Fidhipö 1:7 - NAƆ ‑SË 'SËËDHƐ

⁷ ‑A ‑dhɛa ‑bha ꞊dhɛ ‑zʋ 'gɔn ‑kɔ suu bha 'a‑ kë mɛ ꞊gban ka ‑wɔn 'gü, ‑a ‑gɛn ‑mü ꞊dhɛ ka ‑dhɔ ‑yö n ‑kë ꞊dedewo, ‑a ‑gɛn ‑mü 'zü ꞊dhɛ "klʋsë 'ö Atanna ‑ya ‑kë n 'ka bha ꞊yaa‑ kë ka 'ka 'pö. A ‑kë ‑kaso 'gü oo, "ɛɛn a ‑kë za ꞊gblü "dhiʋ̈ oo, a Atanna ‑bha naɔ ‑së bha‑ ‑takozë ‑kpɛawo kë "dhʋ̈ kö mɛ ꞊gban ‑wo 'dhang bho‑ "dhiʋ̈ ꞊dhɛ tɛan‑ ‑mü. ꞊Dhɛ ‑a "klʋ ‑yö ‑dhi kwa 'ka ‑kpɛawo.

Fidhipö 1:7 ပူးပေါင်းရင်းမြစ်များ

Këwɔn ‑nu 20:23

‑A 'dhɛ 'a‑ ‑dɔ 'ö 'Nii‑ "slʋ̈ʋ̈slʋ̈ ‑ya ‑zɔn n ‑dhɛ 'pö‑ ‑nu 'a ziö sië‑ 'gü 'dɔɔndhö bha‑ ‑nu 'gü, yö ‑mü ꞊dhɛ sëë "gbɩɩ‑ bho ‑sü waa‑ ‑dho ‑kaso 'gü ‑wɔn ‑yö n ‑bha.

Këwɔn ‑nu 21:33

꞊Dhɛ 'ö ꞊ya kë "dhʋ̈ 'yö "sɔdha ꞊lamɛ 'kpii‑ bha 'ö‑ pö ö ‑bha ‑yamɛ ‑nu ‑dhɛ ‑wo Pɔdhö 'kun kö ‑wa ‑lö lɔɔga ꞊plɛ 'ka, 'ö "dhʋ̈ bha kö yöö ꞊dede ꞊ya ꞊yɔɔn Pɔdhö 'ka klöö‑. ꞊Dhɛ 'ö ꞊ya kë "dhʋ̈ 'yö 'mɛ 'wo gun ꞊klëën ‑sü 'ka Pɔdhö ‑zü bha 'yö‑ ‑nu dhɛɛ" kpɔ 'pë 'ö‑ ‑kë waa‑ 'pë 'ö‑ 'ka ‑a ka.

1 Kodhɛngtö 13:7

‑Dhɔ bha ꞊në 'wɔn ꞊gban ‑wɔn ꞊gban ‑mawɔn to, 'ö mɛ 'dhang bho 'wɔn ꞊gban‑ "dhiʋ̈, 'ö mɛ ‑zʋ ‑së gɔn 'wɔn ꞊gban 'ka, ‑dhɔ bha ꞊në 'wɔn ꞊gban 'kun bho mɛ 'gü 'yö mɛ ‑ya kun mɛ ‑bha.

1 Kodhɛngtö 9:23

'Wɔn "pɛpɛ bha a‑ ꞊gban ‑kë "dhʋ̈ Atanna ‑bha naɔ ‑së bha ꞊në‑ ‑wɔn 'gü kë "dhʋ̈ kö‑ ‑bha 'dhuë‑ 'ö‑ ꞊keng‑ bha 'a n ‑bha ꞊slɔɔ‑ 'gü.

