Fidhipö 1:6 - NAƆ ‑SË 'SËËDHƐ

⁶ A 'dhang ‑bho "dhiʋ̈ n zuë" ꞊gban 'ka ꞊dhɛ yöö do 'ö yë ‑së 'ö "dhʋ̈ bha‑ zü bho ka zuë" "piʋ̈ bha, ‑yö ‑dho ‑a taa kë ‑kpɛawo 'ö dho‑ 'ka "dhʋ̈ 'ö zun‑ 'ka Yesu Klisi yee kë ‑yi ‑bha.

Fidhipö 1:6 ပူးပေါင်းရင်းမြစ်များ

Naɔ ‑së 'ö ‑gban Yesu Klisi ‑bha 'ö Zan ‑ya pö 6:29

'Yö Yesu ‑ya ‑yɔ bɔ‑ ‑nu ‑gɔ 'ö‑ pö: «'Pë 'ö ‑dhi Atanna ‑dhɛ 'ö‑ "piʋ̈ ꞊dhɛ 'ka‑ kë yö ‑mü ꞊dhɛ kö 'ka 'dhang bho ma 'ö n bɔ bha ꞊në n "dhiʋ̈.»

Këwɔn ‑nu 11:18

꞊Dhɛ 'wo ‑wʋ ‑nu bha‑ ma, 'yö ‑dhɛa ‑yö ga‑ ‑nu ‑ta, 'yö 'wo ‑ya Atanna 'tɔ bhɔ ‑sü ‑bha ꞊dhɛ: «꞊Ya "wɩ‑ ‑bha kö 'mɛ 'waa Zuifö 'ka ‑wo wo zuë" slëë‑ ö "piʋ̈, kö ‑wo ‑tosɛa 'ö‑ "dhiʋ̈todhɛ 'yaa 'dhö ‑a ꞊slɔɔ 'pö.»

Këwɔn ‑nu 16:14

Dhebhɔ do 'wo‑ ‑dhɛ Dhidi 'ö go Tiatii ‑pö 'gü ‑yö ‑gun dhong ‑nu bha‑ ‑nu kpö 'gü. Dhidi bha ‑yö ‑kë yɩɩga sɔ ‑zaɔndhö ꞊bhlëësü 'ö ‑ma 'yaa wo‑ sɔng ‑bha bha‑ "dhɔɔdɔdhe 'ka, "kɛɛ ‑yö Atanna ꞊bhlëë ‑ya. 'Yö kwa Dëmɛ ‑ya zuë" "dhiʋ̈ ‑pʋ kö ‑yö 'dhang bho Pɔdhö ‑wʋ bha‑ "dhiʋ̈.

1 Kodhɛngtö 1:8

Yö 'ö "dhʋ̈ bha ꞊në dho ka ‑kwɛɛ bun, 'yö ka ‑gɛn ‑yö to ‑gban ‑sü 'ka‑ ‑bha zian bha‑ ‑ta 'ö dho‑ 'ka "dhʋ̈ 'ö zun‑ 'ka‑ "dhiʋ̈todhɛ ‑bha, kë "dhʋ̈ kö pö 'a 'dho ‑ya ka ‑bha tongtongdhö kwa Dëmɛ Yesu Klisi nu ‑yi 'ka.

2 Kodhɛngtö 1:15

N 'dhang ‑bho 'wɔn bha‑ "dhiʋ̈ ‑kɔ yaa 'gü yaa bha ꞊në‑ ‑wɔn 'gü, 'yö gun n "piʋ̈ ꞊dhɛ 'a nu ka ‑dhɛ 'gü 'nu ꞊kö ‑blɛɛsü, kë "dhʋ̈ kö‑ 'gü ‑wɔn ‑së bha ‑yö kë ka ‑dhɛ 'koodhö ꞊plɛ.

2 Kodhɛngtö 2:3

'Wɔn 'ö‑ ‑wɔn 'gü 'yö 'a 'sëëdhɛ 'ö bɔ ka ‑dhɛ bha 'a‑ ‑bɛn zë "dhʋ̈ bha 'yö bha. ‑A ‑gɛn ‑mü ꞊dhɛ 'yaa n "piʋ̈ ꞊dhɛ 'ma nu mü 'mɛ 'ö ka ‑zë 'ka dho kë n ꞊nii ‑da ‑mɛ 'ka bha 'ka kë n wëgüsiömɛ 'ka. ‑A ‑gɛn ‑mü ꞊dhɛ a 'dhang ‑bho "dhiʋ̈ 'kpakpadhö ꞊dhɛ n ꞊nii 'dhö ‑da ‑sü 'ka, kö kaa‑ ‑dɩ 'pö ka ꞊nii ‑yö ‑da ‑sü 'ka.

