Efɛzö 1:3 - NAƆ ‑SË 'SËËDHƐ

³ ‑Ka ‑kwa kwa Dëmɛ Yesu Klisi Dë Atanna bha‑ nuɛ" bho! ‑A ‑gɛn ‑mü ꞊dhɛ ꞊ya 'wɔn ‑së "pɛpɛ 'ö dhang‑ 'gü bha‑ ꞊gban 'do 'do kë kwa ‑dhɛ ‑a ‑bha 'Nii‑ "slʋ̈ʋ̈slʋ̈ bha‑ ‑kɔ 'ka Yesu Klisi 'saa‑ 'gü, "wɩ 'kwa‑ wo‑ ‑wɔn ‑bha bha‑ ‑wɔn 'gü.

Efɛzö 1:3 ပူးပေါင်းရင်းမြစ်များ

1 Piɛdhö 1:3

Atanna 'ö kwa Dëmɛ Yesu Klisi Dë 'ka bha ‑ka ‑kwaa nuɛ" bho (꞊dedewo ‑sɔbhɛɛ 'gü)! ‑A ‑gɛn ‑mü ꞊dhɛ yö ꞊në ‑tosɛa ‑dee nu kwa ‑dhɛ ‑a ‑bha "klʋsëdhɛ ‑ziisü bha‑ 'gü, Yesu Klisi bho 'ö‑ wo ga 'gü 'ö ‑bö bha‑ 'saa‑ 'gü. 'Wɔn 'ö‑ ‑wɔn 'gü 'yö kwa zuë" ꞊nii 'dhö ꞊mɔɔ‑ ‑bha 'ö ‑da bha 'yö bha, ‑a 'klɔɔ‑ ‑mü ꞊dhɛ kwa 'dhang bho ‑sü ‑ya "dhiʋ̈ 'ö kwa "tʋ̈ng 'dhö‑ 'gü ꞊dhɛ ‑dhɛkpaɔ dhia" saan 'ö‑ ‑ya ‑sü 'ka ö ‑bha mɛ ‑nu ‑gɔ dhang‑ 'gü bha ‑yö kwa ‑bha 'ka 'pö. 'Sa kwa ‑dhɛkpaɔ dhia" saan 'ö "dhʋ̈ bha 'yaa "bu, "ɛɛn 'yaa ‑dhii 'kun, "ɛɛn ‑a "yan 'yaa ga tongtongdhö. Pë 'ö "dhʋ̈ bha Atanna ‑ya ‑ya 'mɛ 'ka bha ꞊në ka ‑dhɛ

2 Kodhɛngtö 1:3

‑Ka ‑kwa Atanna 'ö ‑kë kwa Dëmɛ Yesu Klisi Dë 'ka, yö 'ö mɛ ‑nu ‑wëë ‑ya ‑kë ‑ziiziisü 'ka, 'ö mɛ ‑zʋ ‑gban ‑kɔ ꞊gban ‑kɔ ꞊gban 'gü bha‑ nuɛ" bho ꞊dedewo.

Efɛzö 2:6

Kwa ‑bha ‑kplü Yesu Klisi ‑bha ‑sü bha‑ ‑wɔn 'gü ꞊dhɛ 'ö kwaa Klisi ‑nu kwa ‑bö, 'yö kwa gba ‑yɛa 'ka ö "piʋ̈ dhang‑ 'gü kö kwɛng‑ ‑nu 'kwa mɛdhɛ ‑kë.

Efɛzö 1:20

"Kɛɛ 'sa 'gügbɩɩdhɛ 'ö "dhʋ̈ bha ‑ya ‑zɔn kwa ‑dhɛ Klisi ꞊në‑ 'saa‑ 'gü, ‑a ‑bho ga 'gü ‑sü kö ‑ya ‑bö, kö ‑ya 'sü ‑ya ‑ya ‑yɛa ‑së 'ö‑ "piʋ̈ dhang‑ 'gü bha‑ 'gü,

