Fidhipö 1:14 - NAƆ ‑SË 'SËËDHƐ

¹⁴ N ‑kë ‑kaso 'gü ‑wɔn bha ‑yö kwa dheebhang ‑nu 'wo yö ‑a mɛ 'gbɛ ꞊dede ‑bha ‑to Atanna "piʋ̈ ‑sü ‑tapa ‑sü 'ka, 'ö‑ ‑nu ‑zʋ ‑gban ꞊dedewo. ‑A ‑kë "dhʋ̈ ‑sü ‑wɔn 'gü, ꞊wa Atanna ‑dhiang zë "tʋ̈ng ya‑ 'gü 'waa‑ zë ‑kɔ dɔ "piʋ̈ 'ka, ‑a ‑gɛn ‑mü ꞊dhɛ "suʋ̈ 'bha 'yaa‑ ‑nu 'gü 'zü.

Fidhipö 1:14 ပူးပေါင်းရင်းမြစ်များ

Makö 3:3

'Yö Yesu ‑ya pö mɛ ‑kɔ ꞊niɔɔsü bha‑ ‑dhɛ: «‑Bhö "wlü kö 'i dɔ i ‑gɛan mɛ kpö 'gü bha!»

Dhukö 1:74

Kë "dhʋ̈ kö 'ya kwa dha kwa 'yaɔ‑ ‑nu ‑gɔ kö 'kwa 'dho‑ ‑dhɔkë "suʋ̈ 'ka,

2 Kodhɛngtö 3:12

'Wɔn bha ꞊në yi ‑zʋ 'dhö‑ 'gü, 'yö 'ya‑ ‑dhiang zë 'yö 'yaa‑ zë "sika 'ka.

2 Kodhɛngtö 7:4

Yi 'dhang bho ‑sü ‑yö ka "dhiʋ̈ 'kpakpadhö, "sika 'bha 'yaa yi 'gü ka ‑wɔn 'gü. ‑A ‑kë "dhʋ̈ ‑sü bha‑ 'gü, 'wɔn "gbɩɩ‑ suu "ʋʋ suu 'ö ‑wɔ yi ‑ta, 'yaa yi 'gü ga, ‑yö yi faan ꞊në‑ dɔ ‑kpɛawo, 'yö yi ꞊nii ‑da 'ö dho‑ 'ka.

Efɛzö 3:13

‑A ‑kë "dhʋ̈ ‑sü bha‑ 'gü, bhɛa" ꞊në 'a‑ wo sië ka ‑dhɛ kö saan" 'a‑ wo sië ka ‑wɔn 'gü bha 'ya 'dho kë ka 'gü ga ‑gɛn 'ka, "kɛɛ kö ‑yö kë ka "yaan ꞊dhɛ ‑yö ka ‑bha 'ka ‑së.

Fidhipö 1:20

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ n 'dhang bho ‑sü ‑ya "dhiʋ̈ 'kpakpadhö 'ö n "tʋ̈ng 'dhö‑ 'gü ꞊dhɛ 'yiʋ̈‑ 'yii 'dho dɔ n ‑bha tongtongdhö, ‑a ‑gɛn ‑mü ꞊dhɛ a ‑to "yaan oo, "ɛɛn 'ö n zë ‑zian ꞊në 'wo‑ wo oo, "sika 'yaa n 'gü, Klisi 'tɔ ‑zë ‑dho bhɔ n ‑bha ‑kpɛawo 'ö dho‑ 'ka.

Fidhipö 1:7

‑A ‑dhɛa ‑bha ꞊dhɛ ‑zʋ 'gɔn ‑kɔ suu bha 'a‑ kë mɛ ꞊gban ka ‑wɔn 'gü, ‑a ‑gɛn ‑mü ꞊dhɛ ka ‑dhɔ ‑yö n ‑kë ꞊dedewo, ‑a ‑gɛn ‑mü 'zü ꞊dhɛ "klʋsë 'ö Atanna ‑ya ‑kë n 'ka bha ꞊yaa‑ kë ka 'ka 'pö. A ‑kë ‑kaso 'gü oo, "ɛɛn a ‑kë za ꞊gblü "dhiʋ̈ oo, a Atanna ‑bha naɔ ‑së bha‑ ‑takozë ‑kpɛawo kë "dhʋ̈ kö mɛ ꞊gban ‑wo 'dhang bho‑ "dhiʋ̈ ꞊dhɛ tɛan‑ ‑mü. ꞊Dhɛ ‑a "klʋ ‑yö ‑dhi kwa 'ka ‑kpɛawo.