2 Kodhɛngtö 3:2

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ kaa ꞊dede 'ka bha ꞊në 'ka 'sëëdhɛ 'ö "dhʋ̈, 'ö‑ ‑wʋ 'ö‑ 'gü 'ö ‑bɛn zë ‑sü 'ka yi zuë" "piʋ̈ 'ö mɛ ꞊gban "pɛpɛ 'wo ꞊mɔɔ‑ ‑bha 'wo‑ dɔ, 'ö 'wo‑ ‑wʋ pö ‑a 'ka.

2 Kodhɛngtö 7:3

Kö‑ kë ꞊dhɛ ‑a pö 'a‑ wo "dhʋ̈ bha za ꞊në 'a‑ dɔ‑ 'ka ka ‑bha 'yaa ‑mü. ‑A ‑gɛn ‑mü ꞊dhɛ 'ma‑ pö 'nu ka ‑dhɛ ꞊dhɛ ka ‑wɔn 'ö yi ‑gɔ "gbɩɩ‑ bha‑ "sima 'yaa 'dhö. Yö ꞊në‑ ‑wɔn 'gü 'yö 'kö 'zü 'ö ga 'ka oo, 'ɛɛn 'ö dha 'ka oo, 'yö 'kwa dho‑ wo kwa "kwëë.

Gadhatö 5:6

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ꞊ya kë ꞊dhɛ 'kwa ‑kplü ‑sü ‑zë 'ka Yesu Klisi ‑bha, ‑dho 'gbannë 'gü ‑sü oo, ‑to ‑kplëë 'ka ‑sü oo, ‑a 'bha 'yaa 'wɔn 'bha 'ka, kö 'wɔn 'ö ꞊ya 'to 'wɔn ꞊bhlëësü 'ka yö ‑mü 'dhang ‑bho Yesu "dhiʋ̈ ‑sü 'ö ‑mɛ ‑ya 'gü ‑wɔn ꞊gban ‑kë ‑dhɔ 'gü bha ꞊në‑ 'ka.

Efɛzö 3:1

'Wɔn 'ö‑ ‑wɔn 'gü 'yö mang Pɔdhö ‑mɛ 'ö 'a Yesu Klisi ‑bha gwëëmi 'ka, 'a ‑kaso 'gü ‑a pö 'a‑ wo 'mɛ 'kaa Zuifö 'ka 'ka kë Atanna ‑bha 'në 'ka ‑a ‑wɔn 'gü, 'a ꞊bhɛa‑ ‑dhɛ ka ‑wɔn 'gü bha 'yö bha.

Efɛzö 4:1

‑A ‑kë "dhʋ̈ ‑sü bha‑ 'gü, ma 'ö ma ‑zë a ‑kaso 'gü kwa Dëmɛ ‑wɔn 'gü bha bhɛa" ꞊në 'a‑ wo sië ka ‑dhɛ kö 'ka "ta ꞊dhɛ ‑kɔ 'ö Atanna 'ö ka ‑dhɛ bha 'ö‑ "piʋ̈ ꞊dhɛ ‑wa wo‑ 'ka ‑a 'dhö.

Efɛzö 6:20

‑A ‑gɛn ‑mü ꞊dhɛ ‑a ‑bha naɔdɔmɛ ‑mü n 'ka, 'yö 'a‑ ‑kaso 'gü ya, "kɛɛ kö 'ma‑ pö kö 'a‑ pö‑ pö ‑kɔ ꞊dede ꞊në‑ ‑ta kö "sika do ‑zian 'ya 'dho kë n 'gü ‑a ‑wɔn 'gü.

Fidhipö 1:12

N dheebhang ‑nu, ‑yö n "piʋ̈ ꞊dhɛ 'a 'wɔn do pö ka ‑dhɛ kö ‑yö 'to ka "yaan. Yö ‑mü ꞊dhɛ 'wɔn 'ö n ꞊slɔɔ 'a dɔ‑ 'ka ya ‑yö kë ‑kë naɔ ‑së 'ö go Atanna "piʋ̈ ‑a ‑dho "dhiʋ̈ ‑gɛn ꞊në‑ 'ka.

