Dhukö 9:3 - NAƆ ‑SË 'SËËDHƐ

³ ꞊Dhɛ 'ö woo ziö, 'yö‑ pö‑ ‑nu ‑dhɛ: «Ka 'dho ‑sü 'ka, 'ka 'dho pë 'bha ‑pë 'bha 'kun ka ‑kɔ "piʋ̈ "ta ‑kpɔ 'ka ‑pë 'ka, 'ka 'dho ‑taadhü 'kun ka ꞊kwɛɛ‑, "ɛɛn ꞊kwɛɛsügüpë 'bha 'ya 'dho kë ka ‑gɔ, ‑bhöpë 'ya 'dho kë ka ‑ta, "ɛɛn 'wëëga 'ya 'dho kë ka ‑ta. ‑Ka 'dho ka ‑kɔ 'waa ka ‑gɛn 'ka, sɔ do 'ö ka ‑bha bha ꞊në ‑yö 'to ka ‑bha, 'ka 'dho‑ "wɛɛ bha 'sü.

Dhukö 9:3 ပူးပေါင်းရင်းမြစ်များ

Makö 6:7

Yi do 'ka 'yö ö ‑bha ꞊klang ‑nu ‑kaɔng do ga ꞊plɛ bha‑ ‑nu ‑dhɛ, 'yö‑ ‑nu dan ꞊plɛ ꞊plɛ 'yö‑ ‑nu bɔ (‑dhɛ ‑nu 'gü) kö ꞊ya ‑kɔ ‑ziö "yina yaa ‑nu ‑gɔ ‑faan nu‑ ‑nu ‑dhɛ.

Dhukö 12:22

'Yö‑ pö ö ‑bha ꞊klang ‑nu ‑dhɛ: «'Pë 'ö‑ ‑wɔn 'gü 'yö 'a‑ pö ka ‑dhɛ ꞊dhɛ: 'Ka 'dho ‑ya kaa‑ ‑tosɛa ‑wɔn zuën ‑ta bha 'yö bha. Ka ‑bhöpë ‑wɔn ‑nu oo, ka ‑dasɔ ‑wɔn ‑nu oo, 'ka 'dho ‑ya ‑a 'bha ‑wɔn zuën ‑ta.

Dhukö 12:28

Yö ꞊në‑ ‑wɔn 'gü 'yö 'a‑ pö 'ka ka ‑zʋ yö Atanna ꞊në‑ ‑dhɛ. Kaa‑ ‑zʋ ‑yö ‑a ‑dhɛ ‑sü ꞊në 'dɛdɛ. 'Yaa yö ‑zë 'ka, "sanni ‑yö sɔ ‑da "bü ‑zë ‑bha ꞊dhɛ ‑kɔ bha‑ 'dhö bha ‑oo, 'yö ka ‑zë ꞊wɛ?

Dhukö 22:35

꞊Dhɛ 'ö go mü 'yö‑ ‑nu dhɛɛ" kpɔ 'ö‑ pö: «Ka bɔ 'a‑ wo "tʋ̈ng 'bha 'gü, 'ö 'a‑ pö ka ‑dhɛ ꞊dhɛ 'ka‑ pö kaa 'dho 'ka 'dho ꞊kwɛɛsügüpë waa‑ 'wëë‑ ‑nu, 'waa ‑sabha ‑nu 'bha 'sü bha, ꞊dhɛ 'ö 'ka dho pë 'bha ‑kpla ‑yö kë ka ‑kun ‑ee?» 'Yö 'wo‑ pö‑ ‑dhɛ: «'Aa bhoo, pë 'bha ‑kpla 'yii yi 'kun.»

Dhukö 3:11

꞊Dhɛ 'ö ꞊wa dhɛɛ" bha‑ 'kpɔ, 'yö Zan ‑ya ‑yɔ bɔ 'ö‑ pö: «‑Ka 'dho kö "bhɛɛ ꞊plɛ 'dhö 'mɛɛ‑ ‑gɔ, kö ‑ya do ꞊gbaɔ‑ 'bha 'yaa 'mɛɛ‑ ‑gɔ bha‑ ‑gɔ. Kö ‑bhöpë 'dhö 'mɛɛ‑ ‑gɔ ‑a ‑mɛ ‑ya 'gü ‑gblü kö ‑yö pë 'bha 'yaa 'mɛɛ‑ ‑gɔ ‑a ‑bha nu.»

Dhukö 5:29

꞊Dhɛ 'ö ꞊ya kë "dhʋ̈, 'yö Dhevi ‑yö Yesu ‑dhɛ ö ‑gɔ 'kɔɔdhö kö 'ö‑ ‑dhɔkë. ‑Dhɔkëdhe bha‑ kë "tʋ̈ng 'gü, 'niisɔngkunmɛ ‑nu bha‑ mɛ 'gbɛ ‑wo ‑gun mü waa‑ mɛ "wɛɛ ‑nu 'ö 'wo 'wɔnyaakëmɛ ‑nu 'ka 'pö ‑a ‑nu 'dhö, 'yö waa‑ Yesu ‑nu ꞊gban 'wo zun pë ‑bhö ‑sü ‑bha wo "kwëë waa‑ ‑bha ꞊klang ‑nu 'dhö.

Dhukö 9:4

꞊Ya kë ꞊dhɛ 'ka 'dho, ꞊wa ka ꞊yëë bho 'kɔ 'ö‑ 'gü, ‑ka 'to yö ꞊në‑ 'gü kö ‑yö 'to "dhʋ̈ ‑yö zun‑ 'ka ka 'dho ‑yi ‑bha, kö 'ka 'dho 'go mü 'ö 'ka dho ka ꞊yëë bhɔ ‑dhɛ "wɛɛ 'bha 'gü ('ö ‑siö ka ‑dhɛng bhɔɔ ‑nu ‑dhɛ ka "piʋ̈).

2 Timote 2:4

‑Bhö ‑a kë ꞊dhɛ ‑kɔ 'ö "sɔdha 'ö‑ "piʋ̈ ‑dhɛ ö ‑dhɔ ‑yö ö ‑gɔmɛ kë 'ö‑ ‑kë 'ka ‑a 'dhö. ‑A ‑gɛn ‑mü ꞊dhɛ "sɔdha 'ö‑ suu 'dhö "dhʋ̈ 'yaa ö ‑kɔ ‑da "kpʋng ꞊taa ‑wɔn "wɛɛ ‑zë 'bha 'gü. ‑Bhö Yesu ‑bha yë kë ‑kɔ do bha ꞊në‑ 'gü.