Dhukö 11:9 - NAƆ ‑SË 'SËËDHƐ

⁹ Yö ꞊në‑ ‑wɔn 'gü, 'yö ma ‑zë 'a‑ pö ka ‑dhɛ: «‑Ka pë ‑gbadhɛ Atanna ‑gɔ, ‑yö ‑dho ‑a nu ka ‑dhɛ. ‑Ka pë mɔɔ‑, ka ‑dho ‑a ꞊slɔɔ. ‑Ka "kwɛɛ ‑ta ‑ma, ‑wo ‑dho "kwɛɛ "pʋ ka ‑gɔ.

Dhukö 11:9 ပူးပေါင်းရင်းမြစ်များ

Matiö 21:22

꞊Ya kë ꞊dhɛ 'ka ka ‑zʋ yö Atanna ‑dhɛ, pë "pɛpɛ 'ka dho‑ ‑gbadhɛ ‑a ‑gɔ ka ‑bha bhɛa" ‑sü 'gü, ‑yö ‑dho ‑a kë ka ‑dhɛ.»

Matiö 21:31

꞊Ya kë "dhʋ̈ kö mɛ ꞊plɛ bha‑ de ‑sü 'pö kë ö dë ‑wʋ ‑ya ꞊bhlëë 'gü?» 'Yö 'wo‑ pö‑ ‑dhɛ: «‑A mɛ ‑blɛɛsü.» 'Yö Yesu ‑ya pö‑ ‑nu ‑dhɛ 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ: ꞊Flümɛ ‑nu 'wo ‑kë 'niisɔngkunmɛ ‑nu 'ka bha waa‑ ‑zuadhe ‑nu ‑wo ‑dho ‑da Atanna ‑gɔ ‑gblüdëdhɛ 'gü ka "dhiʋ̈.

Matiö 6:29

"Kɛɛ 'sa a‑ ‑pö ka ‑dhɛ tɛan‑ 'ka ꞊dhɛ ‑gblüdë 'bha 'ö gun Izraɛdhö ‑sɛ 'gü yi 'bha 'ka 'wo‑ Sadhomɔ ‑kë bha‑ ‑bha ‑gblüdëdhɛ ꞊gban waa‑ ‑bha ‑bha, 'yii sɔ suu 'ö‑ "yan 'dhö ‑së ꞊dhɛ blëë ‑nu bha‑ do 'dhö bha‑ ‑da tongtongdhö.

Makö 11:24

Yö ꞊në‑ ‑wɔn 'gü 'yö 'a‑ pö ka ‑dhɛ pë "pɛpɛ 'ö 'ka dho‑ ‑gbadhɛ Atanna ‑gɔ kö ka bhɛa" sië‑ ‑dhɛ bha, ‑ka 'dhang bho‑ "dhiʋ̈ ꞊dhɛ 'ka‑ ꞊slɔɔ, ka ‑dho ‑a yö kö ‑a 'gü ‑wɔn ‑yö kë sië.

Makö 13:37

(‑Gɔngɔɔnmɛ ‑nu ‑bha ‑dhio ‑yö do), 'ma‑ pö ka ‑dhɛ "dhʋ̈ kö mɛ ꞊gban "pɛpɛ ꞊në 'a‑ ‑nu ‑bha dhiang zë bha do, ‑ka ‑ya ka "yaan!»

Dhukö 11:10

‑A ‑gɛn ‑mü ꞊dhɛ 'mɛ 'ö pë ‑gbadhɛ Atanna ‑gɔ, 'yö‑ nu‑ ‑dhɛ, 'mɛ 'ö pë ꞊mɔɔ 'yö‑ yö, 'mɛ 'ö "kwɛɛ ‑ta ‑ma 'yö 'wo‑ ‑pʋ ‑gɔ.

Naɔ ‑së 'ö ‑gban Yesu Klisi ‑bha 'ö Zan ‑ya pö 14:13

꞊Ya kë 'zü ꞊dhɛ 'ma 'dho, pë "pɛpɛ 'ka dho‑ ‑gbadhɛ n Dë ‑gɔ n 'tɔ 'gü a ‑dho ‑a kë ka ‑dhɛ, kë "dhʋ̈ kö n Dë 'tɔ ‑yö bhɔ ma 'a‑ Gbö 'ka bha n ‑bha.