Efɛzö 6:12

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ kwa ‑gblügɔɔn "yɔɔ ‑nu bha mɛ "bhɩɩ‑ ‑nu 'waa ‑mü. "Kɛɛ "yina ‑gblüdë ‑nu waa‑ ‑ziö mɛ ‑gɔ ‑pë ‑nu waa‑ ‑suʋ̈gɔpë ‑nu 'ö mɛ 'yaa yö 'ö 'wo "kpʋngtaadhɛ 'ö 'wɔn yaa ‑kɔ ꞊ya ziö‑ ‑gɔ ya‑ ‑gɔ "dhiʋ̈ bha waa‑ "yina "klʋ yaya ‑nu 'wo 'tëng‑ ‑ta bha ꞊në 'kwa 'ko zë sië‑ ‑nu 'ka.

Efɛzö 3:10

Kë "dhʋ̈ kö 'gügbɩɩdhɛpë ‑nu waa‑ mɛdhɛkëpë ‑nu 'wo dhang‑ 'gü ‑wa 'wɔn dɔ ꞊dɛɛ ‑yën ya‑ 'gü ꞊dhɛ Atanna ‑bha 'wɔndɔdhe bha‑ ‑gaɔ ‑yö 'gbɛ ‑a ‑bha 'kɔdhigümɛ ‑nu ‑loo 'ko ‑ta ‑sü ꞊gban ‑bu 'gü.

Gadhatö 3:9

'Wɔn 'ö‑ ‑wɔn 'gü 'yö 'mɛ 'wo 'dhang bho‑ "dhiʋ̈ ꞊dhɛ Ablaamö 'dhö, 'yö‑ ‑bha 'dhuë‑ ‑ya ‑nu kun bha 'yö bha.

Naɔ ‑së 'ö ‑gban Yesu Klisi ‑bha 'ö Zan ‑ya pö 17:21

Kë "dhʋ̈ kö ‑a ‑nu ꞊gban "pɛpɛ ‑wo kë do ꞊dhɛ ‑kɔ 'ö kwɛng 'ko ko "kʋʋ‑ ‑bha bha‑ 'dhö kö ‑wo 'to ‑kplü ‑sü 'ka ko ‑bha kpɛnngkpɛnngdhö, kë "dhʋ̈ kö "kpʋngtaamɛ ‑nu ‑wo 'dhang bho‑ "dhiʋ̈ ꞊dhɛ bhi ꞊në 'i n bɔ tɛan‑ 'ka.

Efɛzö 1:17

Kë "dhʋ̈ kö kwa Dëmɛ Yesu Klisi ‑bha Atanna 'ö kwa Dë 'ka 'ö‑ ‑bha 'tɔbhɔdhe 'dhö ‑ziisü bha ‑yö ka gba 'wɔndɔdhe 'ka, kö ‑yö ö dɔ ‑sü bha‑ ‑bhɔdhɛ bhɔ ka ‑dhɛ,

2 Kodhɛngtö 11:31

Atanna 'ö kwa Dëmɛ Yesu Dë 'ka bha ‑yö n "sɛɛ‑ 'ka yö ‑zë 'gü. ‑Ya 'wɔn ‑dɔ ꞊dhɛ ‑a pö 'a‑ wo "dhʋ̈ bha 'yaa ꞊sua 'ka tongtongdhö. 'Sa yö ꞊në‑ 'tɔ ‑së 'dhö 'dhö ‑kwɛ ꞊gban ‑kwɛ ꞊gban ‑ta.

2 Kodhɛngtö 5:21

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Klisi bha 'yii 'wɔn yaa kë tongtongdhö, "kɛɛ Atanna ‑yö kë kwaa‑ 'wɔnyaa ‑nu ‑kwɛɛ ‑ya yö ꞊në‑ ꞊gbin‑ 'yö‑ ‑dhii kun kpɔnkplɔndhö ꞊dhɛ 'pë 'ö yöö ꞊dede ‑zian ꞊në 'wɔn yaa 'ka ‑a 'dhö. ‑A kë 'ö‑ wo "dhʋ̈ bha ‑ya ‑kë "dhʋ̈ kwa ꞊në kwa ‑wɔn 'gü, kë "dhʋ̈ kö 'kwa bɔ Klisi 'ka, kö ꞊sɔng 'bha 'ya 'dho kë kwa ‑bha ö wëëdhö.

