Fidhipö 2:12 - NAƆ ‑SË 'SËËDHƐ

¹² ‑A ‑kë "dhʋ̈ ‑sü bha‑ 'gü, n "taɔngdë ‑nu, 'ö gun kö a ‑tun ka kpö 'gü, ka ‑gun n ‑wʋ ꞊bhlëë ‑ya sië. 'Maa ka kpö 'gü dɔ 'kwa‑ wo ya‑ 'gü 'zü, "kɛɛ ‑a ‑dhɛa ‑bha ꞊dhɛ 'ka‑ kë "dhʋ̈ kö 'ka 'dho‑ 'ka "dhiʋ̈ ‑kpɛawo, kö ‑yö ziö‑ 'ka ‑a 'dhɛ 'ka‑ ‑kë kö a mü bha‑ ‑ta. ‑Ka ka 'gü dɔ "gbɩɩ‑ kö dha 'ka‑ wo bha 'ka‑ 'gü ‑yë kë ‑suʋ̈ Atanna ‑gɔ ‑sü 'ka. Kë "dhʋ̈ kö ka ‑bha dha ‑sü 'ö "dhʋ̈ bha‑ "dhiʋ̈ ‑yö ꞊mɔɔ "kwëë!

Fidhipö 2:12 ပူးပေါင်းရင်းမြစ်များ

Matiö 11:12

'Ö go "tʋ̈ng 'ö Zan Mɛzumɛ ‑yö Atanna ‑wʋ pö‑ 'ka bha ‑bha, 'ö dho 'ö zun‑ 'ka ꞊dɛɛ ‑bha, Atanna ‑bha ‑gblüdëdhɛ bha‑ ‑wɔn ꞊ya kë ꞊dhɛ ‑gblü ꞊në‑ 'dhö, ‑a ‑kun "gbɩɩ‑ ‑mɛ ‑nu ꞊në 'wo‑ ꞊slɔɔ sië.

Matiö 11:29

‑Ka ꞊nëng ma 'tɔng‑ ‑bha kö 'ka ka kwaa‑ ka ‑dɩ ‑zü n ‑gɔ, kö 'a ka draan‑ 'wɔn dɔ ‑sü ‑bha; ‑a ‑gɛn ‑mü ꞊dhɛ ma ‑zë ma 'wɔn‑ ‑së, 'ö n zuë" 'dhö ‑sɛa; ꞊ya kë "dhʋ̈ ka ‑dho ‑ya ka ‑dɩ 'flëë‑ 'gü.

Këwɔn ‑nu 16:29

꞊Dhɛ 'ö ꞊ya kë "dhʋ̈, 'yö "yan ‑to ‑kaso ‑kɔdhi ‑bha ‑mɛ bha 'ö‑ pö ‑wo pɛng 'pu, 'yö ‑bɛang sü 'ö dho‑ 'ka 'kɔdhi 'dhɛ 'ö Pɔdhö waa‑ Sidhasö 'wo‑ 'gü bha‑ 'gü ꞊zii ‑sü 'ka, 'yö zun ö kpiö 'gü ‑a ‑nu ‑dhɛ.

Këwɔn ‑nu 9:6

«‑Bhö "wlü kö 'i 'dho 'pödhɛ 'ö ‑ya i "dhiʋ̈ bha‑ 'gü! ‑Wo ‑dho 'pë 'i dho‑ kë ‑a pö i ‑dhɛ mü.»

Wlɔmö 2:7

‑Yö ‑dho ꞊sii 'ö 'yaa yën‑ nu 'mɛ 'wo to wo ‑wʋ ‑ta, 'dhang ‑bho ö "dhiʋ̈ ‑sü 'gü, 'ö 'wo 'wɔn ‑së ‑kë, 'ö 'wo to ꞊bhlëë waa‑ 'tɔbhɔdhe waa‑ ꞊sii ‑së 'ö‑ "piʋ̈ ‑a mɔɔ‑ ‑zian ‑ta bha‑ ‑nu ‑dhɛ 'yi bha‑ ꞊në‑ 'ka.

1 Kodhɛngtö 15:58

‑A ‑kë "dhʋ̈ ‑sü bha‑ 'gü n dheebhang ‑nu, ka ‑bha ‑zʋ ‑yö Atanna ‑dhɛ ‑sü bha ‑kaa 'kun "gbɩɩ‑ kö 'ka ka faan dɔ ‑a ‑bha yë bha‑ ‑bha ‑kpɛakpɛawo. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ kaa ꞊dede ka‑ 'wɔn ‑dɔ ꞊dhɛ yë 'ka‑ kë sië‑ ‑dhɛ ka ‑bha ‑kë kwa Dëmɛ ‑bha 'ka ‑sü ‑wɔn 'gü bha yë 'gü "fië 'yaa ‑mü.

