Fidhipö 2:11 - NAƆ ‑SË 'SËËDHƐ

¹¹ Kë "dhʋ̈ kö "dhi ꞊gban "pɛpɛ ‑wa ‑dhiang zë yi do 'ka ‑wa pö Yesu Klisi ꞊në mɛ ꞊gban Dëmɛ 'ka ꞊dedewo tɛan‑ 'ka, kö kwa Dë Atanna 'tɔ ‑yö bɔ‑ ‑ta kö ‑yö bhɔ.

Fidhipö 2:11 ပူးပေါင်းရင်းမြစ်များ

Matiö 10:32

'Yö‑ pö: «Mɛ "ʋʋ mɛ 'ö dho‑ pö mɛ ꞊gban "pɛpɛ wëëdhö ꞊dhɛ 'ö n ‑bha 'ka, mang ‑dɩ 'pö a ‑dho pö n Dë 'ö ‑ya ‑sü 'ka dhang‑ ‑nu 'gü bha‑ wëëdhö (yi do 'ka) ꞊dhɛ ‑yö n ‑bha 'ka 'pö.

Dhukö 2:11

Yö ‑mü ꞊dhɛ Atanna ‑bha bɔmɛ Klisi 'ö‑ ‑ya Mɛdhamɛ 'ka, kwa Dëmɛ bha ꞊në ꞊ya bhɔ ꞊dɛɛ Davi ‑gɔ 'pödhö.

Naɔ ‑së 'ö ‑gban Yesu Klisi ‑bha 'ö Zan ‑ya pö 12:42

'Wɔn bha aa" ꞊ni Zuifö ‑nu ‑gɔmɛ ‑nu 'gbɛ ꞊dede ‑gun 'dhang bho sië Yesu "dhiʋ̈, "kɛɛ 'ö 'waa ‑mɔɔ ‑bha kö ‑wa ‑dɔ "yaan‑ dɔ Fadhiziɛn ‑nu ‑wɔn 'gü, kö ‑wo "suʋ̈ sië‑ ‑nu ‑gɔ kö 'wa 'dho‑ ‑nu kë ‑a ‑nu ‑bha ‑yakwëëkëgükɔ ‑nu 'gü;

Naɔ ‑së 'ö ‑gban Yesu Klisi ‑bha 'ö Zan ‑ya pö 13:13

N ‑dhɛ 'ka‑ wo «yi ‑Gɔmɛ» «yi Dëmɛ» bha tɛanwɔn ‑yö ka "piʋ̈, ‑a ‑gɛn ‑mü ꞊dhɛ a‑ 'ka "dhʋ̈ tɛan‑ 'ka.»

Naɔ ‑së 'ö ‑gban Yesu Klisi ‑bha 'ö Zan ‑ya pö 13:14

꞊Ya kë "dhʋ̈ ma 'kö ma ‑zë 'a ‑kë ka ‑gɔmɛ 'ka 'a ka Dëmɛ 'ka bha 'ma ka ‑gɛn ‑bha "zu, ‑a ‑dhɛa ‑bha ꞊dhɛ kaa ‑dɩ 'pö 'ka ka ‑dɩ kë ‑bha ‑sü kö 'ka ka 'ko ‑nu ‑ta 'kun;

Naɔ ‑së 'ö ‑gban Yesu Klisi ‑bha 'ö Zan ‑ya pö 14:13

꞊Ya kë 'zü ꞊dhɛ 'ma 'dho, pë "pɛpɛ 'ka dho‑ ‑gbadhɛ n Dë ‑gɔ n 'tɔ 'gü a ‑dho ‑a kë ka ‑dhɛ, kë "dhʋ̈ kö n Dë 'tɔ ‑yö bhɔ ma 'a‑ Gbö 'ka bha n ‑bha.