2 Kodhɛngtö 7:16

'Dhang 'a‑ bho ka "dhiʋ̈ 'wɔn ꞊gban ‑wɔn ꞊gban 'gü 'ö 'kii 'yiʋ̈‑ dɔ n bha 'pö tongtongdhö bha 'wɔn 'ö n zuë" ꞊nii ‑da ꞊dedewo 'yö bha.

2 Kodhɛngtö 9:4

‑A ‑gɛn ‑mü ꞊dhɛ 'yaa yi "piʋ̈ ꞊dhɛ yaa Maseduanö ‑mɛ ‑nu 'ya nu mü yi 'ö‑ 'ka, 'yi ‑kpan ka ‑bha kö 'kaa baa‑ ‑sü 'ka. Yö ‑zë ꞊ya kë "dhʋ̈ kö 'yiʋ̈‑ 'ö dɔ yi ‑bha bha ꞊ya kë ‑ziisü. 'Sa kö yi ‑zë yi ‑bha fië‑ ‑dhö ka ‑bha 'ka.

Gadhatö 5:10

"Kɛɛ 'kö 'zü yöö kë "dhʋ̈, n Dëmɛ bha ‑yö n ‑zʋ ‑gban ka ‑wɔn 'gü, 'ö n 'dhang bho ‑sü 'dhö‑ "dhiʋ̈ 'kpakpadhö ‑a ‑wɔn 'gü ꞊dhɛ ka ‑dho ka ‑zʋ 'gɔn 'pö ꞊dhɛ ‑kɔ 'a‑ gɔn‑ 'ka ‑a 'dhö. 'Sa 'mɛ 'ö Atanna ‑wɔn 'ma sië ‑zukplü ‑bha ka ‑gɔ bha, kö 'zü 'ö ‑kë mɛ "ʋʋ mɛ 'ö‑ 'ka, Atanna ‑dho 'wɔn bho‑ 'gü.

Efɛzö 4:12

Kë "dhʋ̈ kö ‑wo 'mɛ 'wo bɔ ö 'ka bha‑ ‑nu draan‑ yë 'ö‑ nu‑ ‑nu ‑dhɛ ‑a ‑bha zian ‑ta bha‑ kë ‑sü ‑bha, kö ‑a ‑bha mɛ ‑nu ‑loo 'ko ‑ta ‑sü 'ö wo ꞊në 'wo ꞊dhɛ Klisi ‑dhü 'dhö bha ‑wa ‑nu 'dho "dhiʋ̈ ‑a ‑nu ‑bha ‑zʋ ‑yö ‑a ‑dhɛ ‑sü 'gü.

Fidhipö 1:10

A ‑bhɛa 'zü "dhʋ̈ kö 'ka 'wɔn ‑së ꞊dede 'ö ‑dhi ‑dhɛ ‑a dɔ, kö 'ka‑ kë, kë "dhʋ̈ kö 'ka kë "puu "slʋ̈ʋ̈slʋ̈ 'ka, kö pö 'a 'dho kë ka ‑bha tongtongdhö Klisi nu ‑yi 'ka.

Fidhipö 1:29

"Kɛɛ 'sa Atanna këwɔn ꞊në yö ‑zë 'ka, ‑a ‑gɛn ‑mü ꞊dhɛ yö ꞊në ‑gasitɛ ‑kë ka ‑dhɛ 'yö ka ‑kë Klisi dɔmɛ 'ka, 'yö 'yii 'to ka 'dhang ‑bho ‑a "dhiʋ̈ ‑sü ‑dɩ do ‑zian ‑bha, "kɛɛ 'yö 'ka dho 'ka saan" ‑nu ꞊gban wo ‑a ‑wɔn 'gü.

Fidhipö 2:12

‑A ‑kë "dhʋ̈ ‑sü bha‑ 'gü, n "taɔngdë ‑nu, 'ö gun kö a ‑tun ka kpö 'gü, ka ‑gun n ‑wʋ ꞊bhlëë ‑ya sië. 'Maa ka kpö 'gü dɔ 'kwa‑ wo ya‑ 'gü 'zü, "kɛɛ ‑a ‑dhɛa ‑bha ꞊dhɛ 'ka‑ kë "dhʋ̈ kö 'ka 'dho‑ 'ka "dhiʋ̈ ‑kpɛawo, kö ‑yö ziö‑ 'ka ‑a 'dhɛ 'ka‑ ‑kë kö a mü bha‑ ‑ta. ‑Ka ka 'gü dɔ "gbɩɩ‑ kö dha 'ka‑ wo bha 'ka‑ 'gü ‑yë kë ‑suʋ̈ Atanna ‑gɔ ‑sü 'ka. Kë "dhʋ̈ kö ka ‑bha dha ‑sü 'ö "dhʋ̈ bha‑ "dhiʋ̈ ‑yö ꞊mɔɔ "kwëë!

