Dhukö 17:1 - NAƆ ‑SË 'SËËDHƐ

¹ ꞊Dhɛ 'ö ꞊ya kë "dhʋ̈, 'yö Yesu ‑yö go mü 'zü 'ö dhiang zë ö ‑bha ꞊klang ‑nu ‑dhɛ 'ö‑ pö: ꞊Ya kë ‑kɔ "ʋʋ ‑kɔ 'ö 'gü, 'wɔn‑ ‑dho ‑da ‑nu wo mɛ "bhɩɩ‑ ‑nu ‑gɛn 'gü 'ö 'wo ‑da Atanna "dhiʋ̈, "kɛɛ 'mɛ 'kö yaa‑ ‑kë 'wɔn ‑nu bha‑ ‑nu ‑da mɛ ‑gɛn 'gü ‑mɛ 'ka bha ꞊në‑ ‑mɛ bha dho kë ‑wëësü.

Dhukö 17:1 ပူးပေါင်းရင်းမြစ်များ

Matiö 16:23

"Kɛɛ 'yö Yesu ‑yö ꞊slëë ö 'gü, 'ö‑ pö Piɛdhö ‑dhɛ: «‑Bhö bhɔ n 'ka taa‑ ꞊gblɛɛn, Sɔtraan! ‑Yö i "piʋ̈ ꞊dhɛ 'i n ‑da Atanna "dhiʋ̈, ‑a ‑gɛn ‑mü ꞊dhɛ kɛng ka ‑zʋgɔngüwɔn 'yaa do, i i ‑zʋ ‑gɔn ꞊dhɛ mɛ "bhɩɩ‑ ‑nu 'dhö.

Matiö 18:7

"Kpʋngtaamɛ ‑nu ‑bha ‑yö ‑wëësü, ‑a ‑gɛn ‑mü ꞊dhɛ 'wɔn ‑nu 'wo dho mɛ ‑nu ‑da 'wɔn yaa kë ‑sü 'gü "dhʋ̈ bha ‑wo ‑dhö. ‑A ‑wɔn 'gü ‑wo ‑dho 'to kë ‑sü ‑bha ‑kpɛawo, "kɛɛ 'mɛ 'kö dho kë ‑a kë ‑mɛ 'ka bha ꞊në‑ ‑mɛ ‑bha 'dhö ‑wëësü!

Dhukö 16:31

'Yö Ablaamö ‑ya ‑yɔ bɔ‑ ‑gɔ 'ö‑ pö: «꞊Ya kë ꞊dhɛ 'wii wo "tʋ to 'sëëdhɛ 'ö Moizö waa‑ Atanna ‑wʋdhiʋ̈loomɛ ‑nu 'wo‑ ‑bɛn zë bha yö ‑zë ‑wʋ ‑bha, 'kö mɛ "yaandhe ‑zian yöö 'go ꞊geebɔɔ kö ‑yö 'dho, 'yii 'dho bhɔ‑ ‑nu 'gü tɛan‑ ‑bha.»

Wlɔmö 14:13

꞊Dhɛ 'ö "dhʋ̈, ‑ka ‑kwa kwa bo za ‑dɔ kwa 'ko ‑bha ‑sü 'ka kö 'kwa ‑ya ‑kɔ 'kwa dho‑ kë‑ 'ka kö 'kwa 'dho 'wɔn 'bha kë 'ö ‑kë kwa dheebhang ‑gɛn "dhiʋ̈ ‑zuö ‑bha ‑pë 'ka, "ɛɛn 'ö ‑kë ‑a ‑da Atanna "dhiʋ̈ ‑wɔn 'ka ꞊në‑ zuën ‑ta.

Wlɔmö 16:17

N dheebhang ‑nu, bhɛa" ꞊në 'a‑ wo sië ka ‑dhɛ kö 'ka dɔ "gbɩɩ‑ kö 'ka ka ‑dɩ 'kun mɛ 'wo‑ kë sië "dhʋ̈ kö Atanna ‑bha mɛ ‑nu ‑wo "kan 'kwëë‑ bha‑ ‑nu ‑gɔ. ‑A 'klɔɔ‑ ‑mü ꞊dhɛ Atanna ‑wʋ 'dhɛ 'ka‑ ma ‑blɛɛsü ‑a ‑ma 'wo‑ wo sië "gbɔng 'ka 'ö 'wo ‑wʋ "wɛɛ pö ka ‑dhɛ bha, ka ‑pö ꞊në 'wo‑ wo sië bha. ‑A ‑kë "dhʋ̈ ‑sü bha‑ 'gü, ‑ka ka ‑dɩ 'kun‑ ‑nu ‑gɔ ‑së kö 'ka "kan‑ ‑nu ‑bha.

