Fidhipö 1:11 - NAƆ ‑SË 'SËËDHƐ

¹¹ Kë "dhʋ̈ kö 'wɔn ‑së "pɛpɛ 'ka‑ ‑kë Yesu Klisi faan 'ka bha‑ ꞊trɔɔn‑ ka ‑kɔ pa 'yi bha‑ 'ka, kö Atanna 'tɔ‑ bhɔ, kö mɛ ꞊gban ‑wa nuɛ" bho.

Fidhipö 1:11 ပူးပေါင်းရင်းမြစ်များ

Matiö 5:16

꞊Dhɛ 'ö ‑kë ꞊dhɛ ka ꞊në 'ka "kpʋngtaadhɛ ‑bha ‑dhangbha 'ka 'pö bha, ‑a ‑dhɛa ‑bha ꞊dhɛ ka 'bhü ‑yö "flʋ̈ kö mɛ ꞊gban ‑wa yö. Ka 'bhü 'ö dho bhɔ 'ö mɛ ꞊gban ‑wa yö bha yö ‑mü 'wɔn ‑sɛsɛngbɔ ‑nu 'ka dho‑ kë bha ꞊në‑ 'ka, yö ꞊në ꞊waa‑ yö, 'yö 'wo dho ka Dë Atanna 'ö ‑ya ‑sü 'ka dhang‑ 'gü bha‑ 'tɔ bhɔ‑ ‑bha.»

Naɔ ‑së 'ö ‑gban Yesu Klisi ‑bha 'ö Zan ‑ya pö 15:16

"Kɛɛ 'sa ka ‑zë 'kii n ‑ya. Ma ꞊në ma ‑zë 'a n ‑kɔ ‑yɛ ka ‑bha, 'yö 'a ka ‑ya kö 'a ka bɔ, kö 'ka bhɛ ‑së dɔ "tʋ̈ng ꞊gban 'gü, 'wɔn ‑së kë ‑sü waa‑ ‑dhɔkë mɛ ꞊gban "pɛpɛ 'ka ‑sü 'ka, kö ‑yö kë "dhʋ̈ kö 'pë 'ö 'ka dho‑ ‑gbadhɛ n Dë ‑gɔ n 'tɔ 'gü bha ‑ya nu ka ‑dhɛ.

Naɔ ‑së 'ö ‑gban Yesu Klisi ‑bha 'ö Zan ‑ya pö 15:2

('Yö mɛ "pɛpɛ 'wo 'dhang bho n "dhiʋ̈ bha 'wo ꞊dhɛ 'pö ꞊dhɛ n ‑gbeng ‑nu 'dhö.) N ‑gbeng "pɛpɛ 'wo n ‑bha 'ö 'waa bha n Dë ꞊në‑ ‑nu ‑kan, 'yö‑ 'dhɛ 'wo bha 'yö‑ ‑nu ‑ta zë, kë "dhʋ̈ kö ‑wo sa, kö ‑wo bhɛ ‑ya kö ‑yö ziö ‑blɛɛsü ‑bha ‑ta.

Naɔ ‑së 'ö ‑gban Yesu Klisi ‑bha 'ö Zan ‑ya pö 15:8

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ n Dë 'tɔ bhɔ ‑kɔ 'ö 'dhö, yö ‑mü ꞊dhɛ kö 'ka kë ꞊dhɛ "dhü ‑gbeng 'ö ꞊waa‑ baa‑, 'ö bha sië ꞊dedewo bha ꞊në‑ 'dhö. Yö ꞊në ꞊ya kë "dhʋ̈ kö 'ka kë ma ꞊klangdhiʋ̈ 'ka ꞊dedewo "pɛɛpɛdhö.

Wlɔmö 15:28

꞊Ya kë ꞊dhɛ 'ma bo 'dho ‑sü 'ka kö 'pë 'wo‑ bho ko ‑ta bha, 'a‑ dɔ 'mɛ 'wo ‑mü ‑a ‑nu ‑gɔ, kö maa 'dho Ɛsipangyö ‑sɛ 'gü, "kɛɛ n 'dho ‑sü 'ka, a ‑dho bɔ ka "piʋ̈ mü.

Wlɔmö 6:22

"Kɛɛ dɔ 'dhɛ 'kwa‑ wo ꞊dɛɛ, 'ö 'ka 'go 'wɔn yaa ‑gɔ ꞊dhuëngdhɛ 'gü 'ö 'ka bɔ Atanna 'ka bha‑ ꞊trɔɔn 'ö ka ‑bha yö ‑mü pö 'ö 'yaa ka ‑bha ‑a wëëdhö bha ꞊në‑ 'ka, 'yö‑ ‑gɔ ‑yö dho 'ö dɔ ‑tosɛa 'ö 'yaa yën 'ö‑ "piʋ̈ bha‑ ꞊slɔɔ ‑sü ‑ta.