Naɔ ‑së 'ö ‑gban Yesu Klisi ‑bha 'ö Zan ‑ya pö 14:23

'Yö Yesu ꞊ya ‑yɔ bɔ‑ ‑gɔ 'ö‑ pö: «‑A pö 'a‑ wo "dhʋ̈ bha‑ ‑gɛn ‑mü ꞊dhɛ 'mɛ 'ö n ‑dhɔ ‑ya ‑kë ‑a ‑mɛ ‑zë ‑yö ‑dho ö "tʋ 'to n ‑wʋ ‑bha 'ö‑ 'gü ‑wɔn ‑kë, 'mɛ 'ö "dhʋ̈ bha 'pö 'yö‑ ‑dhɔ dho n Dë kë, 'yö yaa n Dë 'yi dho nu yi ‑dhɛng bhɔ‑ ‑mɛ ‑ta 'yö 'yi ‑ya mü.

Naɔ ‑së 'ö ‑gban Yesu Klisi ‑bha 'ö Zan ‑ya pö 17:1

꞊Dhɛ 'ö Yesu ꞊ya ö bo‑ pö "dhʋ̈ ‑sü 'ka, 'yö ö "yan "dhiʋ̈ ꞊wlü dhang‑ 'gü 'ö ꞊bhɛa Atanna ‑dhɛ 'ö‑ pö: «N Dë, ‑a "tʋ̈ng bha ꞊ya ꞊loo, ‑bhö ma 'a i Gbö 'ka bha n 'tɔ bhɔ kö mang ‑dɩ 'pö 'a i 'tɔ bhɔ!

Naɔ ‑së 'ö ‑gban Yesu Klisi ‑bha 'ö Zan ‑ya pö 20:28

'Yö Toma ‑ya ‑yɔ bɔ‑ ‑gɔ 'ö‑ pö: «N Dëmɛ, ma Atanna!» "Kɛɛ ‑yö ‑to ‑a "dhi, 'yö Yesu ‑ya pö‑ ‑dhɛ:

Naɔ ‑së 'ö ‑gban Yesu Klisi ‑bha 'ö Zan ‑ya pö 5:23

Kë "dhʋ̈ kö mɛ ꞊gban "pɛpɛ ‑wo n ꞊bhlëë ‑ya ꞊dhɛ ‑kɔ 'wo n Dë ꞊bhlëë ‑ya 'ka ‑a 'dhö. 'Mɛ 'ö 'yii n ꞊bhlëë ‑ya, kö 'yaa n Dë 'ö n bɔ bha‑ ꞊bhlëë ‑ya 'pö.

Naɔ ‑së 'ö ‑gban Yesu Klisi ‑bha 'ö Zan ‑ya pö 9:22

‑A pö 'ö 'mɛ bha‑ dë ‑nu bha ‑wa wo "dhʋ̈ bha‑ 'klɔɔ‑ ‑mü ꞊dhɛ kö ‑wo "suʋ̈ sië Zuifö ‑nu ‑gɔmɛ ‑nu bha‑ ‑nu ‑gɔ; ‑a ‑gɛn ‑mü ꞊dhɛ 'ö gun "dhʋ̈ kö ꞊wa ‑ya 'kwëë‑ kë kö‑ ‑nu ‑wʋ ꞊ya 'to‑ ‑bha do ꞊dhɛ mɛ "ʋʋ mɛ 'ö dho‑ pö ꞊dhɛ Yesu bha Atanna ‑bha ‑Yamɛ Klisi ‑mü, ‑wo ‑dho a‑ ‑mɛ ‑gɛn ‑naa 'kpɔ, 'ö 'yaa ‑da ‑a ‑nu ‑bha ‑yakwëëkëgükɔ 'bha ‑bha 'bha 'gü 'zü.

Këwɔn ‑nu 10:36

‑Wʋ 'dhɛ 'kö Atanna ‑ya bɔ Izraɛdhö ‑mɛ ‑nu ‑dhɛ bha yö ‑zë ka‑ ‑dɔ. Naɔ ‑së 'ö ‑gban zuëyagblʋ̈ʋ̈‑ 'ö Atanna ‑ya kë waa‑ mɛ "bhɩɩ‑ ‑nu wo ꞊zinng 'gü ‑a ‑bha bha ‑yö ‑bɔ 'ka Yesu Klisi ꞊në‑ ‑ta 'yö‑ ‑kë. Yesu Klisi bha ꞊në mɛ "bhɩɩ‑ ꞊gban "pɛpɛ ꞊kɔɔnmɛ 'ka.