Fidhipö 2:13

‑A ‑gɛn ‑mü ꞊dhɛ ‑yö ‑dhi yöö ꞊dede 'ö "dhʋ̈ bha ꞊në‑ ‑dhɛ 'yö yë bha‑ kë ‑faan waa‑ kë zuëga ‑da ka "gblʋ̈ʋ̈‑.

Fidhipö 2:16

Kö 'ka ‑dhɛ "pʋ‑ ‑nu ‑ta Atanna ‑wʋ 'ö mɛ dha bha‑ 'ka. Yö ꞊në ꞊ya kë "dhʋ̈, 'yö 'a dho ꞊mɔɔ‑ ‑bha 'a ‑ba n ‑dɩ 'gü Klisi nu ‑yi 'ka, 'yö 'a‑ 'wɔn dɔ ꞊dhɛ yë 'a‑ ‑kë bha‑ ꞊trɔɔn‑ ‑dhö, ꞊dhɛ saan" 'a‑ wo bha 'mii‑ wo "wɛɛwɛɛ.

Kodhɔsö 2:12

'Pë 'ö‑ ‑kë "dhʋ̈ bha yö ‑mü ꞊dhɛ: Ka ‑bɔ Yesu 'ka ‑zu 'wo‑ bho bha ꞊wa ka 'ma "yi ꞊wlöö, kö ꞊ya kë ꞊dhɛ kaa‑ Klisi ‑nu 'ka ga ka "kwëë ꞊wa ka bun bho, ka ‑go "yi ꞊wlöö ‑sü bha kö kaa‑ Klisi ‑nu 'ka ‑bö, kö faan 'ö Atanna ‑ya ‑da 'gü 'ö go‑ 'ka ꞊geebɔɔ 'ö ‑bö bha ꞊ya ‑da 'pö ka 'gü, 'dhang 'ka‑ bho‑ "dhiʋ̈ bha‑ ‑wɔn 'gü 'yö 'ka ‑tosɛa suu ‑dee ‑kë.

1 Tesadhonikö 1:3

'Dhang ‑bho "dhiʋ̈ ‑sü 'ö ka ‑gɔ 'ö 'ka‑ 'gü ‑yë kë sië‑ ‑dhɛ ‑kpɛawo bha yi ‑zʋ 'yaa bhɔ‑ 'ka. Yi‑ 'wɔn ‑dɔ ꞊dhɛ Atanna ‑dhɔ ‑yö ka ‑kë ‑kɔ ꞊gban ‑kɔ ꞊gban 'gü, yö ꞊në‑ ‑wɔn 'gü, 'yö 'ka sëë bho sië‑ ‑dhɛ "dhʋ̈ bha, yi‑ 'wɔn ‑dɔ kwa Dë Atanna wëëdhö ꞊dhɛ kwa Dëmɛ Yesu Klisi ‑dhɔ ‑yö ka ‑kë "pɛɛpɛdhö 'pö, ꞊dhɛ ka "yan ‑ya nu ‑sü ‑gɔ 'kpakpadhö. Yö ꞊në‑ ‑wɔn 'gü, 'yö yi ‑zʋ 'yaa bhɔ ka ‑wɔn 'ka, 'yö 'yi Atanna nuɛ" bho ka ‑wɔn 'gü ‑kpɛawo.

2 Tesadhonikö 1:11

Yö ꞊në‑ ‑wɔn 'gü 'pö, 'yö yi 'gü 'yaa ga ‑bhɛa ka ‑wɔn 'gü ‑sü 'ka, kë "dhʋ̈ kö ‑yö ka ‑ta 'kun, kö 'wɔn ‑së 'ö ka ‑dhɛ 'ka bha 'ka ka ‑duɛ yö‑ ‑bha, kö‑ ‑dɩ ‑bha faan 'ö‑ 'gü bha, ‑ya 'bha ‑da ka 'gü, kö 'wɔn ‑së "pɛpɛ 'ö‑ kë ‑dhɔ 'dhö ka ‑bha kö ka ‑kɔ ‑yö ꞊mɔɔ‑ ꞊gban kë ‑sü ‑bha, kö ka 'dhang bho ‑sü 'ö‑ "dhiʋ̈ bha 'ka‑ 'gü ‑ta 'sü.

