔ.

Gadhatö 5:26

'Kwa 'dho kwa ‑dɩ 'sü 'kpii‑, 'ö 'kwa kwa 'ko ‑nu ‑wʋ ga ‑wo 'ka‑ ‑nu ‑bha, "ɛɛn 'zü 'ö kwa "tɛado ‑san ‑yö kwa ‑kë ‑a ‑dɩa pë "piʋ̈.

Fidhipö 2:3

Kö 'wɔn "ʋʋ 'wɔn 'ka dho‑ kë, kö 'ka 'dho‑ 'bha kë ꞊drɔ 'ka, "ɛɛn ‑dɩ ‑sü 'kpii‑ ‑sü 'ö‑ ‑zundhiʋ̈bhlɔɔ 'yaa 'dhö bha‑ 'ka. "Kɛɛ kö 'ka ka ‑gɔ 'dho "sia‑ ka 'ko ‑dhɛ, kö 'ka mɛ "wɛɛ ‑nu fië‑ bho ka ‑dɩ ‑bha!

1 Tesadhonikö 5:13

‑kaa ‑nu ꞊bhlëë ‑ya ꞊dedewo kö‑ ‑nu ‑dhɔ ‑yö ka kë yë ‑së 'wo‑ kë sië bha‑ ‑wɔn 'gü. ꞊Ya 'go mü, (ka zuë" ‑yö kë ka 'ko "piʋ̈ ‑sɛa,) kö 'ka dhi ka 'ko ‑dhɛ ‑kpɛawo.

1 Tesadhonikö 5:15

‑Kaa kë ‑së kö mɛ 'bha 'ya 'dho 'wɔn yaa "yɔɔ bho 'ö "tɛado ‑gɔ 'wɔn yaa 'ka, "kɛɛ ‑ka 'wɔn ‑së ꞊në‑ kë ‑dhɛ mɔɔ‑ yi ꞊gban "pɛpɛ 'ka ka 'ko ‑dhɛ, "ɛɛn mɛ ꞊gban "pɛpɛ ‑dhɛ.

Eblö 12:14

‑Ka ka 'gü dɔ "gbɩɩ‑ kö kaa mɛ ꞊gban "pɛpɛ ka kë 'flëë‑ 'gü ka 'ko "piʋ̈, kö 'ka ‑tosɛa ‑së 'ö pö 'aa‑ ‑bha ꞊në‑ kë. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ‑tosɛa 'ö suu 'dhö "dhʋ̈ bha 'yii kë mɛ 'ö‑ ‑gɔ, ‑a ‑mɛ 'yii 'dho ö "yan ‑kpan kwa Dëmɛ ‑bha.

Zakö 1:20

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'wɔn ‑yɛ mɛ ‑bha ‑sü 'ö "dhʋ̈ bha 'yaa mɛ kë 'wɔn 'ö ‑dhi Atanna ‑dhɛ ‑a këmɛ 'ka.

Zakö 3:14

"Kɛɛ ꞊ya kë ꞊dhɛ ꞊drɔ yaa 'gü yaa ‑zë ꞊ya kë ka 'gü kö ‑duɛ kɔɔ‑ ‑wɔn ꞊në ‑yö kë ka ‑zʋ "piʋ̈, 'ka 'dho ka 'tɔ 'kun, "ɛɛn 'ka 'dho ka ‑dɩ ‑dhiang zë ('ö 'ka‑ pö ka ‑dɩ ‑dhɛ ꞊dhɛ "yaaki ꞊në ka ‑bha bha). ‑A ‑gɛn ‑mü ꞊dhɛ kö tɛanwɔn ꞊dede 'ö ka ‑zʋ "piʋ̈ 'ka yö ‑zë 'to, kö ka ꞊sua ꞊në‑ kë sië.

Zakö 5:9

'Ka 'dho ka ‑siödhɛwɔn yö ka 'ko "piʋ̈, n dheebhang ‑nu, kö Atanna 'ya 'dho ka zë za 'ka, ‑a Gbö Yesu 'ö zadɔmɛ 'ka bha ꞊ya ꞊tëng kwa ‑ta.

1 Piɛdhö 3:11

‑A ‑dhɛa ‑bha ꞊dhɛ ‑a ‑mɛ 'ö 'dhö ‑yö "kan 'wɔn yaa ‑bha kö ‑yö 'wɔn ‑së ꞊në‑ kë ‑kpɛawo, kö ‑yö mɛ ‑nu ‑dhi 'ko ‑dhɛ ‑dhɛ ꞊në‑ mɔɔ‑ ‑kpɛawo kö ‑yö 'dho‑ 'ka.

1 Piɛdhö 4:9

‑Ka ‑kɔ ‑ya ka 'ko ‑dhɛng ‑bha, 'ka 'dho‑ kë wë 'gü ‑siö 'ka,

Zudë 1:16

'Wɔnmakoomɛ ‑nu 'wo "dhʋ̈ bha 'wɔn 'bha ‑wɔn 'bha 'yaa‑ ‑nu ‑zʋ 'kun, ‑wo ‑to ‑dɔn ‑bho wo yun 'gü ‑sü ꞊në‑ ‑bha "dhʋ̈ ‑kpɛawo, 'wɔn 'dhɛ 'ö‑ ‑nu ‑gɔ 'gü ꞊në 'wo‑ ‑kë, 'yö 'wo wo "dhiʋ̈ ‑ziö ‑ta ‑dhiang ‑nu zë, ꞊ya 'go mü 'yö 'wo ‑wʋ "nɛɛnɛɛ ‑nu pö mɛ ‑nu ‑dhɛ, kë "dhʋ̈ kö 'wo‑ ‑nu ‑ta ‑bhö.