Këwɔn ‑nu 2:36

꞊Dhɛ 'ö "dhʋ̈ Izraɛdhö ‑mɛ ‑nu ꞊gban "pɛpɛ, ‑ka 'dhang bho‑ "dhiʋ̈ ꞊dhɛ Yesu 'ka‑ dɔ "dhü ‑bha bha ꞊në Atanna ‑ya ‑ya mɛ ꞊gban "pɛpɛ Dëmɛ, ‑a ‑bha ‑Yamɛ Klisi 'ka. Yö ꞊në Atanna ‑ya pö ö ‑dho bɔ mɛ "bhɩɩ‑ ‑nu ‑dhɛ.»

Wlɔmö 14:11

‑A 'klɔɔ‑ ‑mü ꞊dhɛ ‑ya ‑pö ö ‑wʋ 'sëëdhɛ 'gü 'ö‑ pö: «A "yaandhe 'ka, mɛ ꞊gban "pɛpɛ ‑dho nu zun kpiö 'gü ma ꞊në n ‑dhɛ. Mɛ ꞊gban "pɛpɛ "dhi‑ ‑dho pö ꞊dhɛ ma ꞊në 'a Atanna 'ka. Mang Atanna ‑mɛ 'a ka Dëmɛ 'ka bha ma ꞊në 'a‑ pö.»

Wlɔmö 14:9

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ga 'ö Klisi ‑ya wo 'ö ‑bö bha ‑ya ‑wo "dhʋ̈ kö 'ö kë mɛ 'wo "yaan waa‑ mɛ ꞊wa ga ꞊në‑ ‑nu ꞊gban Dëmɛ 'ka.

Wlɔmö 15:9

Nu 'ö‑ wo bha ‑ya ‑wo 'pö "dhʋ̈ kö 'mɛ 'waa Zuifö 'ka ‑wo bɔ ‑a ‑bha "klʋsëdhɛ ‑ta kö ‑wo Atanna 'tɔ bhɔ ꞊dhɛ ‑kɔ 'ö ‑bɛn zë ‑sü 'ka ‑a 'ka ‑a ‑bha 'tɔng‑ 'sëëdhɛ 'gü ‑a 'dhö ꞊dhɛ: «'Wɔn 'ö‑ ‑wɔn 'gü 'yö 'a dho i 'tɔ bhɔ "sɛ "wɛɛ ‑kpɛa 'gü, 'ö 'a "tan bho i 'tɔ ‑zü» bha 'yö bha.

1 Kodhɛngtö 12:3

Yö ꞊në‑ ‑wɔn 'gü 'yö n "piʋ̈ ꞊dhɛ 'a‑ ‑ta "pʋ ka ‑dhɛ ꞊dhɛ: mɛ "ʋʋ mɛ 'ö Atanna ‑bha 'Nii‑ bha 'ö‑ 'gü, ‑a ‑mɛ 'yaa ꞊mɔɔ‑ ‑bha kö ‑ya pö: «Yesu bha "dhang ‑ya ‑bha», "ɛɛn mɛ 'bha 'yaa ꞊mɔɔ‑ ‑bha kö ‑ya pö Yesu ‑bha ꞊dhɛ: «Yesu bha ö Dëmɛ ‑mü» kö Atanna ‑bha 'Nii‑ "slʋ̈ʋ̈slʋ̈ ‑zë 'yaa‑ ‑mɛ 'gü.

1 Kodhɛngtö 15:47

Adan ‑blɛɛsü 'ö Atanna ‑ya ‑da bha ‑ya ‑kë "sɛ ꞊në‑ 'ka. "Kɛɛ ‑a ꞊plɛ ‑naa ‑zë ‑yö kë ‑go dhang‑ ꞊në‑ 'gü.

