Fidhipö 1:20 - NAƆ ‑SË 'SËËDHƐ

²⁰ ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ n 'dhang bho ‑sü ‑ya "dhiʋ̈ 'kpakpadhö 'ö n "tʋ̈ng 'dhö‑ 'gü ꞊dhɛ 'yiʋ̈‑ 'yii 'dho dɔ n ‑bha tongtongdhö, ‑a ‑gɛn ‑mü ꞊dhɛ a ‑to "yaan oo, "ɛɛn 'ö n zë ‑zian ꞊në 'wo‑ wo oo, "sika 'yaa n 'gü, Klisi 'tɔ ‑zë ‑dho bhɔ n ‑bha ‑kpɛawo 'ö dho‑ 'ka.

Fidhipö 1:20 ပူးပေါင်းရင်းမြစ်များ

Naɔ ‑së 'ö ‑gban Yesu Klisi ‑bha 'ö Zan ‑ya pö 21:19

Saan" ‑kɔ 'ö Piɛdhö dho saan"‑ 'ka kö‑ ga ‑kɔ ‑yö Atanna 'tɔ bhɔ bha ꞊në Yesu ‑ya to "dhiʋ̈ 'ö‑ dhiang zë "dhʋ̈ bha. ꞊Dhɛ 'ö ꞊ya bo‑ ‑pö "dhʋ̈ ‑sü 'ka 'yö‑ pö‑ ‑dhɛ: «‑Bhö nu 'kwa 'dho.»

Këwɔn ‑nu 20:24

"Kɛɛ ꞊ya 'to mang ꞊dede ‑zë n ‑bha ‑bha, n "tʋ 'yaa ma ‑tosɛa ‑wɔn ‑bha, 'maa‑ yö ‑zianwo ꞊dhɛ 'pë 'ö‑ ‑wɔn 'dhö "gbɩɩ‑ ‑a 'dhö, 'wɔn doseng 'ö ma 'yaanu 'a n ‑zʋ gɔn‑ 'ka, ‑yö ‑mü ‑kɔ 'a dho‑ kë‑ 'ka kö yë 'ö n Dëmɛ Yesu ‑ya "kplëng bho n ‑bha, 'ö ‑kë ‑a ‑bha 'wɔn ‑taɔng ‑së 'ö ‑gban Atanna ‑bha ‑gasitɛ 'ö‑ ‑kë kwa ‑dhɛ ‑a ‑bha ‑a pö ‑sü 'ka bha 'a‑ "dhiʋ̈ ‑ya ‑së 'ka, kö 'ö ꞊dhɛ ‑bɛang 'dhö 'a‑ ‑ga 'sü bha ꞊në‑ 'ka.

Këwɔn ‑nu 21:13

"kɛɛ 'yö‑ ‑yɔ bɔ yi ‑gɔ 'ö‑ pö: «‑Më ꞊në ‑kë 'yö 'ka "gbʋ bɔ kö n zuë" "dhiʋ̈ ‑yö "tɛɛ? ꞊Ya 'to ma ‑zë n ‑bha ‑bha n ‑lö ‑sü 'yaa n 'gü 'wɔn 'bha 'ka, 'kö 'ma ga ‑zian ꞊në‑ wo Zedhizadhɛmö n Dëmɛ Yesu ‑wɔn 'gü ‑yö n 'gü ‑së.»

Këwɔn ‑nu 4:31

꞊Dhɛ 'ö ꞊wa wo bo ‑bhɛa Atanna ‑dhɛ ‑sü 'ka ꞊dhɛ ‑kɔ bha‑ 'dhö, 'yö ‑dhɛ 'wo gun ‑ya ‑sü 'ka‑ 'gü bha 'ö ‑ya ꞊zii ‑sü ‑bha, 'yö‑ ‑nu ꞊gban "pɛpɛ 'wo pa 'Nii‑ "slʋ̈ʋ̈slʋ̈ 'ka, 'yö 'wo ‑ya Atanna ‑wʋ pö ‑sü ‑bha ‑zʋgbandhe 'ka mɛ ‑nu ‑dhɛ.

