Fidhipö 1:22 - NAƆ ‑SË 'SËËDHƐ

²² "Kɛɛ 'ö ꞊ya kë 'zü ꞊dhɛ 'ma 'to "yaan 'a dho ꞊mɔɔ‑ ‑bha 'a yë ‑së ‑kë, kö pë ꞊plɛ bha ꞊waa‑ pö 'a n ‑bha 'sü‑ 'gü, ‑a 'dhɛ maa‑ 'sü 'maa‑ dɔ.

Fidhipö 1:22 ပူးပေါင်းရင်းမြစ်များ

Këwɔn ‑nu 3:17

꞊Dhɛ 'ö "dhʋ̈, n dheebhang ‑nu, 'a‑ ‑dɔ ꞊dhɛ 'wɔn kaa‑ ka ‑gɔmɛ ‑nu 'ka‑ ‑kë Yesu 'ka "dhʋ̈ bha 'kaa‑ 'wɔn ꞊në‑ dɔ.

Wlɔmö 1:13

N dheebhang ‑nu, ‑yö n "piʋ̈ ꞊dhɛ 'ka‑ 'wɔn dɔ ꞊dhɛ ‑nu ka "piʋ̈ mü ‑dhɔ ‑yö n ‑kë ‑kpɛawo, "kɛɛ ‑a "sɩ ꞊në 'yaa n ‑dhɛ. ‑Yö n "piʋ̈ ꞊dhɛ 'a nu kö 'a Yesu ‑wɔn ‑dhiang zë kaa‑ 'pö‑ bha‑ 'gü 'pö kö 'mɛ 'wo mü ‑wo 'dhang bho‑ "dhiʋ̈ ꞊dhɛ ‑kɔ 'a‑ ‑kë 'ka "sɛ ‑kpɛa 'wo to ‑a ‑nu 'gü ‑a 'dhö.

Wlɔmö 11:2

"Sɛgɔ ‑blɛblɛsü 'ö Atanna ‑yö ö ‑kɔ ‑yɛ ‑bha yi 'bha 'ka, 'ö ‑kë Izraɛdhö ‑sɛ 'ka bha, 'yii ö ‑kɔ "kan‑ "dhiʋ̈. ‑A 'klɔɔ‑ ‑mü ꞊dhɛ ka‑ 'wɔn ‑dɔ 'kpakpadhö ꞊dhɛ Atanna ‑wʋdhiʋ̈loomɛ Edhi 'ö gun yi 'bha 'ka bha yö kë "gbʋ ‑bɔ Atanna ‑dhɛ Izraɛdhö ‑mɛ ‑nu ‑wɔn 'gü 'ö ‑bɛn zë ‑sü 'ka ‑a ‑bha 'sëëdhɛ 'gü 'ö‑ pö:

2 Kodhɛngtö 10:3

"Kpʋng ꞊taa ‑kwi ꞊në yi ‑bha ‑zë wo "dhʋ̈ tɛan‑ 'ka "kɛɛ Atanna ‑wʋ ‑ta ‑ko 'kö 'yi‑ zë bha 'yaa‑ zë yi ‑dɩ faan ‑bha.

Gadhatö 2:20

‑A kë "dhʋ̈ ‑sü bha‑ 'gü kö mang ꞊dede ‑zë 'maa ‑tosɛa kë sië 'zü, 'kö Klisi ꞊në ‑tosɛa kë sië n 'gü, kö ma ‑tosɛa a‑ kë sië ꞊taamasü ya‑ 'gü bha a‑ ‑kë 'dhang ‑bho Atanna ‑bha 'në 'ö n ‑dhɔ ‑ya ‑kë 'ö ö ‑dɩ nu n ‑wɔn 'gü bha ꞊në‑ 'saa‑ 'gü 'dhang ‑bho ‑a "dhiʋ̈ ‑sü "gblʋ̈ "piʋ̈.

Fidhipö 1:23

'Ma dɔ 'wɔn ꞊plɛ bha‑ ꞊zinng 'gü. ‑Yö n "piʋ̈ ꞊dhɛ 'a 'go "kpʋngtaadhɛ ya‑ 'gü kö 'a 'dho Klisi "piʋ̈ dhang‑ 'gü, ‑a 'dhɛ bha‑ "dhia ‑yö n 'gü,

Fidhipö 1:24

"kɛɛ 'ma zë 'zü ka ‑wɔn ‑dhɛ, 'ma n ‑zʋ 'bha 'gɔn, 'yö 'a‑ pö n ‑to "kpʋng ꞊taa ‑sü fië‑ ‑dhö n ga ‑sü ‑bha.

Kodhɔsö 2:1

'Pë 'ö‑ ‑wɔn 'gü 'yö 'a‑ pö "dhʋ̈ bha‑ yö ‑mü ꞊dhɛ ‑yö n "piʋ̈ ꞊dhɛ 'mɛ 'wii "yan ‑kpan n wëëdhɛ ‑bha do ꞊dhɛ Kodhɔsö ‑mɛ ‑nu ka 'dhö, "ɛɛn ꞊dhɛ Dhaodise ‑mɛ ‑nu 'dhö bha, 'ka‑ 'wɔn dɔ ꞊dhɛ yë 'a‑ kë sië ka ‑wɔn 'gü bha ‑yö ꞊dhɛ ‑gblü ꞊në 'dhö n ‑bha.

1 Piɛdhö 4:2

꞊Ya 'go ꞊dɛɛ 'gü, ‑a ‑dhɛa ‑bha ꞊dhɛ kaa‑ ‑tosɛa 'dhɛ 'ö‑ këwɔn ꞊ya 'to "kpʋng ꞊taa yö bha 'ka‑ kë Atanna dhɔɔbhaa 'ka, 'ka 'dho‑ kë ‑kɔ 'ö ‑dhi ka ‑dhɛ ‑a 'ka.