1 Kodhɛngtö 10:32

‑Ka ‑tosɛa kë Atanna ‑bha zian bha‑ ‑ta ka 'suan‑ 'ka kö Zuifö ‑mü ‑ee, "ɛɛn mɛ "wɛɛ ‑mü ‑ee, "ɛɛn Atanna ‑bha 'kɔdhigümɛ ‑mü ‑ee, kö 'ka 'dho kë "dhü ꞊kpë 'ka 'ö 'ka ‑wɔ mɛ 'bha ‑gɔ zian‑.

1 Kodhɛngtö 11:19

"kɛɛ 'sa 'ma‑ ‑ga, ‑a ‑dhɛa ‑bha ꞊dhɛ ‑yö kë "dhʋ̈, kë "dhʋ̈ kö 'mɛ 'wo 'dhang ‑bho Atanna "dhiʋ̈ ‑mɛ ꞊dede 'ka mɛ ‑ya ‑nu dɔ. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ kö 'kii "pɛ‑ 'gü ꞊dhɛ ‑kɔ bha‑ 'dhö, 'mɛ 'ö 'dhang bho kwa Dëmɛ ‑wɔn "dhiʋ̈ ꞊dedewo ‑a dɔ 'yii 'dho bho.

1 Kodhɛngtö 8:13

'Wɔn 'ö‑ ‑wɔn 'gü 'yö mang Pɔdhö ‑mɛ ‑zë 'a dho n bo ‑bhöpë suu 'bha 'ö mü, 'ö 'ma‑ ‑bhö 'ö dho n dheebhang zun zü 'ka (Atanna ‑bha zian ‑ta) bha‑ ‑bhö ‑sü 'ka bha 'yö bha. 'Mii 'dho wü suu bha‑ ‑bhö yö ꞊në‑ ‑wɔn 'gü tongtongdhö kë "dhʋ̈ kö 'ma 'dho kë n dheebhang ‑pö ‑mɛ 'ka.

1 Timote 4:1

"Kɛɛ Atanna ‑bha 'Nii‑ "slʋ̈ʋ̈slʋ̈ ‑ya ‑pö ‑ta "puu 'ka 'ö‑ pö: «"Tʋ̈ng ‑totaamasü 'gü, mɛ 'bha ‑nu ‑dho wo ꞊taa zun Atanna ‑gɔ 'wo wo bo ‑zʋ ‑yö ‑a ‑dhɛ ‑sü 'ka, 'wo dho "yina yaa ‑nu 'wo "kpënng‑ ꞊në‑ ‑kë mɛ ‑nu ‑gɔ, 'wo‑ ‑nu wë bho Atanna ‑ta bha‑ ‑nu ꞊keng‑, 'yö 'wo 'dhang bho‑ ‑nu ‑wʋ "dhiʋ̈.

‑Dhɛkpaɔ 2:14

"Kɛɛ yö ‑zë ꞊gban 'gü, 'wɔn do 'bha ‑yö n ‑zʋ "piʋ̈ ka ‑bha. Yö ‑mü ꞊dhɛ mɛ 'bha ‑nu ‑wo ka kpö 'gü mü 'ö 'wo zian 'ö Badhaamö ‑ya sü yi 'bha 'ka bha‑ 'sü ‑sü 'ka. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Badhaamö bha ꞊në ‑da Izraɛdhö ‑mɛ ‑nu ‑dhɛ pë "piʋ̈ yi 'bha 'ka, kë "dhʋ̈ kö ‑wo ‑da Atanna "dhiʋ̈, 'yö Badhakö 'ö ‑kë ‑a ‑nu 'yaɔ‑ 'ka bha‑ ꞊klang ‑kë, "slë ‑nu 'ö ꞊yaa‑ kë 'ö Izraɛdhö ‑mɛ ‑nu dho ‑da Atanna "dhiʋ̈ ꞊dhɛ ‑bhöpë ‑nu 'wo‑ ‑kpa ‑dhɔkëpë ‑nu ‑dhɛ ‑a ‑bhö ‑sü ‑nu waa‑ ‑zua zë ‑sü ‑nu 'dhö bha‑ 'ka.

‑Dhɛkpaɔ 2:20

"Kɛɛ 'wɔn do 'bha ‑yö mü 'ö 'yaa n ‑zʋ 'kun ‑sü 'ka ka ‑bu 'gü. 'Yö ‑mü ꞊dhɛ ka ka ‑kwaa dhebhɔ 'ö ka kpö 'gü mü 'ö ꞊dhɛ Zezabɛdhö 'dhö, 'ö‑ pö ö ‑dɩ ‑dhɛ ꞊dhɛ Atanna ‑wʋ "dhiʋ̈ ꞊loo ‑dhe ‑mü ö 'ka bha‑ ‑zü, 'ö 'ka‑ ‑ga mü "dhʋ̈ 'ö Atanna ‑bha mɛ ‑nu ꞊klang ‑kë wü 'wo ‑dhɔkëpë ‑nu ‑dhɔkë 'ka bha‑ ‑bhö ‑sü ‑nu waa‑ ‑zua zë ‑sü ‑nu 'ka, 'yö‑ ‑nu ‑da Atanna "dhiʋ̈.