Wlɔmö 12:1

N dheebhang ‑nu, ꞊dhɛ 'ö ‑kë ꞊dhɛ Atanna ꞊ya "klʋsëdhɛ 'ö‑ suu 'dhö "dhʋ̈ bha‑ kë kwa 'ka, ‑ka dɔ ꞊në‑ wo "gbɩɩ‑ kö 'ka ka ‑dɩ nu‑ ‑dhɛ ꞊dhɛ "saa‑ pë "yaandhe 'ö "slʋ̈ʋ̈slʋ̈, 'ö‑ "dhia‑ dho 'ma‑ 'gü ‑a 'dhö, 'ka yö ꞊në‑ kë "dhʋ̈, kö‑ ‑dhɔkë ‑kɔ ꞊dede 'ö‑ 'gü ‑së bha 'ka‑ wo.

Wlɔmö 5:5

'Sa 'mɛ 'ö ö "yan to Atanna ‑bha mɛ ‑dhɛ bha‑ ‑gɔ, 'yiʋ̈‑ 'yaa dɔ‑ ‑bha. ‑A 'klɔɔ‑ ‑mü ꞊dhɛ ꞊ya ö ‑bha 'Nii‑ "slʋ̈ʋ̈slʋ̈ ꞊gbaɔ kwa ‑gɔ. ‑A ‑bha 'Nii‑ 'ö "dhʋ̈ bha ꞊në kwa pa ‑a ‑dhɔ 'ka.

Wlɔmö 6:13

Ka daɔ ‑nu 'wo ka ‑bha bha 'ka 'dho‑ ‑nu "kplëng bho 'wɔn yaa kë ‑sü ‑dhɛ ꞊dhɛ ‑a ‑bha yë ‑kë 'ka ‑kwɛɛ ‑nu 'dhö, "kɛɛ ‑ka ka ‑dɩ nu Atanna ‑dhɛ ‑kɔ ꞊gban ‑kɔ ꞊gban 'gü, kö 'ka kaa‑ ‑tosɛa ꞊gban nu‑ ‑dhɛ. ‑A 'klɔɔ‑ ‑mü ꞊dhɛ ka 'ö 'ka gun 'ka ga bha 'ka 'go ga 'gü 'ka ‑bö, ‑tosɛa ‑dee ꞊në‑ 'ka‑ kë sië ꞊taamasü ya‑ 'gü Atanna ‑bha kë 'gü. ‑A ‑wɔn 'gü, ‑ka ka daɔ ‑nu "kplëng bho yö ꞊në ‑dhɛ ꞊dhɛ ‑a ‑bha yë ‑kë 'ka ‑kwɛɛ 'dhö kö 'wɔn 'ö pö 'aa‑ ‑bha ꞊në 'ka‑ kë.

Wlɔmö 6:19

'Wɔn ‑zɔn 'ka 'a‑ ‑zɔn 'ö ‑gban ꞊dhuëngdhɛ ‑bha bha a‑ ‑kë "dhʋ̈ kö 'wɔn 'a‑ pö sië bha ꞊në 'ka‑ 'gü ma 'kpakpadhö, ꞊dhɛ ‑kɔ do 'ka gun ka ‑kɔ waa‑ ka ‑gɛn ꞊gban ‑da ‑sü 'ka‑ 'ka 'wɔnmakoosü ‑nu kë ‑sü ‑nu waa‑ 'wɔn yaa kë ‑sü ‑gɔ ꞊dhuëngdhɛ 'gü, 'ö 'ka gun 'ka kë "bhluubhlu ‑a ‑wɔn 'gü bha ꞊në 'ka dho‑ kë‑ 'ka 'wɔn ‑së kë ‑sü 'gü ꞊taamasü ya‑ 'gü 'pö, kö 'ka kë "slʋ̈ʋ̈slʋ̈ Atanna ‑bha 'ka.

