Eblö 2:3 - NAƆ ‑SË 'SËËDHƐ

³ 'yö‑ 'dhɛ 'kö Klisi yöö ꞊dede 'ö‑ pö ꞊wɛ? ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ dha ‑sü 'kwa‑ ‑dhiang ma bha kwa Dëmɛ bha yöö ꞊dede ꞊në‑ ‑blɛɛsü pö, 'yö 'mɛ 'wo‑ ma bha, ‑a ꞊bhlëë 'dhö 'pë 'ö‑ 'ka 'wo‑ ‑dhiang zë kwa ‑dhɛ.

Eblö 2:3 ပူးပေါင်းရင်းမြစ်များ

Matiö 23:33

꞊Flümɛ ‑nu 'ka ya! ꞊Ya kë "dhʋ̈ ka ‑dho dha ‑kɔ kë ꞊dhɛ ‑wëëdhɛ bhodhe 'ö ꞊geebɔɔ pɛng 'gü bha‑ ‑gɔ?

Matiö 4:17

Yesu ‑yö ö ‑bha 'wɔn ‑taɔng ‑së pö ‑sü 'zü ‑bho "tʋ̈ng bha ꞊në‑ 'gü 'yö‑ pö: «‑Ka ka zuë" slëë‑ Atanna "piʋ̈, ‑a ‑gɛn ‑mü ꞊dhɛ ‑a ‑bha ‑gblüdëdhɛ ꞊ya ꞊tëng ka ‑ta!»

Makö 1:14

꞊Dhɛ 'ö ꞊wa Zan 'kun ꞊waa‑ ‑da ‑kaso 'gü, 'yö Yesu ‑yö ꞊wlü, 'yö dho Atanna ‑bha naɔ ‑së bha‑ dɔ ‑dhɛ 'gü Gadhidhe ‑sɛ 'gü.

Dhukö 1:69

'Yö mɛ 'gügbɩɩ do 'ö dho kë kwa Dhamɛ 'ka, ‑a sü ‑a ‑bha gwëëmi Davi suu 'gü 'yö‑ bɔ kwa ‑dhɛ

Dhukö 24:19

'Yö 'wo‑ ‑yɔ bɔ‑ ‑gɔ 'wo‑ pö: «'Wɔn 'ö kë Yesu 'ö go Nazadhɛtö, 'ö gun Atanna ‑wʋdhiʋ̈loomɛ 'kpii‑ 'ka, 'ö gun "dhabhliwɔn "gblʋ̈gblʋ̈ ‑nu kë sië, 'ö ꞊ya dhiang zë 'ö 'yaa bhɔ mɛ "bhɩɩ‑ ‑bha mɛ 'bha 'gü, 'ö Atanna ꞊dede ‑ya dɔ,

Këwɔn ‑nu 2:22

'Yö Piɛdhö ‑yö dhiang zë 'zü 'ö‑ pö: «Izraɛdhö ‑mɛ ‑nu, ‑ka ka "tʋ to: Yesu 'ö go Nazadhɛtö bha Atanna ‑ya ‑bɔ kwa ‑dhɛ, 'yö bɔ‑ 'gü kö ‑ya ‑zɔn kwa ‑dhɛ ꞊dhɛ yö ꞊në‑ bɔ, 'yö "dhabhliwɔn "gblʋ̈gblʋ̈ ‑nu ‑kë ꞊dhɛ ‑kɔ 'ö kaa ꞊dede 'ka‑ dɔ‑ 'ka bha‑ 'dhö.

Këwɔn ‑nu 4:12

Yöö doseng ꞊në dha ‑sü ‑yö ꞊slɔɔ‑ "piʋ̈, ‑a ‑gɛn ‑mü ꞊dhɛ 'tɔ "wɛɛ 'bha kö dho kë "kpʋng ꞊taa kö 'kwa bɔ‑ ‑ta 'kwa dha 'yaa 'dhö.»

Wlɔmö 11:14

Kë "dhʋ̈ kö bhlɔɔ ‑yö 'ma n dheebhang ‑nu 'wo Zuifö 'ka bha‑ ‑nu 'gü kö‑ mɛ ga 'bha ‑zë ‑yö dha ‑a kë 'a‑ wo "dhʋ̈ bha‑ ‑wɔn 'gü.

Wlɔmö 2:3

"Kɛɛ bhi 'ö bhi ‑zë 'i za dɔ sië 'mɛ 'wo 'wɔn suu ‑nu bha‑ ‑kë ‑a ‑nu ‑bha, "kɛɛ kö i‑ ‑kë 'pö ꞊dhɛ‑ ‑nu 'dhö bha ‑yö i 'gü ꞊dhɛ i ‑dho dha Atanna ‑bha za ‑gɔ "wɛ ‑ee?