Fidhipö 1:13

"Kɛɛ 'sa ‑yö "dhʋ̈ tɛan‑ 'ka, ‑a ‑gɛn ‑mü ꞊dhɛ mɛ "pɛpɛ 'wo ‑gblüdë ‑kwɛandhö yö waa‑ 'mɛ 'wo ‑dhɛ "wɛɛ ‑zian 'gü, ‑wa 'wɔn ‑dɔ ꞊dhɛ bhië" 'ö n ‑bha ya, n ‑kë "dhiʋ̈ ‑gɛn ‑mü n ‑bɔ Klisi 'ka ‑wɔn ꞊në‑ 'ka.

Fidhipö 1:14

N ‑kë ‑kaso 'gü ‑wɔn bha ‑yö kwa dheebhang ‑nu 'wo yö ‑a mɛ 'gbɛ ꞊dede ‑bha ‑to Atanna "piʋ̈ ‑sü ‑tapa ‑sü 'ka, 'ö‑ ‑nu ‑zʋ ‑gban ꞊dedewo. ‑A ‑kë "dhʋ̈ ‑sü ‑wɔn 'gü, ꞊wa Atanna ‑dhiang zë "tʋ̈ng ya‑ 'gü 'waa‑ zë ‑kɔ dɔ "piʋ̈ 'ka, ‑a ‑gɛn ‑mü ꞊dhɛ "suʋ̈ 'bha 'yaa‑ ‑nu 'gü 'zü.

Fidhipö 2:22

Kaa ꞊dede ka‑ 'wɔn ‑dɔ 'ö 'kaa‑ 'gü ka tiibha ꞊dhɛ Timote ‑yö ‑kplü ‑sü 'ka Atanna ‑bha 'kpakpadhö. ‑Yö ö ‑dɩ nu ‑sü 'ka naɔ ‑së 'ö go‑ "piʋ̈ bha‑ dɔ ‑sü ‑dhɛ ‑kɔ ꞊gban ‑kɔ ꞊gban 'gü n "piʋ̈ ꞊dhɛ 'në waa‑ dë 'dhö.

Fidhipö 4:14

"Kɛɛ yö ‑zë ꞊gban 'gü, n ‑ta 'ka‑ kun 'ö 'ka n bho‑ 'ka ‑wëë 'gü bha 'wɔn ‑së ꞊në‑ 'ka‑ ‑kë.

Fidhipö 4:15

Fidhipö ‑mɛ ‑nu, kaa ꞊dede ka yö ‑zë 'wɔn ‑dɔ 'kpakpadhö, ꞊dhɛ 'a go ka ‑gɔ Maseduanö ‑sɛ 'gü yi 'bha 'ka, kö 'kwa Atanna ‑bha naɔ ‑së ya‑ pö ‑sü zü bho ‑dee 'gü, mɛ "wɛɛ 'bha 'yii n saan bho do kö 'yii kë ka 'ka. "Kɛɛ 'sa Atanna ‑bha naɔ ‑së 'a‑ dɔ ka ‑gɔ bha ꞊në 'ka zë‑ ‑wɔn ‑dhɛ 'yö 'ka n ‑ta 'kun, "kɛɛ 'sa kö 'mii naɔ bha‑ dɔ kaa do ‑zë ka ‑gɔ.

Fidhipö 4:3

N "tɛado 'ö bhii ‑dɩ 'pö 'i n ‑takunmɛ ꞊dede 'ka bha, ‑bhö dɔ "gbɩɩ‑ kö 'i dhong ‑nu bha‑ ‑nu ‑ta 'kun, ‑a ‑gɛn ‑mü ꞊dhɛ woo ‑dɩ 'pö ‑wo kë n ‑ta ‑kun Atanna ‑bha ‑gblü 'ö ‑gban ‑a ‑bha naɔ ‑së dɔ ‑sü ‑bha bha‑ ‑a dɔ ‑sü ‑bha, ꞊dhɛ Klema waa‑ n yëkëyɔɔ ‑nu ‑kpɛa 'wo to, 'ö kwɛng‑ ‑nu ꞊gban kwa 'tɔ 'dhö Atanna ‑bha dhasü 'sëëdhɛ 'gü bha‑ ‑nu 'dhö.