Wlɔmö 8:19

Pë "pɛpɛ 'ö Atanna ‑ya ‑da, ‑a ꞊gban ‑zʋ ‑yö dun sië‑ ‑bha 'në ‑nu bha‑ ‑nu ‑wo "yɛa‑ ‑yi bha‑ ‑wɔn 'gü.

Wlɔmö 9:33

꞊Dhɛ ‑kɔ 'ö ‑bɛn zë ‑sü 'ka‑ 'ka Atanna ‑gɔ 'sëëdhɛ 'gü ‑a 'dhö ꞊dhɛ: «‑Ka ‑dhɛ ‑ga, ‑gwë 'a‑ ‑ya sië Siɔn ‑pö 'gü ya, mɛ 'bha ‑nu ‑gɛn "dhiʋ̈ ‑dho ‑zuö ‑bha, 'ö mɛ 'bha ‑nu 'wo ‑pö ‑bha 'pö, "kɛɛ 'mɛ 'kö wo ‑zë 'wo dho 'dhang bho‑ "dhiʋ̈, ‑a ‑nu 'klɔɔ‑ 'yii 'dho bhɔ tongtongdhö.»

1 Kodhɛngtö 15:31

N dheebhang ‑nu, ka ꞊në 'ka n ‑gɛn gbɔ ‑kë "gblʋ̈gblʋ̈ kwa Dëmɛ Yesu Klisi ‑bha zian ‑ta. 'A‑ zë ka ‑dhɛ ꞊sii ꞊dede ‑ta ꞊dhɛ a ‑dɔ ga "dhiʋ̈ ‑dhɛ "puu 'ö ꞊kpaɔ ‑a ꞊gban 'gü.

1 Kodhɛngtö 6:20

‑A 'klɔɔ‑ ‑mü ꞊dhɛ "saa‑ 'ö Klisi ‑ya bho ka ‑wɔn 'gü bha‑ ꞊bhlëë ‑kë 'kpii‑ ‑kɔ "sinma 'yaa 'dhö. ꞊Dhɛ 'ö "dhʋ̈, ‑ka ka ‑dhü bha‑ 'kun ‑së kö Atanna 'tɔ‑ bhɔ‑ ‑bha.

1 Kodhɛngtö 7:34

'Sa ꞊ya kë "dhʋ̈ kö‑ ‑mɛ ‑yö ‑kplasü 'ka 'wɔn ꞊plɛ ꞊gban ꞊në‑ 'gü bha. ‑Kɔ do bha‑ 'gü, dhebhɔ "ɛɛn 'nëdhiëngnë 'ö 'yaa gwaan‑ ‑bha, ‑kɔ 'ö dho bɔ‑ 'ka kö ö ‑wɔn "dhia‑ 'ma kwa Dëmɛ 'gü ꞊në 'ö‑ ‑dhɛ ꞊mɔɔ. ‑A ‑gɛn ‑mü ꞊dhɛ kö ‑ya "piʋ̈ ꞊dhɛ 'ö ö ‑kɔ waa‑ ö ‑gɛn ꞊gban ꞊në‑ "kplëng bho‑ ‑bha do, kë "dhʋ̈ kö 'ö "dhia‑ 'ma‑ 'gü ‑kɔ ꞊gban ‑kɔ ꞊gban 'gü. "Kɛɛ mɛ 'dhɛ 'ö gwaan‑ ‑bha ‑yö ö ‑zʋ ‑gɔn "kpʋng ꞊taa ‑wɔn ‑nu ꞊në‑ 'ka, ‑kɔ 'ö dho‑ kë‑ 'ka kö ö ‑dhɔ ‑yö ö ‑bha gɔn kë 'yö‑ ‑zian ꞊mɔɔ.