1 Kodhɛngtö 10:31

‑A ‑kë "dhʋ̈ ‑sü bha‑ 'gü, a‑ ‑pö ka ‑dhɛ ꞊dhɛ: 'Wɔn "ʋʋ 'wɔn 'ö ka dho‑ kë, ‑yö ‑kë pë ‑bhö ‑sü 'ka oo, ‑yö ‑kë müpë ‑nu mü ‑sü 'ka oo, "ɛɛn 'zü ‑yö ‑kë 'wɔn "ʋʋ 'wɔn 'ö‑ suu 'ka, ‑kaa kë Atanna 'tɔ bhɔ ‑dhɔ ‑dhɛ.

2 Kodhɛngtö 9:10

Yö 'ö pë suu nu pëtamɛ ‑dhɛ, 'ö dho 'ö‑ ‑bhöpë ‑wɔ ‑ta bha ‑yö ‑dho ka ‑bha kë, 'ö dho 'ö kaa‑ pë suu ‑pɛ ‑ta, 'ö‑ ‑kë 'ö kaa‑ "klʋsëdhɛ ꞊trɔɔn 'dhö ‑kë 'gbɛ ꞊dedewo.

Efɛzö 1:12

Kë "dhʋ̈ kö 'mɛ 'kwa ‑kë mɛ ‑blɛɛsü 'wo 'dhang bho Klisi ‑wɔn "dhiʋ̈ ‑a ‑nu 'ka bha 'kwa kë‑ 'tɔ ‑bhɔbhamɛ 'ka.

Efɛzö 1:14

'Nii‑ 'ö "dhʋ̈ bha ꞊në ꞊dhɛ 'wɔn ‑së ‑nu 'ö Atanna ‑ya "plüün bho kwa ‑dhɛ bha‑ taɔng 'dhö, 'yö 'dhang bho ‑sü 'ö‑ "dhiʋ̈ ꞊dhɛ ‑yö ‑dho 'wɔn ‑së ‑nu bha‑ kë mɛ "pɛpɛ 'ö kwa ‑ya ö 'tɔbhɔbhamɛ 'ka bha kwa ‑dhɛ dhasü bha‑ ‑gɔ ‑da 'plöö ‑yi 'ka bha‑ nu kwa ‑dhɛ.

Efɛzö 2:10

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ yö ꞊në kwa ‑kë, 'yö kwa ꞊nëng Yesu Klisi ‑bha. Kë "dhʋ̈ kö këwɔn ‑sɛngbɔ ‑nu 'ö yöö ꞊dede 'ö‑ ‑pë ‑kë ‑yi 'bha 'ka kö 'kwa‑ kë bha 'kwa‑ kë.

Efɛzö 5:9

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'mɛ 'kö ‑dhɛpuudhɛ 'gü kö‑ ‑mɛ ‑yö 'wɔn ‑së suu ꞊gban "pɛpɛ 'do 'do ꞊në‑ këmɛ 'ka, kö pö 'yaa‑ ‑bha 'wɔn 'bha ‑wɔn 'bha 'gü, kö ‑yö 'wɔn ꞊gban ‑wɔn ꞊gban kë tɛan‑ ‑ta.

Fidhipö 4:17

"Kɛɛ 'ya 'dho kë ka 'gü ꞊dhɛ ꞊ya kë "dhʋ̈ kö a‑ ‑pö 'ka n saan ꞊në‑ bho ‑kpɛawo. ‑Abin! 'Wɔn 'a n ‑zʋ gɔn‑ 'ka yö ‑mü ꞊dhɛ kö 'wɔn ‑nu 'ka‑ kë sië n ‑dhɛ ‑kpɛawo bha‑ ꞊trɔɔn ꞊në ‑yö ‑da "dhiʋ̈ ka ‑gɔ Atanna wëëdhö.

Kodhɔsö 1:10

Kë "dhʋ̈ kö ka "ta ‑kɔ ‑yö bhɔ kwa Dëmɛ ‑bha mɛ ‑nu "ta ‑kɔ ‑bha, kë "dhʋ̈ 'zü kö ka "dhia ‑yö ma‑ 'gü ꞊dedewo ‑kɔ ꞊gban ‑kɔ ꞊gban 'gü, kö 'ka kë 'wɔn ‑së suu ꞊gban "pɛpɛ 'do 'do këmɛ 'ka kö ka ‑bha Atanna dɔ ‑sü bha‑ 'bha ‑da ‑ta ‑kpɛawo.

Kodhɔsö 1:6

'Wɔn ‑taɔng ‑së 'ö "dhʋ̈ bha‑ ‑wɔn ‑yö sa ꞊në‑ wo sië "kpʋngtaadhɛ ꞊gban "pɛpɛ 'gü do 'ö dho‑ 'ka. ‑Yö ꞊trɔɔn ‑së kë sië ‑dhɛ 'ö "dhʋ̈ ‑a ꞊gban "pɛpɛ 'gü 'pö do 'ö dho‑ 'ka ꞊dhɛ ‑kɔ 'ö‑ kë sië‑ 'ka ka ‑gɔ "sɛ 'gü mü bha‑ 'dhö. Kë 'ö‑ wo sië "dhʋ̈ bha‑ zü 'yii bho ꞊dɛɛ, ‑a zü‑ ‑bho yi 'ö 'ka Atanna ‑bha ‑gasitɛ ‑naɔ bha‑ ꞊wlöö 'kpakpadhö ꞊dede ma‑ 'ka bha‑ 'ka.

