Dhukö 2:2 - NAƆ ‑SË 'SËËDHƐ

² Mɛ dhʋng ‑kɔ ‑blɛɛsü 'ö "dhʋ̈ bha 'ö ‑kë kö 'mɛ 'ö ‑gblüdë bha‑ ‑kɔdhiʋ̈mɛ 'ka Siidhi ‑sɛ 'gü ‑wa ‑dhɛ Kidhinisö.

Dhukö 2:2 ပူးပေါင်းရင်းမြစ်များ

Matiö 4:24

'Yö‑ 'tɔ 'dhö ‑ya bhɔ ‑sü ‑bha Siidhi ‑sɛ 'gü ‑dhɛ ꞊gban "pɛpɛ 'gü, 'yö "yua suu "ʋʋ suu 'ö 'mɛ 'kö‑ ‑nu ‑bha "sɛ bha‑ 'gü 'ö sëë ‑zë bho sië, 'yö 'wo ‑ya nu ‑sü ‑bha ‑a ‑nu 'ka ‑a ‑dhɛ. "Yina yaa 'dhö 'mɛ ‑nu 'ö‑ ‑nu 'gü waa‑ glɔɔdhɛmɛ ‑nu waa‑ ‑gɛnloomɛ ‑nu, 'yö‑ ‑nu ꞊gban ‑kë "klʋ̈ʋ̈klʋ̈.

Dhukö 2:1

‑A "tʋ̈ng do bha ꞊në‑ 'gü 'yö "sɛkɔɔnmɛ 'kpii‑ 'ö gun Wlɔmö ‑sɛ ‑gɔ "dhiʋ̈ 'wo gun‑ ‑dhɛ sië Sezaa Wogisi bha 'ö mɛ bɔ ‑a ‑bha "sɛ ‑ta ‑dhɛ ꞊gban "pɛpɛ 'gü kö ‑wo mɛ ꞊gban dhʋng.

Dhukö 2:3

'Yö mɛ ꞊gban "pɛpɛ 'wo ‑ya 'dho ‑sü ‑bha wo 'kpɔpö ‑nu 'gü kö ‑wo wo dhʋng mü.

Dhukö 3:1

"Tʋ̈ng 'ö Tibɛɛ ‑yö gun‑ 'ka "sɛkɔɔnmɛ 'kpii‑ 'ka bha‑ ‑kwɛ ‑kaɔng do ga "sɔɔdhu ‑naa 'ka, kö Pɔngsö Pidhatö ꞊në Zude ‑sɛgɔdhiʋ̈, 'yö Edhodö 'dhö Gadhidhe ‑sɛ 'gü 'pö, kö Edhodö dheebhang 'wo‑ Fidhipö ‑kë 'pö bha ‑yö Itudhö ‑sɛ waa‑ Trasonitö ‑sɛ 'gü, kö mɛ 'dhɛ 'wo‑ ‑dhɛ Dhizania bha ‑yö Abidhɛnö ‑sɛ 'gü 'pö, 'yö Atanna ‑yö dhiang zë Zan 'ö ‑kë Zakadhi gbö 'ka bha‑ ‑dhɛ "tʋng ‑ta. ‑A "tʋ̈ng bha‑ 'gü 'pö kö 'mɛ 'wo "saabhomɛ "gblʋ̈gblʋ̈ ‑nu 'ka Izraɛdhö ‑sɛ 'gü ‑wa mɛ do ‑dhɛ Anö 'ö 'wo‑ mɛ do ‑dhɛ Kaifö.

Këwɔn ‑nu 13:7

"kɛɛ ‑yö ‑kë 'pö ‑gblüdë 'wo‑ ‑dhɛ Sɛɛziusö Podhusö bha‑ ꞊kengmɛ do 'ka. ‑Gblüdë bha ‑yö ‑gun ꞊kpaɔmɛ 'ka, 'yö Baanabasö waa‑ Sɔdhö ‑nu ‑dhɛ kö ‑wo Atanna ‑wʋ pö ö ‑dhɛ.

Këwɔn ‑nu 18:12

"Tʋ̈ng 'ö Gadhiɔn‑ gun‑ 'ka ‑gblüdë 'ka Wlɔmö "sɛ ‑gɔ 'dhɛ 'wo‑ ‑dhɛ Akai bha‑ 'gü bha‑ 'ka, 'yö Zuifö ‑nu 'wo wo zü ma 'koo Pɔdhö ‑dhɛ, 'yö 'wo‑ kun 'wo dho‑ 'ka "sɛgɔdhiʋ̈mɛ ‑kuu "dhiʋ̈ 'yö 'wo‑ 'wɔn ‑da ‑dhɛ,

Këwɔn ‑nu 23:26

«N ‑gɔdhiʋ̈mɛ ꞊bhlëësü, ‑gblüdë Fedhisö, mang Klodö Dhisiasö 'ma i ꞊tua bho 'gbɛ!

Këwɔn ‑nu 26:30

꞊Dhɛ 'ö ꞊ya kë "dhʋ̈ 'yö ‑gblüdë 'dhöö, "sɛkɔɔnmɛ 'dhö, Bedhenisö waa‑ mɛ "pɛpɛ 'wo bho wo 'ko ‑ta bha 'wo ꞊wlü.

Këwɔn ‑nu 5:37

꞊Dhɛ 'ö‑ 'dhɛ bha ꞊ya kë "dhʋ̈, mɛ dhʋng "tʋ̈ng 'gü 'zü, 'yö 'mɛ 'dhɛ 'wo‑ ‑dhɛ 'pö Zuda 'ö go Gadhidhe ‑sɛ 'gü bha 'ö ꞊wlü. 'Yö mɛ 'gbɛ ꞊dede gɔɔ bho 'yö 'wo ‑ziö ꞊keng‑. ꞊Dhɛ 'ö ꞊waa‑ zë 'pö, mɛ "pɛpɛ 'wo gun‑ ꞊keng‑ bha 'yö 'wo ‑pɛn 'pö.