Këwɔn ‑nu 1:3 - NAƆ ‑SË 'SËËDHƐ

³ ꞊Dhɛ 'ö ꞊ya 'go ga 'gü, ‑yö ö ‑dɩ ‑zɔn ‑nu ‑dhɛ ‑gɛn ‑yan 'gbɛ ꞊dede 'ka ‑dhɛkpaɔyi ‑kaɔng ‑yiisiö 'ka 'yö‑ ‑zɔn ‑nu ‑dhɛ ꞊dhɛ 'ö "yaan. ‑Wo wo "yan ‑kpan ‑bha 'pö 'ö 'wɔn 'ö ‑gban Atanna ‑bha ‑gblüdëdhɛ ‑bha 'ö‑ pö‑ ‑nu ‑dhɛ.

Këwɔn ‑nu 1:3 ပူးပေါင်းရင်းမြစ်များ

Matiö 21:43

'Yö‑ pö‑ ‑nu ‑dhɛ 'zü 'ö‑ pö: «Yö ꞊në ‑wɔn 'gü 'yö 'a‑ pö ka ‑dhɛ ꞊dhɛ: Atanna ‑dho ö ‑bha ‑gblüdëdhɛ bha‑ 'sü (Zuifö ‑nu) ka ‑gɔ 'ö‑ nu mɛ "wɛɛ ‑nu 'wo ꞊mɔɔ‑ ‑bha 'wo‑ ꞊trɔɔn ‑së ‑kë ‑a ‑dhɛ bha‑ ‑nu ‑dhɛ.

Matiö 28:9

꞊Dhɛ 'wo 'dho sië 'wo dho "kan wo ‑ta kö Yesu ꞊ya nu dɔ‑ ‑nu ‑gɔ zian‑ ꞊yaa‑ pö‑ ‑nu ‑dhɛ: «'Ka ꞊boo mü!» ꞊Dhɛ 'ö ꞊waa‑ yö, 'yö 'wo dho 'wo zun wo kpiö 'gü‑ ‑dhɛ.

Matiö 3:2

'ö‑ pö: «‑Ka ka kwaa‑ ka kë ‑sɔng yaya ‑nu ‑zü kö 'ka ka zuë" slëë‑ Atanna "piʋ̈, ‑a ‑gɛn ‑mü ꞊dhɛ ‑a ‑bha ‑gblüdëdhɛ ꞊ya ꞊yɔɔn ka "sɔɔ!»

Matiö 4:2

'Yö ‑ziö 'ö dho mü. ꞊Dhɛ 'ö ꞊ya 'sunng‑ 'ma ‑dhɛkpaɔyi ‑kaɔng ‑yiisiö 'ka 'yënng‑ 'gü waa‑ gbeng 'gü, 'yö din‑ ‑ya kun.

Makö 16:19

꞊Dhɛ 'ö kwa Dëmɛ ‑yö ö bo ‑wʋ ‑kpɔ ö ‑bha ꞊klang ‑nu ‑bha ‑sü 'ka ꞊dhɛ ‑kɔ bha‑ 'dhö, 'yö Atanna ‑ya ꞊wlü, 'yö dho dhang‑ 'gü, 'yö dho 'ö ‑ya ‑yɛa ꞊bhlëësü 'ö Atanna ‑kɔ ‑së 'gü mü bha‑ 'gü.

Naɔ ‑së 'ö ‑gban Yesu Klisi ‑bha 'ö Zan ‑ya pö 20:26

꞊Dhɛ 'ö ‑dhɛkpaɔyi "saɔplɛ ꞊ya ziö, ‑a "saaga ‑naa bha‑ 'ka, 'yö Yesu ‑bha ꞊klang ‑nu bha 'wo bho 'zü 'ko ‑ta ‑deewo 'kɔ do bha‑ 'gü. ‑A yi 'dhɛ kö bha‑ 'ka kö Toma ‑yö mü. Kö 'mɛ 'wo bha ‑wo "kwɛɛ ta ‑sü ꞊wlöö 'pö 'zü. 'Wo dho "kan wo ‑ta kö ‑yö dɔ sië‑ ‑nu kpö 'gü mü. 'Yö‑ pö‑ ‑nu ‑dhɛ 'zü ‑deewo 'ö‑ pö: «Zuëyagblʋ̈ʋ̈‑ ‑yö kë ka ‑gɔ!»