Kodhɔsö 4:18

꞊Tuabhonaɔ ya mang ꞊dede ꞊në 'a yö ‑zë ‑bɛn zë. Ka ‑zʋ 'ya 'dho bhɔ n ‑kë ‑kaso 'gü ‑wɔn 'ka. Atanna ‑yö ‑gasitɛ kë ka ‑dhɛ ‑kpɛawo.

Kodhɔsö 4:3

'Ka bhɛa" sië "dhʋ̈, ‑ka bhɛa" 'pö yi ‑wɔn 'gü kö ‑yö zian bho yi ‑gɔ kö 'yi‑ ‑wʋ "dhiʋ̈ ‑loo mɛ ‑nu ‑bha ‑dhɛ yö, kö Klisi ‑wɔn 'ö ‑bin ‑sü 'ka mɛ "bhɩɩ‑ ‑nu ‑gɔ 'ö 'waa‑ dɔ bha 'a‑ ‑ta "pʋ‑ ‑nu ‑dhɛ 'kpakpadhö, ‑a ‑gɛn ‑mü ꞊dhɛ a ‑kaso 'gü yö ꞊në‑ ‑wɔn 'gü ya,

1 Tesadhonikö 5:5

Ka ‑zë ka ‑tosɛa ‑së kë sië, kwa ‑zë 'wɔnyaakëmɛ 'yaa ‑mü kwa 'ka 'zü.

2 Timote 1:8

‑A ‑kë "dhʋ̈ ‑sü ‑wɔn 'gü, 'yiʋ̈‑ 'ya 'dho i kë 'wɔn 'ö ‑gban kwa Dëmɛ ‑bha ‑a ‑dhiang zë ‑sü 'gü. Ma 'ö mang ‑dɩ 'pö 'a ‑kasogümɛ 'ka 'wɔn do bha‑ 'gü bha, ‑nëng n ‑bha ‑sü 'yiʋ̈‑ 'ya 'dho i kë 'pö. "Kɛɛ bhii ‑zian ‑zë, ‑kɔ do 'a sëë bho sië‑ 'ka 'wɔn ‑së 'ö go Atanna "piʋ̈‑ ‑naɔ dɔ ‑sü ‑wɔn 'gü bha, ‑bhö "wɩ‑ ‑bha kö i ‑bha ‑yö kë ‑kɔ do bha ꞊në‑ 'gü faan 'ö Atanna ‑ya nu i ‑dhɛ bha‑ 'ka.

2 Timote 2:9

'Sa naɔ bha ꞊në 'a‑ dɔ 'yö 'wo n ‑wëëdhɛ bho sië 'yö ꞊wa lɔɔga ‑nu ꞊gban ‑zian ‑kplü n ‑bha ꞊dhɛ 'wɔnyaakëmɛ 'dhö ya. "Kɛɛ yö ‑zë ꞊gban 'gü, ma ꞊në 'wo n ‑da ‑kaso 'gü, 'wii Atanna ‑wʋ ‑zë ‑da ‑kaso 'gü, (‑wo mɛ ‑nu draan‑ sië‑ 'ka ‑kpɛawo).

Fidhemɔ 1:13

'Yaa gun n "piʋ̈ ‑zianwo ꞊dhɛ 'a n ‑kɔ bho‑ 'gü, kë "dhʋ̈ kö ‑yö 'to i "gblʋʋ 'gü yö, kö ‑yö kë n ‑kɔ "dhiʋ̈ "tʋ̈ng 'a‑ 'ka ‑kaso 'gü 'wɔn ‑taɔng ‑së ‑wɔn 'gü ya‑ 'gü ꞊dhɛ ‑kɔ 'ö‑ ‑dhɛ 'dhö‑ ‑bha 'nu ꞊dhɛ 'i kë‑ 'ka ‑a 'dhö.