1 Kodhɛngtö 12:12

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Klisi bha ‑yö ꞊dhɛ mɛ ‑dhü do, "kɛɛ 'ö‑ daɔ 'dhö‑ ‑bha 'gbɛ ꞊në‑ 'dhö. 'Kö 'zü mɛ ‑dhü 'ö "dhʋ̈ bha‑ daɔ ‑gaɔ yöö kë 'gbɛ ‑kɔ "ʋʋ ‑kɔ 'ö‑ 'gü, "kɛɛ ‑a ‑dhü ‑zë ‑yö "dhʋ̈ do.

Wlɔmö 12:5

Mɛ 'kwa Klisi ‑bha 'ka bha kwa ‑kɔ do bha ꞊në‑ 'gü 'pö. Kwa 'gbɛ "dhʋ̈, "kɛɛ kwa ‑gban kwa 'kwëë‑, kwa mɛ do ꞊në‑ 'ka.

Efɛzö 1:10

'Wɔn 'ö "dhʋ̈ bha yö ‑mü ꞊dhɛ ‑yö ‑gun Atanna "piʋ̈ ꞊dhɛ pë "pɛpɛ 'ö dhang‑ 'gü, "ɛɛn 'ö "kpʋng ꞊taa, 'ö‑ ꞊gban "pɛpɛ ꞊loo 'ko ‑ta kö ‑a "tʋ̈ng ꞊ya ꞊loo, kö‑ ‑gɔmɛ ‑yö kë doseng, kö ‑yö kë Klisi ꞊në‑ 'ka.

2 Kodhɛngtö 5:17

'Wɔn 'ö‑ ‑wɔn 'gü 'yö 'yi‑ pö 'yaa ꞊yɔɔ mɛ 'bha ‑bha 'zü bha‑ 'klɔɔ‑ ‑mü ꞊dhɛ mɛ "ʋʋ mɛ 'ö ꞊ya ‑kplu Klisi ‑bha, kö‑ ‑mɛ ꞊ya "gla, kö 'ö gun ‑kɔ 'ö‑ ‑bha ‑blɛɛsü bha 'yaa‑ ‑bha 'zü, kö Atanna ꞊yaa‑ ‑mɛ ‑da ‑deewo. Kö ‑tosɛa 'dhɛ 'ö‑ ‑mɛ ‑yö gun‑ kë sië ‑blɛɛsü bha ꞊ya ziö, kö‑ ‑mɛ ꞊ya ‑da ‑tosɛa ‑dee 'gü.

Wlɔmö 15:6

Kë "dhʋ̈ kö mɛ ꞊gban "pɛpɛ ka zuë" ‑yö kë do, kö ka ‑wʋ ‑yö kë do Atanna 'ö kwa Dëmɛ Yesu Klisi Dë 'ka bha‑ 'tɔ bhɔ ‑sü ‑bha.

Eblö 8:5

'Sa ‑a 'dhɛ 'kö 'mɛ 'wo "kpʋng ꞊taa yö 'wo‑ kë sië bha ‑ya 'dhɛ 'ö dhang‑ 'gü ‑a "blɛɛn‑ ꞊në‑ 'ka. ‑A ‑gɛn ‑mü ꞊dhɛ ‑wa ‑kë ꞊dhɛ ‑kɔ do 'wo‑ ‑kë 'ka dhang‑ 'gü ꞊në‑ 'dhö ꞊dhɛ ‑kɔ do 'ö Moizö ‑bha gun‑ 'ka ‑a 'dhö. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'ö gun kö Moizö yöö Atanna zü ‑ya 'gü ‑kɔ 'ö gun sɔ 'kɔ 'ka Izraɛdhö ‑mɛ ‑nu kpö 'gü bha‑ dɔ, 'yö Atanna ‑ya pö‑ ‑dhɛ: «Moizö, ‑bhö ‑a kë ‑së kö 'kɔ 'ö bhii‑ dɔ bha ‑yö kë ꞊dhɛ ‑kɔ 'a‑ ‑zɔn 'ka i ‑dhɛ ‑tɔn ꞊gbin‑ bha ꞊në‑ 'dhö "kpʋ̈üdhö.»