2 Tesadhonikö 1:12

꞊Ya kë "dhʋ̈, kwa Dëmɛ Yesu 'tɔ‑ ‑dho bhɔ ka ‑bha, 'yö kaa ‑dɩ 'pö ka 'tɔ 'dhö bhɔ ‑a 'saa‑ 'gü, ‑gasitɛ 'ö waa‑ kwa ‑bha Atanna 'wo‑ ‑kë ka ‑dhɛ bha‑ ‑wɔn 'gü.

Titö 3:14

'Wɔn 'ö "dhʋ̈ bha bhii do 'bhii 'dho kë‑ këmɛ 'ka. ‑A ‑gɛn ‑mü ꞊dhɛ kwa ‑bha mɛ ‑nu 'wo mü 'pö bha‑ ‑dhɛa ‑bha kö ‑wo gbaɔ‑ ‑sü draan‑ 'pö kö ‑wo mɛ ‑nu ‑mawɔn 'dhɛ 'ö "vaandhö ‑wɔn 'ka ‑a ꞊yaɔn, kö‑ ‑nu ‑bha ‑tosɛa ‑yö mɛ ‑nu ‑zʋ 'kun 'pö.

Eblö 12:11

'Wo mɛ "klʋ bho sië "tʋ̈ng 'ö‑ 'gü "dhʋ̈ bha 'yaa dhi mɛ ‑dhɛ, ‑a ‑gɛn ‑mü ꞊dhɛ 'yaa bhɔ mɛ 'gü 'wɔn ‑së ‑bha. "Kɛɛ ꞊dhɛ 'ö‑ ꞊trɔɔn 'ö ‑kë zuëyagblʋ̈ʋ̈‑ waa‑ ‑tosɛa 'ö pö 'aa‑ ‑bha ‑a kë ‑sü 'ka bha ꞊waa‑ ꞊slɔɔ, 'yö 'wo‑ 'wɔn dɔ ꞊dhɛ mɛ "klʋ bho ‑sü bha 'wɔn ‑së ‑mü.

1 Piɛdhö 2:12

Ka "ta ‑kɔ ‑yö kë ‑së 'mɛ 'waa 'dhang bho Yesu "dhiʋ̈ bha‑ ‑nu kpö 'gü, ꞊ya kë "dhʋ̈ 'kö 'zü ꞊wa ka ‑dhiang yaa zë ꞊dhɛ 'wɔnyaakëmɛ ‑mü ka 'ka, "kɛɛ ‑a ‑nu "yan ꞊ya ‑da ka këwɔn ‑së ‑nu bha‑ ‑nu 'gü, ‑wo ‑dho kwa Dëmɛ 'tɔ bhɔ ‑a nu ‑yi 'ka kö‑ "sɩ 'yaa‑ ‑nu ‑dhɛ.

1 Piɛdhö 2:5

‑Ka ꞊yɔɔn‑ "sɔɔ kë "dhʋ̈ kö kaa ‑dɩ 'pö 'ka kë ꞊dhɛ ‑gwë ꞊bhlëësü 'dhö, kö Atanna ka ‑da ö ‑bha 'kɔ ‑dɔ 'ka ‑gwë ‑nu ‑bhiëë 'gü kö 'ka kë mü ꞊dhɛ "saabhomɛ ‑nu 'ö‑ ‑nu ‑ya ‑sü 'ka kö ‑wo ö ‑dhɔkë Yesu Klisi 'saa‑ 'gü ‑a 'dhö.

1 Piɛdhö 2:9

"Kɛɛ ka ‑zë yö ꞊në ka ‑ya, ka ꞊në 'ka yöö ‑gblüdë ‑ziisü bha‑ ‑bha "saabhomɛ ‑nu, ‑a ‑bha "sɛgɔ 'ö‑ ‑ya ‑dɩ ‑ta ‑a 'gü ‑mɛ ‑nu 'wo ‑ya ‑sü 'ka‑ ‑bha 'ka ‑a 'ka. 'Sa ‑yö ka ‑ya ꞊dhɛ ‑kɔ bha‑ 'dhö kö yö 'ö ka bho ‑dhɛtiidhɛ ‑bha 'ö ka bɔ ö ‑bha ‑dhɛpuudhɛ "dhiadhiasü bha‑ 'gü bha 'ka ö këwɔn ‑sɛngbɔ ‑nu bha‑ ‑nu ‑dhiang ꞊në‑ zë.

1 Piɛdhö 4:14

꞊Ya kë ꞊dhɛ ꞊wa "si bho ka ‑gɔ ka ‑bha ‑kë Klisi ‑bha 'ka ‑sü ‑wɔn 'gü, kö ka ‑bha ꞊ya kë ‑së. ‑A 'klɔɔ‑ ‑mü ꞊dhɛ ꞊ya kë "dhʋ̈ kö 'Nii‑ 'ö ꞊bhlëëbhlëësü, Atanna ‑bha 'Nii‑ bha kö ‑yö ka 'gü ꞊naa bha.