Eblö 4:3 - NAƆ ‑SË 'SËËDHƐ

³ "Kɛɛ mɛ 'kö kwa ‑zë 'kwa 'dhang bho ‑sü 'ka ‑wʋ bha‑ "dhiʋ̈ bha, kwa ‑dho ‑da ‑dhɛ 'ö Atanna ‑ya ‑dhiang zë 'ö‑ pö: «Bhlɔɔ ꞊ya 'ma n 'gü, 'ma ‑sö ‑bhö ꞊dhɛ 'wii 'dho ‑da ‑ya ‑dɩ 'flëë‑ 'gü ‑dhɛ 'ö n ‑yɛa ꞊bhaa bha‑ 'gü tongtongdhö» bha‑ 'gü. ‑A ‑gɛn ‑mü ꞊dhɛ "tʋ̈ng 'ö‑ pö sië‑ 'ka "dhʋ̈ bha kö 'ö pë "pɛpɛ kö‑ ‑da, kö ꞊yaa‑ ꞊gban kë 'nu yi 'bha 'ka ꞊waa‑ ‑yɛa ‑nu bha‑ ꞊gban 'dhö. ('Mɛ 'wo bha ‑da 'ö 'wii‑ wo mü bha ‑yö kë ‑to wo ꞊në‑ ‑nu ‑bha, ‑a 'dhɛ 'bha 'yii 'to Atanna ‑zë ‑bha.)

Eblö 4:3 ပူးပေါင်းရင်းမြစ်များ

1 Piɛdhö 1:20

'Sa yö 'ö bha Atanna ꞊në ö ‑kɔ ‑yɛ ‑bha kö 'yii "kpʋngtaadhɛ ‑zian ‑da ꞊kö, 'yö gun ‑na nu "kpʋng ꞊taa kaa 'wɔn ‑së 'gü "sɛ yën "tʋ̈ng ya‑ 'gü ya.

Eblö 9:26

'Yaa "dhʋ̈ 'nu kö ‑yö ‑dho saan" bha‑ wo ‑gɛn ‑yan 'gbɛ ꞊dede 'ka, 'ö‑ zü bho "kpʋng ꞊taa ‑dhɛ ‑da "tʋ̈ng 'gü. "Kɛɛ ‑yö nu ‑kɔ doseng 'ö‑ 'bha 'yaa‑ "dhiʋ̈ 'ö‑ 'bha 'yaa‑ ꞊taama bha‑ ‑wo "tʋ̈ng ‑totaamasü ya ꞊në‑ 'gü kö 'ö mɛ "bhɩɩ‑ ‑nu ‑bha 'wɔn yaa bho‑ ‑nu ‑bha ‑a ‑bha "saa‑ 'ö‑ bho bha‑ 'ka.

Efɛzö 1:4

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Atanna ‑yö kwa ‑sü 'ö kwa ‑ya ö ‑bha ‑ya 'gü Klisi 'saa‑ 'gü "dhʋ̈ kö 'yii "kpʋngtaadhɛ ‑zian ‑da ꞊kö. Kë "dhʋ̈ kö 'kwa kë 'mɛ 'ö "slʋ̈ʋ̈slʋ̈, 'ö pö ‑tangga ‑zian 'yaa‑ ‑bha ‑a 'ka ö wëëdhö.

Eblö 3:11

A ‑sö ‑bhö yö ꞊në‑ 'gü, 'a‑ pö 'wii 'dho wo ‑gɛn ‑da ‑ya ‑dɩ 'flëë‑ 'gü ‑dhɛ 'ö n ‑yɛa ꞊bhaa bha‑ 'gü tongtongdhö.»

Matiö 13:35

Kë "dhʋ̈ kö 'pë 'ö Atanna ‑wʋdhiʋ̈loomɛ do 'bha ‑ya pö yi 'bha 'ka bha‑ 'gü ‑wɔn ‑yö kë: «꞊Dhɛ a ‑dho dhiang zë‑ ‑nu ‑dhɛ "gwënng ꞊në‑ 'gü kö pë ‑nu 'wo ‑bin ‑sü 'ka 'ö go‑ 'ka "kpʋngtaadhɛ kë ‑yi ‑bha 'ö nu 'ö zun‑ 'ka ꞊dɛɛ ‑bha bha 'a‑ ‑ta "pʋ‑ ‑nu ‑dhɛ.»

Eblö 3:14

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ꞊ya kë ꞊dhɛ ‑zʋ ‑gɔn ‑dhɛ ‑kɔ 'ö gun kwa ‑gɔ ‑a 'zü bho ‑yi 'ka bha, ꞊ya kwa ‑kɔ 'kun kö ‑yö 'to‑ 'ka "dhʋ̈ ‑yö zun‑ 'ka ‑a "dhiʋ̈toyi ‑bha, kö Klisi "tayɔɔ ‑nu ‑mü kwa 'ka.

Matiö 25:34

'Ma bo ‑a ‑nu ‑kan 'koo ‑sü 'ka ꞊dhɛ ‑kɔ bha‑ 'dhö, 'yö 'a‑ pö 'mɛ 'wo dho kë n ‑kɔ ‑së 'gü bha‑ ‑nu ‑dhɛ 'mɛ 'ö n Dë Atanna bha 'dhuë‑ 'dhö ka 'kun ‑sü 'ka bha, ‑ka nu ‑yɛa 'ö n Dë ‑ya ‑pë ‑kë ö ‑bha ‑gblüdëdhɛkëdhɛ 'ka yi 'bha 'ka bha kö 'ka ‑ya 'gü.