1 Kodhɛngtö 8:6

"kɛɛ yö ‑zë ꞊gban 'gü, kwa ‑zë kwa ‑bha Atanna ‑yö do, Atanna 'ö pë ꞊gban "pɛpɛ suu ‑da bha ꞊në kwa Dë 'ka, yö ꞊në 'kwa ‑ya ‑sü 'ka‑ ‑bha ‑ya 'gü, kwa Dëmɛ ‑yö "dhʋ̈ 'pö do, yö ‑mü Yesu Klisi 'ö‑ ‑kɔ "gblʋʋ 'dhö pë "pɛpɛ 'ö Atanna ‑ya ‑da ‑a ꞊gban 'ka, 'ö 'kwa ‑tosɛa kë sië‑ 'saa‑ 'gü bha ꞊në‑ 'ka.

1 Piɛdhö 1:21

Atanna 'ö‑ ‑bö 'ö go ga 'gü 'ö dho 'ö 'tɔbhɔdhe nu‑ ‑dhɛ bha ka 'dhang ‑bho "dhiʋ̈ Klisi bha ꞊në‑ 'saa‑ 'gü, 'yö‑ ‑wɔn 'gü 'yö ka ‑bha ‑zʋ ‑yö ‑a ‑dhɛ ‑sü waa‑ ka ‑bha "yan ‑to ‑a ‑gɔ ‑sü ꞊gban 'dhö yö ꞊në‑ 'ka.

1 Zan 4:15

'Mɛ 'ö‑ ‑dhiang zë "dhɛɛ ‑ta ꞊dhɛ Yesu bha Atanna Gbö ‑mü tɛan‑ ꞊dede 'ka, kö Atanna ‑kɔ ‑ya ‑mɛ ꞊kwɛng, kö‑ ‑mɛ ‑dɩ 'pö‑ ‑kɔ ‑yö Atanna ꞊kwɛng.

1 Zan 4:2

Mɛ "ʋʋ mɛ 'ö 'dhang bho‑ "dhiʋ̈ ꞊dhɛ Yesu Klisi bha ‑yö ‑bhɔ mɛbhɩɩdhe kwi 'gü ꞊dedewo tɛan‑ 'ka, 'ö dɔ mɛ kpö 'gü 'ö‑ ‑dhiang zë bha kö Atanna ‑bha 'Nii‑ ‑ya ‑mɛ 'gü.

2 Zan 1:7

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ꞊suakëmɛ ‑nu ꞊wa kë 'gbɛ ꞊dɛɛ "kpʋng ꞊taa. 'Mɛ 'wo "dhʋ̈ bha ꞊në 'waa 'dhang bho‑ "dhiʋ̈ ꞊dhɛ Yesu Klisi bha ‑yö kë ‑kë mɛ "bhɩɩ‑ 'ka 'ö 'wo‑ ‑dhiang ‑nu ꞊gban zë bha. 'Mɛ 'ö "dhʋ̈ bha kö mɛ ‑bho Atanna ‑bha ziantamɛ, "ɛɛn Klisi 'yaɔ‑ 'wo ‑wɩ 'ka bha 'yö bha.

‑Dhɛkpaɔ 3:5

Mɛ 'ö dho ‑bɛang bha‑ ga 'sü, ‑yö ‑dho sɔ "puu ꞊në‑ ‑da 'pö ꞊dhɛ ‑kɔ bha‑ 'dhö, 'mii 'dho‑ 'tɔ bho Atanna ‑bha 'sëëdhɛ 'ö 'mɛ 'wo dho ‑tosɛa kë‑ "piʋ̈ ‑a ‑nu 'tɔ 'dhö‑ 'gü bha‑ 'gü. 'Ö ‑ya mü 'zü 'a dɔ n Dë Atanna waa‑ ‑bha "kië ‑nu ‑a ‑nu wëëdhö 'a‑ pö ꞊dhɛ ma mɛ ‑mü.