Fidhipö 1:19 - NAƆ ‑SË 'SËËDHƐ

¹⁹ ‑A ‑gɛn ‑mü ꞊dhɛ a‑ 'wɔn ‑dɔ ꞊dhɛ ‑a "dhiʋ̈‑ ‑dho ta n ‑gɔ ‑a ‑së ꞊në‑ ‑ta bhɛa" 'ka‑ wo sië Atanna ‑dhɛ n ‑wɔn 'gü bha waa‑ Yesu Klisi ‑bha 'Nii‑ "slʋ̈ʋ̈slʋ̈ ‑bha ‑kë n "piʋ̈ ‑sü ‑wɔn 'gü.

Fidhipö 1:19 ပူးပေါင်းရင်းမြစ်များ

Këwɔn ‑nu 16:7

꞊Dhɛ 'ö ꞊wa ꞊loo Misi ‑dhɛ "sɔɔ, ‑yö ‑gun ‑nu "piʋ̈ ꞊dhɛ 'wo 'dho Bitini ‑sɛ 'gü, "kɛɛ Yesu ‑bha 'Nii‑ "slʋ̈ʋ̈slʋ̈ 'ö‑ ‑nu 'gü bha 'yii "wɩ‑ ‑bha ‑a ‑nu ‑gɔ kö ‑wo 'dho mü.

Wlɔmö 8:28

‑A ‑wɔn 'gü, mɛ "pɛpɛ 'ö Atanna ‑dhɔ ‑ya ‑nu ‑kë 'ö‑ ‑nu sü 'ö‑ ‑nu ‑ya ö ‑bha ‑ya 'gü ꞊dhɛ ‑kɔ 'ö gun‑ 'ka‑ ‑zʋ "piʋ̈ yi 'bha 'ka ‑a 'dhö, 'wɔn "pɛpɛ 'ö ‑da ‑a ‑nu ‑ta, ‑a ꞊gban "dhiʋ̈ ‑ya ‑dhɛ ‑kë ‑nu ‑bha 'wɔn ‑së ꞊në‑ 'ka.

Wlɔmö 8:9

"Kɛɛ ka ‑zë 'kaa ‑tosɛa kë ka ‑dɩ dhɔɔbhaa 'ka 'zü, ka ‑tosɛa kë sië ‑a ‑bha 'Nii‑ bha ꞊në‑ dhɔɔbhaa 'ka. ‑A 'klɔɔ‑ ‑mü ꞊dhɛ‑ ‑bha 'Nii‑ bha ‑yö ka 'gü. Klisi ‑bha 'Nii‑ bha 'yaa mɛ "ʋʋ mɛ 'ö‑ 'gü, kö 'yaa Klisi ‑bha 'ka.

1 Kodhɛngtö 4:17

'Wɔn 'ö‑ 'wɔn 'gü 'yö 'a Timote bɔ ka ‑dhɛ bha 'yö bha. Timote bha ‑yö ꞊dhɛ n gbö ꞊në‑ 'dhö kwa Dëmɛ ‑bha zian ‑ta. ‑A ‑wɔn ‑yö n ‑gɔ "gbɩɩ‑. N 'dhang bho ‑sü ‑ya "dhiʋ̈ 'pö 'kpakpadhö. ‑Kɔ 'a "ta sü‑ 'ka Yesu Klisi ‑bha zian ‑ta 'ö 'ma 'dho Atanna ‑bha 'Kɔdhigümɛ ‑nu kpö 'gü ‑dhɛ "ʋʋ ‑dhɛ 'ö‑ 'gü 'a‑ ‑nu ꞊draan‑ ‑bha bha, ‑yö ‑dho ka ‑zʋ ‑bö 'ka.

