Dhukö 10:7 - NAƆ ‑SË 'SËËDHƐ

⁷ 'Ka 'dho ziö 'kɔ 'gü ‑zaadhö (kë "dhʋ̈ 'ö ‑siö ka ꞊dhɛng bhɔɔ ‑nu ‑dhɛ), ꞊wa ka ꞊yëë bho 'kɔ 'ö‑ 'gü, ‑ka 'to mü kö 'pë 'wo‑ nu ka ‑dhɛ, ‑yö ‑kë ‑bhöpë 'ka oo, ‑yö ‑kë müpë 'ka oo, kö 'ka‑ ‑bhö, "ɛɛn kö 'ka‑ mü; ‑a ‑gɛn ‑mü ꞊dhɛ 'mɛ 'ö yë ‑kë, ‑a ‑dhɛa ‑bha ꞊dhɛ ‑wa ꞊saa bho.

Dhukö 10:7 ပူးပေါင်းရင်းမြစ်များ

Makö 6:10

'Yö go mü 'zü 'ö‑ pö‑ ‑nu ‑dhɛ: «'Ka 'dho 'ka ‑da 'pö‑ "ʋʋ 'pö‑ 'ö‑ 'gü, ꞊wa ka ꞊yëë bho 'kɔ 'ö‑ 'gü, ‑ka 'to‑ 'gü ‑yö 'to "dhʋ̈ ‑yö zun‑ 'ka ka ‑go 'pö‑ bha‑ 'gü ‑yi ‑bha (kë "dhʋ̈ 'ö 'wɔn ‑yö ‑siö ka ‑dhɛngbhɔɔ ‑nu ‑dhɛ ka "piʋ̈).

Dhukö 10:6

'Ka‑ pö "dhʋ̈, ꞊ya kë ꞊dhɛ 'mɛ 'ö zuë" 'waanu ‑sü 'ö go Atanna "piʋ̈ bha‑ ‑dhɔ 'dhö‑ ‑bha ꞊ya kë 'kɔ bha‑ 'gü, ka ‑bha 'dhuë‑ bha ‑yö ‑dho ‑a ‑mɛ 'kun, "kɛɛ yö ‑zë 'yii kë "dhʋ̈, ka ‑bha 'dhuë‑ ‑dho ö yee kë 'ö nu ka "piʋ̈.

Dhukö 9:4

꞊Ya kë ꞊dhɛ 'ka 'dho, ꞊wa ka ꞊yëë bho 'kɔ 'ö‑ 'gü, ‑ka 'to yö ꞊në‑ 'gü kö ‑yö 'to "dhʋ̈ ‑yö zun‑ 'ka ka 'dho ‑yi ‑bha, kö 'ka 'dho 'go mü 'ö 'ka dho ka ꞊yëë bhɔ ‑dhɛ "wɛɛ 'bha 'gü ('ö ‑siö ka ‑dhɛng bhɔɔ ‑nu ‑dhɛ ka "piʋ̈).

Këwɔn ‑nu 16:15

'Yö 'wo waa‑ ‑bha 'kɔɔmɛ ‑nu ‑a ‑nu ‑bɔ Atanna 'ka ‑zu bho. ꞊Dhɛ 'ö go 'mü, 'yö‑ pö yi ‑dhɛ: «꞊Dhɛ 'ö ‑kë ꞊dhɛ 'ka 'dhang bho‑ "dhiʋ̈ 'kpakpadhö ꞊dhɛ mang ‑dɩ 'pö 'ma 'dhang bho kwa Dëmɛ ‑wɔn "dhiʋ̈ bha, ‑ka nu n ‑gɔ 'kɔɔdhö kö 'ka ‑ya mü.» 'Yö ꞊bhɛa yi ‑dhɛ ꞊dedewo, 'yö 'yi ‑kpla 'pö‑ ‑gɔ 'yi dho.

Këwɔn ‑nu 16:34

'Yö dho Pɔdhö waa‑ Sidhasö ‑nu 'ka ö ‑gɔ 'kɔɔdhö 'yö ‑bhöpë nu‑ ‑nu ‑dhɛ. 'Yö gɔndënë bha waa‑ ‑bha 'kɔɔmɛ ‑nu ‑a ‑nu zuë" ꞊nii ‑yö ‑da ꞊dedewo ‑a ‑nu ‑bha 'dhang ‑bho Atanna "dhiʋ̈ ‑wɔn bha‑ 'gü. (꞊Dhɛ 'ö ꞊ya kë "dhʋ̈, 'yö 'wo wo yee ‑kë 'zü ‑deewo 'wo dho ‑kaso ‑kɔɔdhö.)

Këwɔn ‑nu 16:40

꞊Dhɛ 'ö Pɔdhö waa‑ Sidhasö ꞊wa 'go ‑kaso 'gü, 'yö 'wo dho Dhidi ‑gɔ 'kɔɔdhö. ꞊Dhɛ 'ö ꞊wa "yan ‑kpan 'dhang ‑bho Yesu "dhiʋ̈ ‑mɛ ‑nu 'wo mü ‑a ‑nu ‑bha, 'yö 'wo‑ ‑nu faan dɔ, 'yö 'wo go 'pödhɛ bha‑ 'gü 'wo dho.

Gadhatö 6:6

Mɛ 'wo‑ ꞊klang kë sië Atanna ‑wʋ 'ka, ‑a ‑dhɛa ‑bha ꞊dhɛ ‑a ‑mɛ ‑yö ö ꞊slɔɔpë bha‑ 'bha ꞊gbaɔ 'mɛ 'ö‑ draan‑ sië bha‑ ‑gɔ.

1 Timote 5:13

"Kɛɛ 'yö 'yaa 'to ‑zianwo ‑a do 'dhɛ bha‑ ‑bha, 'yö 'wo ‑ya mü 'zü 'wo ‑kë "tʋʋ‑ 'kpɔ ‑mɛ ‑ziisü 'ka 'yö 'waa pë 'bha kë, ‑a yaadhɛ ꞊dede 'ö‑ 'gü, yö ‑mü ꞊dhɛ ꞊wa ‑da "tʋʋ‑ bha‑ ‑bhiëë ‑ta "dhʋ̈, 'yö 'waa ‑ya "sɛnngdhö, "ɛɛn 'yö 'waa ‑ya wo "dhi "tʋng, 'yö dhiang ‑yö pa‑ ‑nu ‑ta, 'yö dhiang 'ö 'yaa‑ ‑nu zë ‑dhiang 'ka 'wo‑ ꞊gban zë, 'yö 'wo wo ‑dɩ dɔ‑ 'ka mɛ ‑nu ‑bha 'wɔn 'gü.

2 Timote 2:6

꞊Ya 'go yö ‑zë 'gü, 'kekëmɛ 'ö ꞊saan ö ‑bha ‑dhɛ ‑bha ꞊në‑ ‑dhɛ 'dhö‑ ‑bha ꞊dhɛ ‑ya ‑blɛɛsü ‑bhö. (‑Bhö i faan dɔ yö ꞊në‑ ‑wɔn 'gü kö i yë kë Yesu Klisi ‑dhɛ kö 'i‑ ꞊trɔɔn yö.)