Naɔ ‑së 'ö ‑gban Yesu Klisi ‑bha 'ö Zan ‑ya pö 21:1

꞊Dhɛ 'ö ꞊ya kë "dhʋ̈ 'ö yi do 'bha 'ka 'zü, kö‑ ‑bha ꞊klang ‑nu bha‑ mɛ "saɔplɛ 'ö‑ mɛ do‑ ‑kë Simɔ Piɛdhö 'ka, 'ö‑ mɛ do‑ ‑kë Toma 'ka 'ö 'wo‑ 'tɔ kpɔ Didimö bha waa‑ Natanaɛɛ 'ö go Kana, Gadhidhe ‑sɛ 'gü bha waa‑ Zebede gbö ‑nu, waa‑ ‑bha ꞊klang ‑nu bha‑ mɛ "wɛɛ ꞊plɛ ‑wo piʋ̈" ‑da sië "yitagbɛa 'wo‑ Tibedhiadö ‑yi ‑kë bha‑ ꞊bhaa, 'yö Yesu ‑yö ö ‑dɩ ‑zɔn 'zü ‑dee wo‑ ‑nu ‑dhɛ. ‑Kɔ 'ö ö ‑dɩ ‑zɔn 'ka ‑kaa ‑ga 'ö ya:

Naɔ ‑së 'ö ‑gban Yesu Klisi ‑bha 'ö Zan ‑ya pö 21:14

'Go 'ö Yesu ‑ya wo ga 'gü bha‑ ‑bha ö ‑dɩ ‑zɔn ö ‑bha ꞊klang ‑nu ‑dhɛ ‑kɔ ‑yaaga ‑naa ꞊në gun bha.

Këwɔn ‑nu 13:31

'yö ö ‑dɩ ‑zɔn 'mɛ 'wo gun‑ ꞊keng‑ 'wo go‑ 'ka Gadhidhe ‑sɛ 'gü 'wo dho‑ 'ka Zedhizadhɛmö bha‑ ‑nu ‑dhɛ ‑dhɛkpaɔyi 'gbɛ ꞊dede 'ka, 'mɛ 'wo "dhʋ̈ bha ꞊në 'wo‑ "sɛɛ‑ 'ka ꞊taamasü ya‑ 'gü, 'yö 'wo Yesu ‑dhiang zë sië Izraɛdhö ‑sɛgümɛ ‑nu ‑dhɛ.

Këwɔn ‑nu 19:8

'Yö Pɔdhö ‑yö dho Zuifö ‑nu ‑bha ‑bhɔ "kwëë ‑kɔ 'gü 'ö dhiang zë ‑zʋgbandhe 'ka. 'Yö 'wɔn 'ö ‑gban Atanna ‑bha ‑gblüdëdhɛ ‑wɔn ‑bha ‑a ‑dhiang zë‑ ‑nu ‑dhɛ "su ‑yaaga 'ka, kö ‑ya "slë mɔɔ‑ sië ö zë ‑dhiang ‑nu 'gü kö mɛ 'ö dhiang zë sië‑ ‑nu ‑dhɛ bha ‑wo 'dhang bho ‑wʋ ‑nu 'ö‑ pö sië‑ ‑nu ‑dhɛ bha‑ "dhiʋ̈.

Këwɔn ‑nu 28:23

'Yö waa‑ Pɔdhö ‑nu 'wo yi do kpɔ wo 'ko ‑gɔ. ꞊Dhɛ 'ö yi bha ꞊ya ꞊loo, 'yö mɛ kpö 'gbɛ 'wo nu Pɔdhö ꞊yëë "dhiʋ̈. 'Yö sü dhia" "piʋ̈ ‑bha, 'ö dho 'ö zun‑ 'ka yɛan" "piʋ̈ ‑bha, 'yö Pɔdhö ‑yö 'wɔn ‑nu 'wo ‑gban Atanna ‑bha ‑gblüdëdhɛ ‑bha ‑a ‑gɛn pö‑ ‑nu ‑dhɛ. 'Yö‑ "slë ꞊mɔɔ 'pö kö ‑wo (Yesu dɔ ꞊dhɛ 'mɛ 'ö Atanna ‑ya ‑ya ‑a ‑nu dhamɛ 'ka ‑a 'dhö, kö ‑wo) "wɩ‑ ‑wɔn ‑bha, 'yö bɔ‑ 'ka Moizö ‑bha 'tɔng‑ 'sëëdhɛ ‑ta, 'yö dho 'yö ‑wo 'ka Atanna ‑wʋdhiʋ̈loomɛ ‑nu ‑gɔ 'sëëdhɛ 'gü.