2 Kodhɛngtö 10:8

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'kö 'zü ꞊ya kë ꞊dhɛ 'ya yi 'tɔ 'kun mɛdhɛkë ‑faan 'ö Atanna ‑ya nu yi ‑dhɛ kö 'yi ka 'gü bho‑ 'ka kö 'ka dɔ yi ‑kɔ ‑bha ‑a ‑bha zian ‑ta bha‑ ‑wɔn 'gü, 'yiʋ̈‑ 'yii 'dho dɔ yi ‑bha, ‑a ‑gɛn ‑mü ꞊dhɛ ‑ya ‑nu yi ‑dhɛ "dhʋ̈ kö 'yi ka faan ꞊në‑ dɔ‑ 'ka, 'yii nu yi ‑dhɛ kö 'yi ka 'gü ‑zë see‑ 'ka.

2 Kodhɛngtö 3:12

'Wɔn bha ꞊në yi ‑zʋ 'dhö‑ 'gü, 'yö 'ya‑ ‑dhiang zë 'yö 'yaa‑ zë "sika 'ka.

2 Kodhɛngtö 4:10

Sëë do 'ö Yesu ‑ya bho 'ö dho 'ö zun‑ 'ka‑ ga ‑sü ‑bha bha ꞊në 'yi‑ bho sië 'pö ꞊dhɛ‑ 'dhö, kë "dhʋ̈ kö ꞊sii gɔɔ ꞊gblɛɛn 'ö‑ 'gü bha ‑yö ‑kë yi 'gü 'pö.

2 Kodhɛngtö 5:15

‑Yö ‑ga mɛ ꞊gban "pɛpɛ ‑wɔn 'gü "dhʋ̈ kë "dhʋ̈ kö 'mɛ 'wo "yaan 'wa 'dho ‑tosɛa kë wo ‑dɩa kë 'gü 'zü, "kɛɛ kö ‑wa kë 'mɛ 'ö ga‑ ‑nu ‑wɔn 'gü 'ö dho 'ö ‑bö bha ꞊në‑ dhɔɔbhaa 'ka.

2 Kodhɛngtö 7:14

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ n 'tɔ 'a‑ kun ka ‑wɔn 'gü Titö ‑dhɛ ꞊kö 'yii nu ꞊kö ka ‑dhɛ 'gü mü, (꞊dhɛ ka ‑dhio ‑ma n ‑ta) bha, 'kii 'yiʋ̈‑ dɔ n ‑bha ‑a ‑dhɛ. "Kɛɛ ꞊dhɛ 'ö ‑kë 'pö ꞊dhɛ dhiang "pɛpɛ 'yi‑ zë ka ꞊dhɛ ‑a 'bha 'yaa ꞊sua 'ka bha, 'wɔn 'ö‑ ‑wɔn 'gü 'yö 'wɔn 'a n 'tɔ kun‑ 'gü Titö ‑dhɛ ka ‑bu 'gü ‑a 'bha 'yii kë ꞊sua 'ka 'pö bha 'yö bha.

2 Kodhɛngtö 7:4

Yi 'dhang bho ‑sü ‑yö ka "dhiʋ̈ 'kpakpadhö, "sika 'bha 'yaa yi 'gü ka ‑wɔn 'gü. ‑A ‑kë "dhʋ̈ ‑sü bha‑ 'gü, 'wɔn "gbɩɩ‑ suu "ʋʋ suu 'ö ‑wɔ yi ‑ta, 'yaa yi 'gü ga, ‑yö yi faan ꞊në‑ dɔ ‑kpɛawo, 'yö yi ꞊nii ‑da 'ö dho‑ 'ka.

Fidhipö 1:14

N ‑kë ‑kaso 'gü ‑wɔn bha ‑yö kwa dheebhang ‑nu 'wo yö ‑a mɛ 'gbɛ ꞊dede ‑bha ‑to Atanna "piʋ̈ ‑sü ‑tapa ‑sü 'ka, 'ö‑ ‑nu ‑zʋ ‑gban ꞊dedewo. ‑A ‑kë "dhʋ̈ ‑sü ‑wɔn 'gü, ꞊wa Atanna ‑dhiang zë "tʋ̈ng ya‑ 'gü 'waa‑ zë ‑kɔ dɔ "piʋ̈ 'ka, ‑a ‑gɛn ‑mü ꞊dhɛ "suʋ̈ 'bha 'yaa‑ ‑nu 'gü 'zü.

