Fidhipö 1:17 - NAƆ ‑SË 'SËËDHƐ

¹⁷ "kɛɛ mɛ ‑kpɛa 'kö 'wo to 'ö 'wo wo ‑bha ‑kë "dhinaa ‑da kian 'ka, "ɛɛn mɛ ‑gɛn mɔɔ‑ kian 'ka bha ‑wa ‑kë "dhʋ̈ kö 'wo zuëdhiʋ̈tɛɛ 'ö n ‑bha ‑kaso 'gü bha ꞊në‑ 'bha ‑da ‑ta.

Fidhipö 1:17 ပူးပေါင်းရင်းမြစ်များ

Dhukö 21:14

A‑ ‑pö "dhʋ̈ kö ‑yö 'to ka "yaan kö ‑a yi ꞊ya ꞊loo kö ka ‑dɩ ‑ta ‑za dɔ ‑wɔn ‑zʋgɔndhe 'ya 'dho ‑ya ka ‑bha,

Këwɔn ‑nu 22:1

«N dheebhang ‑nu, n dë ‑nu, ‑ka ka "tʋ 'to n ‑takɔɔwʋ 'ö maa‑ pö ka ‑dhɛ ya‑ ‑bha ‑së 'ka!»

Këwɔn ‑nu 26:1

'Yö Aglipa ‑ya pö Pɔdhö ‑dhɛ: «‑Pʋtaasü ‑yö i ‑gɔ kö 'i i ‑dɩ ‑ta kɔɔ‑ ‑dhiang zë.» 'Yö Pɔdhö ‑yö ö ‑kɔ wang ‑pʋ kö yöö dhiang zë, 'yö‑ pö:

Këwɔn ‑nu 26:24

꞊Dhɛ 'ö Pɔdhö 'dhö ö ‑dɩ ‑ta ‑za dɔ sië "dhʋ̈, 'yö Fɛtusö ‑yö ö ‑wʋ "dhiʋ̈ ꞊wlü 'ö‑ pö: «Slaa" 'pö yöö i 'kun ꞊zɔɔ ‑ee, Pɔdhö, ‑a ‑ga bha, i ‑bha 'sëëdhɛ draan‑ ‑kɔ yaa 'gü yaa bha‑ ‑ga 'ö ꞊ya slaa" ‑da i ‑ta bha!»

Wlɔmö 2:8

'Yö 'wɔn bho 'mɛ 'wo ö ꞊bhlëë ‑siö, 'ö 'wo zë zaɔdhe ‑da ‑wɔn ‑dhɛ 'wo wo ꞊taa zun tɛanwɔn 'ö ‑gban Atanna ‑bha ‑a ‑gɔ, 'ö 'wo wo ‑gɔ ‑gban 'wɔn yaa kë ‑sü 'gü bha‑ ‑nu 'gü 'pö.

Fidhipö 1:18

"Kɛɛ 'kö 'zü woo‑ kë "dhʋ̈ ꞊wɛ? ‑Wa ‑kë "gblʋ̈ʋ̈dhɛ "puu ‑ta oo, ‑wa ‑kë "gblʋ̈ʋ̈dhɛ tii ‑ta oo, 'yaa ‑siö n ‑dhɛ, ‑a ‑gɛn ‑mü ꞊dhɛ 'kö 'zü 'wo‑ ‑kë ‑kɔ "ʋʋ ‑kɔ 'ö‑ 'gü, ‑a ‑nu ꞊gban ‑wo Klisi ꞊në‑ ‑dhiang zë sië, ‑yö n ꞊nii ‑zian ꞊në‑ ‑da, "kɛɛ 'sa ‑yö ‑dho n ꞊nii ‑zian ꞊në‑ ‑da "dhʋ̈ ‑kpɛawo 'ö dho‑ 'ka.

Fidhipö 1:7

‑A ‑dhɛa ‑bha ꞊dhɛ ‑zʋ 'gɔn ‑kɔ suu bha 'a‑ kë mɛ ꞊gban ka ‑wɔn 'gü, ‑a ‑gɛn ‑mü ꞊dhɛ ka ‑dhɔ ‑yö n ‑kë ꞊dedewo, ‑a ‑gɛn ‑mü 'zü ꞊dhɛ "klʋsë 'ö Atanna ‑ya ‑kë n 'ka bha ꞊yaa‑ kë ka 'ka 'pö. A ‑kë ‑kaso 'gü oo, "ɛɛn a ‑kë za ꞊gblü "dhiʋ̈ oo, a Atanna ‑bha naɔ ‑së bha‑ ‑takozë ‑kpɛawo kë "dhʋ̈ kö mɛ ꞊gban ‑wo 'dhang bho‑ "dhiʋ̈ ꞊dhɛ tɛan‑ ‑mü. ꞊Dhɛ ‑a "klʋ ‑yö ‑dhi kwa 'ka ‑kpɛawo.

Fidhipö 2:3

Kö 'wɔn "ʋʋ 'wɔn 'ka dho‑ kë, kö 'ka 'dho‑ 'bha kë ꞊drɔ 'ka, "ɛɛn ‑dɩ ‑sü 'kpii‑ ‑sü 'ö‑ ‑zundhiʋ̈bhlɔɔ 'yaa 'dhö bha‑ 'ka. "Kɛɛ kö 'ka ka ‑gɔ 'dho "sia‑ ka 'ko ‑dhɛ, kö 'ka mɛ "wɛɛ ‑nu fië‑ bho ka ‑dɩ ‑bha!

1 Timote 2:7

Atanna ‑yö n ‑ya yö ꞊në‑ ‑naɔdɔmɛ 'ka, kö 'a kë Yesu Klisi ‑bha bɔmɛ 'ka, kö 'a kë 'mɛ 'waa Zuifö 'ka ‑a ‑nu ꞊klang ‑kë 'wɔn 'ö ‑gban ‑zʋ ‑yö Atanna ‑dhɛ ‑sü, waa‑ tɛanwɔn 'ö ‑gban ‑bha ‑a 'ka ‑mɛ 'ka. ‑A pö 'a‑ wo "dhʋ̈ bha 'mii ꞊sua kë, tɛan‑ ꞊dede ꞊në 'a‑ pö.

2 Timote 2:9

'Sa naɔ bha ꞊në 'a‑ dɔ 'yö 'wo n ‑wëëdhɛ bho sië 'yö ꞊wa lɔɔga ‑nu ꞊gban ‑zian ‑kplü n ‑bha ꞊dhɛ 'wɔnyaakëmɛ 'dhö ya. "Kɛɛ yö ‑zë ꞊gban 'gü, ma ꞊në 'wo n ‑da ‑kaso 'gü, 'wii Atanna ‑wʋ ‑zë ‑da ‑kaso 'gü, (‑wo mɛ ‑nu draan‑ sië‑ 'ka ‑kpɛawo).

2 Timote 4:16

'Dho ‑blɛɛsü 'a‑ wo zadɔdhɛ 'gü bha mɛ 'bha 'yaa gun n "piʋ̈ mü kö ‑yö n ‑zʋ ‑gban, kwa dheebhang ‑nu ꞊gban "pɛpɛ ‑wo kë ‑kan n ‑zü 'kwëë‑. "Kɛɛ a ‑bhɛa Atanna ‑dhɛ kö 'ya 'dho‑ ‑nu 'kun tëë 'ka n 'to 'wo‑ wo do 'ka bha‑ ‑wɔn 'gü 'ö‑ ‑nu ‑wëëdhɛ bho.