Fidhipö 4:1

Yö ꞊në‑ ‑wɔn 'gü, 'yö 'a bhɛa" sië ka ‑dhɛ, n dheebhang ‑nu. 'Yö n zuë" 'yaa 'waanu "yan ‑kpan ka ‑bha ‑sü 'ö ka ‑dhɔ ‑bha n kë ‑sü ‑wɔn 'gü bha‑ 'gü, ‑a ‑gɛn ‑mü ꞊dhɛ ka ꞊në ka ‑wɔn ‑yö n ꞊nii ‑da, ka ꞊në 'ka ꞊dhɛ ‑bɛang 'a‑ 'sü sië bha‑ ꞊trɔɔn 'dhö. A ‑bhɛa ka ‑dhɛ yö ꞊në‑ ‑wɔn 'gü, kë "dhʋ̈ kö 'ka 'to ‑kplü ‑sü 'ka kwa Dëmɛ ‑bha ꞊dhɛ ‑kɔ 'a‑ pö‑ 'ka ka ‑dhɛ bha‑ 'dhö, n dhɔɔbhaamɛ ‑nu!

Kodhɔsö 4:4

"kɛɛ kö 'ma‑ pö, kö 'a‑ pö "pɛɛpɛdhö, kö "yi 'ya 'dho kë‑ "piʋ̈, "kɛɛ kö ‑yö kë ꞊dhɛ ‑kɔ 'ö‑ ‑dhɛ 'dhö‑ ‑bha ꞊dhɛ 'a‑ kë‑ 'ka ꞊në‑ 'dhö, ‑a ‑gɛn ‑mü ꞊dhɛ ‑a "kplëng ꞊në Atanna ‑ya bho n ‑bha.

Kodhɔsö 4:7

Kwa dheebhang dhɔɔbhaa ‑sü Tisikö 'ö bhɔ ö ‑wʋ ‑bha, 'ö kwa Dëmɛ ‑ya ‑ya ö ‑kɔ "dhiʋ̈ 'pö, 'ö yɛng‑ 'yi‑ ‑bha yë kë sië bha ‑yö nu sië ka ‑dhɛ 'gü, yö ꞊në dho 'wɔn 'ö n ‑bha ‑a pö ka ‑dhɛ 'kpakpadhö.

1 Tesadhonikö 2:2

'Ö gun kö yi ‑tun Fidhipö ‑pö 'gü kö 'yii ꞊loo ꞊kö ka ‑gɔ mü, ‑wo kë ‑gbaɔn yi ta 'ö 'wo yi ‑wëë ‑kë "dhiʋ̈ ꞊gban "pɛpɛ suu wo, "kɛɛ yö ‑zë ꞊gban 'gü, Atanna 'yi‑ ‑bha zian ‑ta bha ‑yö kë yi ‑zʋ ‑gban 'ö 'yi nu‑ ‑bha naɔ ‑së bha‑ dɔ ka ‑gɔ, "kɛɛ 'sa kö yi ‑gblü bha‑ 'gü "dhʋ̈ ka ‑gɔ mü 'pö.

2 Timote 2:9

'Sa naɔ bha ꞊në 'a‑ dɔ 'yö 'wo n ‑wëëdhɛ bho sië 'yö ꞊wa lɔɔga ‑nu ꞊gban ‑zian ‑kplü n ‑bha ꞊dhɛ 'wɔnyaakëmɛ 'dhö ya. "Kɛɛ yö ‑zë ꞊gban 'gü, ma ꞊në 'wo n ‑da ‑kaso 'gü, 'wii Atanna ‑wʋ ‑zë ‑da ‑kaso 'gü, (‑wo mɛ ‑nu draan‑ sië‑ 'ka ‑kpɛawo).