Këwɔn ‑nu 5:4 - NAƆ ‑SË 'SËËDHƐ

⁴ De ꞊në faan ‑wɔ i ‑ta kö 'i i ‑bha ‑dhɛ bha‑ "dhɔɔ dɔ? "Ɛɛn ‑a 'wëëga bha i ‑bha 'yaa ‑mü ‑ee? ‑Më ꞊në ‑kë 'yö "slë suu bha 'ö ‑da i 'gü? ꞊Sua bha 'bhii‑ kë mɛ "bhɩɩ‑ ‑zë ‑dhɛ, i‑ ‑kë Atanna ꞊në‑ ‑dhɛ bha, (i ‑dho ‑a ‑dhɛ yö).»

Këwɔn ‑nu 5:4 ပူးပေါင်းရင်းမြစ်များ

Këwɔn ‑nu 5:3

꞊Dhɛ 'ö ꞊ya kë "dhʋ̈ 'yö Piɛdhö ‑ya pö‑ ‑dhɛ: «Ananiasö, ‑më ꞊në ‑kë 'yö 'i ‑wɩ ‑bha 'yö Sɔtraan ‑yö ‑ya i zuë" 'gü 'yö 'i ꞊sua ‑kë 'Nii‑ "slʋ̈ʋ̈slʋ̈ ‑dhɛ, 'yö ‑dhɛ 'i‑ "dhɔɔ dɔ bha 'i‑ 'wëëga 'bha ‑gblɛn kpɔ?

1 Tesadhonikö 4:8

‑A kë "dhʋ̈ ‑sü bha‑ 'gü, mɛ "ʋʋ mɛ 'ö 'yii ‑dhio 'a‑ dɔ ka ‑ta bha‑ ma, kö 'yii ‑kɔ mɛ "bhɩɩ‑ ‑zë ‑wʋ 'ka, kö Atanna 'ö ö ‑bha 'Nii‑ "slʋ̈ʋ̈slʋ̈ ꞊gbaɔ ka ‑gɔ bha ꞊në‑ ‑mɛ ‑yö ‑kɔ ‑wʋ 'ka bha.

Këwɔn ‑nu 5:9

'Yö Piɛdhö ‑ya pö‑ ‑dhɛ: «‑Më ꞊në ‑kë 'yö 'ka ka zü ma 'kʋʋ kö 'ka Atanna ‑bha 'Nii‑ 'gü dan? ‑Dhɛ ‑ga, 'mɛ 'wo 'go sië i ‑gɔn bun bho ‑dhɛ 'gü ꞊wa ꞊loo 'kɔ "kpan "dhiʋ̈, ‑wo ‑dho 'dho bhii ‑dɩ 'pö i 'ka.»

Dhukö 10:16

꞊Dhɛ 'ö ꞊yaa‑ pö "dhʋ̈, 'yö go mü 'zü 'ö‑ pö ö bha ꞊klang ‑nu bha‑ ‑nu ‑dhɛ 'ö‑ pö: «꞊Ya kë ꞊dhɛ 'ka 'dho mɛ 'ö ꞊ya "tʋ 'to ka ‑wʋ ‑bha kö ꞊ya "wɩ ma ꞊në n ‑wʋ ‑bha bha, ‑ɛɛ 'mɛ 'ö ‑kɔ 'zü ka ‑wʋ 'ka kö ‑yö ‑kɔ ma ꞊në n ‑wʋ 'ka bha, 'sa kö‑ ‑mɛ ‑yö ‑kɔ 'pö 'mɛ 'ö n bɔ ꞊në‑ ‑wʋ 'ka bha.

Zakö 1:15

Zuë" ‑bhɔ 'wɔn ‑bha ‑sü bha ꞊në ꞊ya ‑da mɛ 'gü, kö mɛ ‑ya gba ‑yɛa 'ka, 'yö ‑yaan ‑da mɛ zuë" ‑bha, 'yö dho 'yö bho‑ 'gü 'wɔn yaa kë ‑sü 'ka. ‑A 'wɔn yaa bha ꞊në mɛ ꞊ya 'to‑ kë ‑sü ‑bha, 'yö‑ ‑mɛ ‑gɔ ‑yö to‑ ‑bha.

Fidhemɔ 1:14

"Kɛɛ 'yaa n "piʋ̈ ꞊dhɛ a‑ ‑kë "dhʋ̈ kö 'mii‑ pö i "yaan. ‑A ‑gɛn ‑mü ꞊dhɛ 'yaa n "piʋ̈ ꞊dhɛ 'bha‑ pö 'i 'wɔn ‑së kë n ‑dhɛ, 'i‑ kë ꞊dhɛ 'wɔn 'ö‑ "sɩ ꞊në 'yaa i ‑dhɛ ‑a 'dhö, "kɛɛ ‑yö ga bhii ꞊dede ꞊në i 'gü, kö 'ya 'dho kë ꞊dhɛ ꞊wa faan wɔ mɛ ‑ta.

1 Kodhɛngtö 8:8

'Sa ‑bhöpë ‑zian 'ö "dhʋ̈ kö ‑yö kë ꞊dhɛ 'mɛ 'ö ꞊yaa‑ ‑bhö ‑ya ‑mɛ ‑wɔn "dhia ‑ma Atanna 'gü ‑sü 'bha ꞊në‑ ‑da 'gü 'yaa ‑mü. 'Kwa‑ ‑bhö, kwa 'bha 'yaa ‑da ‑ta, "ɛɛn 'kwii‑ ‑bhö, kwa 'bha 'yaa "kan‑ ‑ta. ‑Kɔ do 'kwa‑ ‑bha 'yö 'kwa dho 'to‑ ‑bha Atanna wëëdhö.