Këwɔn ‑nu 28:31

'Yö Atanna ‑bha ‑gblüdëdhɛ ‑wɔn ‑dhiang zë‑ ‑nu ‑dhɛ, 'yö 'wɔn 'ö ‑gban kwa Dëmɛ Yesu Klisi ‑wɔn ‑bha bha 'ö mɛ ꞊draan‑ ‑bha ‑zʋgbandhe waa‑ ‑pʋtaasü 'ka.

Këwɔn ‑nu 8:12

"Kɛɛ ꞊dhɛ 'ö Fidhipö ꞊ya 'wɔn ‑taɔng ‑së 'ö ‑gban Atanna ‑bha ‑gblüdëdhɛ waa‑ Yesu Klisi ‑bha bha‑ ‑dhiang zë‑ ‑nu ‑dhɛ, 'yö gɔɔn‑ ‑nu waa‑ dhong ‑nu 'bha ‑nu 'wo 'pödhɛ bha‑ 'gü bha 'wo 'dhang bho‑ "dhiʋ̈, 'yö 'wo‑ ‑nu ‑bɔ Yesu 'ka ‑zu bho.

Wlɔmö 14:17

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Atanna ‑bha ‑gblüdëdhɛpö bha, ‑a ‑wɔn 'yii ‑gban ‑bhöpë 'waa müpë ‑zë ‑bha. ‑Yö ‑gban "ta ‑kɔ ‑së 'ö pö 'aa‑ ‑bha, ‑ya ‑dɩ 'flëë‑ 'gü ‑sü waa‑ ꞊niidadhe 'ö‑ ‑bha 'Nii‑ "slʋ̈ʋ̈slʋ̈ ‑ya nu mɛ ‑dhɛ bha ꞊në‑ bha.

Kodhɔsö 1:13

Yö ꞊në kwa "vlʋ dɔ 'wɔn yaa ‑gɔ 'yö kwa ‑kɔ bho Sɔtraan ‑gɔ kpö ꞊wlöö, 'yö kwa bɔ ö Gbö 'ö‑ ‑dhɔ ‑ya ‑kë "mlümlüsü bha‑ ‑bha mɛdhɛ 'gü,

1 Tesadhonikö 2:12

'Ö 'yi ka faan dɔ, 'ö 'yi kpa ka ‑zʋ ‑ta, 'ö 'yi ‑dhio dɔ ka ‑ta glɔglɔdhö kë "dhʋ̈ kö ka "ta ‑kɔ ‑yö dhi Atanna ‑dhɛ; ‑a ‑gɛn ‑mü ꞊dhɛ yö 'ö bha ꞊në ka ‑dhɛ sië ‑tosɛa ‑kë 'tɔbhɔdhe 'gü ‑sü 'ka ö ‑gɔ ‑gblüdëdhɛpö 'gü.

1 Zan 1:1

'Sëëdhɛ ya yi‑ ‑bɔ ka ‑dhɛ 'mɛ 'ö ‑tosɛa ‑kë ‑bha ‑wʋ 'ka, yö 'ö gun kö pë "ʋʋ pë 'bha 'yaa 'dhö kö yö ‑zë ‑yö ‑dhö bha ꞊në‑ ‑wɔn 'gü, Kë "dhʋ̈ kö 'ka‑ dɔ. Yi 'ö 'yi 'sëëdhɛ bɔ sië ka ‑dhɛ "dhʋ̈ bha yi ‑zë yi kë‑ ‑wʋ ‑ma yi "tʋ 'ka, 'ö yi "yanga ꞊plɛ ‑ya yö, 'ö 'yi‑ ‑ga, 'ö yi ‑kɔ ‑yö zun‑ ‑bha. 'Mɛ 'ö bha ꞊në 'ö 'mɛ 'ö Atanna ‑wʋ 'ö ꞊sii 'ö 'yaa yën ‑a ‑da mɛ 'gü ‑a 'ka.