Naɔ ‑së 'ö ‑gban Yesu Klisi ‑bha 'ö Zan ‑ya pö 15:16

"Kɛɛ 'sa ka ‑zë 'kii n ‑ya. Ma ꞊në ma ‑zë 'a n ‑kɔ ‑yɛ ka ‑bha, 'yö 'a ka ‑ya kö 'a ka bɔ, kö 'ka bhɛ ‑së dɔ "tʋ̈ng ꞊gban 'gü, 'wɔn ‑së kë ‑sü waa‑ ‑dhɔkë mɛ ꞊gban "pɛpɛ 'ka ‑sü 'ka, kö ‑yö kë "dhʋ̈ kö 'pë 'ö 'ka dho‑ ‑gbadhɛ n Dë ‑gɔ n 'tɔ 'gü bha ‑ya nu ka ‑dhɛ.

Naɔ ‑së 'ö ‑gban Yesu Klisi ‑bha 'ö Zan ‑ya pö 15:7

"Kɛɛ ꞊ya kë ꞊dhɛ 'ka 'to ‑kplü ‑sü ‑zë 'ka n ‑bha kö kwa ‑wʋ ‑yö kë do, kö ‑wʋ ‑nu 'a‑ pö ka ‑dhɛ bha ‑wo 'to ka "tʋʋdhö, pë "ʋʋ pë 'ö ‑dhi ka ‑dhɛ, ‑kaa ‑gbadhɛ n Dë ‑gɔ, ‑yö ‑dho ‑a kë ka ‑dhɛ.

Naɔ ‑së 'ö ‑gban Yesu Klisi ‑bha 'ö Zan ‑ya pö 4:10

'Yö Yesu ‑ya ‑yɔ bɔ‑ ‑gɔ 'ö‑ pö: «꞊Ya kë 'nu ꞊dhɛ 'pë 'ö Atanna ‑ya ꞊gbaɔ mɛ "bhɩɩ‑ ‑nu ‑gɔ bha 'i‑ ‑dɔ, 'ö 'mɛ 'ö "yi ‑gbadhɛ sië i ‑gɔ kö 'ö‑ mü bha 'i‑ dɔ, kö bhi ꞊në 'i dho "yi ‑gbadhɛ yö ‑zë ‑gɔ 'nu 'yö "yi ziösü nu i ‑dhɛ.»

Wlɔmö 2:7

‑Yö ‑dho ꞊sii 'ö 'yaa yën‑ nu 'mɛ 'wo to wo ‑wʋ ‑ta, 'dhang ‑bho ö "dhiʋ̈ ‑sü 'gü, 'ö 'wo 'wɔn ‑së ‑kë, 'ö 'wo to ꞊bhlëë waa‑ 'tɔbhɔdhe waa‑ ꞊sii ‑së 'ö‑ "piʋ̈ ‑a mɔɔ‑ ‑zian ‑ta bha‑ ‑nu ‑dhɛ 'yi bha‑ ꞊në‑ 'ka.

2 Kodhɛngtö 6:2

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ‑yö ‑bɛn zë ‑sü 'ka Atanna ‑wʋ 'sëëdhɛ 'gü ꞊dhɛ: «Bhɛa" 'i‑ wo n ‑dhɛ bha a kë i ‑wʋ ‑ma ‑a ma "tʋ̈ng ꞊dede ꞊në‑ 'gü, 'yö 'a nu i ‑dhɛ. A ‑ta i ‑dhɛ dha "tʋ̈ng ꞊në‑ 'gü.» ‑A yö ꞊në‑ ‑wɔn 'gü 'yö 'a‑ pö ka ‑dhɛ: ‑Ka ‑dhɛ ‑ga, "tʋ̈ng ‑së ꞊dede 'wo gun‑ pö sië bha ꞊në ꞊ya ꞊loo bha. Mɛ dha "tʋ̈ng 'wo gun‑ ‑dhiang zë sië yi 'bha 'ka bha ꞊në ꞊ya ꞊loo ꞊dɛɛ bha.