1 Kodhɛngtö 2:3

'Wɔn 'ö‑ ‑wɔn 'gü 'yö 'a nu ka kpö 'gü ꞊dhɛ 'mɛ 'yaa pë 'bha 'ka ‑a 'dhö, kö a ꞊zii sië ‑yayadhö "suʋ̈ 'ka bha 'yö bha.

1 Kodhɛngtö 4:14

Dhiang ‑nu 'a‑ ‑bɛn zë sië kö 'a‑ bɔ ka ‑dhɛ ya 'mii‑ kë "dhʋ̈ kö 'a 'yiʋ̈‑ dɔ‑ 'ka ka ‑bha, "kɛɛ a‑ ‑kë "dhʋ̈ kö ‑yö kë ‑dhio ꞊në‑ 'ka kö 'a‑ dɔ ka ‑ta ꞊dhɛ 'në 'ö‑ ‑wɔn 'dhö‑ dë ‑gɔ "gbɩɩ‑, ‑a dë 'dhö ‑dhio dɔ‑ ‑ta ‑kɔ 'ö‑ 'gü bha‑ 'dhö.

2 Kodhɛngtö 7:15

‑A ‑kë "dhʋ̈ ‑sü bha‑ 'gü, Titö ‑zʋ ꞊ya ‑bö 'ka ö ‑dhɛang ‑wɔn "dhia ma ‑kɔ 'ö‑ 'gü, waa‑ "suʋ̈ ‑nu 'ka‑ wo‑ "yan ‑gɔ 'ö 'ka ꞊bhlë ‑ya ‑wʋ ‑bha ‑kɔ ꞊gban ‑kɔ ꞊gban 'gü bha‑ ‑ta ‑kɔ 'ö‑ 'gü 'do 'do, ka ‑dhɔ ‑bha ‑a kë ‑sü 'bha ꞊në ‑da 'gü do 'ö dho‑ 'ka.

Efɛzö 6:5

꞊Dhuëng ‑nu, ‑ka "suʋ̈ ka dëmɛ ‑nu ‑gɔ ꞊dedewo, kö 'ka‑ ‑nu ꞊bhlëë ‑ya "gblʋ̈ʋ̈dhɛ "puu ‑ta ꞊dhɛ 'pë 'ö 'ka‑ kë sië "dhʋ̈ Klisi ꞊në‑ ‑dhɛ ‑a 'dhö.

Fidhipö 1:27

"Kɛɛ 'wɔn do 'ö "gbɩɩ‑ mü, yö ‑mü ꞊dhɛ ka "ta ‑kɔ ꞊në ‑yö dhi, kö ka "ta ‑kɔ ‑yö bhɔ 'pë 'ö Klisi ‑bha naɔ ‑së ‑ya pö ‑a ‑bha. Kë "dhʋ̈ kö, 'kö 'zü 'ö ‑kë ꞊dhɛ a ‑nu mü oo, "ɛɛn 'mii nu mü oo, "kɛɛ kö ka ‑dhiang ‑së ‑zë ‑yö kë n "tʋʋdhö ‑kpɛawo ꞊dhɛ ka ‑ya ‑sü 'ka Klisi ‑bha ‑ya 'gü, ꞊dhɛ ka ‑kɔ ‑yö 'wɔn do ꞊në‑ ‑bha, ꞊dhɛ ka zuëpiʋ̈wɔn ꞊gban ‑yö do 'dhang ‑bho Atanna "dhiʋ̈ ‑sü 'ö 'wɔn ‑taɔng ‑së ‑ya nu ka ‑dhɛ bha‑ ‑takozë ‑sü 'gü ‑a 'yaɔ‑ ‑nu 'ka.

Fidhipö 1:29

"Kɛɛ 'sa Atanna këwɔn ꞊në yö ‑zë 'ka, ‑a ‑gɛn ‑mü ꞊dhɛ yö ꞊në ‑gasitɛ ‑kë ka ‑dhɛ 'yö ka ‑kë Klisi dɔmɛ 'ka, 'yö 'yii 'to ka 'dhang ‑bho ‑a "dhiʋ̈ ‑sü ‑dɩ do ‑zian ‑bha, "kɛɛ 'yö 'ka dho 'ka saan" ‑nu ꞊gban wo ‑a ‑wɔn 'gü.

Fidhipö 1:6

A 'dhang ‑bho "dhiʋ̈ n zuë" ꞊gban 'ka ꞊dhɛ yöö do 'ö yë ‑së 'ö "dhʋ̈ bha‑ zü bho ka zuë" "piʋ̈ bha, ‑yö ‑dho ‑a taa kë ‑kpɛawo 'ö dho‑ 'ka "dhʋ̈ 'ö zun‑ 'ka Yesu Klisi yee kë ‑yi ‑bha.

