Kodhɔsö 1:2 - NAƆ ‑SË 'SËËDHƐ

² Yi 'sëëdhɛ ya‑ ‑bɛn ‑zë kö 'yi‑ bɔ 'mɛ 'ka yi dheebhang ‑nu 'ka 'ö 'ka ‑ya ‑sü 'ka ‑dɩ ‑wɔn "dhiʋ̈ Klisi ‑bha 'ka, 'ö 'ka ‑kplü ‑sü 'ka‑ ‑bha kpɛnngkpɛnngdhö Kodhɔsö ‑pö 'gü bha ꞊në‑ ka ‑dhɛ. Yi‑ ‑dhɛ Atanna ‑gɔ kö ‑yö ö ‑bha ‑gasitɛ waa‑ ‑bha zuëwaanusü bha‑ nu ka ‑dhɛ ‑kpɛawo.

Kodhɔsö 1:2 ပူးပေါင်းရင်းမြစ်များ

Këwɔn ‑nu 9:13

'Yö Ananiasö ‑ya ‑yɔ bɔ 'ö‑ pö: «N Dëmɛ, mɛ 'gbɛ ꞊wa 'wɔn ‑nu 'ö ‑gban gɔndënë bha‑ ‑bha ‑a ‑gɛn dɔ n ‑dhɛ, 'wɔn yaa ‑nu 'ö‑ ‑kë i ‑bha mɛ ‑nu 'wo Zedhizadhɛmö ‑a ‑nu 'ka ꞊waa‑ ꞊gban pö n ‑dhɛ ‑wa!

Wlɔmö 1:7

A 'sëëdhɛ ya‑ ‑bɔ 'mɛ 'ka Atanna dhɔɔbhaamɛ ‑nu 'ka Wlɔmö ‑pö 'gü, 'ö ka ‑ya kö 'ka ‑tosɛa kë ö ‑bha kë 'gü, "ta ‑kɔ ‑së 'ka kö pö 'ya 'dho kë ka ‑bha bha ka ꞊në ka ‑dhɛ. A ‑bhɛa ‑dhɛ kö yö 'ö kwa Dë 'ka bha waa‑ kwa Dëmɛ Yesu Klisi 'ö 'dhö ‑wo dɔ "gbɩɩ‑ kö ‑wo ‑gasitɛ kë ka ‑dhɛ, kö ‑wo ‑ya ‑dɩ 'flëë‑ 'gü ‑sü wɔ ka ‑gɔ ‑a ‑ta!

1 Kodhɛngtö 1:2

Yi 'sëëdhɛ ya‑ ‑bɔ Atanna ‑bha 'kɔdhigümɛ ‑nu 'ö 'ka ‑ya ‑sü 'ka‑ ‑bha ‑ya 'gü Kodhɛngtö ‑pö 'gü, 'ö ꞊ya ka kë "slʋ̈ʋ̈slʋ̈ ö "yan 'gü kwa Dëmɛ Yesu Klisi 'saa‑ 'gü bha, waa‑ mɛ "pɛpɛ 'wo zun wo kpiö 'gü Yesu Klisi 'ö kwɛng‑ ‑nu ꞊gban kwa Dëmɛ 'ka bha‑ ‑dhɛ ‑dhɛ "wɛɛ "pɛpɛ ꞊gban 'gü bha ꞊në ka ‑dhɛ.

1 Kodhɛngtö 4:17

'Wɔn 'ö‑ 'wɔn 'gü 'yö 'a Timote bɔ ka ‑dhɛ bha 'yö bha. Timote bha ‑yö ꞊dhɛ n gbö ꞊në‑ 'dhö kwa Dëmɛ ‑bha zian ‑ta. ‑A ‑wɔn ‑yö n ‑gɔ "gbɩɩ‑. N 'dhang bho ‑sü ‑ya "dhiʋ̈ 'pö 'kpakpadhö. ‑Kɔ 'a "ta sü‑ 'ka Yesu Klisi ‑bha zian ‑ta 'ö 'ma 'dho Atanna ‑bha 'Kɔdhigümɛ ‑nu kpö 'gü ‑dhɛ "ʋʋ ‑dhɛ 'ö‑ 'gü 'a‑ ‑nu ꞊draan‑ ‑bha bha, ‑yö ‑dho ka ‑zʋ ‑bö 'ka.

