Fidhipö 1:29 - NAƆ ‑SË 'SËËDHƐ

²⁹ "Kɛɛ 'sa Atanna këwɔn ꞊në yö ‑zë 'ka, ‑a ‑gɛn ‑mü ꞊dhɛ yö ꞊në ‑gasitɛ ‑kë ka ‑dhɛ 'yö ka ‑kë Klisi dɔmɛ 'ka, 'yö 'yii 'to ka 'dhang ‑bho ‑a "dhiʋ̈ ‑sü ‑dɩ do ‑zian ‑bha, "kɛɛ 'yö 'ka dho 'ka saan" ‑nu ꞊gban wo ‑a ‑wɔn 'gü.

Fidhipö 1:29 ပူးပေါင်းရင်းမြစ်များ

Matiö 16:17

꞊Dhɛ 'ö ꞊yaa‑ pö "dhʋ̈, 'yö Yesu ‑ya pö‑ ‑dhɛ: «Simɔ, Zan gbö, i ‑bha ‑së! ‑A ‑gɛn ‑mü ꞊dhɛ tɛanwɔn 'dhɛ 'kö 'i‑ pö bha 'yii 'go mɛbhɩɩdhe 'gü, n Dë Atanna 'ö ‑ya ‑sü 'ka dhang‑ 'gü bha ꞊në‑ ‑zɔn i ‑dhɛ.

Këwɔn ‑nu 13:39

Moizö ‑bha 'tɔng‑ ‑zë 'yii 'dho ka kë ‑sɔng bho ka ‑bha Atanna wëëdhö, "kɛɛ 'dhang ‑bho Yesu ‑wɔn "dhiʋ̈ ‑sü bha ꞊në dho ka kë "slʋ̈ʋ̈slʋ̈ Atanna wëëdhö.

Këwɔn ‑nu 14:22

'Yö 'wo 'mɛ 'wo 'dhang bho Yesu "dhiʋ̈ ‑a ‑nu faan dɔ kö ‑wo wo 'gü dɔ "gbɩɩ‑ ‑zʋ ‑yö ‑a ‑dhɛ ‑sü ‑bha 'yö 'wo‑ pö‑ ‑nu ‑dhɛ: «Mɛ "pɛpɛ 'wo 'dhang bho‑ ‑wɔn "dhiʋ̈ ‑wo ‑dho saan" 'sü ꞊dedewo "kpʋngtaadhɛ ya‑ 'gü, 'yö 'wo gun ‑na ‑da Atanna ‑bha ‑gblüdëdhɛkëdhɛ 'gü.

Këwɔn ‑nu 14:27

꞊Dhɛ 'ö ꞊wa ꞊loo Angtiɔsö, 'yö 'wɔn "pɛpɛ 'ö waa‑ Atanna ‑nu 'wo‑ ‑kë kö ‑wo "ta bha‑ 'kpɔ sië bha, ꞊waa‑ ‑kɔ 'ö "kwɛɛ ‑pʋ 'ka 'mɛ 'waa Zuifö 'ka‑ ‑nu ‑gɔ kö woo ‑dɩ 'pö ‑wo 'dhang bho ö "dhiʋ̈ bha‑ ‑gɛn dɔ 'dhang ‑bho Yesu "dhiʋ̈ ‑mɛ ‑nu 'wo mü‑ ‑nu ‑dhɛ.

Këwɔn ‑nu 5:41

'Yö Yesu ‑bha bɔmɛ ‑nu 'wo go ‑ya 'kwëë‑ bha‑ ‑dhɛ 'gü ꞊niidadhe ꞊dede 'ka, ‑a ‑gɛn ‑mü ꞊dhɛ 'yiʋ̈‑ ‑dɔ ‑nu ‑bha ‑sü 'ö Yesu 'tɔ ‑wɔn 'gü bha ꞊në‑ ‑nu ꞊bhlëë ‑kë Atanna wëëdhö.

Wlɔmö 5:3

Yö ꞊në‑ ‑wɔn 'gü, 'yö kwa ꞊nii 'dhö ‑da saan" ‑zian 'gü, ‑a ‑gɛn ‑mü ꞊dhɛ kwa‑ 'wɔn ‑dɔ ꞊dhɛ saan" ꞊në mɛ ꞊yaa‑ wo 'yö mɛ zuë" 'dhö ‑kë ‑sɛa,

Efɛzö 2:8

‑A ‑gɛn ‑mü ꞊dhɛ ‑gasitɛ ꞊dede ꞊në Atanna ‑yö ka dha‑ ‑bha, 'dhang 'ö 'ka‑ bho Yesu "dhiʋ̈ bha‑ ‑wɔn 'gü, 'yii 'sü ka ‑bha, ‑yö ka gba ꞊dede ꞊në‑ wo‑ 'ka "wɛɛwɛɛ.

Kodhɔsö 2:12

'Pë 'ö‑ ‑kë "dhʋ̈ bha yö ‑mü ꞊dhɛ: Ka ‑bɔ Yesu 'ka ‑zu 'wo‑ bho bha ꞊wa ka 'ma "yi ꞊wlöö, kö ꞊ya kë ꞊dhɛ kaa‑ Klisi ‑nu 'ka ga ka "kwëë ꞊wa ka bun bho, ka ‑go "yi ꞊wlöö ‑sü bha kö kaa‑ Klisi ‑nu 'ka ‑bö, kö faan 'ö Atanna ‑ya ‑da 'gü 'ö go‑ 'ka ꞊geebɔɔ 'ö ‑bö bha ꞊ya ‑da 'pö ka 'gü, 'dhang 'ka‑ bho‑ "dhiʋ̈ bha‑ ‑wɔn 'gü 'yö 'ka ‑tosɛa suu ‑dee ‑kë.

Zakö 1:2

N dheebhang ‑nu, ka ꞊nii ‑yö ‑da ꞊dedewo 'wɔn "gbɩɩgbɩɩ‑ suu "pɛpɛ 'ö ‑wɔ ka ‑ta bha‑ ꞊gban 'gü.

1 Piɛdhö 4:13

‑A ‑dhɛa ‑bha ꞊dhɛ ‑yö ka ꞊nii ‑zian ꞊në‑ ‑da. ‑A 'klɔɔ‑ ‑mü ꞊dhɛ saan" 'ö Klisi ‑ya wo bha ka ‑bha ꞊në 'ka‑ wo sië bha. ꞊Ya kë "dhʋ̈ 'pö 'yö‑ ‑bha ‑gblüdëdhɛ bha ꞊ya ‑ya ‑bha yi 'ö‑ 'ka 'yö ka ꞊nii 'dhö ‑da 'pö.