Fidhipö 2:19

꞊Ya kë ꞊dhɛ ꞊ya kë kwa Dëmɛ Yesu ‑wɩ ‑bha ‑wɔn 'ka, ‑yö n "piʋ̈ ꞊dhɛ 'a Timote bɔ ka ‑dhɛ 'gü, kö ‑a yee kë ‑sü 'ka, naɔ ‑sɛngbɔ ‑nu 'ö yaa‑ go‑ 'ka mü bha ‑wo n faan dɔ.

Fidhipö 4:1

Yö ꞊në‑ ‑wɔn 'gü, 'yö 'a bhɛa" sië ka ‑dhɛ, n dheebhang ‑nu. 'Yö n zuë" 'yaa 'waanu "yan ‑kpan ka ‑bha ‑sü 'ö ka ‑dhɔ ‑bha n kë ‑sü ‑wɔn 'gü bha‑ 'gü, ‑a ‑gɛn ‑mü ꞊dhɛ ka ꞊në ka ‑wɔn ‑yö n ꞊nii ‑da, ka ꞊në 'ka ꞊dhɛ ‑bɛang 'a‑ 'sü sië bha‑ ꞊trɔɔn 'dhö. A ‑bhɛa ka ‑dhɛ yö ꞊në‑ ‑wɔn 'gü, kë "dhʋ̈ kö 'ka 'to ‑kplü ‑sü 'ka kwa Dëmɛ ‑bha ꞊dhɛ ‑kɔ 'a‑ pö‑ 'ka ka ‑dhɛ bha‑ 'dhö, n dhɔɔbhaamɛ ‑nu!

Fidhipö 4:15

Fidhipö ‑mɛ ‑nu, kaa ꞊dede ka yö ‑zë 'wɔn ‑dɔ 'kpakpadhö, ꞊dhɛ 'a go ka ‑gɔ Maseduanö ‑sɛ 'gü yi 'bha 'ka, kö 'kwa Atanna ‑bha naɔ ‑së ya‑ pö ‑sü zü bho ‑dee 'gü, mɛ "wɛɛ 'bha 'yii n saan bho do kö 'yii kë ka 'ka. "Kɛɛ 'sa Atanna ‑bha naɔ ‑së 'a‑ dɔ ka ‑gɔ bha ꞊në 'ka zë‑ ‑wɔn ‑dhɛ 'yö 'ka n ‑ta 'kun, "kɛɛ 'sa kö 'mii naɔ bha‑ dɔ kaa do ‑zë ka ‑gɔ.

1 Tesadhonikö 1:3

'Dhang ‑bho "dhiʋ̈ ‑sü 'ö ka ‑gɔ 'ö 'ka‑ 'gü ‑yë kë sië‑ ‑dhɛ ‑kpɛawo bha yi ‑zʋ 'yaa bhɔ‑ 'ka. Yi‑ 'wɔn ‑dɔ ꞊dhɛ Atanna ‑dhɔ ‑yö ka ‑kë ‑kɔ ꞊gban ‑kɔ ꞊gban 'gü, yö ꞊në‑ ‑wɔn 'gü, 'yö 'ka sëë bho sië‑ ‑dhɛ "dhʋ̈ bha, yi‑ 'wɔn ‑dɔ kwa Dë Atanna wëëdhö ꞊dhɛ kwa Dëmɛ Yesu Klisi ‑dhɔ ‑yö ka ‑kë "pɛɛpɛdhö 'pö, ꞊dhɛ ka "yan ‑ya nu ‑sü ‑gɔ 'kpakpadhö. Yö ꞊në‑ ‑wɔn 'gü, 'yö yi ‑zʋ 'yaa bhɔ ka ‑wɔn 'ka, 'yö 'yi Atanna nuɛ" bho ka ‑wɔn 'gü ‑kpɛawo.

2 Timote 2:10

'Pë 'ö ‑kë 'yö 'a 'wɔn "gbɩɩgbɩɩ‑ ‑nu bha‑ ꞊gban kun n ‑bha bha 'yö bha. Kë "dhʋ̈ kö 'mɛ 'ö Atanna ‑ya ‑nu ‑ya ö ‑bha 'ka bha ‑wo dha 'pö ‑zʋ ‑yö Yesu Klisi ‑dhɛ ‑sü "gblʋʋ "piʋ̈, kö ‑wo dhasü waa‑ ‑bha 'tɔbhɔdhe 'ö 'yaa yën 'ö Atanna "piʋ̈ bha‑ ꞊slɔɔ.