Gadhatö 1:3

Kwa Dë Atanna waa‑ kwa Dëmɛ Yesu Klisi 'ö ö ‑dɩ nu kwaa‑ 'wɔn yaa ‑nu ‑wɔn 'gü, kë "dhʋ̈ kö 'ö kwa dha ‑tosɛa yaa 'ö "kpʋng ya‑ ꞊taa ‑a ‑gɔ ꞊dhɛ ‑kɔ 'ö gun‑ 'ka kwa Dë, kwa ‑bha Atanna zuë" "piʋ̈ ‑a 'dhö bha, ‑wo ‑gasitɛ waa‑ zuë" 'waanu ‑sü nu ka ‑dhɛ.

Gadhatö 3:9

'Wɔn 'ö‑ ‑wɔn 'gü 'yö 'mɛ 'wo 'dhang bho‑ "dhiʋ̈ ꞊dhɛ Ablaamö 'dhö, 'yö‑ ‑bha 'dhuë‑ ‑ya ‑nu kun bha 'yö bha.

Efɛzö 1:1

Mang Pɔdhö ‑mɛ 'ö ga Atanna 'gü kö 'ö n ‑ya Yesu Klisi ‑bha bɔmɛ 'ka bha, ma ꞊në 'a 'sëëdhɛ ya‑ bɔ 'mɛ 'ö 'ka bɔ Yesu Klisi 'ka, 'ö 'ka ‑ya ‑sü 'ka Atanna ‑bha ‑ya 'gü Efɛzö ‑pö 'gü, 'ö 'kii 'go ka ‑wʋ ‑ta bha ka ‑dhɛ.

Efɛzö 6:21

‑A 'dhɛ 'kö ‑gban ma ‑zë n ‑bha waa‑ yë ‑nu 'a‑ kë sië‑ 'dhö, kwa dheebhang dhɔɔbhaa ‑sü 'wo‑ Tisikö ‑kë 'ö ‑kë 'pö kwa Dëmɛ ‑kɔdhiʋ̈mɛ 'ö to ö ‑wʋ ‑ta ‑a do 'bha 'ka bha ꞊në dho‑ pö ka ‑dhɛ kö 'ma ‑wo 'ka ‑dhɛ 'ö‑ 'gü 'ka‑ dɔ.

Fidhipö 1:1

Mang Pɔdhö ‑mɛ yaa‑ Timote 'yi ‑kë Yesu Klisi ‑bha gwëëmi 'ka bha yi ꞊në 'yi 'sëëdhɛ ya‑ bɔ, mɛ "pɛpɛ 'ka ‑ya ‑sü 'ka ‑dɩ ‑wɔn "dhiʋ̈‑ ‑bha 'ka Fidhipö ‑pö 'gü bha, kaa‑ ka ‑gɔmɛ ‑nu waa‑ ka "dhiʋ̈ziöwomɛ ‑nu ka ‑dhɛ.