Fidhipö 2:11

Kë "dhʋ̈ kö "dhi ꞊gban "pɛpɛ ‑wa ‑dhiang zë yi do 'ka ‑wa pö Yesu Klisi ꞊në mɛ ꞊gban Dëmɛ 'ka ꞊dedewo tɛan‑ 'ka, kö kwa Dë Atanna 'tɔ ‑yö bɔ‑ ‑ta kö ‑yö bhɔ.

1 Kodhɛngtö 1:30

"Kɛɛ ka ‑kplü 'ö Atanna ‑ya wo Klisi ‑bha, 'ö yö ꞊në kwa "yaaki 'ka bha ‑yö ‑ga yö ꞊në‑ 'gü. Klisi bha ꞊në 'kwa bɔ‑ ‑ta 'yö pö 'yaa kwa ‑bha Atanna wëëdhö, 'yö 'kwa ꞊mɔɔ‑ ‑bha 'kwa ‑tosɛa ‑kë ‑a ‑bha kë 'gü, 'yö kwa dha 'wɔn yaa ‑gɔ.

Eblö 9:23

'Bɔn ‑bho pë ‑nu 'wo "kpʋng ꞊taa yö‑ ‑nu ‑bha ‑kɔ ‑nu 'wo gun yi 'bha 'ka 'yö bha. 'Sa yö ‑zë ‑yö ‑gun 'wɔn ‑nu 'wo ‑kë dhang‑ 'gü ‑a ‑nu ‑zɔn 'ka 'ö Atanna ‑ya ‑zɔn kwa ‑dhɛ ꞊në‑ 'ka. ‑A ‑kë "dhʋ̈ ‑sü bha‑ 'gü, kö ‑a 'dhɛ 'ö dhang‑ 'gü 'ö yö ‑zë 'ö ꞊bhlëësü 'ö ‑ziö "kpʋng ꞊taa ‑bha ‑ta bha‑ ‑bha "saa‑ ‑bho 'ka ‑pë bha, ‑a ‑dhɛa ‑bha ꞊dhɛ ‑yö kë ꞊bhlëësü 'pö kö ‑yö ziö‑ 'ka "kpʋng ꞊taa ‑bha ‑nu bha‑ ‑nu ‑ta. ‑A 'dhɛ 'ö "dhʋ̈ bha yö ‑mü Klisi ꞊në‑ 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 20:17

(꞊Dhɛ 'ö yöö ꞊loo Yesu ‑bha,) 'yö‑ pö‑ ‑dhɛ: «'Bha 'dho i ‑kɔ zun n ‑bha, ‑a ‑gɛn ‑mü ꞊dhɛ 'mii ‑tɔn 'kun ꞊kö kö 'a 'dho n Dë "piʋ̈ dhang‑ 'gü. "Kɛɛ ‑bhö 'dho kö 'i‑ pö n dheebhang ‑nu ‑dhɛ ‑zë wo ꞊dhɛ 'dho ꞊në maa‑ wo n Dë 'ö ka Dë 'ka 'pö, ma Atanna 'ö ka ‑bha Atanna 'ka 'pö bha‑ "piʋ̈ ya.»

Naɔ ‑së 'ö ‑gban Yesu Klisi ‑bha 'ö Zan ‑ya pö 14:20

‑A yi 'ö bha ꞊në‑ 'ka, 'yö 'ka dho‑ 'wɔn dɔ ꞊dhɛ a n Dë 'gü, 'yö 'ka n 'gü, 'yö mang ‑dɩ 'pö 'a ka 'gü.

Dhukö 2:28

꞊Dhɛ 'ö ꞊yaa‑ ‑nu yö, 'yö ö ‑kɔ kpɔ 'në bha‑ ‑gɔ 'yö 'tɔ ꞊loo Atanna ‑bha 'ö‑ pö: