Dhukö 2:9 - NAƆ ‑SË 'SËËDHƐ

⁹ 'Mɛ 'wo bha 'wo dho "kan wo ‑ta kö Atanna ‑bha "kië do ꞊ya ‑wo ‑nu ‑ta kö‑ ‑bha ‑gblüdëdhɛ 'bhü 'ö ꞊dhɛ 'yënng‑ 'bhü 'dhö bha ꞊ya 'sɔ‑ ‑nu ‑ta, 'yö pɛng ‑yö ‑kan ‑nu ‑bha "wɛ ‑budhö, 'yö "suʋ̈ ‑ziisü ‑yö ‑da ‑nu 'gü.

Dhukö 2:9 ပူးပေါင်းရင်းမြစ်များ

Matiö 1:20

꞊Dhɛ 'ö ö ‑zʋ 'gɔn sië 'wɔn bha‑ 'gü "dhʋ̈, 'yö kwa Dëmɛ ‑bha "kië do ‑yö ö ‑dɩ ‑zɔn ‑dhɛ kö ‑yö yi zë sië 'yö‑ pö‑ ‑dhɛ: «Zosɛfu, Davi suu 'gü ‑në, "sika 'ya 'dho ‑da i 'gü Madhi ‑sü i ‑bha dhe 'ka ‑sü ‑wɔn 'gü, ‑a ‑gɛn ‑mü ꞊dhɛ 'gu 'ö‑ sü bha‑ ‑dɩ 'gü "slë 'yaa ‑mü, "kɛɛ Atanna ‑bha 'Nii‑ ‑bha 'gügbɩɩdhɛ ꞊në‑ ‑kë 'yö 'gbiödhe 'ka bha.

Dhukö 1:28

꞊Dhɛ 'ö Atanna ‑bha "kië bha ꞊ya 'dho ꞊ya ‑da Madhi ‑gɔ 'kɔɔdhö 'yö‑ pö‑ ‑dhɛ: «Madhi, 'bha ꞊boo mü,! Atanna ‑yö i "piʋ̈! Kwa Dëmɛ Atanna ꞊ya ‑gasitɛ 'kpii‑ do kë i ‑dhɛ!»

Dhukö 2:8

‑Tuʋ̈ ‑maakëmɛ 'bha ‑nu ‑wo ‑gun Zude "sɛgɔ bha‑ gbɛɛtadhɛ 'bha 'gü mü.

Dhukö 24:4

'Wɔn bha 'yö‑ 'wɔn ‑ya ‑nu kɔn, ‑wo ‑to wo ‑zʋ 'gɔn ‑sü ‑bha 'wɔn bha‑ 'gü, 'yö gɔɔn‑ ‑nu ꞊plɛ ‑wo wo ‑dɩ ‑zɔn ‑a ‑nu ‑dhɛ. Mɛ ꞊plɛ 'wo bha sɔ 'ö gun‑ ‑nu ‑bha bha ‑yö ‑dɔ mɛ "yan 'gü ‑glanglandhö.

Naɔ ‑së 'ö ‑gban Yesu Klisi ‑bha 'ö Zan ‑ya pö 12:41

Ezai ‑yö 'wɔn ‑nu bha‑ ‑nu ‑pö "dhʋ̈ kö‑ "yan ꞊ya ‑da Yesu ‑bha mɛdhɛ bha ꞊në‑ 'gü 'yö‑ ‑dhiang zë "dhʋ̈ bha.

Këwɔn ‑nu 12:7

'Wo dho "kan wo ‑ta kö kwa Dëmɛ ‑bha "kië do ꞊ya ‑wo "yɛa‑, kö ‑dhɛpuudhɛ ‑ya ‑da 'kɔdhi bha‑ 'gü ‑dhɛ ꞊gban "pɛpɛ 'gü, kö Atanna ‑bha "kië bha ꞊ya 'pa Piɛdhö ‑bha ꞊yaa‑ pö‑ ‑dhɛ: «‑Bhö "wlü "vaandhö!» ꞊Dhɛ 'ö‑ pö "dhʋ̈, 'yö lɔɔga ‑nu 'wo gun Piɛdhö ‑bha bha 'wo ‑kan, 'yö 'wo go‑ ‑kɔ ‑nu ‑bha.

Këwɔn ‑nu 27:23

A‑ 'wɔn ‑dɔ, ‑a ‑gɛn ‑mü ꞊dhɛ Atanna 'a‑ ‑bha 'ka 'ö 'a‑ ‑bha yë kë sië bha‑ ‑bha "kië do ‑yö ‑wo n ‑ta ꞊dɛɛ gbeng,

Këwɔn ‑nu 5:19

꞊Dhɛ ꞊ya dɔ gbeng, 'yö Atanna ‑bha "kië do ‑yö nu 'yö ‑kaso ‑kɔ "dhi ‑pʋ ‑a ‑nu ‑gɔ, 'yö‑ ‑nu zun "kpɛnng, 'yö‑ pö‑ ‑nu ‑dhɛ:

