Fidhipö 1:8 - NAƆ ‑SË 'SËËDHƐ

⁸ N "sɛɛ‑ ‑mü Atanna ꞊në‑ 'ka, ꞊dhɛ mɛ ꞊gban "pɛpɛ ka ‑wɔn ‑yö n ‑gɔ "gbɩɩ‑ ‑dhɔ 'ö go Yesu Klisi "piʋ̈ bha‑ ‑wɔn 'gü.

Fidhipö 1:8 ပူးပေါင်းရင်းမြစ်များ

Dhukö 1:78

‑A ‑gɛn ‑mü ꞊dhɛ mɛ "bhɩɩ‑ ‑nu kwa ‑wëë 'ö kwa Dë Atanna ‑kë bha‑ "sinma "yɔɔ 'yaa 'dhö, ‑gasitɛ 'yii‑ ‑bha mɛ ‑wëë ‑bha ‑a kë zuëga bha ꞊në‑ ꞊slɔɔ, 'yö‑ ‑bha mɛdhɛ 'ö go dhang‑ 'gü bha‑ 'bhü ꞊ya 'sɔ ‑sü zü bho kwa ‑ta ꞊dhɛ 'yënng‑ "tɛɛ 'bhü 'dhö bha,

Wlɔmö 1:9

'A bhɛa" sië‑ ‑dhɛ ‑kɔ 'ö‑ 'gü 'do 'do, a ‑bhɛa 'pö ka ‑wɔn 'gü, n ‑zʋ 'yaa bhɔ ka 'ka tongtongdhö. Atanna 'a‑ ‑dhɔkë n faan ꞊gban 'ka, 'ö 'a‑ ‑bha naɔ ‑së 'ö ‑gban ‑a Gbö Yesu Klisi ‑bha ‑a dɔ sië 'a ‑ziö 'ka bha ꞊në n "sɛɛ‑ 'ka. ‑Ya 'wɔn ‑dɔ ꞊dhɛ 'pë 'a‑ pö sië bha 'yaa ꞊sua 'ka. A ‑bhɛa 'pö‑ ‑dhɛ kö ꞊ya kë ꞊dhɛ ꞊ya kë ‑a ‑dhidhɛwɔn 'ka ꞊dhɛ 'a nu kö 'a ‑wo ka ‑dhɛ 'gü, ‑ɛɛ! Kö ‑ya zian "dhi "pʋ n ‑gɔ kö 'a nu.

Wlɔmö 9:1

Dhiang 'ö maa‑ zë bha tɛan‑ ꞊dede ‑mü, a‑ ‑zë Klisi 'tɔ 'gü, n zuëga 'dhö, Atanna ‑bha 'Nii‑ "slʋ̈ʋ̈slʋ̈ 'ö n 'gü bha‑ 'dhö, wo ꞊në 'wo n "sɛɛ‑ 'ka ꞊dhɛ 'pë 'a‑ pö sië bha 'mii ꞊sua kë.

2 Kodhɛngtö 13:9

Faan ꞊ya kë ka ‑zë ka 'gü Atanna ‑bha zian ‑ta kö 'yii kë yi ‑zë yi 'gü, ‑a fië‑ ‑dhö 'ö ‑ziö 'ka faan ‑kë yi ‑zë yi 'gü ‑sü 'ö ka ‑zë ka ‑bha bha‑ ‑bha. 'Wɔn 'yi ꞊bhɛa Atanna ‑dhɛ ‑a ‑wɔn 'gü ‑kpɛawo 'yö bha, kë "dhʋ̈ kö ‑yö ka ‑ta 'kun kö ‑ta ‑a ‑bha zian ‑ta ‑sü 'ka‑ zü bho bha 'ka‑ ‑gɔ ‑da 'plöö.

2 Kodhɛngtö 6:12

‑A ‑gɛn ‑mü ꞊dhɛ yi ꞊në yi ‑zë yi ‑wɔn 'yaa ka ‑bha, 'yö 'ka ka zuë" "dhiʋ̈ ta ‑sü 'ka yi ‑ gɔ, "kɛɛ ka ‑zë ka ‑wɔn ‑yö yi ‑gɔ "gbɩɩ‑.

2 Kodhɛngtö 7:15

‑A ‑kë "dhʋ̈ ‑sü bha‑ 'gü, Titö ‑zʋ ꞊ya ‑bö 'ka ö ‑dhɛang ‑wɔn "dhia ma ‑kɔ 'ö‑ 'gü, waa‑ "suʋ̈ ‑nu 'ka‑ wo‑ "yan ‑gɔ 'ö 'ka ꞊bhlë ‑ya ‑wʋ ‑bha ‑kɔ ꞊gban ‑kɔ ꞊gban 'gü bha‑ ‑ta ‑kɔ 'ö‑ 'gü 'do 'do, ka ‑dhɔ ‑bha ‑a kë ‑sü 'bha ꞊në ‑da 'gü do 'ö dho‑ 'ka.

