Fidhipö 1:30 - NAƆ ‑SË 'SËËDHƐ

³⁰ Saan" 'ka n yö kö a‑ 'sü sië, 'ö 'a ‑tun ꞊kö 'sü ꞊dɛɛ Atanna 'yaɔ‑ ‑nu ‑kɔ "dhiʋ̈ bha 'ka ‑da 'gü ꞊taamasü ya‑ 'gü n "piʋ̈.

Fidhipö 1:30 ပူးပေါင်းရင်းမြစ်များ

Naɔ ‑së 'ö ‑gban Yesu Klisi ‑bha 'ö Zan ‑ya pö 16:33

'Wɔn ‑nu bha a‑ ‑nu ‑pö ka ‑dhɛ "dhʋ̈ kö ka zuë" ꞊në ‑yö 'waanu kwɛng‑ ‑nu kwa ‑bha ‑kë 'ko "piʋ̈ ‑sü bha‑ 'gü; ‑a ‑gɛn ‑mü ꞊dhɛ ka ‑dho sëë bho ꞊dedewo "kpʋngtaadhɛ ya‑ 'gü, "kɛɛ ‑ka ka faan dɔ, n ‑kɔ ꞊ya ziö "kpʋngtaadhɛ ‑gɔ.»

Fidhipö 1:13

"Kɛɛ 'sa ‑yö "dhʋ̈ tɛan‑ 'ka, ‑a ‑gɛn ‑mü ꞊dhɛ mɛ "pɛpɛ 'wo ‑gblüdë ‑kwɛandhö yö waa‑ 'mɛ 'wo ‑dhɛ "wɛɛ ‑zian 'gü, ‑wa 'wɔn ‑dɔ ꞊dhɛ bhië" 'ö n ‑bha ya, n ‑kë "dhiʋ̈ ‑gɛn ‑mü n ‑bɔ Klisi 'ka ‑wɔn ꞊në‑ 'ka.

Kodhɔsö 1:29

Yë 'ö "dhʋ̈ bha ꞊në 'a‑ kë sië faan 'kpii‑ 'ö Klisi ‑ya nu n ‑dhɛ bha‑ 'ka 'yö 'a‑ ‑ta ‑ko zë sië 'gügbɩɩdhɛ 'ö faan bha ‑ya nu n ‑dhɛ bha‑ 'ka.

Kodhɔsö 2:1

'Pë 'ö‑ ‑wɔn 'gü 'yö 'a‑ pö "dhʋ̈ bha‑ yö ‑mü ꞊dhɛ ‑yö n "piʋ̈ ꞊dhɛ 'mɛ 'wii "yan ‑kpan n wëëdhɛ ‑bha do ꞊dhɛ Kodhɔsö ‑mɛ ‑nu ka 'dhö, "ɛɛn ꞊dhɛ Dhaodise ‑mɛ ‑nu 'dhö bha, 'ka‑ 'wɔn dɔ ꞊dhɛ yë 'a‑ kë sië ka ‑wɔn 'gü bha ‑yö ꞊dhɛ ‑gblü ꞊në 'dhö n ‑bha.

1 Tesadhonikö 2:2

'Ö gun kö yi ‑tun Fidhipö ‑pö 'gü kö 'yii ꞊loo ꞊kö ka ‑gɔ mü, ‑wo kë ‑gbaɔn yi ta 'ö 'wo yi ‑wëë ‑kë "dhiʋ̈ ꞊gban "pɛpɛ suu wo, "kɛɛ yö ‑zë ꞊gban 'gü, Atanna 'yi‑ ‑bha zian ‑ta bha ‑yö kë yi ‑zʋ ‑gban 'ö 'yi nu‑ ‑bha naɔ ‑së bha‑ dɔ ka ‑gɔ, "kɛɛ 'sa kö yi ‑gblü bha‑ 'gü "dhʋ̈ ka ‑gɔ mü 'pö.