2 Kodhɛngtö 3:18

‑A ‑kë "dhʋ̈ ‑sü bha‑ 'gü, 'mɛ "pɛpɛ 'ö 'kwa bɔ kwa Dëmɛ bha‑ 'ka, 'ö pë 'bhaa kpa ‑sü 'ka kwa wëëdhö bha kwa ꞊në 'kwa ꞊dhɛ ‑a ‑bha mɛdhɛ 'bhü 'dhö. ‑A ‑kë "dhʋ̈ ‑sü bha‑ 'gü, ꞊ya kwa "gla kë "dhʋ̈ kö 'kwa kë ö ‑bhɔbha 'ka. ‑A ‑wɔn 'gü 'kwa 'go 'tɔbhɔdhe ‑blɛɛsü bha‑ 'gü 'kwa ‑da ‑a 'dhɛ 'ö 'kpii‑ 'ö ‑ziö ‑a 'dhɛ bha‑ ‑ta bha‑ 'gü. 'Pë 'ö kwa Dëmɛ 'ö‑ ‑bha 'Nii‑ "slʋ̈ʋ̈slʋ̈ 'dhö ‑mü bha 'ö‑ ‑kë kwa ‑dhɛ bha 'yö bha.

2 Kodhɛngtö 4:6

‑A 'klɔɔ‑ ‑mü ꞊dhɛ Atanna do 'ö‑ pö yi 'bha 'ka ꞊dhɛ: «‑Dhɛ 'gü‑ ‑dho "pʋ ‑dhɛtiidhɛ 'gü bha» yöö do bha ꞊në ‑dhɛ ‑pʋ kwa zuë" "piʋ̈ "tʋ̈ng 'kwa dɔ‑ 'ka ya‑ 'gü kë "dhʋ̈ kö‑ ‑bha mɛdhɛ 'bhü 'ö Klisi ‑bha bha 'kwa‑ dɔ.

1 Timote 3:16

‑Yö "dhʋ̈ tɛan‑ 'ka ꞊dhɛ kwa ‑bha ‑zʋ ‑yö Atanna ‑dhɛ ‑sü bha‑ 'gü ‑wɔn 'ö gun ‑bin ‑sü 'ka‑ "piʋ̈, ('ö "dhɛ bho‑ ‑ta kwa ‑dhɛ ꞊dɛɛ 'ö ‑kë Yesu Klisi 'ka) bha ‑yö 'kpii‑ ‑ziisü. 'Yaa 'wɔn 'dɛdɛ 'ka, "ɛɛn zaɔpë ‑zian 'yaa ‑mü, ‑a ‑gɛn ‑mü ꞊dhɛ yö 'ö go Atanna "piʋ̈ bha ꞊në 'ö dho 'ö ‑gla mɛ "bhɩɩ‑ 'gü 'ö nu "kpʋng ꞊taa, "kɛɛ 'yö Atanna ‑bha 'Nii‑ ‑ya ‑zɔn kwa ‑dhɛ ‑a ‑bu 'gü ꞊dhɛ pö 'aa‑ ‑bha. 'Yö Atanna ‑bha "kië ‑nu ‑wa "dhiʋ̈ ‑ziö wo kö ‑yö "kpʋng ꞊taa, 'yö‑ ‑bha ꞊klang ‑nu 'wo dho 'wo‑ ‑wɔn ‑naɔ dɔ "sɛ ꞊gban "pɛpɛ 'gü, 'yö 'wo 'dhang bho‑ "dhiʋ̈ "kpʋng ꞊taa, 'yö Atanna ‑yö ö ‑kɔ ‑da 'gü 'yö ꞊wlü 'ö dho dhang‑ 'gü.

Eblö 12:21

'Ö 'wɔn bha‑ ‑bha ‑kë ‑ziisü ‑kɔ yaa 'gü yaa bha‑ ‑wɔn 'gü, 'ö Moizö ‑yö 'daɔnnu 'ö‑ pö: «Dɔ 'a‑ wo ya ꞊zii ꞊në 'a‑ wo sië, "suʋ̈ 'ö ‑da n 'gü bha‑ ‑naa 'yaa 'dhö!»

‑Dhɛkpaɔ 18:1

꞊Dhɛ 'ö ꞊ya kë "dhʋ̈, 'yö 'a Atanna ‑bha "kië "wɛɛ do yö kö ‑yö 'go sië dhang‑ 'gü 'ö ꞊lɔɔ, "kɛɛ kö Atanna ꞊yaa‑ gba 'gügbɩɩdhɛ ꞊dede 'ka, 'yö‑ 'bhü ‑yö ꞊mɔɔ "kpʋngtaadhɛ ꞊gban 'gü.

‑Dhɛkpaɔ 20:11

꞊Dhɛ 'ö ꞊ya kë "dhʋ̈, 'yö 'a ‑blüdëdhɛ ‑gbloo "puu 'kpiki ‑kpiki do yö kö mɛ ‑yö ‑ya ‑sü 'ka‑ ‑ta. 'Yö "sɛ waa‑ dhang‑ ‑nu 'wo ꞊dua 'mɛ bha‑ wëëdhö 'yö mɛ 'bha 'yii‑ yö 'zü 'ö to‑ ‑bha.