Dhukö 4:2 - NAƆ ‑SË 'SËËDHƐ

² ‑Yö ‑dhɛkpaɔyi ‑kë ‑dhɛ bha‑ 'gü ‑kaɔng ‑yiisiö kö Sɔtraan ‑ya 'gü dan sië kö 'yaa pë 'bha ‑pë 'bha ‑bhö. ꞊Dhɛ 'ö ‑dhɛkpaɔyi ‑kaɔng ‑yiisiö bha ꞊ya zun 'ko "dhiʋ̈, 'yö din‑ ‑ya kun,

Dhukö 4:2 ပူးပေါင်းရင်းမြစ်များ

Matiö 21:18

꞊Dhɛ 'ö gun ö yee kë sië kö ‑yö 'dho Zedhizadhɛmö ‑a ‑tadhɛkpaɔta dhia" "piʋ̈, 'yö din‑ ‑ya kun zian ‑ta.

Matiö 4:2

'Yö ‑ziö 'ö dho mü. ꞊Dhɛ 'ö ꞊ya 'sunng‑ 'ma ‑dhɛkpaɔyi ‑kaɔng ‑yiisiö 'ka 'yënng‑ 'gü waa‑ gbeng 'gü, 'yö din‑ ‑ya kun.

Dhukö 4:3

'yö Sɔtraan ‑ya pö‑ ‑dhɛ: «Atanna Gbö 'yaa ‑mü i 'ka ‑ee? ‑Bhö ‑gwë ya‑ "gla ‑bhöpë 'gü kö 'i‑ ‑bhö ‑dhe!»

Naɔ ‑së 'ö ‑gban Yesu Klisi ‑bha 'ö Zan ‑ya pö 4:6

‑a "tʋ̈ng bha‑ 'gü kö 'yënng‑ ꞊ya ‑ya mɛ ‑gɔ ꞊zinng 'gü, 'yö ꞊loo Zakɔbö ‑bha ‑klɔng "dhiʋ̈ kö‑ 'gü ꞊ya ga, 'yö dho 'yö ‑ya ‑klɔng bha‑ "kpʋng "dhiʋ̈.

Eblö 2:18

'Sa ‑a kë 'ö‑ wo "dhʋ̈ bha ꞊në‑ ‑wɔn 'gü, 'yö ꞊mɔɔ‑ ‑bha "tʋ̈ng 'kwa dɔ‑ 'ka ya‑ 'gü, 'yö Sɔtraan 'dhö 'mɛ ‑a ‑nu 'gü dan sië bha, 'yö‑ ‑nu ‑ta kun, ‑a ‑gɛn ‑mü ꞊dhɛ ‑yö kë yöö ‑dɩ 'pö‑ 'gü ‑dan.

Eblö 4:15

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ yö 'ö kwa ‑bha "saabhomɛ 'kpii‑ 'ka "dhʋ̈ bha ‑yö kwa ‑dɔ, ‑ya 'wɔn ‑dɔ ꞊dhɛ‑ "sɩ 'yaa kwa ‑dhɛ kö 'kwa 'dho 'wɔn yaa kë tongtongdhö. ‑A ‑gɛn ‑mü ꞊dhɛ ‑yö kë ‑tosɛa ‑kë 'pö kwi do ya‑ 'gü ꞊dhɛ ‑kɔ do 'kwa‑ kë sië‑ 'ka ya‑ 'dhö. 'Ö Sɔtraan ‑ya 'gü dan 'pö ꞊dhɛ ‑kɔ do 'ö kwa 'gü dan sië‑ 'ka bha‑ 'dhö. "Kɛɛ 'yö yö ‑zë 'yii 'wɔn yaa kë tongtongdhö. ‑A ‑wɔn 'gü, ꞊ya kë ꞊dhɛ faan 'yii kë kwa 'gü, ‑yö ‑mɔɔ ‑bha 'ö kwa ‑ta 'kun Atanna wëëdhö.