Fidhipö 2:17

Saan" ka‑ wo sië ka ‑bha ‑zʋ ‑yö Atanna ‑dhɛ ‑sü 'gü bha ‑yö ꞊dhɛ "saa‑ ‑bho ‑dhɛ ‑sü ꞊në‑ 'dhö. 'Ö ꞊ya kë ‑zianwo ꞊dhɛ 'ma 'to ‑kaso 'gü Yesu Klisi ‑wɔn ya‑ 'gü ꞊wa n zë, 'yaa n 'gü 'wɔn 'bha 'ka, ‑a ‑gɛn ‑mü ꞊dhɛ kö n ga ‑sü bha ꞊ya kë ꞊dhɛ "saa‑ 'ka‑ bho bha‑ ꞊yɔɔn ‑bho "sia‑ ‑sü 'dhö, ‑yö ‑dho dhi n ‑dhɛ 'ö kwɛng‑ ‑nu ꞊gban 'kwa ꞊niidadhe 'ö n ‑gɔ bha‑ ‑kë kwa "kwëë.

Kodhɔsö 1:24

N ꞊nii ‑yö ‑da sië ꞊taamasü ya‑ 'gü sëë 'a‑ bho sië ka ‑wɔn 'gü bha‑ ‑wɔn 'gü. ‑A ‑gɛn ‑mü ꞊dhɛ 'ma‑ kë "dhʋ̈ kö Atanna ‑bha yë ꞊në a‑ kë sië. ‑A ‑kë "dhʋ̈ ‑sü ꞊bhlëë ‑yö 'kpii‑. A‑ 'wɔn ‑dɔ ꞊dhɛ 'ma saan" "dhʋ̈ kö a ‑saan mɛ "pɛpɛ 'wo Klisi ‑bha mɛ 'ka 'ö 'wo ꞊dhɛ‑ ‑dhü 'dhö bha ꞊në‑ ‑nu ‑wɔn 'gü. Kö saan" 'ö‑ ‑dhɛ 'dhö‑ bha ꞊dhɛ Yesu ‑bha mɛ ‑nu ‑wa wo bha ‑në mang ‑dɩ 'pö 'a n ‑bha wo sië bha.

1 Tesadhonikö 5:23

Atanna 'ö zuëwaanusü nu mɛ ‑dhɛ bha ‑yö bian bho ka ‑bha ‑kɔ ꞊gban ‑kɔ ꞊gban 'gü kö ‑yö ka "zu, kö ka ‑dhü ‑to "dhʋ̈ ‑sü, ka 'nii‑ oo, ka ‑wü oo, ‑wo 'to "puu 'ka kö pö 'a 'dho kë‑ ‑bha kwa Dëmɛ Yesu Klisi nu ‑yi bha‑ 'ka!

1 Piɛdhö 4:16

"Kɛɛ mɛ "ʋʋ mɛ 'ö sëë bho ‑a ‑bha ‑bɔ Yesu 'ka ‑sü ‑wɔn ‑zë 'gü, ‑a ‑dhɛ 'yaa‑ ‑bha ꞊dhɛ ‑a 'yiʋ̈‑ ‑ya ‑mɛ kë. ‑A ‑mɛ ‑zian ‑zë ‑yö Atanna nuɛ" ꞊në‑ bho Klisi 'tɔ 'ö ‑ya ‑bha bha‑ ‑wɔn 'gü.

1 Zan 2:28

N bhang ‑nu, a‑ ‑pö ka ‑dhɛ ꞊dhɛ 'ka 'to ‑kplü ‑sü 'ka Klisi ‑bha kë "dhʋ̈ kö yi 'ö dho nu ‑dee wo‑ 'ka kö ‑a ‑bha 'yënng‑ ꞊ya ‑ya dhang‑ ‑bha bha kwa zuë" ‑yö kë‑ 'gü ‑sɛa, kö 'yiʋ̈‑ 'ya 'dho dɔ kwa ‑bha 'ö 'kwa dɔ‑ 'ka ꞊gblɛɛn.