Dhukö 6:3 - NAƆ ‑SË 'SËËDHƐ

³ 'Yö Yesu ‑ya ‑yɔ bɔ‑ ‑nu ‑gɔ 'ö‑ pö: «'Wɔn 'ö Davi ‑ya kë yi 'bha 'ka 'ö ‑bɛn zë ‑sü 'ka Atanna ‑bha 'sëëdhɛ 'gü bha 'kii‑ ‑wʋ ꞊në‑ pö "ɛɛn 'kaa‑ 'gü ꞊në‑ ma ‑ee?

Dhukö 6:3 ပူးပေါင်းရင်းမြစ်များ

Matiö 19:4

'Yö Yesu ‑ya ‑yɔ bɔ‑ ‑nu ‑gɔ 'ö‑ pö: «'Pë 'ö ‑bɛn zë ‑sü 'ka Atanna ‑wʋ 'gü 'kaa‑ dɔ ꞊në wo ‑ee? ‹‑A zübhoyi 'ka Atanna ‑yö gɔɔn‑ waa‑ dhebhɔ ꞊në‑ ‑nu ‑da.›

Matiö 21:16

'Yö 'wo‑ pö Yesu ‑dhɛ 'wo‑ pö: «"Gbla ‑kɔ suu 'wo‑ kë sië ya i‑ ‑dhɛ ‑yö ‑ee?» 'Yö Yesu ‑ya pö: «꞊Iin, a‑ ‑ma "kɛɛ 'yaa ‑bɛn zë ‑sü 'ka Atanna ‑gɔ 'sëëdhɛ 'gü ꞊dhɛ: ‹I 'tɔ bhɔ ‑sü ‑dho 'go 'në 'sɛɛnnë ‑nu "dhi 'gü, waa‑ 'në "blë ‑dee ‑nu 'dhö ‑ee?› "Ɛɛn 'kii‑ ‑wʋ pö do ‑ee?»

Matiö 21:42

'Yö Yesu ‑ya pö‑ ‑nu ‑dhɛ 'ö‑ pö: «Pë 'ö ‑bɛn zë ‑sü 'ka Atanna ‑wʋ 'gü ꞊dhɛ: ‹‑Gwë 'ö 'kɔdɔmɛ ‑nu 'wo wo ꞊kwaa‑ ‑zü bha ꞊në, kë ‑kë 'kɔ "kpan ‑ya ‑ta ‑gwë 'ka› bha 'kii‑ ma do ‑ee? "Ɛɛn 'yaa ‑bɛn zë ‑sü 'ka "dhʋ̈ ‑ee? ‹Kë 'ö‑ wo "dhʋ̈ bha ‑yö ‑go kwa Dëmɛ ꞊në‑ 'gü, ‑yö "dhabhliwɔn 'ka kwa ‑zë kwa "yan 'gü.›»

Matiö 22:31

‑A 'dhɛ 'ö ‑gban 'mɛ ꞊wa ga ‑a ‑nu ‑bö ‑sü ‑bha 'pö bha, 'pë 'ö Atanna ‑ya pö ka ‑dhɛ ‑a ‑bu 'gü 'kii‑ ma ꞊në wo do ‑ee?

Matiö 4:2

'Yö ‑ziö 'ö dho mü. ꞊Dhɛ 'ö ꞊ya 'sunng‑ 'ma ‑dhɛkpaɔyi ‑kaɔng ‑yiisiö 'ka 'yënng‑ 'gü waa‑ gbeng 'gü, 'yö din‑ ‑ya kun.

Makö 12:10

꞊Dhɛ 'ö‑ pö "dhʋ̈ 'ö ö bo, 'yö‑ ‑nu dhɛɛ" kpɔ 'ö‑ pö: «‑Wʋ 'ö ‑bɛn zë ‑sü 'ka Atanna ‑gɔ 'sëëdhɛ 'gü ꞊dhɛ: ‹‑Gwë 'ö 'kɔdɔmɛ ‑nu 'wo wo ꞊kwaa‑ ‑zü bha ꞊në kë ‑kë 'kɔ "kpan ‑ya ‑ta ‑gwë 'ka bha 'kii‑ ma do ‑ee?

Makö 12:26

"Ɛɛn 'wɔn 'ö ‑gban 'mɛ ꞊wa ga 'nu ‑a ‑nu ‑bö ‑wɔn ‑bha ‑a ‑dhiang 'ö Atanna ‑ya zë, 'ö ‑bɛn zë ‑sü 'ka Moizö ‑gɔ 'sëëdhɛ 'gü, kö ꞊ya ö ‑dɩ ‑zɔn ‑dhɛ ‑kpɔɔ kpö 'gü bha 'kii‑ ma do ‑ee? ‑A pö 'ö‑ wo ꞊dhɛ: ‹Ma ꞊në 'a Ablaamö oo, Izaakö oo, Zakɔbö oo, a ‑nu ‑bha Atanna 'ka› bha, 'kii‑ ma ‑ee? (A‑ ‑pö ka ‑dhɛ ꞊dhɛ Atanna ‑yö dhiang bha‑ zë Moizö ‑dhɛ "dhʋ̈ kö 'mɛ 'wo bha ꞊wa ga 'nu kö‑ yi ꞊ya ꞊gwëë. "Kɛɛ ‑ya ‑pö Moizö ‑dhɛ 'ö‑ pö: «Ma ꞊në 'a‑ ‑nu ‑bha Atanna 'ka», 'yii‑ pö: «Ma ꞊në 'a gun‑ ‑nu ‑bha Atanna 'ka.»)