2 Kodhɛngtö 1:11

"Kɛɛ ‑a ‑dhɛa ‑bha ꞊dhɛ 'ka yi ‑ta 'kun ‑bhɛa Atanna ‑dhɛ ‑sü ‑bha yi ‑wɔn 'gü. Yö ꞊në ꞊ya kë "dhʋ̈, 'yö dho zë mɛ 'gbɛ ‑bha bhɛa" 'wo‑ wo sië yi ‑wɔn 'gü bha‑ ‑dhɛ 'yö ‑gasitɛ ‑kë yi ‑dhɛ. 'Yö‑ 'gü ‑wɔn ꞊ya bo kë ‑sü 'ka, 'yö mɛ 'gbɛ ‑wa nuɛ" bho ‑a kë 'ö‑ wo yi ‑dhɛ "dhʋ̈ bha‑ ‑wɔn 'gü.

Gadhatö 3:5

"Ɛɛn ‑yö ka 'gü ꞊dhɛ "dhabhliwɔn ‑nu 'ö Atanna ‑ya ‑kë ka kpö 'gü ö ‑bha 'Nii‑ "slʋ̈ʋ̈slʋ̈ faan 'ka bha ‑ya kë "dhʋ̈ "ta 'ka‑ sü ‑a ‑bha 'tɔng‑ 'ka ꞊në‑ ‑wɔn 'gü ‑ee? ‑Abin! ‑Ya ‑kë "dhʋ̈ 'dhang 'ka‑ bho‑ ‑bha naɔ ‑së ('yi‑ dɔ ka ‑gɔ) bha‑ "dhiʋ̈ bha ꞊në‑ ‑wɔn 'gü.

Gadhatö 4:6

'Wɔn 'ö‑ ‑wɔn 'gü 'yö ö Gbö ‑bha 'Nii‑ "slʋ̈ʋ̈slʋ̈ bha‑ ‑ya kaa ‑dɩ 'pö 'gü bha 'yö bha, kë "dhʋ̈ kö ‑ya ‑zɔn ꞊dhɛ ö ‑bha 'në ‑mü ka 'ka. ‑A 'Nii‑ 'ö "dhʋ̈ bha ꞊në‑ ‑kë 'yö 'kwa‑ ‑dhɛ kwa baa".

Fidhipö 1:18

"Kɛɛ 'kö 'zü woo‑ kë "dhʋ̈ ꞊wɛ? ‑Wa ‑kë "gblʋ̈ʋ̈dhɛ "puu ‑ta oo, ‑wa ‑kë "gblʋ̈ʋ̈dhɛ tii ‑ta oo, 'yaa ‑siö n ‑dhɛ, ‑a ‑gɛn ‑mü ꞊dhɛ 'kö 'zü 'wo‑ ‑kë ‑kɔ "ʋʋ ‑kɔ 'ö‑ 'gü, ‑a ‑nu ꞊gban ‑wo Klisi ꞊në‑ ‑dhiang zë sië, ‑yö n ꞊nii ‑zian ꞊në‑ ‑da, "kɛɛ 'sa ‑yö ‑dho n ꞊nii ‑zian ꞊në‑ ‑da "dhʋ̈ ‑kpɛawo 'ö dho‑ 'ka.

1 Piɛdhö 1:11

‑Wo ‑gun dɔ sië wo ‑dɩ ‑ta "gbɩɩ‑ 'wɔn bha‑ 'gü, kë "dhʋ̈ kö 'wɔn 'ö Atanna yöö‑ kë bha 'ö dho‑ kë "tʋ̈ng 'ö‑ 'gü, "ɛɛn 'ö dho‑ kë ‑kɔ 'ö‑ ‑bha 'ö Klisi ‑bha 'Nii‑ "slʋ̈ʋ̈slʋ̈ ‑ya ‑zɔn 'ka‑ ‑nu ‑dhɛ bha 'wo‑ dɔ. ‑A 'klɔɔ‑ ‑mü ꞊dhɛ 'ö gun "dhʋ̈ kö ‑a ‑bha 'Nii‑ 'ö gun‑ ‑nu 'gü bha saan" 'ö Klisi dho‑ wo, waa‑ 'tɔ 'ö dho bhɔ ‑a saan" ‑sü bha‑ zian‑ ‑ta bha ꞊yaa‑ ꞊gban 'to "dhiʋ̈ ꞊yaa‑ pö‑ ‑nu ‑dhɛ.