Dhukö 9:2 - NAƆ ‑SË 'SËËDHƐ

² ꞊Dhɛ 'ö ꞊yaa‑ kë "dhʋ̈, 'yö dho 'yö‑ ‑nu bɔ Atanna ‑bha ‑gblüdëdhɛ ‑dhiang zë ‑dhɛ 'gü mɛ ‑nu ‑dhɛ, kö ꞊wa 'dho ‑wo "yuëdhi ‑nu dha.

Dhukö 9:2 ပူးပေါင်းရင်းမြစ်များ

Dhukö 10:9

Kö 'ka "yuëdhi ‑nu 'wo 'pö‑ bha‑ 'gü ‑a ‑nu dha, kö 'ka‑ pö 'pö‑ bha‑ 'gü ‑mɛ ‑nu ‑dhɛ: «Atanna ‑bha ‑gblüdëdhɛ ꞊ya ꞊tëng ka ‑ta.»

Matiö 3:2

'ö‑ pö: «‑Ka ka kwaa‑ ka kë ‑sɔng yaya ‑nu ‑zü kö 'ka ka zuë" slëë‑ Atanna "piʋ̈, ‑a ‑gɛn ‑mü ꞊dhɛ ‑a ‑bha ‑gblüdëdhɛ ꞊ya ꞊yɔɔn ka "sɔɔ!»

Dhukö 9:11

꞊Dhɛ 'ö mɛ "dhaa 'wo gun Yesu ꞊keng‑ bha 'wo‑ 'wɔn dɔ ꞊dhɛ ꞊ya 'dho, 'yö 'wo ‑ziö ꞊keng‑. ꞊Dhɛ 'ö ꞊yaa‑ ‑nu yö kö ‑wo nu sië ö mɔɔ‑ ‑dhɛ 'gü, 'yö ö ‑kɔ ‑ya ‑a ‑nu ‑dhɛng ‑bha. 'Yö zun Atanna ‑bha ‑gblüdëdhɛ ‑dhiang zë ‑sü ‑bha ‑a ‑nu ‑dhɛ, kö ‑yö mɛ 'dhɛ "yua 'dhö gun‑ ‑nu ‑bha 'ö‑ ‑nu ‑mawɔn 'dhö gun dha ‑sü ‑bha ‑a ‑nu dha sië 'pö.

Makö 6:12

꞊Dhɛ 'ö ö bo ‑wʋ ‑kpɔ ‑a ‑nu ‑bha ‑sü 'ka ꞊dhɛ ‑kɔ bha‑ 'dhö, 'yö 'wo dho, 'yö 'wo Atanna ‑bha naɔ bha‑ dɔ ‑dhɛ ꞊gban "pɛpɛ 'gü ꞊dhɛ ‑wo wo bo wo kë ‑sɔng yaa ‑nu 'ka kö ‑wo bɔ Atanna 'ka.

Matiö 24:14

'Wɔn ‑taɔng ‑së 'ö ‑gban Atanna ‑bha ‑gblüdëdhɛ ‑wɔn ‑bha bha ‑wo ‑dho ‑a ‑dhiang zë "sɛ ꞊gban "pɛpɛ 'gü kö mɛ ꞊gban "pɛpɛ "tʋ ‑yö ‑da n ‑wɔn 'gü. Yö ꞊në ꞊ya bo ‑kë "dhʋ̈ ‑sü 'ka "pɛɛpɛdhö, 'yö "kpʋngtaadhɛ "dhiʋ̈ yöö 'to 'yö gun ‑na 'to.»

Matiö 13:19

'Mɛ 'ö Atanna ‑bha ‑gblüdëdhɛ bha‑ ‑dhiang ma 'ö ‑ziö ‑mɛ "tʋ 'gü ‑gɛn 'ka 'ö 'yaa‑ 'gü ma bha kö‑ mɛ ꞊në ꞊dhɛ zian ‑gloo ‑ta ‑dhɛ 'ö ‑mlüga ‑yö ‑pö 'gü bha‑ 'dhö. "Yina yaa ꞊ya nu 'yö Atanna ‑wʋ 'dhɛ 'ö‑ ‑da ‑mɛ zuë" "piʋ̈ bha‑ bho 'mü ꞊dhɛ ‑kɔ do 'ö ‑maa ‑nu 'wo ‑mlüga 'ö ꞊wɛnng zian ‑gloo "piʋ̈ bha‑ ‑bhö 'ka bha‑ 'dhö.