1 Kodhɛngtö 1:21

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ‑a "sɩ 'yii kë mɛ 'bha ‑dhɛ "kpʋng ꞊taa kö ‑yö Atanna dɔ ö ‑dɩ ‑bha "yaaki ‑bha, ‑dhɛ 'ö ö ‑dɩ ‑zɔn 'ka ö ‑bha "yaaki ‑bha bha‑ 'gü. 'Wɔn 'ö‑ ‑wɔn 'gü 'yö naɔ 'ö bhɔ mɛ ‑nu 'gü slaadhɛ ‑naɔ ‑bha 'yi‑ dɔ sië bha ꞊në Atanna ‑yö bɔ‑ ‑ta 'yö 'mɛ 'wo 'dhang bho‑ "dhiʋ̈ ‑a ‑nu dha bha 'yö bha.

1 Tesadhonikö 5:3

"Tʋ̈ng ꞊dede 'ö mɛ "bhɩɩ‑ ‑nu 'wo‑ pö sië‑ 'ka ꞊dhɛ: «'Aa "sɛ ꞊ya 'waanu, 'kwa ‑ya kwa ‑dɩ 'flëë‑ 'gü bha ꞊në 'güseedhe dho "kan‑ ‑nu 'gü ‑a 'ka ꞊dhɛ ‑kɔ 'ö 'në 'kpɔ "gblʋ̈ʋ̈dhɛpiʋ̈ ‑yö zun‑ 'ka 'gbiödhe ‑nu ‑bha bha‑ 'dhö, 'yö 'waa dha‑ ‑gɔ tongtongdhö.

1 Timote 1:15

Yö ꞊në‑ ‑wɔn 'gü 'yö 'a‑ pö, ‑a pö 'wo‑ wo ꞊sië ꞊dhɛ Yesu Klisi ‑yö ‑nu "kpʋng ꞊taa kö ‑yö 'wɔnyaakëmɛ ‑nu dha bha 'yaa ꞊sua 'ka. 'Dhang ‑bho "dhiʋ̈ ‑wɔn ꞊dede ‑mü. Mɛ ‑zian 'ö nu‑ ‑nu dha "dhʋ̈ bha ma ꞊në 'a‑ mɛ ‑blɛɛsü 'ka.

Titö 2:11

(‑Kɔ 'ö 'dhang ‑bho Yesu "dhiʋ̈ ‑mɛ ‑nu dho ‑tosɛa kë‑ 'ka ꞊në bha.) ‑A ‑gɛn ‑mü ꞊dhɛ Atanna ‑ya ‑zɔn mɛ "pɛpɛ ꞊gban ‑dhɛ ꞊dhɛ ö ‑dho ö ‑bha ‑gasitɛ kë‑ ‑nu ‑dhɛ kö ꞊wa bɔ ö 'ka ‑wo dha ‑sü ꞊slɔɔ.

Eblö 1:1

‑Yö kë ka "yaan ꞊dhɛ 'ö gun yi 'bha 'ka, Atanna ‑yö kë ‑bɔ ö ‑wʋdhiʋ̈loomɛ ‑nu ꞊në‑ ‑nu ‑ta ‑gɛn ‑yan 'gbɛ ꞊dede 'ka "ɛɛn ‑kɔ 'gbɛ ꞊dede 'gü, 'yö dhiang zë kwa "bhɛma ‑nu ‑dhɛ.

Eblö 1:14

‑A ‑kë "dhʋ̈ ‑sü bha‑ 'gü, kö Atanna ‑bha "kië ‑nu bha "yina "klʋ ‑së ‑nu ‑mü. Wo ꞊në 'wo‑ ‑kɔ "dhiʋ̈ 'yö‑ ‑nu bɔ ‑nu wo 'mɛ 'ö‑ ‑nu ‑ya ‑tosɛa ‑së këmɛ 'ka ‑a ‑bha ‑gblüdëdhɛpö 'gü dhia" ‑a ‑nu ‑ta 'kun ‑dhɛ 'gü. ("Kɛɛ Yesu Klisi ꞊në‑ ‑duɛ 'dhö 'kpii‑ Atanna wëëdhö.)

Eblö 1:2

"Kɛɛ ‑yö bɔ ‑sü 'ka ö Gbö ꞊dede ꞊në‑ ‑ta "tʋ̈ng ‑totaamasü 'kwa dɔ‑ 'ka ya‑ 'gü, 'yö dhiang zë kwa ‑dhɛ. ‑Yö ‑bɔ yö ꞊në‑ ‑ta 'yö ‑tosɛa ‑pë ‑kë, ‑yö yöö do bha 'zü ꞊në‑ ‑ya ‑sü 'ka pë ꞊gban "pɛpɛ ‑mɛ 'ka.

Eblö 12:25

‑A ‑kë "dhʋ̈ ‑sü bha‑ 'gü, ‑kaa kë ‑së kö 'ka 'dho ‑kɔ Atanna 'ö dhiang zë sië ka ‑dhɛ bha‑ ‑wʋ 'ka. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ "sanni ‑yö 'wɔn bho 'mɛ 'wii wo "tʋ 'to dhiang 'ö‑ zë Sinai ‑tɔn ꞊gbin‑ "kpʋng ꞊taa yö yi 'bha 'ka bha‑ ‑bha bha‑ ‑nu 'gü bha ‑oo, 'yö 'ö ‑ya dhang‑ 'gü 'ö dhiang zë 'mɛ 'kö kwa ‑dhɛ ꞊dɛɛ ‑a Gbö Yesu Klisi 'saa‑ 'gü ꞊wɛ?