Eblö 3:1

Yö ꞊në‑ ‑wɔn 'gü, n dheebhang "slʋ̈ʋ̈slʋ̈ ‑nu 'ö 'ka 'dhang bho Yesu Klisi ‑wɔn "dhiʋ̈, ka 'ö Atanna ꞊në ka ‑dhɛ 'pö bha, ‑ka Yesu Klisi 'ö‑ bɔ kö ‑yö kë kwa ‑bha ‑zʋ ‑yö ‑dhɛ ‑sü 'kwa‑ dhiang zë sië bha‑ "saabhomɛ 'kpii‑ 'ka bha ꞊në‑ ‑ga.

1 Piɛdhö 4:13

‑A ‑dhɛa ‑bha ꞊dhɛ ‑yö ka ꞊nii ‑zian ꞊në‑ ‑da. ‑A 'klɔɔ‑ ‑mü ꞊dhɛ saan" 'ö Klisi ‑ya wo bha ka ‑bha ꞊në 'ka‑ wo sië bha. ꞊Ya kë "dhʋ̈ 'pö 'yö‑ ‑bha ‑gblüdëdhɛ bha ꞊ya ‑ya ‑bha yi 'ö‑ 'ka 'yö ka ꞊nii 'dhö ‑da 'pö.

1 Piɛdhö 5:1

‑A 'dhɛ 'ö maa‑ zë bha a‑ ‑zë 'mɛ ꞊wa kë "dhiʋ̈ ‑sü Atanna ‑bha mɛ ‑nu 'ka ‑mɛ 'ka ‑a ‑bha 'kɔdhigümɛ ‑nu kpö 'gü bha ꞊në‑ ‑nu ‑dhɛ. Mang ‑dɩ 'pö "dhiʋ̈ ‑sü ‑a ‑nu 'ka ‑mɛ ‑mü n 'ka ꞊dhɛ ‑a ‑nu 'dhö, saan" 'ö Klisi ‑ya wo bha mang ꞊dede n "yan ‑gun ‑dhɛ 'gü, ꞊ya 'go mü 'zü ‑a ‑bha ‑gblüdëdhɛ 'ö nu sië bha‑ 'gü ‑mɛ do ‑mü n 'ka 'pö.

2 Piɛdhö 1:13

‑A ‑gɛn ‑mü ꞊dhɛ 'yaa n "piʋ̈ ꞊dhɛ "tʋ̈ng 'dhɛ 'kö 'a ‑tun 'ka "yaan, 'ö 'a ‑tun kö n "yan zë‑ 'ka ya ka ‑zʋ ‑yö bhɔ 'wɔn bha‑ 'ka. 'Wɔn 'ö‑ ‑wɔn 'gü 'yö‑ ‑dhiang 'yii 'dho 'go n "dhi 'ö to "dhʋ̈ 'a ga bha 'yö bha.

1 Zan 3:14

‑Kɔ 'ö 'kwa ꞊mɔɔ‑ ‑bha 'kwa‑ dɔ 'kpakpadhö ꞊dhɛ 'kwa dha 'güseedhe ‑gɔ, 'kwa ꞊sii 'ö Atanna "piʋ̈ bha‑ ꞊slɔɔ yö ‑mü kwa dheebhang ‑nu ‑dhɔ 'ö kwa ‑kë bha ꞊në‑ 'ka. "Kɛɛ 'mɛ 'ö‑ dheebhang ‑dhɔ 'yaa‑ kë kö‑ ‑mɛ ‑zë ‑yö ‑tun 'güseedhe bha‑ 'gü ꞊naa bha.