Eblö 11:6

'Sa mɛ 'bha "dhia 'yaa ꞊mɔɔ‑ ‑bha kö ‑yö 'ma Atanna 'gü "wɛɛwɛɛ kö ‑zʋ ‑yö ‑a ‑dhɛ ‑sü 'yaa‑ ‑mɛ ‑gɔ. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ mɛ "ʋʋ mɛ 'ö ꞊yɔɔn‑ "sɔɔ, ‑a ‑dhɛa ‑bha ꞊dhɛ ‑a ‑mɛ 'ö 'dhö ‑a 'dhang bho ‑sü kë‑ "dhiʋ̈ 'kpakpadhö ꞊dhɛ ‑yö ‑dhö, ꞊dhɛ 'mɛ 'wo‑ ꞊mɔɔ, ‑ya 'gü ‑wɔn ‑së ‑kë ‑a ‑nu ‑dhɛ.

Eblö 4:16

‑A ‑kë "dhʋ̈ ‑sü bha‑ 'gü, "sika 'bha ‑zian 'ya 'dho kë kwa 'gü, ‑ka ‑kwa ꞊yɔɔn Atanna ‑bha ‑gblüdëdhɛ ‑gbloo 'ö ‑gasitɛ ‑kë kwa ‑dhɛ ‑dhɛ 'ka bha‑ "sɔɔ, ‑yö ‑dho kwa ‑wëë ‑ga, 'ö kwa ‑mawɔn to, 'ö kwa ‑ta kun‑ 'kun "tʋ̈ng 'gü.

Zakö 1:5

꞊Ya kë 'zü ꞊dhɛ "yaaki 'yaa 'mɛ 'ö‑ ‑bha ꞊ya kë ka kpö 'gü, ‑a ‑mɛ ‑yö bhɛa" Atanna ‑dhɛ ‑a ‑wɔn 'gü, ꞊ya kë "dhʋ̈ ‑yö ‑dho ‑a ‑mɛ gba "yaaki 'ka. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ‑a ‑bha gbaɔ ‑sü bha 'yaa‑ wo ꞊döng ‑sü 'ka, 'ö ‑ya mü 'zü 'yaa‑ wo zuë" ‑totaama 'ka, ‑ya ‑wo ‑kɔ ‑wo ‑dhɛ ‑bha ö zuë" "puu 'ka.

Zakö 5:15

꞊Ya kë ꞊dhɛ ꞊wa bhɛa" bha‑ wo "dhʋ̈ kö‑ ‑nu 'dhang bho ‑sü ‑yö Atanna "dhiʋ̈ 'kpakpadhö, "yuëdhi bha‑ ‑dho dha. Kwa Dëmɛ ‑dho ‑a kë "klʋ̈ʋ̈klʋ̈, 'ö ꞊ya kë 'zü ꞊dhɛ 'wɔn yaa ꞊në‑ ‑mɛ ‑ya ‑kë, 'ö‑ ‑mawɔn to.

1 Zan 3:22

꞊Ya kë "dhʋ̈, pë "ʋʋ pë 'ö 'kwa‑ ‑wɔn pö‑ ‑dhɛ kwa‑ ‑slɔɔ ‑a "dhiʋ̈, ‑a ‑gɛn ‑mü ꞊dhɛ kö kwa ‑dhio ‑ma ‑a ‑gɔ 'ö 'kwa‑ dhɔɔbhaawɔn ‑kë.

‑Dhɛkpaɔ 2:24

Mɛ ‑kpɛa 'ka to 'ö ka ‑zë 'kii ka ‑kɔ ‑da ‑tosɛa suu 'ö "dhʋ̈‑ kë ‑sü 'gü, 'ö ka ‑zë 'kii 'pë 'ö 'mɛ bha 'wo‑ ‑dhɛ Sɔtraan ‑bha ‑gleng 'kɔnë 'gü ‑dhɛ bha‑ dɔ bha a‑ ‑pö ka ‑dhɛ ꞊dhɛ 'mii 'dho ꞊kwɛɛ 'gbiin‑ 'bha ‑ya ka ꞊gbin‑.