Eblö 12:1

‑A ‑kë "dhʋ̈ ‑sü bha‑ 'gü, ꞊dhɛ 'ö ‑kë ꞊dhɛ kwaa ‑dɩ 'pö Atanna "sɛɛ‑ kpö 'kpii‑ 'wo "dhʋ̈ bha ‑wo ꞊klëën ‑sü 'ka kwa ‑zü, 'ö‑ ‑nu "yan 'dhö kwa ‑bha bha, ‑ka ‑kwa kwa kwaa‑ pë "pɛpɛ 'ö ꞊dhɛ ꞊kwɛɛ 'dhö 'ö ꞊mɔɔ‑ ‑bha 'ö "kang ‑da kwa ‑gɛn 'gü, 'ö 'kwaa "ta ‑sü Atanna ‑bha zian bha‑ ‑ta ‑dhɛ yö bha‑ ꞊gban ‑zuö, kö 'wɔn yaa 'ö kwa ‑da 'gü ‑dhɛ 'dhö ‑së ꞊dhɛ 'pë 'bha 'dhö bha 'kwa "kan‑ ‑bha, kö ‑bɛang 'ö Atanna ‑ya yi kpɔ kwa ‑gɔ bha 'kwa yö ꞊në‑ 'sü kwa ‑sɔbhɛɛ 'ka.

Eblö 4:1

‑A ‑kë "dhʋ̈ ‑sü bha‑ 'gü, ꞊dhɛ 'ö ‑kë ꞊dhɛ "plüün 'ö Atanna ‑ya bho kwa ‑dhɛ 'ö ‑gban ‑ya ‑dɩ 'flëë‑ 'gü ‑dhɛ 'ö‑ "piʋ̈ bha‑ ‑bha bha‑ "tʋ̈ng 'yii ziö ꞊kö bha, ‑ka ‑kwaa kë ‑së kö mɛ 'bha 'ya 'dho ꞊slɔɔ ka kpö 'gü 'ö to ꞊taama, 'ö ꞊fië 'wɔn bha‑ 'gü.

Eblö 4:11

‑A ‑kë "dhʋ̈ ‑sü bha‑ 'gü, ‑ka ‑kwa kwa 'gü dɔ "gbɩɩ‑ kö 'kwa ‑da ‑dhɛ bha‑ 'gü. ‑Ka ‑kwaa kë ‑së kö mɛ 'bha 'ya 'dho gɔɔgbɩɩdhɛ kë 'zü kwa kpö 'gü ꞊dhɛ 'mɛ 'wo gun yi 'bha 'ka bha‑ ‑nu 'dhö, 'ö‑ ‑mɛ ‑yö ö ‑dɩ ꞊fië ‑yɛa bha‑ 'gü.

Eblö 5:9

꞊Dhɛ 'ö ꞊ya bo saan" bha‑ wo ‑sü 'ka "dhʋ̈, 'ö Atanna ꞊yaa‑ 'wɔn dɔ ꞊dhɛ 'wɔn 'ö‑ ‑kë bha‑ du 'bhaa‑ ‑bha 'zü, 'yö‑ sü 'ö‑ ‑ya ‑tosɛa 'ö 'yaa yën ‑a ‑nu 'mɛ 'wo wo ‑gɔ dho‑ ‑dhɛ "sia‑ ‑a ‑nu ‑dhɛ ‑mɛ 'ka,

1 Piɛdhö 2:11

‑A ‑kë "dhʋ̈ ‑sü bha‑ 'gü, n "taɔngdë ‑nu, ꞊dhɛ 'ö ‑kë ꞊dhɛ ka ‑dhɛng 'ka 'ö 'ka ꞊dhɛ 'mɛ 'ö nu "ta ꞊në‑ 'gü "kpʋng ya‑ ꞊taa ‑a 'dhö bha, ‑ka dɔ "gbɩɩ‑ bhɛa" ꞊në 'a‑ wo ka ‑dhɛ kö 'ka ka kwaa zuë" ‑bhɔ 'wɔn yaa ‑bha ‑sü ‑zü. ‑A ‑gɛn ‑mü ꞊dhɛ yö ‑zë ‑yö ‑tosɛa 'ö kaa‑ Atanna ‑nu ka ꞊zinng 'gü bha‑ dɔ ꞊në‑ wo "gʋ̈ng 'ka.

2 Piɛdhö 3:18

Ka ‑zë ka ‑bha kwa Dëmɛ kwa Dhamɛ Yesu Klisi dɔ ‑sü waa‑ ‑bha ‑gasitɛ 'ö‑ ‑kë ka ‑dhɛ bha ‑ka "gla ꞊në‑ wo‑ 'gü ‑kpɛawo kö 'ka 'dho‑ 'ka "dhiʋ̈. Kö yö ꞊në‑ 'tɔ ‑yö bhɔ "tʋ̈ng ya‑ 'gü kö ‑yö 'to‑ 'ka "dhʋ̈ ‑kpɛawo bha 'aa ‑yö kë.