1 Piɛdhö 1:2

Ka 'sü 'ö kwa Dë Atanna ‑ya wo ö ‑bha 'ka bha ‑ya wo "dhʋ̈ ‑kɔ 'ö gun‑ 'ka‑ zuë" "piʋ̈ 'nu yi 'bha 'ka ꞊në‑ ‑bha. ‑Gasitɛ 'yaa‑ ‑bha 'Nii‑ "slʋ̈ʋ̈slʋ̈ 'ö ka 'gü bha ꞊në‑ ‑bha, 'yö 'ka Yesu Klisi ꞊bhlëë ‑ya, kë "dhʋ̈ kö 'ka kë "slʋ̈ʋ̈slʋ̈ ö wëëdhö ‑a ꞊yɔɔn 'ö ꞊wɛnng kwa ‑wɔn 'gü bha‑ 'saa‑ 'gü, 'wɔn 'ö‑ ‑wɔn 'gü 'yö 'Nii‑ 'ö "dhʋ̈ bha 'ö ka ‑ya ‑sü 'ka ‑a ‑bha ‑ya 'gü ꞊dɛɛ bha 'yö bha. Kö ‑yö ö ‑bha ‑gasitɛ waa‑ ö ‑bha zuëyagblʋ̈ʋ̈‑ bha‑ kë ka ‑dhɛ ‑kɔ ꞊gban ‑kɔ ꞊gban suu 'gü bha 'aa ‑yö kë.

2 Piɛdhö 1:2

Kö Atanna ‑yö ö ‑bha ‑gasitɛ waa‑ ‑bha zuëyagblʋ̈ʋ̈‑ 'ö‑ ‑kë 'mɛ 'wo waa‑ ö Gbö Yesu 'ö kwa Dëmɛ 'ka bha‑ ‑nu dɔ ‑a ‑nu ‑dhɛ bha‑ kë ka ‑dhɛ, kö ‑ya 'bha ‑da 'gü ‑kpɛawo bha 'aa ‑yö kë.

Zudë 1:2

Kö‑ ‑bha mɛ ‑wëëga ‑sü bha waa‑ ‑bha zuëyagblʋ̈ʋ̈‑, waa‑ ‑bha ‑dhɔ bha ‑ya 'bha ‑da 'gü ka ‑dhɛ ‑kpɛawo bha 'aa ‑yö kë!

‑Dhɛkpaɔ 1:4

Atanna ‑bha 'kɔdhigümɛ ‑nu kpö "saɔplɛ 'ka Azi ‑sɛ 'gü bha 'ma ka ꞊tua bho 'gbɛ. Mang Zan ‑mɛ ma ꞊në 'a 'sëëdhɛ ya‑ bɔ ka ‑dhɛ. Kö Atanna 'ö gun, 'ö 'dhö, 'ö yö ꞊në dho 'to ‑todhʋ̈ 'ka waa‑ 'nii‑ "saɔplɛ 'wo dɔ sië‑ ‑bha ‑gblüdëdhɛ ‑gbloo wëëdhö bha, waa‑ Yesu Klisi 'ö‑ "sɛɛ‑ 'ö 'yaa ‑wʋ ꞊plɛ pö, 'ö‑ ‑wʋ "dhiʋ̈ ꞊loo kwa ‑bha ꞊dhɛ ‑kɔ 'ö ö ‑wʋ kpɔ‑ 'ka‑ ‑bha ‑a 'dhö, 'ö yö ꞊në 'mɛ ꞊wa ga ‑a mɛ ‑blɛɛsü 'ö go ga 'gü 'ö ‑bö ‑a 'ka, 'ö yö ꞊në ‑gblüdë "pɛpɛ 'wo "kpʋng ꞊taa ‑a ‑nu ꞊gban ‑bha ‑gblüdë 'ka bha ‑wo ‑gasitɛ kë ka ‑dhɛ, kö ‑wo zuëwaanusü nu ka ‑dhɛ bha 'aa ‑yö kë. Yesu Klisi bha ꞊në kwa ‑dhɔ ‑ya ‑kë, 'yö dho 'yö ga kwa ‑wɔn 'gü kë "dhʋ̈ kö 'ö kwa bho 'wɔn yaa kë ‑sü ‑gɔ ꞊dhuëngdhɛ 'gü 'ö ꞊yɔɔn 'ö ꞊wɛnng kwa ‑wɔn 'gü bha‑ 'ka.