2 Tesadhonikö 3:4

‑Yö yi ‑zʋ ‑gban ‑sü 'ka 'kpakpadhö ꞊dhɛ ‑dhio 'yi‑ dɔ ka ‑ta bha ka‑ 'gü ‑ta 'sü sië, ꞊dhɛ ka ‑dho ‑a kë "dhʋ̈ 'ka dho‑ 'ka "dhiʋ̈ ‑kpɛawo.

Fidhemɔ 1:21

'Dhang 'a‑ bho i "dhiʋ̈ ꞊në‑ ‑wɔn 'gü, 'yö 'a 'sëëdhɛ ya‑ bɔ i ‑dhɛ, ‑a ‑gɛn ‑mü ꞊dhɛ a‑ 'wɔn ‑dɔ 'kpakpadhö ꞊dhɛ 'pë 'a‑ pö i ‑dhɛ bha 'bhii 'dho ‑kɔ 'ka, "ɛɛn i ‑dho ‑a "dhiʋ̈ ‑ziö ‑ta ‑zian kë.

Eblö 10:35

꞊Dhɛ 'ö "dhʋ̈, n dheebhang ‑nu, 'dhang ‑bho Atanna "dhiʋ̈ ‑sü 'ö ka ‑gɔ bha 'ka 'dho ka kwaa‑ ‑zü tongtongdhö! ‑A ꞊trɔɔn 'kpikpi ‑yö ‑dhö 'ö ‑ya ‑sü 'ka ka ‑gɔ.

Eblö 12:2

Yesu ö kwa ‑bha ‑zʋ ‑yö Atanna ‑dhɛ ‑sü zübhodhɛ waa‑ "dhiʋ̈yadhɛ 'ka bha ‑ka ‑kwa kwa "yan 'to yö ꞊në‑ ‑bha. ‑A ‑gɛn ‑mü ꞊dhɛ yö 'ö bha ꞊në 'ö ‑wɩ ‑bha kö ‑wo ö zë "dhü ‑bha, 'yö ga ‑kɔ 'yiʋ̈sü 'ö‑ suu 'dhö "dhʋ̈ bha‑ 'yiʋ̈‑ 'yii‑ kë, ꞊dhɛ 'ö ‑kë ꞊dhɛ zuëniidadhe 'kpii‑ ‑yö ‑ya ‑sü 'ka‑ ‑gɔ ‑a zian‑ ‑ta bha‑ ‑wɔn 'gü, 'yö dɔ 'kwa‑ wo ꞊dɛɛ ya 'ö ‑ya ‑sü 'ka ‑duɛ ꞊bhlëësü 'ö Atanna ‑bha ‑blüdëdhɛ ‑gbloo ‑ta ‑a "sɔɔ dhang‑ 'gü bha‑ 'gü.

1 Piɛdhö 5:10

"Kɛɛ ꞊ya kë ꞊dhɛ 'ka saan" bha‑ wo "dhʋ̈, "tʋ̈ng 'në 'bha ꞊ya ziö, Atanna 'ö ‑gasitɛ ‑kë "kpʋngtaamɛ ꞊gban "pɛpɛ ‑dhɛ "dhʋ̈, 'ö yö ꞊në ka ‑dhɛ kö 'ka kë ö ‑bha ‑gblüdëdhɛ 'ö‑ "dhiʋ̈todhɛ 'yaa 'dhö ‑a 'gü ‑në 'ka, ka ‑bha ‑kplü Klisi ‑bha ‑sü 'saa‑ 'gü bha, yöö ꞊dede ꞊në dho ka "gla ‑kɔ ‑dee kë, 'yö ka ‑gɛn ‑gban, 'yö ka gba faan 'ka 'yö pë 'bha ‑pë 'bha 'yaa vin ka ‑bha Atanna ‑bha zian ‑ta 'zü do 'yö 'kaa vin.

2 Piɛdhö 3:10

"Kɛɛ yö ‑zë ꞊gban 'gü, kwa Dëmɛ Yesu nu ‑yi bha ‑yö ‑dho ‑wo ꞊dhɛ ꞊kwaanmɛ 'ö nu ‑a 'dhö, 'yii dho yi 'kpɔ. Dhang‑ ‑nu ‑dho ꞊dhɛng 'yi bha ꞊në‑ 'ka 'yö‑ vin ‑yö "suʋ̈ ‑da mɛ ꞊gban 'gü, 'yö pë ‑nu 'wo mü bha pɛng ‑ya ꞊gban ‑bhö "pɛɛpɛdhö, 'yö "sɛ waa‑ pë "pɛpɛ 'wo‑ ‑ta ‑a ‑nu "dhiʋ̈ ‑yö to.