Dhukö 16:16

꞊Ya 'go mü ‑a ‑bha 'tɔng‑ ‑nu 'ö Moizö ‑ya ‑bɛn zë yi 'bha 'ka bha waa‑ ‑wʋdhiʋ̈loomɛ ‑nu ‑a ‑nu ‑bha "tʋ̈ng ꞊në gun ‑blɛɛsü kö Zan 'yii bhɔ ꞊kö. (Kë "dhʋ̈ kö ‑yö Atanna ‑dhidhɛwɔn kë ‑kɔ ‑gleng ‑da Izraɛdhö ‑mɛ ‑nu ‑bha), "kɛɛ 'ö go Zan bhɔ ‑sü ‑bha 'ö nu 'ö zun‑ 'ka ꞊dɛɛ bha, ꞊naɔ ‑së 'ö ‑gban Atanna ‑bha ‑gblüdëdhɛ ‑bha ꞊në 'yi‑ pö sië. Mɛ ꞊gban ‑wo wo 'gü dɔ sië "gbɩɩ‑ yö ꞊në‑ ‑wɔn 'gü 'yö 'wo ‑kplakpla zë sië kö 'wo ‑da mü bha.

Dhukö 10:11

«‑Bobi ‑zian 'ö yi ‑gɛn kun ka ‑gɔ 'pö‑ ya‑ 'gü ya ꞊në 'yi‑ bho sië yi ‑bha ya, (kö ka ‑bha "dhang 'ka‑ ꞊mɔɔ bha ‑yö 'to ka ‑ta). "Kɛɛ ‑yö kë ‑zë wo ka "yaan ꞊dhɛ Atanna ‑bha ‑gblüdëdhɛ ꞊ya dun ka ‑ta.

Makö 16:15

꞊Dhɛ 'ö ‑dɔn bho‑ ‑nu 'ka "dhʋ̈ 'ö ö bo, 'yö ‑wʋ kpɔ‑ ‑nu ‑bha 'ö‑ pö: «‑Ka 'dho "kpʋngtaadhɛ ꞊gban "pɛpɛ 'gü kö naɔ ‑së bha 'ka‑ dɔ "kpʋngtaamɛ ꞊gban "pɛpɛ ‑gɔ.

Dhukö 10:1

꞊Dhɛ 'ö ꞊ya kë "dhʋ̈, 'yö Yesu ‑yö ‑kɔ ‑yɛ 'zü 'mɛ 'wo gun‑ ꞊keng‑ bha‑ mɛ ‑kaɔng "saɔplɛ "wɛɛ 'bha ‑bha, 'yö‑ ‑nu dan ꞊plɛ ꞊plɛ, 'yö‑ ‑nu bɔ ö "dhiʋ̈ 'pödhɛ "pɛpɛ 'ö ‑bɔ 'gü ‑wɔn ‑yö gun‑ ‑bha bha‑ ‑nu 'gü.

Matiö 10:5

Yesu ‑bha bɔmɛ ‑nu ‑kaɔng do ga ꞊plɛ bha‑ ‑nu 'tɔ ꞊në bha: 'Mɛ 'wo bha ꞊në Yesu ‑ya ‑nu bɔ 'yö ö ‑wʋ kpɔ‑ ‑nu ‑bha 'ö‑ pö: Izraɛdhö ‑mɛ ‑nu 'ö ꞊wa 'go Atanna ‑bha zian ‑ta ꞊wa kë ꞊dhɛ "bhlaa ‑nu 'ö‑ ‑nu ‑gɔdhiʋ̈mɛ 'yaa 'dhö, 'ö ꞊wa ꞊dhɛng ‑a ‑nu 'dhö bha ꞊në ‑ka 'dho‑ ‑nu ‑zian 'ka, 'ka 'dho 'dho 'mɛ 'waa Izraɛdhö ‑mɛ ‑nu 'ka bha‑ ‑nu ‑zian 'ka, 'ka 'dho ‑da Samadhi ‑pö ‑nu 'bha ‑zian yaan‑ ‑bha.