Eblö 4:1

‑A ‑kë "dhʋ̈ ‑sü bha‑ 'gü, ꞊dhɛ 'ö ‑kë ꞊dhɛ "plüün 'ö Atanna ‑ya bho kwa ‑dhɛ 'ö ‑gban ‑ya ‑dɩ 'flëë‑ 'gü ‑dhɛ 'ö‑ "piʋ̈ bha‑ ‑bha bha‑ "tʋ̈ng 'yii ziö ꞊kö bha, ‑ka ‑kwaa kë ‑së kö mɛ 'bha 'ya 'dho ꞊slɔɔ ka kpö 'gü 'ö to ꞊taama, 'ö ꞊fië 'wɔn bha‑ 'gü.

Eblö 4:11

‑A ‑kë "dhʋ̈ ‑sü bha‑ 'gü, ‑ka ‑kwa kwa 'gü dɔ "gbɩɩ‑ kö 'kwa ‑da ‑dhɛ bha‑ 'gü. ‑Ka ‑kwaa kë ‑së kö mɛ 'bha 'ya 'dho gɔɔgbɩɩdhɛ kë 'zü kwa kpö 'gü ꞊dhɛ 'mɛ 'wo gun yi 'bha 'ka bha‑ ‑nu 'dhö, 'ö‑ ‑mɛ ‑yö ö ‑dɩ ꞊fië ‑yɛa bha‑ 'gü.

Eblö 5:9

꞊Dhɛ 'ö ꞊ya bo saan" bha‑ wo ‑sü 'ka "dhʋ̈, 'ö Atanna ꞊yaa‑ 'wɔn dɔ ꞊dhɛ 'wɔn 'ö‑ ‑kë bha‑ du 'bhaa‑ ‑bha 'zü, 'yö‑ sü 'ö‑ ‑ya ‑tosɛa 'ö 'yaa yën ‑a ‑nu 'mɛ 'wo wo ‑gɔ dho‑ ‑dhɛ "sia‑ ‑a ‑nu ‑dhɛ ‑mɛ 'ka,

Eblö 9:28

Klisi ‑dɩ 'pö ‑yö ö ‑dɩ ‑nu ‑gɛn ‑yan doseng 'ka ‑kɔ do bha ꞊në‑ 'gü kö ‑yö kë 'bɔn ‑bho mɛ 'gbɛ ꞊dede ‑bha ‑gɛn 'ka, ‑yö ‑dho ‑ya mü 'zü 'ö nu ꞊plɛ ‑naa wo, "kɛɛ ‑yö ‑dho yö ‑zë wo "dhʋ̈ 'mɛ 'wo "yan 'to sië‑ ‑gɔ bha ꞊në‑ ‑nu ‑wɔn 'gü kö ‑ya ‑nu dha ‑sü bha‑ ‑gɔ ‑da 'plöö, 'yii 'dho‑ wo 'bɔn ‑dee 'bha ‑bho mɛ ‑bha ‑wɔn ‑zë 'gü.

1 Zan 1:1

'Sëëdhɛ ya yi‑ ‑bɔ ka ‑dhɛ 'mɛ 'ö ‑tosɛa ‑kë ‑bha ‑wʋ 'ka, yö 'ö gun kö pë "ʋʋ pë 'bha 'yaa 'dhö kö yö ‑zë ‑yö ‑dhö bha ꞊në‑ ‑wɔn 'gü, Kë "dhʋ̈ kö 'ka‑ dɔ. Yi 'ö 'yi 'sëëdhɛ bɔ sië ka ‑dhɛ "dhʋ̈ bha yi ‑zë yi kë‑ ‑wʋ ‑ma yi "tʋ 'ka, 'ö yi "yanga ꞊plɛ ‑ya yö, 'ö 'yi‑ ‑ga, 'ö yi ‑kɔ ‑yö zun‑ ‑bha. 'Mɛ 'ö bha ꞊në 'ö 'mɛ 'ö Atanna ‑wʋ 'ö ꞊sii 'ö 'yaa yën ‑a ‑da mɛ 'gü ‑a 'ka.

Zudë 1:17

"Kɛɛ ka ‑zë, n ‑sëmɛ ‑nu, ka ‑zʋ 'ya 'dho bhɔ 'pë 'ö kwa Dëmɛ Yesu Klisi ‑bha bɔmɛ ‑nu ‑wa pö ka ‑dhɛ yi 'bha 'ka bha‑ 'ka.

‑Dhɛkpaɔ 7:10

Kö ‑wo "gbla sië "gbɩɩ‑ 'ka 'wo‑ pö: «Kwa ‑bha dha ‑sü ‑yö ‑ga kwa ‑bha Atanna 'ö ‑ya ‑sü 'ka ö ‑bha ‑blüdëdhɛ ‑gbloo ‑ta bha waa‑ "bhlaanë bha ꞊në‑ ‑nu 'gü.»