1 Timote 6:12

"Ta ‑sü Atanna ‑bha zian ‑ta ‑sü bha ‑yö ‑gblü ꞊në‑ 'ka, ‑bhö i 'gü dɔ "gbɩɩ‑ kö 'i ‑gblü ‑së bha ꞊në‑ gɔn i ‑sɔbhɛɛ 'ka, kö ꞊sii 'ö 'yaa yën 'ö Atanna "piʋ̈ 'ö i ‑dhɛ ‑a kë ‑dhɛ 'gü, 'ö 'i zë 'pö‑ ‑wɔn ‑dhɛ 'ö bhii ꞊dede i "dhi ‑ya pö mɛ 'gbɛ ꞊dede "yaan ꞊dhɛ 'bha 'dhang bho‑ "dhiʋ̈ bha, kö yö ꞊në 'i‑ 'kun "gbɩɩ‑ kö ‑yö 'to i ꞊kwɛɛ.

2 Timote 4:7

Yë 'ö Atanna ‑ya dɔ n ‑kɔ 'ka kö 'a‑ kë bha, a‑ kë ‑sü 'ka ö kë ‑kɔ ‑ta, ꞊dhɛ ‑kɔ 'ö ‑bɛangsümɛ ‑yö ‑bɛang sü‑ 'ka 'ö kë ‑bɛang ga 'ka bha‑ 'dhö 'ö 'a 'to ‑sü 'ka ‑kplü ‑sü 'ka 'dhang ‑bho ‑a "dhiʋ̈ ‑sü ‑bha klöklödhö 'ö dho 'ö zun‑ 'ka ‑a "dhiʋ̈toyi 'ö ꞊dɛɛ bha‑ ‑bha.

Eblö 12:1

‑A ‑kë "dhʋ̈ ‑sü bha‑ 'gü, ꞊dhɛ 'ö ‑kë ꞊dhɛ kwaa ‑dɩ 'pö Atanna "sɛɛ‑ kpö 'kpii‑ 'wo "dhʋ̈ bha ‑wo ꞊klëën ‑sü 'ka kwa ‑zü, 'ö‑ ‑nu "yan 'dhö kwa ‑bha bha, ‑ka ‑kwa kwa kwaa‑ pë "pɛpɛ 'ö ꞊dhɛ ꞊kwɛɛ 'dhö 'ö ꞊mɔɔ‑ ‑bha 'ö "kang ‑da kwa ‑gɛn 'gü, 'ö 'kwaa "ta ‑sü Atanna ‑bha zian bha‑ ‑ta ‑dhɛ yö bha‑ ꞊gban ‑zuö, kö 'wɔn yaa 'ö kwa ‑da 'gü ‑dhɛ 'dhö ‑së ꞊dhɛ 'pë 'bha 'dhö bha 'kwa "kan‑ ‑bha, kö ‑bɛang 'ö Atanna ‑ya yi kpɔ kwa ‑gɔ bha 'kwa yö ꞊në‑ 'sü kwa ‑sɔbhɛɛ 'ka.

Eblö 12:4

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ, 'ö ꞊dhɛ 'ko ‑zë 'wɔn yaa 'ka ‑sü 'dhö kö 'ya 'dho ‑da kaa‑ ‑tosɛa 'gü, kö ka‑ ‑bha ꞊dedewo, "kɛɛ 'kii‑ zë ꞊kö kö 'ka zun‑ 'ka ka ‑gɔ ‑to 'gü ‑wɔn ‑nu ‑bha.

‑Dhɛkpaɔ 12:11

Kwa dheebhang ‑nu ‑kɔ ꞊ya ziö ‑gɔ "bhlaanë ꞊yɔɔn 'ö ꞊wɛnng ‑nu ‑wɔn 'gü bha waa‑ Yesu ‑wɔn ‑dhiang 'wo gun‑ zë sië mɛ ‑nu ‑dhɛ bha‑ 'saa‑ 'gü. ‑A ‑gɛn ‑mü ꞊dhɛ kwa dheebhang ‑nu bha ‑wo kë ‑we ‑bha 'wo woo‑ tosɛa nu, 'ö 'wo ‑we ‑bha 'wo ga Yesu ‑wɔn 'gü.