Këwɔn ‑nu 5:2 - NAƆ ‑SË 'SËËDHƐ

² ‑A 'wëëga bha 'yö Ananiasö ‑ya 'bha ‑gblɛn kpɔ kö ‑yö 'to wo ‑gɔ, 'yö‑ ‑kpɛa sü ö dho‑ 'ka Yesu ‑bha bɔmɛ ‑nu ‑dhɛ kö waa‑ ‑bha dhebhɔ ‑a ‑nu "yaan ‑wɔn ‑yö 'ko "yaan.

Këwɔn ‑nu 5:2 ပူးပေါင်းရင်းမြစ်များ

Matiö 23:5

‑Wo wo ‑bha 'wɔn ꞊gban ‑wɔn ꞊gban ‑kë kö mɛ "bhɩɩ‑ ‑nu ꞊në ‑wa ‑nu yö. Yö ꞊në‑ ‑wɔn 'gü 'yö 'wo Atanna ‑wʋ "kplükplü ‑nu ‑bɛn zë 'sëëdhɛ ‑ta, 'yö 'wo‑ ‑da wü kwi "gbɛagbɛa ‑nu 'gü, 'yö 'wo‑ ‑ya wo ‑kpong "dhiʋ̈ ‑dhɛ ‑nu waa‑ wo ‑gbe ‑bha ‑dhɛ ‑nu 'gü, 'yö‑ ‑nu ‑bha ꞊gbauu‑ ‑nu "sɛɛ 'dhö ‑kë ꞊gblɛɛngblɛɛn.

Naɔ ‑së 'ö ‑gban Yesu Klisi ‑bha 'ö Zan ‑ya pö 12:6

"Kɛɛ kö ‑a pö 'ö‑ wo "dhʋ̈ bha‑ ‑gɛn 'yii kë ꞊dhɛ ‑yö ‑ya ‑sü ꞊në‑ 'ka ‑wëëmɛ ‑nu zuën ‑ta "gbɩɩ‑, "kɛɛ ꞊dhɛ 'ö ‑kë ꞊dhɛ ‑yö ꞊kwaan ‑bho bha kë "dhʋ̈ kö 'ö‑ ꞊kwaan; ‑a ‑gɛn ‑mü ꞊dhɛ ‑a ‑nu ‑bha ‑naɔ ‑duɛ bho ‑sü ‑gun yö ꞊në‑ "piʋ̈.

Këwɔn ‑nu 2:44

'Dhang ‑bho Yesu "dhiʋ̈ ‑mɛ ‑nu ‑gun wo kpö 'ka "dhʋ̈ do, 'ö‑ ‑nu ꞊slɔɔpë ꞊gban‑ gun do.

Këwɔn ‑nu 4:37

‑Yö ö ‑bha 'bhlaa‑ do "dhɔɔ dɔ ‑kɔ bha ꞊në‑ 'gü 'yö nu‑ 'wëëga 'ka Yesu ‑bha bɔmɛ ‑nu ‑dhɛ.

Këwɔn ‑nu 5:1

"Kɛɛ 'yö gɔndënë do 'wo‑ ‑dhɛ Ananiasö, 'wo‑ ‑bha dhebhɔ ‑dhɛ 'pö Safiidha bha 'wo ꞊mɔɔ‑ 'gü, 'yö 'wo wo ‑bha ‑dhɛ do "dhɔɔ dɔ.

Këwɔn ‑nu 5:3

꞊Dhɛ 'ö ꞊ya kë "dhʋ̈ 'yö Piɛdhö ‑ya pö‑ ‑dhɛ: «Ananiasö, ‑më ꞊në ‑kë 'yö 'i ‑wɩ ‑bha 'yö Sɔtraan ‑yö ‑ya i zuë" 'gü 'yö 'i ꞊sua ‑kë 'Nii‑ "slʋ̈ʋ̈slʋ̈ ‑dhɛ, 'yö ‑dhɛ 'i‑ "dhɔɔ dɔ bha 'i‑ 'wëëga 'bha ‑gblɛn kpɔ?

Këwɔn ‑nu 5:8

'Yö Piɛdhö ‑ya dhɛɛ" kpɔ 'pö 'ö‑ pö: «‑Bhö tɛan‑ ‑dhiang zë n ‑dhɛ, Safiidha, 'wëëga 'ö 'ka ka ‑bha ‑dhɛ bha‑ "dhɔɔ dɔ‑ ‑bha bha‑ ꞊gban ꞊në ya ‑ee?» 'Yö‑ pö‑ ‑dhɛ: «꞊Iin, ‑a ꞊gban ꞊në bha.»

Fidhipö 2:3

Kö 'wɔn "ʋʋ 'wɔn 'ka dho‑ kë, kö 'ka 'dho‑ 'bha kë ꞊drɔ 'ka, "ɛɛn ‑dɩ ‑sü 'kpii‑ ‑sü 'ö‑ ‑zundhiʋ̈bhlɔɔ 'yaa 'dhö bha‑ 'ka. "Kɛɛ kö 'ka ka ‑gɔ 'dho "sia‑ ka 'ko ‑dhɛ, kö 'ka mɛ "wɛɛ ‑nu fië‑ bho ka ‑dɩ ‑bha!

1 Timote 6:10

‑A pö 'a‑ wo "dhʋ̈ bha‑ ‑gɛn ‑mü ꞊dhɛ 'wëëga ‑dhɔ bha ꞊në 'wɔn yaa ꞊gban "pɛpɛ suu ‑gɛn 'go ‑dhɛ 'ka. 'Wëëga ‑dhɔ bha ꞊në mɛ 'bha ‑nu 'wo zë‑ ‑dhɛ 'yö 'wo wo ‑dɩ ‑dhɛng, 'yö 'wo bo ‑zʋ ‑yö Atanna ‑dhɛ ‑sü 'ka, 'yö 'wo ‑kan ‑bha, 'yö 'wo wo ‑dɩ ‑da ‑sü 'ka saan" ‑ziisü 'gü.»