Gadhatö 1:20

Dhiang 'a‑ zë sië ka ‑dhɛ ya, a‑ ‑zë ꞊sii ꞊dede ‑ta, 'yaa ꞊sua 'ka.

Gadhatö 3:26

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'dhang 'ka‑ bho Yesu Klisi ‑wɔn "dhiʋ̈ bha ka ‑kë Atanna ‑bha 'në 'ka yö ꞊në‑ ‑wɔn 'gü.

Gadhatö 4:19

N bhang ‑nu, 'wɔn 'ö‑ ‑wɔn 'gü 'yö n "gblʋ̈ʋ̈dhɛ 'dhö ‑tun n piʋ̈‑ 'zü ‑deewo ka ‑wɔn 'gü ꞊dhɛ dhebhɔ 'ö yöö 'në 'kpɔ ‑a 'dhö, 'ö dho to‑ 'ka "dhʋ̈ 'ö zun‑ 'ka yi 'ö mɛ ꞊gban dho‑ 'wɔn dɔ‑ 'ka ꞊dhɛ Klisi ꞊ya ‑wɛɛ ꞊dede 'kun ka kpö 'gü ‑a ‑bha bha 'yö bha.

Fidhipö 2:1

‑A ‑kë "dhʋ̈ ‑sü bha‑ 'gü, 'ö sü ka ‑bha ‑kplü Klisi ‑bha ‑yi ‑bha 'ö nu 'ö zun‑ 'ka ꞊dɛɛ ‑bha, ‑to "piʋ̈ ‑sü ‑faan ‑yö ka 'gü "wɛ ‑ee? ‑A ‑bha ‑dhɔ bha ‑yö kë ka faan ‑dɔ "wɛ ‑ee? Kaa‑ Atanna ‑bha 'Nii‑ "slʋ̈ʋ̈slʋ̈ ‑nu ka ‑kɔ ‑yö 'ko ꞊kwɛɛ‑ "wɛ ‑ee? Ka ‑wëë ‑yö ka 'ko ‑kë 'ö 'ka "klʋsë ‑kë ka "kwëë "wɛ ‑ee?

Fidhipö 2:26

‑A ‑gɛn ‑mü ꞊dhɛ ka ‑dhɔ ꞊ya gun ꞊yaa‑ 'kun ꞊dedewo, ‑ya "piʋ̈ ꞊dhɛ 'ö ö "yan ‑kpan ka wëëdhɛ ‑bha 'do 'do 'ka, kë "dhʋ̈ kö ka zuë" ‑yö 'waanu, ‑a ‑gɛn ‑mü ꞊dhɛ ‑a ma 'ka‑ wo ꞊dhɛ "yua ꞊yaa‑ kë "gbɩɩ‑ bha ꞊ya gun ꞊yaa‑ zuë" kaan‑ "kwëë ꞊dedewo.

Fidhipö 4:1

Yö ꞊në‑ ‑wɔn 'gü, 'yö 'a bhɛa" sië ka ‑dhɛ, n dheebhang ‑nu. 'Yö n zuë" 'yaa 'waanu "yan ‑kpan ka ‑bha ‑sü 'ö ka ‑dhɔ ‑bha n kë ‑sü ‑wɔn 'gü bha‑ 'gü, ‑a ‑gɛn ‑mü ꞊dhɛ ka ꞊në ka ‑wɔn ‑yö n ꞊nii ‑da, ka ꞊në 'ka ꞊dhɛ ‑bɛang 'a‑ 'sü sië bha‑ ꞊trɔɔn 'dhö. A ‑bhɛa ka ‑dhɛ yö ꞊në‑ ‑wɔn 'gü, kë "dhʋ̈ kö 'ka 'to ‑kplü ‑sü 'ka kwa Dëmɛ ‑bha ꞊dhɛ ‑kɔ 'a‑ pö‑ 'ka ka ‑dhɛ bha‑ 'dhö, n dhɔɔbhaamɛ ‑nu!

Kodhɔsö 2:1

'Pë 'ö‑ ‑wɔn 'gü 'yö 'a‑ pö "dhʋ̈ bha‑ yö ‑mü ꞊dhɛ ‑yö n "piʋ̈ ꞊dhɛ 'mɛ 'wii "yan ‑kpan n wëëdhɛ ‑bha do ꞊dhɛ Kodhɔsö ‑mɛ ‑nu ka 'dhö, "ɛɛn ꞊dhɛ Dhaodise ‑mɛ ‑nu 'dhö bha, 'ka‑ 'wɔn dɔ ꞊dhɛ yë 'a‑ kë sië ka ‑wɔn 'gü bha ‑yö ꞊dhɛ ‑gblü ꞊në 'dhö n ‑bha.

Kodhɔsö 3:12

‑A ‑kë "dhʋ̈ ‑sü 'gü n dheebhang ‑nu, ‑ka ‑tosɛa kë ꞊taamasü ya‑ 'gü ꞊dhɛ 'mɛ‑ ‑nu ‑dhɔ ‑yö Atanna ‑kë, 'ö ꞊yaa‑ ‑nu "zu 'ö ꞊wa kë "slʋ̈ʋ̈slʋ̈, 'ö ꞊yaa‑ ‑nu 'sü ꞊yaa‑ ‑nu ‑ya ‑dɩ ‑ta ‑a 'dhö. Kö mɛ "bhɩɩ‑ ‑nu ‑wëë ‑yö ka kë ꞊dedewo, kö 'ka "klʋ ‑yö dhi, kö 'ka ka ‑gɔ 'dho "sia‑ mɛ ꞊gban "pɛpɛ ‑dhɛ, kö 'ka kë dhɔngdhɔngsü, "kɛɛ kö ka zuë" ‑yö kë ‑sɛa.

1 Tesadhonikö 2:5

Kaa ꞊dede ka‑ 'wɔn ‑dɔ 'kpakpadhö ꞊dhɛ nu 'yi‑ wo mü bha 'yii "kpënng‑ ‑kë mɛ ‑gɔ ‑dhiang zë mɛ 'bha ‑dhɛ, "ɛɛn yi ‑nu mü ‑sü ‑gɛn 'yii ‑gban ꞊naɔ mɔɔ‑ ‑sü ‑bha, Atanna ꞊në yi "sɛɛ 'ka.

1 Tesadhonikö 2:8

Ka ‑dhɔ ‑bha yi kë ‑kɔ yaa 'gü yaa bha‑ ‑wɔn 'gü, 'yii kë yi "piʋ̈ ꞊dhɛ naɔ ‑së 'ö go Atanna "piʋ̈ bha 'yi yöö do‑ pö ka ‑dhɛ, "kɛɛ 'ya‑ ‑wʋ bha‑ pö ka ‑dhɛ 'yi yi ‑dɩ ‑bha ‑tosɛa ‑nu ꞊gban "kplëng ‑bho ka ‑dhɛ, ka ‑wɔn 'ö ‑kë yi ‑gɔ "gbɩɩ‑ 'ö ‑ziö ‑naa 'gü bha‑ ‑wɔn 'gü.

2 Timote 1:4

'Ma n ‑zʋ 'gɔn "tʋ̈ng 'kwa ‑kan 'ka kwa 'kwëë‑ bha‑ ‑ta waa‑ "gbʋ ‑nu 'i‑ bɔ "tʋ̈ng bha‑ 'gü bha‑ 'dhö, "yan ‑dee 'bha ‑kpan i ‑bha ‑dhɔ ꞊ya n 'kun. Kwa ‑kpan 'kwëë‑ ‑sü ‑dho n ꞊nii ‑da ꞊dedewo.

Fidhemɔ 1:12

‑A bɔ ꞊në 'a‑ wo sië i ‑dhɛ bha, "kɛɛ ‑a ‑wɔn ‑yö n ‑gɔ ꞊dhɛ n "yanga 'dhö.

Fidhemɔ 1:20

Bhɛa" ꞊në 'a‑ wo sië i ‑dhɛ kö 'i dɔ "gbɩɩ‑ i zë kwa Dëmɛ ‑wɔn ‑dhɛ kö 'i 'wɔn do bha‑ kë n ‑dhɛ, kö ‑yö n faan ‑sɛa 'bha ‑da n 'gü Klisi ‑bha zian bha‑ ‑ta.

1 Zan 3:17

꞊Ya kë ꞊dhɛ 'mɛ 'ka bha 'mɛ 'ö ꞊naɔ 'dhö‑ ‑gɔ ꞊ya ö dheebhang yö kö‑ ‑bha ‑wɔn ‑yö pë 'bha ‑bha, ꞊ya ö ꞊taa zun ö dheebhang bha‑ ‑gɔ 'yii‑ ‑ta 'kun, kö Atanna ‑dhɔ ‑bha ‑a kë ‑dhɛ ꞊në 'mɛ?